يااااااااااااااااااااا ولدى <3

احل سفك دمي ب الاشهر الحرمي

كنت فين من زمان ؟
منتظر اجابه .😄

كلمات : احمد فؤاد نجم
    الحان : الشيخ امام



مصر ياما يا بهية

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا و ضفه و نهر و مراكب

و رفاق مسيرة عسيرة و صورة حشد و مواكب

ف عيون صبية بهية عليها الكلمة و المعنى

مصر يا امّة يا بهية يام طرحة و جلابية

الزمن شاب و انتي شابة هو رايح و انتي جاية

جايه فوق الصعب ماشية فات عليكي ليل و مية

و احتمالك هو هو و ابتسامتك هي هي تضحكي للصبح يصبح

بعد ليلة و مغربية تطلع الشمس تلاقيكي معجبانية و صبية

يا بهية الليل جزاير جزاير

يمد البحر يفنيها و الفجر شعلة ح تعلا و عمر الموج ما يطويها و الشط باين مداين

عليها الشمس طوافة ايدك في ايدنا

ساعدنا دي مهما الموجة تتعافى

بالعزم ساعة جماعة و بالأنصاف نخطيها

مصر يا امّة يا سفينة مهما كان البحر عاتي

فلاحينيك ملاحينيك يزعقوا للريح يواتي

اللي ع الدفة صنايعي و اللي ع المجداف زناتي

و اللي فوق الصاري كاتب كل ماضي و كل آتي

عقدتين و التالته تابتة تركبي الموجة العفية

توصلي بر السلامة معجبانية و صبية.. يا بهية

و يعود كلامنا في سلامنا يطوف ع الصحبة حلواني عصفور محني يغني

على الأفراح ومن تاني يرمي الغناوي تقاوي

تبوس الأرض تتحنى تفرح و تطرح و تسرح

و ترجع تاني تتغنى اللي بنى مصر كان في الأصل حلواني

الشيخ امام - مصر ياما يابهيه (جوده عاليه | Sheikh Emam - Masr Yama Ya Bahya (HD)

دهشان قصيدة يا من يرى أدمعي

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

مسافر - كلمات: أحمد فؤاد نجم

آدى أيّـــــــام العجـــــــب والمـــــــوت
جـــات بســـرعه زى غمضـــة عـــين
ليــــه ماقلــــتش زىّ لمْـــــح البَصَــــر
كنـــــت باتقلّـــــب علـــــى الجنبــــــين
والكــــابوس مـــن كـــل جنــب يجيبنى
زىّ أعمـــــى يحـــــسّ لمـــــّا يجــــسّ
ألقـــــى نفســــــى والاّ اشوف نفســـى
بالتفـــــــت مـــــــن آخـــــــر الــــــدنيا
الحميـــــــر بتجرجـــــــر العَربَـــــــات
الســـما اللــــى تحـــت منهـــا حابــات
عنــــد كـــوبرى أبـــو العـــلا بتشـــتى
أنكمــــش فــــى جتّتــــى مـــن البـــرد
لسّــــه حــارجع طفـــل تحـــت المطــر
وأنحنـــى ع الأرض وافضــل عجـــوز
اتوهمـــت الخـــوف دهســـنى الخطــر
كـــــل شـــــئ إلا الخيانــــــه يجـــــوز
ألـــبس التـــوب اللـــى مــــش تـــوبى
أعمـــل الممكـــــن مــــع المســــتحيل
أمشـــــى زى الخنفســـــه و البــــــــد
جنــب حيطــــه فـــى ركـــن ع الســـلّم
الحجـــــــــر الاصـــــــــفر بيتــــــــــألّم
فيـــه أثـــر للعشـــره مهمــــا تهــــون
أقبـــل الظلـــم اللـــى فــــى الأشــــياء
والليـــــــالى بخـــــــدّها المـــــــدهون
والحيــاه والنــاس وحتــى فى نفســى
واقـــرا فـــى الجرنـــال كـــلام تــــانى
وانتقـــل فـــى الماضــــى واســـتغرب
وابكــــــى ع المســــــتقبل الفـــــــانى
واحمــــل الضلمــــه علــــى عينـــــىَّ
وانتبـــه مــن نـــومى واســـمع نعــى
الزميـــــل جـــــوده ســــعيد الـــــديب
إســـمه بالكامـــل يـــا فجـــر الطيـــب
اللــــــى ضــــــاعت مَّنــــــى أيّامـــــه
وآدى أيّـــــــام العجــــــب والمــــــوت

أيام العجب و الموت (جودة سعيد الديب)- بصوت فؤاد حداد

Mission: Impossible Theme (Tiësto Remix)

هذه قصيدة "محمد عبيد"(الأميرالاى محمد عبيد لعب دورا هاما في الثورة العرابية, و استشهد في معركة التل الكبير) لفؤاد حداد بصوته

