Salah Jaheen

كان لي أخ.. رُفَقا في السرا وفي الضرا وفي الثورة.. وفي الحلوة وفي المرة.. سنين وسنين.. نقول ونقول ومانبطلش جَخ.. كان لي أخ.. ننحبس مانقولش آه.. ننضرب مانقولش آخ.. أحلى لحظات التعاسة.. علمتنا الزنازين.. وإحنا جاهلين في السياسة.. بس لينا في الحنين.. لأمل يكشف ظلومة المظلومين.. تقدروا تسمونا عشاق للمبادىء.. كان لي أخ.. كنت أنا مؤمن بصدقه.. وهو مؤمن إني صادق
أذكروني لما تصطادني الأيادي .

عبد الرحمن الأبنودي - كان لي أخ

 ليه يا حبيبتي ما بينا دايماً سفر ؟!
ده البعد ذنب كبير لا يغتفر  
ليه يا حبيبتي ما بينا دايما بحور ؟!
أعدي بحر ألاقي غيره اتحفر  

عجبي 

صلاح جاهين 

سيد مكاوي - ليه يا حبيبتي ؟!  - رباعيات صلاح جاهين

إعداد إذاعى لرواية " الحرافيش" لنجيب محفوظ
  الإعداد الدرامي و الحوار: فراج إسماعيل
  موسيقى: جمال سلامة
 أشعار: صلاح جاهين 
لحن و غناء: سيد مكاوي

أغنية الصهبجية غناء: هدير

للاستماع للتمثيلية الاذاعية
http://www.gemyhood.com/2013/10/blog-post_19.html

Sayed Mekawy - الحرافيش- المقدمة والنهاية - صلاح جاهين - سيد مكاوى - هدير

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته

رباعيات صلاح جاهين بصوت سيد مكاوى

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

مصر السما الفزدقي وعصافير معدية

والقلة مملية ع الشباك .. مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

شفت الجبرتي بحرافيش الحسين وبولاق

بإبن البلد ماشي زي النمس في الأسواق

بالفلاحين ع المداخل من بعيد وقريب

بالأرنؤوط بالشراكسة بكل صنف عجيب

مترصصين سور رهيب مزراق

في ريح مزراق

كأنهم لا بشـر ولا خلقـة الخـلاق

ومصر فلاحة تزرق بين رقيب ورقيب

من غير أبو الهول ما ينهض ناهضة شايله حليب

والصبح بدري الجبرتي ينام وقلمه يسيب

على اسم مصر

والمس حجارة الطوابي وادق بكعابي

يرجع لي صوت الصدى يفكرني بعذابي

يا ميت ندامة على أمة بلا جماهير

ثورتها يعملها جيشها ومالها غيره نصير

والشعب يرقص كأنه عجوز متصابي

إنهض من القبر احكي القصة يا عرابي

يطل لي رافع الطهطاوي م التصاوير

شاحب ومجروح في قلبه وجرح قلبه خطير

وعيونه مغرورقين بيصبوا دمع غزير

على اسم مصر

مالك سلامتك بتبكي ليه يا طهطاوي

قال لك عرابي .. انكسر بسلاح أوروباوي

وسلاح أوروبا ماهواش المدافع بس

ده فكر ناقد مميز للثمين والغث

قلناها ميت ألف مرة ألف مرة بصوت جهيرداوي

بس الحماقة لاليها طبيب ولا مداوي

ولا حد م الخلق بالخطر اللي داخل حس

الغفلانين اللي خلوا العقل صابه مس

قالوا الخطر هو فكر أوروبا لو يندس

على اسم مصر

أحسنت في القول صحيح يا ولد يا متنبي

جبت اللي جوه الفؤاد عن مصر متعبى

وحكمت بالعدل لكن بعضنا انظلموا

" يا أمة ضحكت من جهلها الأمم "

