Ana 3araby

تعرف .. كنت بحلم بحضنك يكون الامان

Sayeb Alama

قولى احبك

كيفك يا وجعي

وحشني ياطيب

كلام الدنيا

06-Helween_Te3meen

Fe Eid El Hob

ضل الضلمة

ب اكسر فى قلبي كل يوم حبة وجع
واعمل جدع
واضحك ف وش الجرح واتريق عليه
ب ادفن بكايا بالبطئ
وبلم دمعي م الطريق 
واتداوا بيه
عرفت ان المشكلة مش ف الدموع
وان الرجوع لاى راح اصلا سخف
انا لسه بافهم للاسف
وهاكون مواظب ع الجاي بدون بكا

ب اكسر فى قلبي كل يوم حبة وجع

على الحجار

وجع واعتكاف دينا الوديدي

عبد المنعم مدبولي - زمان وكان ياما كان

ايديا فى جيوبي - منير

سايق عليكى الهوى ..ماتزوديش الهم ..
سايق عليكى الصبر ..شيلى المرار م الدم ..
حنى بقى و قربى ..دا أنا روحى متبعتره ..
يا أم العيون بهدلة ..بكفاية بُعد و غم ..


ماتدمعيش ..هذا فراق بينى و بينك للأبد ..
كل الحكاوى إن إحنا راح ممكن نكون ..صبحت سراب ..
ما أنا حبى كان لك سنبلة ..زرعتها إيدك فى الخراب ..
يا أنتى يا شوك الورود ..حضنك صنعنى للصدود ..
سطرين و غناهم غراب ..بهديكى أنا أخر قصيدة لحبنا ..لكن رثاء ..


ملضومة روحك جوا منى بمعجزة ..
وأنا قلبى بعدك حضنه متلصم عزا ..
و دموعى من بعد الرحيل صبحت صوان ..
أرجوكى يا ست البنات.. ماتدمعيش ..


أقسم بإنك كنتى أروع ملهمة .. و إنك مجاز ..
و لو إتكتبتى ف 100 ديوان ماتكفيهوش ..
بس النصيب صاغك كده ..أغنية علشان الفراق ..

مصطفى صلاح سالم متدمعيش

عمرو حسن - خلينا صحاب

وعدتك -كاظم ونزار

بقيت عادي
كإني ديكور
مابتكلمش عن حاجه ومابعلقش
ومبكدّبش حد ف شيء ، ومبصدقش
ومش مهتم بالدنيا ولا بالحرب
ومش باحزن على الرايح ولا الآتي
ومش حابب ادخّل حد ف حياتي
بقيت مابقيتش من ساعة وجع ف الروح
ولا شرير ولا طيب ولا حساس ولا سادي
بقيت كما طيف
بقيت كما ضيف
بقيت ،، عادي
على الحال ده بقالي زمان
بقالي كام سنه يمكن
ماحدش منّكم خد بال
روبوت تشغيلوه بحجارة
وطول ماحجارته فيه
شغال
شجر اخضر ما بيجرّحش عين الناس
فانوس بيقيد ونوره سبيل
ده مش تمثيل
ولا تطويل ف مشهد ما
لكن اسلوب وشكل حياه
فماتلومنيش علي غيابي
انا موجود
ف اعيادكم
واحزانكم
صديق ف كافيه بيسرح ف اللي ضاع منه
شريك منزل
نزيل غرفه
وجع ب يطل م الشرفه
انا موجود
ومش بفسد فرح بينكم
ولا بزعل قوي منكم
انا على غير ما جوايا
مهرج باسعد الشله
وصاحب افيهات حاضره
وعامل لجلكم حضره
تقولوا ف وصفها
الله
فلو وجعاكو كلمة آآآآآآآآآه
هابطلها
يومين عوزلا واكون احسن
وهارجع تاني للشكل اللي كان بادي
انا عادي
فخد راحتك
وقول عني اللي بتقوله
انا وكتير من الناس اللي بقوا زيي
مابنقربش م العالم عشان يحلو
ومابنفسدش ابدا جو
ومبنأذيش
لكن بنخاف من التجديد
من الناس اللي بيخشوا الحياه فجأة
وبيحاوطونا بوجودهم
عملنا سياج علينا عشان
ماتتعشمش ناس فينا
ف كل مساحه تلاقينا
نميل لاغاني شتويه
ولون غامق ف لبس عتيق
ريحتنا بيوت فارقناها
هدومنا ناس قلعناها
وسمّيعه
بنعرف نكرم العالم ونقراهم
مبنملش من الحكايات
ولينا ف كل صدر نبات
ولينا الجدعنه الكامله
ماننساش عيد ميلاد صاحب
ومبنبخلش بالمواعيد
جدير بيكم تساعدونا
تغنولنا
وتحكولنا
وتسقونا
يجوز دون قصد تحيونا
وتدونا امل ف الضي
يجوز نتراضى على روحنا
ونتطمن لبكره الجاي
يجوز بالوقت نتطمن
ونرجع نبتسم عادي .

