طولت منك انا

يا أنت كيف أمسيت

وأصبحت سيدك مين

لسه سيدي الريد

ياسيدي بعدك طال

أتعبني شوقي سؤال

طمني يامرتاح

ظنوني شاغلة البال

قولي حالك كيف

أنا حالي بعدك حال

سيـــــــــــــــدي

سلم على عينيـك

قول ليها شوقنا الطال

الضحكة رّدت روح

زغرودة يوم الفال

ترقص مشاعري أنا

تدي القليب شبال

سيـــــــــــــــدي

طمني يا طيب

قبال نهاري يفوت

شيل موسمي اتغير

صابر على المقسوم

راجيك ياحبيب

امكن تعود لي يوم

القا الهنا قريب

سيـــــــــــــــدي

طولت منك انا

يا أنت كيف أمسيت

وأصبحت سيدك مين

لسه سيدي الريد

لسه سيدي الريد

انا لسه سيدي الريد

طولتا منك انا - مصطفى السني

( أمي سلام كتر الشوق أعاين ليكي طول الليل .. أوسد راسي في حضنك غلبني الشيل )

أمي سلام

منديلي ضاع منــــــــــــــي والشالو ما يتنـــــــــي
مايشيل خلافـــــــــــه
**********************
يارجال ام مرحـــــــــــــي قول للرخا افرحــــــي
ماتسهي وتسرحــــــــــي الشاله يمحــــــــــــــي
مايشيل خلافــــــــــــــه
********************
حامد اب عصاة سيـــــف هيا للمنديل اقيـــــــــف
الشاله يصبح ضيــــــــف في الشبر الما نضيــف
مايشيل خلافـــــــــــــه
********************
يابرير والنقــــــــــــــــــر الشاله لي ما قـــــــــــر
يضوق سم الدقـــــــــــــر ابوه يكون عقــــــــــــر
مايشيل خلافـــــــــــــــه
************************
ياالصالحين همــــــــو ومن مكه اتلمـــــــــــوا
القشه بيه فمــــــــــــــــه تحرق حشا امــــــــــــه
مايشيل خلافــــــــــــــــه
*******************
كلمات : الجاغريو

منديلي راح مني - مصطفى السني

نسانا حبيبنا الما منظور ينسانا
مالو سافر روح ما غشانا 
حليل الخوه الما قدَّر عشانا

نسا نا حبيبنا وعارف ريدنا هولو
عشانو بتمشى قلوبنا مع رحيلو
تسافر بينا لي دارو ومقيلو
نقول فارقنا سافر ياحليلو

نساهر ونشقى لو ينفع شقانا
تسيل دمعاتنا بي شوقا وحنانا
عشان ما يطرى ريدتنا ومنانا
يذكر قلبو ايامو المعانا

كيفن يرضى يتحمل قليبو
الزمن قساهو نسى إخلاص حبيبو
يامعذبنا ما قادرين نسيبو
نقول لابد بكره الشوق يجيبو

وحات الريده ما بننسالو عشرة
آه يا دنيا لو في بالو مره
اتذكرنا او بس طيفنا مره
كان يا حليلو عرف الفرقة مره

طول يا ليلى لي همي وأسايا
وأشهدي يا نجوم سهدي وبلايا
خلاص في حبو ضاع أملى ورجايا
بقيت وحيد نجوم الليل عزايا

مصطفى السني - نسانا حبيبنا

كلمات علي المساح


يا غصن الرياض المايد
يا الناحِلني هجرك وانت ناضر وزايد
تهجرني ليه.. وأنا ليك رايد؟

يا غصن الرياض المايد
ما أظن عن غرامك لو أموت ما حايد
سهران ليلي طال و العين صِحت ما قايد
تعبان قصدي ليمك، وإنت ناضر وزايد

يا الهاجر جفيتني بنظرة لي ماك عايد
شوفتك زي هلال العيد، وفيهو بعايد

أنا و حبك ترعرعنا ونشأنا ندايد
من زمنا قِبيل، أيام قُلال وعدايد
ما خلِص القديم، و تبين مصايبو جدايد
حِن يا حبيب .. كفاي مُر العذاب وشدايد

