انا صاحب السعاده انا الزعل بيازده <3

LoOoliii

Gladiators Feat E Money, MC Amin, 4Fifth, Yasser, Deeb

Written by: Mohamed Alaa
Music: Free Beat
Vocals: Mohamed Alaa 
Master and mix by: Mohamed Alaa
© 2015 X MuZic

الكلمات :

بدأت افوق مـ الوهم استوعب اني بقيت وحيد 
يمكن قربت اقتنع ان اللي مشيوا مش راجعين
خلاص مبقاش في طيبة الدُنيا مش للطيبين
 دا الناس بتبان بـ وش و فـ لحظة يبقوا بـ وشين
 هُما فين وقت ما كُنت مستنيهُم 
صدقني يا قلبي مفيش غير التُراب بيملى عينيهُم 
 هُما كانوا محتاجِني لما كانت السكة صعبة
 دلوقتي بعدوا عني عشان خلاص انتهت اللعبة 
غلبان بتصدق اي كلام يتقالك ليه منهُم 
 بيمدحوك فـ وشك عادي و فـ ضهرك تتشتم 
اغرب حاجة انك معملتش حاجة تستاهل دا كـله
بتدي ليهُم كُل حاجة و فـ الآخر يمّلوا !
ابعد عنهُم هيقربوا .. قرّب منهُم يبعدوك 
 اهملهُم بيك يهتموا .. اهتم بيهُم يهملوك !
امسك فـ اللي معاك و اللي اتمنى يفضل جنبك 
 متبيعش اللي اشتراك و اللي رماك بُكرة هيرجعلك 


ياريتنا فـ يوم قسينا بس ايه لازمة ياريتنا !
ياريتنا كُنّا بيعنا مكانش الناس دي سابتنا 
 يوم وفاة الحُب تيجوا تعزوا فـ مين 
دا الحُب ساب رسالة ان اغلبكُم خاينين !
مش بس قصتي فاشلة لا فشل قصص كتير 
 الكدب عُمره ما يبقى حق فـ مش عايز تبرير 
قلة نبضات القلب مش معناها انك هتموت
 ولا قلة الكلام معناها انك راضي السكوت !


انا صاحب السعادة ، انا الزعل بـ زيادة 
 انا اللي بشوف فـ عيونك كلمة توضح كُل حاجة
بس يفيد بـ ايه كلامنا مش احنا بردو صُحاب
احنا بنبعد مش بنقرب ايوة يلا انسيني خلاص ..
صفحة و قفلتها ، رسايل بينا و مسحتها 
بس بردو انتَ عارف انك مش هتلاقي زيها !
انا كمان ضحيت شيلت فـ قلبي ولا اشتكيت
اتفلق و ميزعلوش و فـ النهاية انا اتأذيت 
بـ أسم الحُب كدبنا محدش فينا حّب حد
فـ الكلام وقت الفُراق بيبان احساسنا اللي بجد
 بُصي يا بنتي عُمر الارتباط ما يبقى ڤيزا 
تسافري بيها لـ حُضنه احب اقولك انتي رخيصة !
اللي بينا كان حياة مكانش مُجرد حُب 
شغلنا بالنا بـ كلمة مين فينا اللي كان السبب 
ايوة قصة فاشلة ايوه بُعدي عنك احلى
يا ريت ما كُنت عرفتِك كان زمانا يا قلبي ارتاحنا 

ياريتنا فـ يوم قسينا بس ايه لازمة ياريتنا !
ياريتنا كُنّا بيعنا مكانش الناس دي سابتنا 
 يوم وفاة الحُب تيجوا تعزوا فـ مين 
دا الحُب ساب رسالة ان اغلبكُم خاينين !
مش بس قصتي فاشلة لا فشل قصص كتير 
 الكدب عُمره ما يبقى حق فـ مش عايز تبرير 
قلة نبضات القلب مش معناها انك هتموت
 ولا قلة الكلام معناها انك راضي السكوت !