بقيت عادي

ماحبِتش غيرها
برغم السنين اللي فاتت عليا
بيفضل حنين مني ليها ف عنيا
وتفضل كإن البنات بعد منها
نسخ باهتة منها
وكل الشموس اللي تابعت غيابها
بتنعي انسحابها
كإن الشوارع عجين لما مرت
فنحتت اثرها
وحفظت كلامها وخوفها وهزارها
ومشيت جماعه مامشيتش مفرد
عشان غاب معاها مِساها ونهارها
بتسألني عنها برودة ايديا
ورعشة سلامي
ويسألني قلبي وكلبي ومرايتي
وتسألني ساعتي ف معاد الزيارة
بتوحشني زي العيال ف المدارس لعين امهاتهم
وتوحشني زي ارتباط الملابس بايد شماعاتهم
وسايباني زي اللي ماتوا وفضلوا بيمشوا ف حياتهم
تشم القلوب كل يوم زهر فايح
وتتبقى وردة ويفضل عبيرها

ماحبتش غيرها
وليها مكانه مخليّا قلبي بيسلك دروبها
خدتني لدرجة تخليني اشوف المزايا ف عيوبها
وصوتها
وايه زي صوتها
نزول المطر فوق خشب بيت قديم
نعومة نجاة وبحة حليم
وضحكتها تشبه دخول النسيم
على ارض طالها الخريف من سنين
ف يوم ما اتقابلنا
ماكنتش باشوف الحياه ليها معنى
وحسيت كإني عارفها لزمن
كإن النصيب كان بعَدنا وجمعنا
وسددت تمنه وقبضت التمن
بسلم عليها كإني سايبها ف غربة ورجعت
وسكتت ف لحظتها لكن سِمعت
وغمضت عيني عشان املى روحي
قمر غاب ف ليلكم ونوّر سطوحي
وصالحتني كل السنين اللي فاتت
مجرد ماعدّت
وقفنا ف مكاننا وخطاوينا مدِّت
وفجأة انفجر سيل م الأغاني
كل ده كان ليه
ياللي بتسأل عن الحياة
بعيد عنك
وسيرة الحب
كبر الغرام
بهواك
حيرت قلبي معاك
وقولت هاقدر ايوم انساك
وكل ما انساها افتكرها
ماحبتش غيرها

ماحستش عمري باحساس مشابه تجاه أي واحدة
كإن الغرام اللي مكتوبلي كامل
خرج غصب عني وعلى دفعه واحدة
كبر فيا معنى
وصار بيننا لعنه
بدأت معانا ف يوم ما اجتمعنا
وانا كنت اصغر سنين من كده
ماكنتش مأمِّن ليغدر زماني
وعايش مآمن وواقف مكاني
وشارد ف لون الحياة البرتقاني
وسايب بيبان الغياب مفتوحين
ففاجئتني ضربة على غفله مني
وسلمت راية ف أول كمين
وفاتت سنين
واديني كإن اللقا من ثواني
لكني بقيت للأسف حد تاني
خانتني الظروف واتسجنت ف غيابها
ولسّاني ايد ع الاكر عند بابها
وبعد اما كنا شباب ف البداية
كبرنا سنين جوه شرح الروايه
واصبح مابيننا جبال من جليد
بلادها بعيد
وارضي ملاها الحداد والحديد
وتجاعيدي مرت شقوق الغيطان جوه طمي الوريد
وأصبحت اكبر
وأصبحت اعدي الطريق ف الإشارة
باتقل هدومي وبلبس كوفيّه
واحس بجروحكوا واوجاعكوا فيّا
وأصبحت اعقل
واهدى وأتقل
وهي كمان حاجه انطفت
وعاشت ظروف متعبه واختفِت
لكن لسه نفس الصبيه الجميله
وصاحبة ليالي الغرام الطويلة
ولسه عيون ممكنه مستحيله
وست البنات كلهن ف عنيا
ومهما ايدين ناعمه مسكت ايديا
ومهما عيوني ثبتتني ف مكاني
هتفضل رجولتي وطفولتي عشانها
مايملاش مكانها ف يوم حد تاني
ولا واحدة تربط مصيري بمصيرها
ماحبتش غيرها

