صاحى فايق
صاحى ابحلق فى الخلايق
ماشى فى الشارع ورايق
شفت راجل قد ابويا
مد ايده وقالى حسنه
وشه شاحب
عينه فيها بواقى ناحب
بسأله مالك يا والدى
قالى ساعد وانت ساكت
لو هتعمل فيا خير ادينى حاجه
مش هحكى لك عن ذكرى فاتت
مش هقلب فى المواجع
مش هجيب سيرة اللى ماتت
بس عندى ليك نصيحه
لما ربك يبتليك اصبر عليه
اوعاك فى مره تعترض
اياك تقول د حصلّى ليه
اول ما ربك يبتليك
على طول ناجيه
قوله رضيت باللى انكتب
هفضل معاك لو يحصل ايه
بدعيك يارب فى محنتى
انسان ضعيف خايب راضيه
.
‫‏صاحى_فايق‬

صاحى فايق - محمد القديرى

أنا الأراجوز
أنا اللي رضيت أحبك من طرف واحد
وأنا اللي وافقت عالإهمال 
بدأ حبي ك لعب عيال 
وفجأه لقيتني بتوغل ف حب بجد 
أنا الاراجوز 
وكان لازم أكون أراجوز 
و سبت مشاعري ليكي وبس 
أنا اللي هوايا عمره م حس
بطعم الحب غير ليكي
وبيكي بنسج الأحلام 
أنا الأراجوز
وضحكك ليا كان جلوكوز
كلامك كان 
سلامك كان 
وحُبّك قصه بحكيها
وببدأها ب كان ياما كان
ف يوم دقّت طبول العشق وإترقّص صمام القلب قام صقّف بُطين أيمن ياريته ما كمّل التصقيف
م كُنت كفيف 
وكنت ف حالي متداري وكان قلبي ساعتها ضعيف 
لكن مرتاح 
وكنت بقضّي أيام السُهاد مواويل
سُهاد الليل
وفٍكر الليل
وشوق الليل
لكن عمري ما كنت عليل
بحبُك بدأت العلّه
وسبت اصحابي والشلّه 
نسيت نفسي 
نسيت صمتي 
نسيت كوني معاكي خفيف 
وصاحب هيبه مُنحلّه
نسيت هجرك جواب احاسيس 
بعتّه وضحكتي هلّه
نسيت صدّك 
محيت ردّك
وكل خيالي ف الطلّه
عميت نفسي 
وقلت لنفسى بتحبك 
ولازم عايشه على ذكراك 
ضروري البت حسّه هواك 
وإلا تبقى مختلّه 
اكيد هتراعي لو خوفك
عليها وقت م اتضايقت 
عليها وقت م اتعزلت
عليها وقت م اتخنقت 
أكيد هتراعي لو دمعك 
ف يوم نامت من العلّه
قوليلي بعلو صوت يدوي 
حصل ولّأ 
بكلّم نفسي بالأهواء
وبتمنّى أكون صادق 
ولو صدقت يوم نفسي 
هيقلب حٍلوى بالحادق 
وهقنع نفسي بالغلطه
وأكمل عمري متضايق 
خلاصة القول 
انا أسف
لنفسي وليكي ولعمرى اللى عدي بلاش
وأسف برده لدموعى اللى نزلت ليكي ومتسواش
وأسف للى كان أولي
بوقتى وفكرى ومطلهاش
طبيعي ما دام بقيت أراجوز 
وأصبح قلبي بيكي عجوز 
أكون راضي
مـ أنا اللى وافقت م الأول
تكون خانتي معاكى يجوز
أنا اللى بنيت قصور بـ سراب
 وكنت معاكي بتغابي 
وأنا اللى أخيرا إتجرأت
أشيلك من صميم روحى
يا أجمل بنت كدابه
.
#محمد_القديري

محمد القديري

Popular tracks