بيكرهوني بـ زيادة ليه عايزيني ابقى تحت 
قاعدين على كُرسي الاتهامات مع اني متهمتش حد
لو سمحت لو مصدق امشي و سيبني 
انا بعلى بـ اسم نفسي مش محتاج حد يوجهني 
بيني و بينكوا حاجز يمنع عني اي كلام 
صدقني مش هتنام لو ليهُم اي اهتمام 
ارمي الكلام وراك متفكرش غير فـ نفسك
اللي بيكرهوك مش عارفين يبقوا زيك 
اقتلهُم بـ ابتسامة عرفهُم معنى النجاح
خليهُم يسهرولك و انتَ براحتك نام و ارتاح 
نرجع للموضوع آخر شهر و يوم فـ السنة 
اتقابلنا عشان نلاقي حل للمُشكلة 
انا خلاص مليت بس كانت قاتلاني دموعها 
رغم انها ندمانة مكُنتش لاقي سبب لـ رجوعنا
انا كُنت بتمناكي من قبل يوم ما الاقاكي 
بعترف اني غلطت انك كُنتي كُل حياتي  


ياريتنا فـ يوم قسينا بس ايه لازمة ياريتنا !
ياريتنا كُنّا بيعنا مكانش الناس دي سابتنا 
 يوم وفاة الحُب تيجوا تعزوا فـ مين 
دا الحُب ساب رسالة ان اغلبكُم خاينين !
مش بس قصتي فاشلة لا فشل قصص كتير 
 الكدب عُمره ما يبقى حق فـ مش عايز تبرير 
قلة نبضات القلب مش معناها انك هتموت
 ولا قلة الكلام معناها انك راضي السكوت !

تابعونى من هنا : https://www.facebook.com/profile.php?id=100004239844387

Ya Retna I  ياريتنا

Written by: Mohamed Alaa
Music: Free Beat
Vocals: Mohamed Alaa Ft RawDa 
Master and mix by: Ziaad Hishaam
© 2015 X MuZic

الكلمات :

شوفت ، اديها سابت و انتَ كنت
بقيت لوحدك بتعافر مع البُعد
كُنّا مش هنحب تاني ، كُنّا هنكره قلب يعاني
كُل مرة آخر مرة بترجع تاني تكون اناني 
متشغلتش مرة عنك، افترقنا لكن بسببك 
كُل كلام الحُب يخدع حتى لو صدقتي نفسك 
معقولة مكنش الشخص اللي عيشتي بتتمنيه 
ولا اللي بيكسر قلبك هو بس اللي تحسيه 
عايز ابطل توحشيني بس قلبي مش بيقبل
و عشان كبرتي عند قلبي فضل هوَّ يصغر 
محدش وافق بـ العتاب ولا هينفع نبقى صُحاب
!! ازاي من بعد حُبك يبقى بينا سلام و خلاص 
وحشاني همسة بـ صوت "بحبَك" مش هشوف فـ جمالها حد 
بعشق بينا فرق الطول بحس انك بنتي بجد 
عيشنا كُل حاجة سوا كدبة كنت ليكي الهوا 
شهادة منك اني صُنتك و اني كُنت ليكي دوا


ياما الناس بتفرق ناس ، مين كان لسه ميعرفناش 
و قالوا علينا قصة طول حياتنا مشوفنهاش
ايوة اتغيرت بقيت حد تاني خلاص نسيت
و فـ يوم هتحتاجيني لما تحسي ان انا مليت 


مش بتفكر طب اسأل نفسك ليه بعدنا اكتر
نسيتي ؟
لا فاكرة ، بس كلامي مش هيأثر 
الوقت بيبدأ يبعد كُل ما يبعد قلبي يقلق
واخدني قلبي ليك  كُنت بتوحشني لو سكتنا
كُنت ! انا لسه حابب اسمع صوتك
كانت كُل لحظة حلوة مُستحيل تكون من غيرك 
"حبيبتي" كُنت بهدى لو بسمعها
كُنت عاشقة فينا جنانا قولي ايه مثلاً يمنعنا 
كُنا احلى اتنين لبعض 
بس مفكرناش فـ بعض 
عقلي قرر انُه يبعد 
قلبي فاكر اني اختارت 
اوقات بستغرب ليه قلبي بيحبك لسه
اموّت قلبي ولا انُه يحب واحدة بيه مش حاسة 
قولتي بتحبيني ! قولي عملتي عشاني ايه ؟
ولا بيهمك حالي و الأمان بتطلبيه
و دا ذنب حُب بجد ، كُل سور اتبنى اتهد 
عايز اقولك قبل ما تمشي قدي مش هيحبك حد