يا خُلاصة الحواري الـمن جِنان وخوالد
حُسنك ليك يدوم، لا أم تلِد لا والد
راسخ في ظلال مجدو التليد التالد
يا الـلابس العفاف حلية وعقود وقلايد

مصطفى السني - غصن الرياض "مزازيك بحري" رحلة

ليل ابقي لي شاهد
علي نار شوقي وجنوني

ياليل صار ليك معاهد
طرفي اللي منامي زاهد
دنا لي سهرك واشاهد
فوق لي نجمك ظنوني

ياجميل لي سهري واجد
واراك نايم وهاجد
مين لي عينيّ ناجد
دمّاعي الغرّقوني

برّاق سنّك يساعد
الغيم المزنو راعد
ساكن قلبي ومباعد
تشتاق شوفتك عيوني

لاتكون بالنظرة جاحد
حلمك في الميّة واحد
منّك لي قلبي شاهد
وبين ايديك يا حنوني

حبك في الجوف يطارد
مابين صادر ووارد
ياحبيبي الليّ مارض
اشواقك ضيعوني

حبك لي عقلي فاقد
شوقك جوّا جوفي واق
قلبي اللي حلمو فاقد
نظراتك يأسروني

قلبك علي ظلمي عاقد
شوفتك راحتي ومنوني

يا ليل أبقى لي شاهد - مصطفى السني "مزازيك بحري" رحلة


يا نسيم بالله اشكيلو
تباريح شوقى وهيامى

يا نسيم عن شخصي اروي له
حديث الحب و تأويله
وبالغ شرحي تطويله
لعله يسيب ده كله او اقله
يرجع قلبي في محله
يكون في عطفه اكرامي
وافوز بي حظي و مرامي
دوام انا شوقي نامي له
جداول دمعي تهمي له
صرف عن حبي صار ميله
وانا اللا زال أحامي له
واحبه وافتخر به اهوي قربه واخشي حربه
يزيد في هجري و اضرامي
وازيد في حبي و غرامي
جفاك زاد قلبي في ويله
تعال يا حبيبي داوي له
بخمرة لحظك اروي له
عزولك سيب اقاويله
واوهامه واباطيله

ياخي اهديك
اوعى من ديك
هم اعاديك
ختام ياروحي اهديك
تحيات حبي وسلامي
وجواهر شعري و كلامي


يا نسيم بالله احكيلو - مرزوق محمود


فريع البانة المن نسمة يتمايل حاكى المنقسمة
 
نار قلبي بتوقد من وسمة تلمع في خديدها وتفِر بسمة
الفم الزي خاتم نص قسمة يا الماك داريابي والغي قسمة
 
نص وسطك خاتم بي زنده
وصديرك قائد والديس جنده
كفيلك قلع من عنده
و أكتافك فوقو يا روحي بسنده
 
حبوب الفاطر درية
وجهك يتلألأ من دون ريه
الجبهة تلاصف بدرية
والحالة البي ماها مدرية
 
الجيد الوافر كالجامة
فاقت أعرابها وأعجامها
المهرة العاصية في لجامها
لقلوبنا لحاظك يا روحي رجامة
 
زبرجد لونك ما ضرّّ
ولع نار قلبي وأخضر
أنا قلبي فدايتك ما ضرّّ
لو كان يدقدق يا روحي ويضرّ

فريع البانة - مرزوق محمود


وصـف الخنتيله جمال تاجوج المافى مثيله
كفاك يا زميل

رويحـتى قـتـيـلة قليبى يشابى حسب ترتيله

صدير هزاز وضميره فتيله وليها عيون اريل فى نتيله


وضيـبه زميـله تقوده بتاكى القامه يمـــيله
جبينه تلوح انواره جمـيله يفوق القمره بعد تكميـله