((محمد عبيد))
زرع الأمل والامانى له تاريخ وأصول
احمد عرابى ربط فوق الليالى خيول 
ساعة ما بتشب يلقاها القمر مذهول
يلقى انتباه البروجى وزهرة الأرغول 
والملحمة الفلاحة والبدوية 
بنت العرب فى ساحة الفداوية
أم العيون الندية تلتفت وتقول 
شوف البطل 
الفارس المصرى الشهم
زارق من الدوامة زى السهم 
وجبينه صاحب هم بيفكر
ويغازل النور اللى يتفجر 
أتم أوضح من هلال أبو زيد
شوف البطل اسمه محمد عبيد
اسامينا فى الشهداء طرب غالى
نوارة الأيام وحنتها
وعصرت قلبى لما غنتها
شوف البطل
مصرى وشفايفه تشبه الوليفين
والأرض قايمه معاه على الجنبين
والأمهات بحرى البلاد تناديه
دهب الحريم عيط عشان يفديه
لأجل الولاد خلى البطل يضرب
يكسر صفوف الإنجليز يضرب
يا بنايين نضرب معاه الطوب
الفجر لمحمد عبيد مكتوب
في الجنة عرض السيف مع دراعه
شوف البطل فى هجومه ودفاعه 
الفارس المصرى الأصيل الحر
يرجع على التل الكبير ويكر 
رمق الشهادة فى الطريق المر
يفضل على طول الزمن منصور
وما يتقلعشى من السلاح والمهر 
ولا من شبابه لحد نفخ الصور
الملحمة أخلد من التماثيل 
كان حى ماله فى الشجاعة مثيل
كان جسم فى تراب الوطن مثواه
كان قلب كل المؤمنين جواه
عظم شهيدك كل دم يسيل
على ارض مصرية عظيم الجاه
قول كل حرف فى اسمه وأتهجاه 
محمد عبيد
والاوله غنى الأمل وجهاده
والتانية واصل غنوة استشهاده
والتالته علمها الولاد يتهادوا 
سيرة محمد عبيد المصرى فى الفرسان
واعزف على كل آلة وقول بكل لسان
ايمانى بالنصر قوة مصر بالإنسان

http://www.facebook.com/Haddad.ElTo7fageyya

قصيدة أسامينا في الشهداء  - فؤاد حداد

Black Theama - Ensan بلاك تيما - انسان

زمان لما افترقنا..
ليل الطريق سرقنا
وتهنا في المسالك
أنا المجروح
وأنتي
حزينة زي ما أنتي
عنيدة في امتثالك
تعبنا ياحبيبتي.. 
تعبنا م العناد
طريق ضايع فرقنا..
وتهنا في البلاد
مع انك ياحبيبتي..
حياتك في الوداد 
وانا ظلك و عارف..
نهايتي في البعاد
عذابك وحشني.. 
وعشقك هبشني
وقلبك فرشني..
جناين وقمرة
راجع لك ياسمرا

أهيم شوقا - زمان لما افترقنا (تسجيل نادر)

أحمد التوني - فلامنكو صوفي

الأذان مع ترنيمة مريم -تانيا قسيس

أبكي على شجني  من فُرقتي، وطني
طوعا، ويسعدني بالنوح أعداي
فكيف أصنع في حبّ كَلِفتُ به
مولاي، قد ملّ من سقمي أطبّاي
قالوا: تداوى به، منه. فقلتُ لهم:
وهل يتداوى الداء بالداي
حبّي لمولاي أضناني وأسقمني
فكيف أشكو إلى مولاي مولاي؟؟

عايز أرجع، يا شمسي
وألقى ماضيّ منسي
أرجع أكون نفسي
أكون إنسان
من غيرك أقوى مني
أقوى من اللي بيبعدني
ويردني، يا رب، للإيمان


تلبية الحلاّج- الشيخ زين محمود وجانين زكي

A track of my new album with Maii Waleed called "Moga"
Lyrics and music Maii Waleed 
Produced by Zeid Hamdan 
Publishing and co production MOKA MUSIC France.
check our wesite for other tracks , concerts , and videos 
www.maiiandzeid.wordpress.com