 ياما الناس بتفرق ناس ، مين كان لسه ميعرفناش 
و قالوا علينا قصة طول حياتنا مشوفنهاش
ايوة اتغيرت بقيت حد تاني خلاص نسيت
و فـ يوم هتحتاجيني لما تحسي ان انا مليت 


تابعونى من هنا : www.facebook.com/profile.php?id=100004239844387

7aD Tany I حد تانى

Written by: Mohamed Alaa
Music Prod By : Ahmed Shiko 
Vocals: Mohamed Alaa 
Master and mix by: Z ! Y A Z A N
© 2016 X MuZic

 لينك التراك على يوتيوب :

https://youtu.be/hB01LWx09jc


الكلمات :

من يوم للتاني بشوفك احلى واحدة
 و لو بعدتي توحشيني كُل لحظة 
فيها ضحكة منك او فيها فرحة لـ قلبك.
مين غيري حاسّك مين اكتر مني حبّك 
كُنت شايف فيكي نفسي كُنتي شايفة ان احنا لبعض
اتاريه كلام و اختارتي فـ يوم البُعد 
انا فاكر الكلام فاكر بينّا اول حُضن 
فاكر لما قولتي انك حسيتي معايا الحُب
فاكر حاجات انتي اصلاً مش فاكراها
مهو اللي يحب بجد مُستحيل فـ يوم ينساها
هوَّ انتي بعدتي ليه ؟ ايه كان فيا ما لقتيه ؟
تبقي ليا كُل حاجة و تبقي تحت أمر عينيه
الفراق مكانش سهل بس مش اصعب مـ البداية
حاربنا حاجات كتير عشان نكمل الحكاية 
كُل حاجة حلوة معاكي، كُل حاجة مبتكملش 
انا فاكر لما قولتي عيني بـ غيرك مبتحلمش
صدقيني ابقالك منهُم ، حاولي تمشي عن تفكيرهُم 
بعدنا ليه !  دا انتي اللي اختارتك منهم
بحاول اقنع نفسي بـ انك حبيتيني
و مهما بحاول اسكُت صوتك بيناديني  
للحظة حلوة بينا صعب اني انساها سنيني
اللي ساب غير اللي اتساب فـ الأحساس و فـ الأسباب 
و في اللي اخترع كدبة بس انا عُمري ما اكون كداب 
عُمري ما خذلتك ولا حتى جيت عليكي 
كُنت شايلك انتي فـ حتة مُستحيل يدخُلها غيرك
بحبك ، و دموعي مبتكدبش 
الراجل لما يدمع يبقى وصل لـ درجة عشق 
يا عشق نفسي اقول ان بعادك مهما يطول
انا هفضل بردو احس طيفك جنبي كُل يوم 
نتكلم بـ الساعات و اعاتبك عـ اللي فات 
و بـ ضحكة منك اصفى ما انا حبيت ملاك 
كُل لحظة و كُل ثانية، كُل يوم و كُل وقت 
كُنتي مُلهمتي الوحيدة و مش بهتم بـ حد
فـ البداية كان اعجاب، ايام تفوت بقينا صحاب
ياريتني فـ يوم ما شوفتك و حلمي كان سراب
انا غير كُل اللي فاتوا، مش قولتيها بـ نفسك
اني صونتك هفضل جنبك جوا قلبي هفضل شايلك 
كُل وعد اختفى، كُل كلامنا حصل عكسُه 
الصح مش اني اعاتبك المفروض اعاتب نفسي 
اني سبت قلبي اتشد و اني ظلمتُه فـ حُب حد 
كان بيمثل حُبه و فـ الحقيقة حُبه وهم
يا قلبي فوق اللي حبك مش موجود
و عشان عُمره ما حبّك كان بيهد كُل سور 
فيكي عيوب و فيَّ عيوب ، فيكي قلبي كان بيدوب
و مهما كُنت بحاول اخبي عيني كانت تفضح و تقول
و دا كان و كان و كان حُب عُمري اللي كان
جيه ينور حياتي بس نوره ضلّم خان
و كان حُضنُه هوَّ اكبر مكان 
بيساعني و انسى فيك كُل اللي فات 
مين كدّب و مين مكدبش , مين كمل و مستسلمش 
بقفل بينّا كُل باب و اتمنى انُه ميتفتحش
غيبتي عني دا لأني مسكت فيكي لآخر نَفَس
كُنت بنفذ وعد مني وعدتُه ليكي فـ يوم للأسف
كلمة بحبِك عقد مش كلام فـ ورقة و قلم 
قلبي كان صادق فـ حُبه مش مستني منك ألم
ايام تفوت مفيش حاجة بتتغير
بحاول ابعد عنك بس لسه مش متصور 
ان في حياة من بعدك اقدر فيها انا اعيش 
هعيش ههزم قلبي و اقول متجيش 
هقولك اني كرهتك و انى بردو محبتكيش 
زي ما كانوا يوصلولك كدبة و انتي تصدقيها
خسرت الناس عشانك و مفيش حاجة انتي خسرتيها 
كدابين ! الحُب يوم مش بـ السنين
الحُب اتنين عايشين مع بعض و مبسوطين
الحُب مش كلام، الحُب بالأفعال
الحُب بـ ألف معنى و كُل معنى ليكي اتقال 
آخر مرة اعاتبك فيها عينيكي دمعت
كُنتي عارفة اني صح بس قولت اودعك 
الأمل عطشان فـ بُعدك لـ لمسة من ايديكي 
كُنتي دايماً بتقويني اني اكمل بيكي طريقي 
هتشوفي مع الأيام مين اللي بجد حبّك 
لما تدوقي نفس الكاس و متلاقيش في حد جنبك 
مش هحب صورة فيها ضحكة كانت من بعدك
بس عايز اعيش فـ حُزني لو هيكون سبب سعادتك
هحضرلك فرحك، هرقص هغني ليكي 
و ايدي تلمس ايديكي .. مبروك يا حتة مني
هزعل جداً لو نسيتي اول واد هيكون على اسمي