خـدوده أســيـله سناها يفوق غيماته عسيله
كتيفه نزل طاوع توسيله من الارداف ما لاقى وسيله
خـديره كحيله ضهيره رنع غــالباه الحيله

ضمير(الهيف) صفحاته نحيله صدير يرجح وارداف رحيله
عقولنا هزيله قلوبنا عليك كتر زلزيله
شوفة عارضك نغمه جزيله ترد الروح والغمه تزيله
خدرتك اصيله على النرجس يعظم تفصيله
عيونى نجوم الليل تحصيله مقاطع النوم ارجوك توصيله
الروبه ظليله طايله معتمه لاخمه دليله
لولا قمر محيك هالى له لكنا نتوه فى ظلمة ليله
ليها نفيله تعوم واكتافها يلازموا كفيله
وليها طباع الصيد جفيله عليها القافية وجب تقفيله


حسن محجوب - وصف الخنتيلة

شجن
كلمات الشاعر حسين بارزعه
********************
لى متين يلازمك في ... هواك مر الشجن

ويطول بايامك سهر ... ويطول عذاب

يا قلبـــى لوكانت ... محبتــــه .. الثمن

يكفيك هدرت عمر ... حرقت عليه شباب

لكن هواه أكبر ... وما كــــان ليه ثمن

والحسرة ما بتنفع ... ومــــا بجدى العتــــاب

أحســـــن .. تخليـــه ... لـــى الليالى والزمن

يمكن يحس ضميره ... ويهديه لــــى الصواب

لكنى اخشى عليه ... مــــن غـــدر الليــــالى

وأخشى الامانى تشيب ... وعشّنا يبقى خالى

وهو لسع في نضارة ... حسنه فى عمر الدوالى

ما حصل فارق عيونى ... لحظة او بارح خيالى

اغفـــر لــه يا حنيــِّن ... وجــاوز لـــو ظلم

ما اصلها الأيام مظالم والعمــر غمضة ثواني

واصبر على جرحك ... وإن طــــال الألم

بى جراحنا بى أشواقنا ... بنضوى الزمن

انا عارفه بكره بيعود ... فى رعشـــة ندم

ننسى الحصل بيناتنا ... والسهر اللى كان

تصبح حياتنا نغم ... وعشنــــا يبتســــم

وتعود مراكب ريدنا ... لـــــى بر الأمان

ايهاب العيسابى - - الشجن - - عثمان حسين

قول ليها روحي مذنبا
ان جاز يحبه و ان أبا

بالله يا نسيم الصبا - أبوداوود

الله بيني و بينك - مصطفى البربري at حفلة تسجيلات واو

يللا انسو انسونا يللا فوتو فوتونا
كان بكرة جيتونا تلقو غرامكم زاد
*************************
العين تقول للعين والكاس يقول للكاس
يامفرق الاتنين ليه شلت ذنب الناس؟
*************************
كتب جواب وجواب سلام وشوق وعتاب
سقيتو قلبي سراب ياناس غرامكم زاد
*************************
ياساهرين الليل درب المحنة طويل
وين تلقو تاني دليل وين تلقو ليكم زاد؟؟

انسوا انسونا- مصطفى السني at حفلة

أعلى الجمال تغار منا 
ماذا عليك إذا نـظرنا 
هى نظرةً تنسى الوقارَ 
وتسعدُ الروحَ المعنىّ
دنـياى أنت وفـرحتى 
ومنى الفؤادِ إذا تَمَنىّ 
أنتَ السماءُ بدتْ لـنا 
واستعصمتْ بالبعدِ عنا
هلاَّ رحـمتَ مـتيمـا 
عصفت به الأشواق وهنا
وهفت به الذكرى فطاف 
مع الدجى مغنى فمغنى
هـزته مـنك مـحاسن 
غنى بها لـمّـَا تـغنَّى 
يا شعلةً طافتْ 
خواطرنا حَوَالَيْها وطــفنــا 
أنـسـت فيكَ قداسةً 
ولــمستُ إشراقاً وفناً 
ونظـُرتُ فـى عينيكِ 
آفاقاً وأسـراراً ومعـنى 
كلّمْ عهـوداً فى الصـبا 
أسألْ عهـوداً كيف كـُنا 
كـمْ باللقا سمـحتْ لنا 
كـمْ بالطهارةِ ظللـتنا 
ذهـبَ الصـبا بعُهودِهِ 
ليتَ الطِـفُوْلةَ عـاودتنا