العلم كان عندنا من صغره متربي

لكنه هاجر وعدى البحر متخبي

لما الإيران هجموا ثم اليونان هجموا

ثم الرومان دمروا ثم التتار هدموا

ثم الجميع كل واحد جه مسح قدمه

على اسم مصر

والديك الفصيح م البيضه بيصيح

ويقول بالصريح

الفكر فوق في الشمال

يا الله الحقوه يا ولاد

لحقوه ولاد من ولاد الأغنيا الأسياد

وهم راجعين رموه في الباخرة

في البحرونزلوا حكموا في ظل الانجليز والقصر

ومصر في الشمس بتغربل كلام منعاد

عن ابن بنت ابن حنت وطارق ابن زياد

والانجليز راضية بالخطباء وخطب الفخر

خطيب يهز الرؤوس وخطيب يهز الخصر

وخطيب يموت موتة الأبطال قتيل القهر

على اسم مصر

هل مصر موميا جميلة صورتها فوق النعش

يعشقها مجنون ينادي عليها ولا تطلعش

هل مصر نار صفصفت والنفخ فيها محال

والأرض نشعت على رمادها استحال أوصال

سألت أنا الرافعي كان عجٌز ولا بيسمعش

لكن عينيه كانوا يحكولي قصص ما اشبعش

يقولولي ماتخافش مصر بخير وعال

العال مصر الجبرتي

ومصر الرافعي حال غير الحال

انظر محمد فريد أعظم وأرقى مثا

لعلى اسم مصر

أنا اللي مشيت ادوٌر باشتياق وحنين

على مصر .. والمشي خدني من سنين لسنين

لحد ماسنيـنهـا وسنـيني بقم واحد

وعاصرتها يوم بيوم لم فاتني يوم واحد

وحضرت شاهد عيان مولد وموت ملايين

مازعلت من كلمة قد البركة في الجايين

مين هم دول يا جدع .. ما توحد الواحد

البركة فينا وفي السامعين بالواحد

أنا قلتها بنرفزة .. من غيرة الواحد

على اسم مصر

مصر الرمال العتيقة وصهدها الجبار

والنيل كخرطوم حريقه وحيد في وسط النار

في إيدين بشر نمل رايحه وجاية

ع الضفةفيهم مطافي وفيهم كدابين زفة

وفيهم اللي تعالى وقال أنا حكمدار

وكل باب م البيبان مقفول على اسرار

وكل سر بحريقة عايزة تتطفا

من أهلي تندهلي وتقوللي تعا اتدفا

أنا اللي عمري انكتب إلى يوم ما اتوفى

على اسم مصر

القاهرة في اكتئاب والأنس عنها غاب

من عتمة تدخل لعتمة كأنها ف سرداب

أو قرية مرمي عليا ضل هجانةالحظر

م المغربية بأمر مولاناومصر في الليل بتولد

والبوليس ع الباب

صبية ولاٌدة يابا ولحمها جلاب

طلع الصباح زغرطت في السكة فرحانه

على كتفها مولودتها لسه عريانه

وف لحظة كانت جميع الدنيا دريانة

على اسم مصر .

على اسم مصر - بصوت يحيى الفخراني

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغنى لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن

و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

حبيبتي كل ما بنسى تفكرني الحاجات بيكي - عبدالرحمن الابنودي

حلقة من حلقات المسحراتي عرضت في 29 أغسطس 2009 على الراديو المصري 
كلمات فؤاد حداد 
تقديم سيد مكاوي 
صفحة فؤاد حداد على الفيسبوك 
http://www.facebook.com/Haddad.ElTo7fageyya

هذه التسجيلات تنشر تحت مظلة مشروع التحفجية

www.elto7fageyya.com 
www.facebook.com/el.to7fageyya.home

المسحراتي - فؤاد حداد و سيد مكاوي - 5

كلمات بيرم التونسي
ألحان سيد درويش
حاتجن ياريت ياخوانا مارحتش لندن ولا باريز
دي بلاد تمدين و نضافة و ذوق و لطافة و حاجة تغيظ
...
مالاقيتش جدع متعافي و حافي و ماشي يقشر خص
ولا شحط مشمرخ افندي معاه عود خلفه و نازل مص
ولا لب اسمر و سوداني و حمص و انزل يا تقزقيز
حاتجن ياريت ياخوانا مرحتش لندن ولا باريز

...
ولا واحد طالع يجري و واحد تاني بيجري وراه
و يقول ها هع حصلتك يابن اللي ابصر ايه عاملاه
لا الشارع غيط ياخوانا ولا احنا بدارة ولا احنا معيز
هتجن يا ريت ياخوانا مرحتش لندن ولا باريز


ولا عركة ف نص الليل دايرة بالحيل و ساحبها بوليس
قدامها جدع متجرجر وشه معور قال دا عريس
الخلق ماهي بتتجوز واشمعنى احنا مفيش تمييز
حاتجن ياريت ياخوانا مرحتش لندن ولا باريز


ولا واحد بيبيع حاجة يقول بريال و تاخدها بصاغ
ياخوانا دي حتى الابرة تاخدها بدوشة و قلب دماغ
حلفان و عراك و مناهدة و يمكن ضرب كفوف يا حفيظ
هاتجن ياريت ياخوانا مرحتش لندن ولا باريز

ولا واحدة ف وش الفجر تبرطع مالية الدنيا صواط
قال ايه جوز خالتي ام احمد سلفة اخوها السيد مات
سبحانك ما اعظم شانك والله الموت ده مفيد و لذيذ
حاتجن يا ريت ياخوانا مرحتش لندن ولا باريز