تابعونى من هنا : www.facebook.com/profile.php?id=100004239844387

3esh2 l عشق

Written by: Mohamed Alaa
Music: Free Beat 
Vocals: Mohamed Alaa 
Master and mix by: Z ! Y A Z A N
© 2016 X MuZic

الكلمات :

الحُب كُله ليكي وبس ياللي مفيش غيرك يتحس
و مهما ألف الكون مش هلاقي زيك حد
بحبك ، حُب مفيش كلام يوصفُه 
حبيبتي هيَّ الجنة دا اللي الناس لازم تعرفُه 
بحس بيكي فـ كُل حاجة بتبقي جنبي
الله يباركلي فيكي ياللي خدتي مني قلبي
عاشق لـ عيونك دول دوبوني فيكي دوب
القلب حبّك انتي و حُبك انتي مش ذنوب
بحاول اد ما اقدر اقرب ليكي و منك اكتر
اخدك فـ حُضنى الاقيكي ماسكة فيَّ كـ طفل صُغير
برسم فيكي كُل حلم ، بحلم منك انتي بـ ابن
قلبي كان يهزم جيوش و جيه قُصادك انتي استسلم
صدقيني هكمل بيكي نُص ديني
انتي هدية من ربنا كافئني بيها سنيني
خلي ايدك تلمس ايدي جرّي حُبك بين وريدي
انا اللي راضي اتعبلك , انا اللي بحب عينيكي