Hassafer baeed

صباح  الخير يا عم مجاهد , ايه ؟ انت لسه برضه زعلان منى ؟ يا عم مجاهد انت ظالمنى , و رحمه ابويا انت ظالمنى , انت عارف المعلم عطيه كان بيدفع ايجار للقهوه كام كل شهر ؟ خمسه جنيه و ستين قرش وايجار الشقه كان بيروح للميه , والمرتب عملت توكيل لأمى تقبضه كل أول شهر عشان مصروف البيت بتكلمنى عن اايه ؟ عن الحشيش ؟ الحشيش ده هو الذنب الوحيد اللى فى حياتى بعد ما ماتت ام يوسف , مكانش عندى حتى بنى ادم اكلمه انا بكلم الناس حوالين الجوزه , بفضفض بضحك و اغنى فى قعده حلوه لغايه ما اموت بيت ايه اللى انت بنيته مع ابويا طوبه طوبه ؟ كنت فين انت ياعم مجاهدد ؟ قدرت تعمل ايه ؟ لما مرات ابويا خدت الشقه و ادتها لولادها ؟ ها ؟ عملت ايه ؟ الحكايه مش حكايه البيت ياعم مجاهد , المشكله مشكله الناس اللى عايشه و لازم تعيش متظلمنيش يا عم مجاهد , لا مؤاخذه يعنى مغرفه الفول اللى كانت بمليم , بقت بنص ريال , سلام عليكم سامحنى يا عم مجاهد .

يا عم مجاهد انت ظالمنى , و رحمه ابويا انت ظالمنى

الشيخ إمام -الخط ده خطى

Black Theama - Fe Belad El Ay Haga | بلاك تيما - في بلاد الأي حاجة
Video : http://www.youtube.com/watch?v=9vqz-c5Lkyc
فى بلاد الأى حاجة .. نهارنا حاجة وليلنا حاجة
واللى سرق الصبح كله .. عمل بريء من كل حاجة 
الجعان ما أكلش حاجة .. فالحقوق مابقتش حاجة
يعني ناس محتاجة تاكل .. أصل حاجة تنسي حاجة

فى بلاد الأى حاجة
قدرت مرة وقلت حاجة
الحكومات دايماّ بتسرق
والشعوب ماخدتش حاجة
إكتشفت إن ضد الكلام ده ناس كدابين
خايفين على القرشين , فباعوا الغلبانيين
صدقونى حب الناس ده هو الكنز والمدد
مش إنى انافق حد بيحرق ف البلد
جدى مرة قالى حكمة .. مش هاتتنسي
هى إنى أقول الحق .. فى وش الأسد

في بلاد الجوع و الطوع والخوف والزيف والسيف والزينة
أحنا ولاد أحزان وفساد وفشل ده احنا ولاد لازينة
من بؤس حالتنا وصحتنا وروحنا روحنا المسكينة
دقي يا مزيكة حكامنا و أرقصي أرقصي يا مدينة

فى بلاد الأى حاجة .. أبويا مرة قالى حاجة
لما قلت أنا م البلد دى .. وإنى عاشق كل حاجة
قالى يابنى بكرة تزهق .. والرغيف م العمر يسرق
أصل طول ما الناس بتقلق .. مش هاتعمل أى حاجة
فى بلاد الأى حاجة

----

Black Theama - Fe Belad El Ay Haga | بلاك تيما - في بلاد الأي حاجة
Lyrics : Mido Zoher | كلمات : ميدو زهير
Rap : محمد عبده | Mohamed Abdo
Tones : Amir Salah El-Deen | الحان : أمير صلاح الدين
Music Arrangement : Fady Badr | توزيع موسيقي : فادي بدر
Sound Engineering & Mixing : Eng. Maher Salah | هندسة صوت و مكساج : م. ماهر صلاح
Sound Engineering (Strings) : Eng. Mohamed Ismail | هندسة صوت (وتريات) : م. محمد إسماعيل
# Download MP3 - High Quality [320 kbps] : http://www.mediafire.com/listen/cbhxld6rl0e8hc7/Black_Theama_-_Fe_Belad_El_Ay_Haga.mp3

Strings : Ashraf Sayed Ragab | وتريات : أشرف سيد رجب
Guitar | جيتار : Weka
Black Theama's Management : Taimour Sameh | إدارة اعمال : تيمور سامح
Produced by : Black Theama | إنتاج : بلاك تيما
Video by : Victory Link | فيديو : فيكتوري لينك
http://www.youtube.com/watch?v=9vqz-c5Lkyc


-----
 # Facebook : http://www.facebook.com/BlackTheama 
 # Twitter : http://twitter.com/Black_Theama 
 # YouTube : http://www.youtube.com/BlackTheamaBT 
 # Instagram : http://instagram.com/BlackTheama 
 # Mohamed Abdo Page : http://www.facebook.com/MohamedAbdoBT
# Ahmed Bahr Page : http://www.facebook.com/AhmedBahrBT
# Amir Salah El Deen Page : http://www.facebook.com/AmirSalahBT

http://www.facebook.com/BlackTheamaBand
http://www.facebook.com/BlackTheamaOfficial

 # Vimeo : http://vimeo.com/BlackTheama 
# Daily Motion : http://www.dailymotion.com/BlackTheama 
 # Keek : https://www.keek.com/BlackTheama 
# DuDu : http://dudu.com/BlackTheama 

دهشان قصيدة يا من يرى أدمعي

Mohamed Tiago

Recent comments

athar yousif

Essam Soliman

Mhmed Mhfouz

Ahmed Omar

Related tracks