سيد مكاوي - حاتجن ياريت يا اخوانا مارحتش لندن ولاّ باريس



من كلمات فؤاد حداد

لحن و أداء سيد مكاوي نستمع للمسحراتي

الأجر نور

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى
منقراتى
فى طلتى
بطبلتى
من جنب شارع
لجنب حاره
كان نجم والع
زى الشراره
من البخور
الدنيا حلوه
والريحه أحلى
سمعت غنوه
ورجلى نحله
فضلت تدور
وفى طلتى
بطبلتى
من حى ريحنا
لشيخ قريب
قال يا ابنى احنا
عملنا طيب
والأجر نور
خيالات صداقه
تسرح فى عينى
من ألف طاقه
بينكم وبينى
يا اهل الندور
وفى طلتى
بطبلتى
م الحاره د كها
للحاره ديه
سمعنى ديكها
أدان هديه
يا شيخ سرور
الديك دا صايح
لازم نصحصح
اسمع نصايح
الى نصح صح
فى السحور
المشى طاب لى
و الدق على طبلى
ناس كانوا قبلى
قالوا فى الأمثال :
“الرجل تدب مطرح ما تحب”


و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

أنا قلبى غاوى اللبان والجاوى بخرنا
ياطيبة الاسم يادلنجات وبحرنا
ولقبلى أسيوط فؤاد مبسوط وسحرنا
حنية الليل قطعها الجرح ياولادى
لما سمعنا المنادى ما تأخرنا

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق


المسحراتي - سيد مكاوي - فؤاد حداد

صلاح جاهين بيغني البيانولا ألحان سيد مكاوي

رباعيات صلاح جاهين -سيد مكاوي

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

وإن كنت فاكر يا ننيّ عيني إني بتعب لما بتسافر
كل الحمام هاجر ..
كل النسايم خناجر ..
كل العيون طالعه في الصورة، ولا بتلمعش

الأرض زُهرية فاضية - بهاء جاهين

مسلسل هو وهي
كلمات‏:‏ صلاح جاهين  -  ألحان‏:‏ كمال الطويل

إثبت - أحمد زكي

متولى هوّه وحسن شافوا الحكيم غضبان
جوله فى عز الليل
والشوطة ويلها ويل
ولما فاض به الكيل
قالوا له خد دول لعلك تنقلب فرحان
راحوا الكرانتينه ..دخلوا ودمعهم مخنوق

قال الحكيم : مصر زى المنصابين دولّه
اكتر كتير م الدوا وحتى الدوا مسروق
سخره ومجاعه ووباء..طول عمرها تعانى
وكل حاكم غريب يحدفها للتانى
والدنيا مستغربه على مصر عايشه ازاى
لحد دلوقتى لما الغلب أصلانى

وادى الدوا ما روى ولا نص عشر الناس
وادى نفر م الغلابه بيلفظ الأنفاس
وادى تلاته شباب عاجزين قصاد الموت
وادى رحايه القضا دايره بلا إحساس 

شفيقة ومتولى | عم جاهين

أغنيات بصوت سيد مكاوي : أنا هنا يا ابن الحلال ، دور / والله تستاهل يا قلبي ، يا وابور الساعة 12 ، يامسهرني . ونستمع لشعر صلاح جاهين ، بصوت / سعاد حسني ، قصيدة / و وقف الشريط في وضع ثابت . 
طربك عندنا إعداد / دعاء كامل
تقديم / أميمة مهران
ويذاع على موجات البرنامج العام ، الإذاعة المصرية، كل يوم سبت، الساعة 12 إلا الربع ليلاً


سيد مكاوي ، صلاح جاهين ، سعاد حسني / طربك عندنا

عــــجــــبـتـنى كــــــلـمه مـــن كــــلام الــورق الـنــــــور شــرق مـن بــين حـــروفها وبــرق حـــبـيت اشــيلها ف قــلـبى . . قــالت حـــرام ده انـا كـــــل قـــلب دخــلــت فــيه . . اتـحـرق

يــا طــيـر يـا عــالـى فـى الــســمــا طــظ فــيــك مـــــــا تــفـــتــكــــرشـى ربــنـــا مــصــطــفــيــك بــرضـــك بــتــاكــل دود ولـلــطـيــن تـــــعـــودتـــمـص فــــيه يــا حــــــلـو ويــــمـــص فــيــــك


الـــدنـــــيــا اوده  كـــــــبــيــره لــللانــتــظـــار فــيــــهــا ابـــن آدم زيـــــــه زى الــــحــمــــارالـــــهــــم واحــــد . . والـــمـلـل مـــشـــتـرك 
ومـــفـــيـــش حـــمـــار بــيــحــاول الانـتــحــار

◾عجبى !


صلاح جاهين






صلاح جاهين ^_^ ^_^

الشوارع حواديت - صلاح جاهين - هاني شنوده - فيلم الحريف

كلمات صلاح جاهين
ألحان سيد مكاوي
غناء محمود عبدالعزيز

Salah Jaheen

Mohamed Waguih