اجمل واحدة هيَّ انتي ليكي سحر لو ضحكتي
الدُنيا تنور فجأة و اعرف انُه نور حبيبتي 
انتَ ابويا و انتَ ابني ، انتَ ضعفي و انتَ سندي
انتي عشقي ، انتي الضحكة وقت تعبي 
(x2)

لو فـ يوم انا هبقى عشان انتي بس جنبي
انا مهما اكون مخنوق مُستحيل لغيرك اشكي 
علمتي قلبي الحُب و علمتيه يحبك انتي
الدُنيا تحلى معاكي و تبقى وحشة لو بعدتي 
اعذريني لو سيبتك صدقيني
ما كُنت افكر الا فيكي و احلم امتى تجيلي 
مفيش دموع ، مـ الليلادي نفسي اقول
ان انتي اللي ليا و هفضل جنبك انا على طول
محتاج اعيش كتير عشان اقدر اوصفك
القلم مش هيسكُت طول ما كلامي عن حضرتك 
معايا بتوحشيني فـ اوعديني ما تسيبيني 
انا اكتر حد حبّ اكتر ما انتي حبتيني
بتخيلك بـ الفستان و الناس فرحانة بينا
كام ضحكة على زغروطة بالدُنيا و اللي فيها
هعيش حياتى معاكي فـ كُل حاجة هتبقى جنبي
الناس فـ البرد بتستخبى و انا بهرب فـ حُضنك انتي 


اجمل واحدة هيَّ انتي ليكي سحر لو ضحكتي
الدُنيا تنور فجأة و اعرف انُه نور حبيبتي 
انتَ ابويا و انتَ ابني ، انتَ ضعفي و انتَ سندي
انتي عشقي ، انتي الضحكة وقت تعبي 
(x2)

تابعونى من هنا : www.facebook.com/profile.php?id=100004239844387

AGml Wa7da I أجمل واحدة

Title : El Madam I المدام
Artist : Mohamed Alaa ( X ) 
Music : Free Beat
Rec & Master & Mix : X MUZiC 

الكلمات :

البنات هُما اصل الحوارات 
عاملين فيها الملاك و انتَ مُغفل ياض
انتَ ليه متمسك بيها يا عم بعد اذنك
حب البنت تسيبك سيب البنت تحبك 
ميغركش الكلام و العياط دي افتكاسة
لو مسمعتش كلامي الزغروف هيكون مقاسك
 قال ايه مُحجبة و بـ شعرها فـ انستجرام
 هى تقول اوبن مايند و هوَّ يقول المدام 
البنات مخلوقات فضائية..
جربت تشوف بنت اول يوم رايحة الكُلية؟
تبقى قافشها و بتحور
و تقولك بُكرة هتغير ..
حاجات غريبة بتحصل لازم هنحكيها
دي بتعرف مكان الشقة و تاني يوم بتبقى فيها 
مش بقطع عـ الشباب و اللي لازم تعرفوه
 easy come easy go ..

فـ كُل حتة فـ كُل حتة، تعرفلك خمسة خمسة ستة، دي مدوراها فـ كُل حتة .. يعني الـ Hero 
مش انتَ


حبيبي، هوَّ انتَ مش بتغير عليَّ؟
طب اعملي كذا و كذا ..
هوَّ انتَ هتتحكم فيا !
نكد كُل يوم مين دي و مين دول ! 
كُل حاجة مش عاجباكي يعنى مش معقول !
عايزاك تهتم بيا زي احمد و سلوى
خلاص انا مش طايقك يا رب تاخدك بلوة
صُحابي بيقولولي انك بتاع بنات
و انك بتعملهُم بوسة و قلب كمان فـ الشات
احيه ، انتي اتجننتي ولا ايه ؟ 
دول هما اللي عايزين يتاخدوا امبليه 
يعني انتَ بتحبني ؟
اه
يعنى مش هتسيبني ؟
اه
شكلك مش طايقني! 
اه 
مقولتش ليه من بدري ؟
حمااار ..
كفاية زن كفاية خناق، زهقتيني مـ الحياة .. 
في فرق بين الغيرة و الشك اكيد انتي عرفاه.
مش معنى اني ساكت يبقى مبحبكيش
 لو هتكلم معاكي فـ انا محتاج اشرب حشيش