ومايأسش ابداً
ولو حتى قالوا الحكايه ف اخرها
ولو صوت صحابي ف وداني محاصرني
ولو طول غيابها خانقني وعاصرني
ولو حتى عدت سنين تانية بيننا
هاقول انه وارد
وجايز وممكن
وامنّي خيالي باجمل نهاية
وهي معايا
وجايه تعوضني لحظة بكاها بلحظة بكايا
وراجعة بكل الورود اللي دبلت
والاقيها قبلت تكمل معايا
ولو ساعه واحدة
ولو حتى نظرة
هاحس اني مرة مشيت وانتصرت
واني جنيت قد لما انتظرت
فسايب مساحة ف بيتي لخيالها
وسايب مساحة ف قلبي لعيالها
وسايب اوضتنا ترتبها هي
وسايب مخدة زيادة وكوفيه
ومختار اضاءة تلائم عنيها
وعامل حسابي عليا وعليها
واقول بكره اجمل وهاقدر وهاكسب
رهاني ف حاجات كان خيالي خسرها

ماحبِتش وافخر بكونها ف حياتي
واني ف حياتي ماحبتش غيرها

Amr Hassan   عمرو حسن - ماحبِتش غيرها

يا قاريءَ الفنجانِ جِئتُكَ أشتكي
              مِنْ ساكنٍ في القلبِ والوِجدانِ

مِن عابِثٍ في الحبِّ يَسكُنُ مُقلَتي
              يقسو عَلَيَّ ويَستَغِلُّ حناني

يوماً يُراقِصُني ويُهديني السَّما
             ويَغيبُ شهراً دونَما إعلانِ

ويَعودُ بعدَ الشَّهرِ يَدفَعُهُ الجَوى
             لِيُعيدَ ضَخَّ الحبِّ في الشريانِ

يغفو على عطري ويَصحو عابِساً
              يَستَنكِرُ العِطرَ الذي أهداني

يَرجو لقائي قائلاً: يومَ المُنى
               وتَمُرُّ أعوامٌ ولا يلقاني

يَحلو لهُ الهِجرانُ بعدَ تحيَّتي
               ويعودُ مُستاءً من الهِجرانِ

ويَقول إني في الوجودِ مكانُهُ
               وأرى له بيتاً بِكلِّ مكانِ

يُلقي بإحساسي المتيمِ جانباً
              ويُراقصُ امرأةً كغصنِ البانِ ِ

يا قاريء الفنجانِ قلبيَ مُنهَكٌ
             ما عادَ لي صبْرٌ على الأحزانِ

ما لي أراكَ بِطالِعي مُتَحَيِّراً
            هل حانَ وقتُ اللفِّ والدورانِ؟
      
كم كنتُ أهوى عابِثاً مُتمرداً
           كم طال صَمتي واستكانَ لساني

لكنَّ جُرحيَ لن يَطيبَ ويَهمدا 
           حتى أراه من الفِراقِ يُعاني

ويجول في قلب المدينة يشتكي
          من قسوتي ويهيمُ كالظمآنِ

كيدُ النِّساءِ يَثور حتماً حينما
          يقسو الرجالُ وأنتَ كنتَ الجاني

يا قارئ الفنجان ( لف و دوران

مهما كان ليلك طويل _ كل حاجة بتعدي

Single   شارموفرز - سينجل

عدت ...

فترات بحياتنا ومدت 

كنا عليها بنتعود 

وبنرجع تاني لنفس الإختلافات 

سهلة ...

البعد ده هيكون احلى 

وهنتعب حبة ونهدى 

احسن ما يكون الحل ما بيننا سكااااااااات


نبعد ... 

احسن مانا وانتا بنعند 

واصلين حيطة سد وقفلت 

جربنا حلول القرب وما قدرناش 

سلم ...

القلب سكت واتألم 

وعينينا اللي بتتكلم 

بتقول إن احنا القرب ما ريحنااااااااش

أصالة نبعد

حورية هامت بها الارواح
و دمي على عرش الجمال مباح

ويحي من الخدين والجيد الذي
سحر الخزامى عطره الفواح

الخمر يسكر ان دنا من ثغرها
وتحار ايهما اللمى والراح

مهما ظلمت بحب من تهوى فلا
تخفي الهوى ان الهوى فضاح

Popular tracks by Mohamed Abd Alaziz