أعلى الجمال تغار - جمال فرفور


July 15, 2012 · 
اظلم من ظلم
كم شفت من مجهول مصير
وشفت ياما شفت كم
انا شفت ناس ظالمين كثير
بس أنت أظلم من ظلم
انا تانى ما بندم عليك
اصلو الندم بيفيد شنو ؟!
ولمتين انا اترجى فيك
الزيى كان رادك منو ؟!
لكن طباعك يا ضنين
لكن طباعك ما بتلين
جفوة ونفور وعذاب وسنين
وعمرو قلبك ما رحم
انا شفت ناس ظالمين كثير
بس انت اظلم من ظلم
**
يا دنيا ياما فيك ناس
بتقابل الريد بالجفا
يا دنيا ياما فيكى ناس
اتعلمت قل الوفا
ويا دنيا ياما فيكى ياما
وياما فيكى وبس كفى
آه من جفاك .. خليت شنو
انا شان رضاك
يا العمرو قلبك ما رحم
انا شفت ناس ظالمين كثير
بس انت اظلم من ظلم....

مجهول مصير - كمال ترباس

قوم بينا
حلو درب 
الطير فى 
سكينة 
شي جميل 
يا ناس ..
يا اهلنا 
دي الفرقة 
المابتتمنى 
دا عجيب 
ياناس 
ود الريل 
العاتي 
الفوق 
خلاه 
بتتاي
انا لوجنيت 
مخاتي
سببي 
العيونو 
تلاتي 
قوم بينا 
حلو درب 
الطير فى سكينة 
بطراكي مسختي 
على حياتي 
شي جميل ياناس 
قوم بينا حلو درب 
الطير فى سكينة ...//

مصطفى البربري - درب الطير


ماللك ما اعتيادي
بقيت تزعل تعادي
كتير بتشوفنا انت
تمر بي غادي غادي


نعاين ليك ماشي
نقول بتجينا غاشي
بتابي كمان تسلم
برضنا ليك نماشي
لانك انت عارف
أمرك فينا ماشي
خليك اعتيادي


زي الطيف تعدي
وفي عينيك تحدي
فايت بي طريقنا
أبدا ما بتهدي
عايزين نحن نعرف
قبل الريد يعدي
مالك ما اعتيادي

الفي بالك انت
أشرحو حته حته
وقصدك قولو لينا
لو تجرحنا حتي
وزي ما كنت أول
أرجع تاني انت
خليك اعتيادي

يا سيد المشاعر
هل بحالنا شاعر
وكيفن تبقي ناكر
للعشرة الجميلة
ولشوقنا المسافر
كلو أملنا انك
ترجع لينا باكر
وتكون اعتيادي

حبك ما اعتيادي جمال فرفور

ضاع صبري اين ياوصـلي.. 
قلبــي بنارالغرام مصـلي 
ياعـهود امالي أنفصــــــلي.. 
مابقيـف من النـويح أصلي 
عقلي يوت كل ساعة ينقص لي.. 
فيك ضاع ياطـيبة الأصلي 
أيه ده ليل والبدر واضـح لي.. 
ام ده دعسـك محيو فاضــح لي 
يالعيون عاد روقـي وحـلي.. 
خفي رمشك ده المجـرح لي 
زاد من نار الصدود وجلي.. 
يامعاني الشـعر والزجــــــــلي 
باهي جيدك والخــديد مجلي.. 
ترى ده الهـلاك في الأعين النجـلي 
ليك نسايم الشوق دوام رسلي.. 
في هواك كم ضايع مثــلي 
ماسليتك وأنت كيــف تسلي.. 
وأنا صرت ميت وميت والدموع غسلي 
مالي ياليل الهم تجمع لي .. 
ديمـه يا نيراني تشــتعـلي 
يابدر بالله أســطعـلي.. 
وياسـهيل أرجـوك تسمعلي 
ترمي محييك في الكـــفل تعلي.. 
تفني قامتك بالصـدير تعـلي 
ياحمام بالله أسـجع لي.. 
ماله ضـــايع في الخيال فعلي