فـ كُل حتة فـ كُل حتة، تعرفلك خمسة خمسة ستة، دي مدوراها فـ كُل حتة .. يعني الـ Hero مش انتَ

تابعونى من هنا : www.facebook.com/profile.php?id=100004239844387

El Madam I المدام

Title : Tayeh I تايه
Artist : Mohamed Alaa ( X ) 
Music : Free Beat
Rec & Master & Mix : X MUZiC

الكلمات :

سامع من قلبك كُل كلمة خلاص بعدنا و مش هنبقى 
اتنين بيحبوا بعض ولا عينيكي هشوفها تاني تبتسم
كان فـ عينيكي حاجات كتيرة بتترسم
قلبي ابتسم حُبي اترسم ، اكيد كدبتي و قولتي اتنسى
قولي بحبك قولي عايزاك قولي عايزة اكون معاك
قولي كلمة تريح قلبي ، قولي صعب فـ يوم انساك
مهما بعدتي هفضل احبك ، انا الوحيد اللي منك
نور عينيكي مش بيغيب ، بعدك انتي مليش حبيب
و تزيد جروحي لما تروحي لـ سنين فُراق
للحظة مش هينفع فيها حتى لو عتاب
انا حد كُل ما تحتاجيه جنبك دايماً بتلاقيه 
حبيبتي بينّي الاحساس اللي عيشتي بتخبيه
وحشاني ضحكتك ، واحشني اكون من دُنيتك
بحب لمستك بعشق حبيبتي نظرتك 
بفتكرك كُل يوم و قلبي بيرسم ليكي صورة
و مكانش راضي يصدق انك الكدابة الاولى


انا قلبي مات و الكُره زاد ف سنين بعاد
مشاهد حياتنا بتتعاد ، و احنا بنعيش دايماً فـ سُكات 
بتشوف ! مش شايف قلبك خلاص مش خايف
بتحس انها وحشاك ، دايماً بتحس بـ انك  تايه


مش مرتاح قلبي مش متعود انُه يعيش فـ جراح
من امتى يا قلبي انا و انتَ بكينا عـ اللي راح
الحُب باب ملوش مُفتاح و الغريبة انُه بعدك
مش سامح حد يدخُل، تعملي ايه فـ قلب بيشتاقلك
خلاص كفاية مش حاولت كتير معاها
يا اخي ملعون لُقاها لو بتنسى انك فداها
هيَّ عارفة مين حبها ، و ان مفيش حياة فـ بُعدها
بس عارفة لما تكون محتاجة هتلاقيك جنبها
نسيها دا الاحساس هتلاقيها ركعت فجأة
كُنت تكدب كُل الناس و تقول حبيبتي اللي صادقة
مع اول واقعة لاقيتها هيَّ قُصادك سابقة
و ساعتها قُمت تكمل بعدها قولت انك محتاجها
عُمرك حسيتي بيا عشان تقولي بعدنا بسببي ؟
حاولت كتير اقرب منك دايماً كُنتي تخبي 
شوفتي بقى ان قلبك مكانش هنا
كُنا بنحب بعض ولا بنعذب نفسنا 


انا قلبي مات و الكُره زاد ف سنين بعاد
مشاهد حياتنا بتتعاد ، و احنا بنعيش دايماً فـ سُكات 
بتشوف ! مش شايف قلبك خلاص مش خايف
بتحس انها وحشاك ، دايماً بتحس بـ انك  تايه

تابعونى من هنا : www.facebook.com/profile.php?id=100004239844387

Ya Retna I ياريتنا

Mohamed Alaa ( X ) ✪

Recent comments

المطيري

Wasf Magdy

DamoN

Hadi Ezzat I El Dod

Related tracks