ضاع صبري - جمال فرفور

مصطفى البربري - غيرة شديدة

و حبايب زي ما بتقول
كنت طيبت الخواطر
وكان ظلام الهم يزول
***
وأتحير ألاقيك كيف .. ؟؟
وأتسائل .. مشاعرك لى ..؟؟
واللاشعور فى لحظة زيف 
وأسأل كل زول عرفك 
وياما بقيت أناجى الطيف
وتعرف .. مهما هجرك طال 
بحبك .. وحبى ما معقول
وأقول يمكن فى يوم ألقاك
وأبنى من الخيال أحلام
وأسرح فى التمنى وأقول
أبعدى عنى يا أوهام
يسرقنى الزمن وأضحى 
سراق الزمن أحيان 
وتعرف مهما طال هجرك ..
بحبك وحبى 
شرحو يطـــــــــــــــول

مهاب عثمان - لو حبايب زاي ما بتقول

خلاص اخترتي زول تاني
وبعتي هوانا في ثواني
نسيتي البينا في لحظات
وقلبك م وعد ينساني
انا الحابيك من جواي
وفاكرك انتي حاباني
انا ال اخلصت في حبك
وكنت معاك متفاني
تبيعيني عشان المال
زمان قولتي القرش فاني
وانا الصدقت كلماتك
اتاريك كنتي واهماني
تضوقي المره والاهات
تحسي بقسوه الجاني
و زي م نسيتي انا بنساك
و اشوف حياتي من تاني
م اصلو الزمن قادر
في يوم ح تكوني في مكاني ...#

احمد فتح الله  انا الجابيك من جواي

عجيب يا حب امرك عجيب
براك تودى وبراك تجيب 
ونحنا معاك قسمة ونصيب
*********************
حبيبى الحب هو الحياة
و معنى الكون الفن وياة 
مناجى الشوق قال لى هيا 
مشيت واختارك لى حبيب 
وقلبى معاك قسمة ونصيب
********************
انا الحبيت وجة القمر 
وشفتة الويل وضقت الامر 
حبيبى دلالك لو امر 
تخاصمنى وامرك عجيب 
دة قلبى معاك قسمة ونصيب 
*******************
تخاصم واحلم بالوصال 
تزيد اشواق وتزيد دلال 
حبيبى بعادك ما حلال 
حرام بعدك وانت الغريب 
*******************
عجيب يا حب وامرك عجيب 
براك تودى وبراك تجيب 
ونحنا معاك قسمة ونصيب
‫#‏عجيب_يا_حب‬

الفنان عصمت بكري عجيب يا حب


يا غزال يا غزال يا شبيه الحور
ياخي انت قزاز ولا من بلور
•• ••


Ya Ghazal

طه سليمان - يا غزال

نجمة نجمة الليل نعدو
والسنين ياحليلنا عدو
وانت ماعارف عيونك 
لما تسرح وين بودو
الريدة الكتيرة ياحنين شقاوة
كلما نزيد حنان انت تزيد غلاوة
الزهرة الجميلة بتشيلك نداوة
الغريبة الفات ديارو انت لي اهلو بتردو
للسمحين معاك ماخليت سماحة
شتلات الاماني انت عقود صباحا
دايرين نحكي ليك وين نلقي الصراحة
فارقنا الحنين ماكلمنا مالو
ماخلي العيون تتامل جمالو
يومآ ماسعيد من الحلة شالو

Mohamed Y Idries

Popular tracks