قلم حمرة.. المسلسل الذي غيرنى💄💔

الزواج....
الراعي الرسمي للوحدة
بالأخير بتوصل لإحساس إنه حتكون أقل وِحدة بكتير في حال كنت لحالك
في حال كنت مو متزوج صعب تفهم هاي الجملة
وكمان مو كل المتزوجين رح يفهموها
أكيد في جْوازات ما بتدخل بهاد التصنيف
بس بعد عدة سنين بتقضيها بمراعاة مشاعر الآخرين
بتوصل لمرحلة بتبطل تعرف شعورك الخاص 
وقت توصل لهاي المرحلة بيكون صار الوقت إنك لازم تدور على حالك
عحياتك الشخصية
ببساطة وقت بتتعب من كونك ميت
رح تكون على استعداد 
إنك 
ترجع
 للحياة مرة تانية....

الزواج.....قلم حمرة

متاهة...
وإنت راكض ،ماشي ،واقف...
بس انت فيها للمتاهة
بتحاول ....
بتفتح باب وبتنبسط بدون ما تعرف إنه لسا قدامك عشر ابواب 
مسكرة
بتحاول...
بيسكر بوجهك باب...بتزعل
بدون ما تعرف إنه لسا قدامك عشر ابواب مفتوحة
متاهة...
هي اللي بنعيشه كل يوم
وكل يوم بتعطيك فرصة جديدة إنك تفتح ابواب جديدة
بس ولا مرة رح تعطيك الفرصة إنك تطلع منها 
طالما انت فيها....

و أنت هيك هيك جواتها للمتاهة... وأنت هيك هيك بتعرف شو آخرتها... بالنهاية كلنا رح نسقط .... بس فيك تستمتع بالرحلة... فيك تراقب، تشم، تدوق وتسمع وتحس ... 
وفيك تضل عم تعد كم باب مفتوح وكم باب مسكر ...
متل أي مشوار فيك تنبسط فيه وفيك تضل عيونك طايرة ع عداد البنزين و مخك عم يتقرش لـ سيارتك قديه عم تعمل بالتنكة ... 
ما دام طلعتو للـمشوار
 ... ليه عم تحسب !


متاهة _قلم حمرة

نص وصوت أحمد قطليش

وحده الكفن من يستطيع أن يضمّك بشدّة
كذلك الموسيقى؛ هي الضباب المُر، تلفّ الأرواح العارية من السماء.
أنا الرجل الدميم ذو الصوت الأجش، أجلسُ قبالة الجدار وأغني حتى يتقشر عنه الطلاء ويصبح رمادياً.
أنا الرجل الدميم ذو العينين العصيتين على الضوء، أحبُ الرمادي.
أنا الرجل الرمادي الذي يحب الأشياء البسيطة
كأن أضم يدي القاسية على كتفك الصغير
كأن ألعب النرد مع نفسي وأخاف الهزيمة
أن أحب الهزائم.
والموسيقى الجنائزية بآلاتٍ خَرِبة، بأيدٍ لم تجرب لعق الموسيقى يوماً.
أنا الرجل الذي يملك أذنين كبيرتين " كأذني حمار" يسمع كل شيء.. كل شيء.
أنا الرجل الذي يسمع الموسيقى من رئتيه
أنا الرجل الضخم، لا أكفّن إلا بالموسيقى.

الرجل الذي يسمع الموسيقى من رئتيه

من أذكى الحوارات اللي صارت بهاد المسلسل وأكثرها ألما
حوار بين ورد وصِبا قبل موت صبا

من وين عم تيجي كل هالمي اللي بتروي دمعنا....قلم حمرة

قلم حمرة - وقتا بس بيوقف قلبك وبتطفي

الكان وياما كان - الحلقة 6 - قلم حمرة

الذنب - الحلقة 12 - قلم حمرة

و اخرتها - الحلقة 23 - قلم حمرة

نحنا ناس غرقانين بماضينا - الحلقة 26 - قلم حمرة

ليش دايما بنتذكر الماضي ما دام مضي - الحلقة 26 - قلم حمرة

محمود درويش - ليل يفيض من الجسد

i made it in my home studio 
Piano & Vocal : Roger Al Lahham

الفرق ما بينك و بيني - روجيه اللحام / Roger Al Lahham

بتذكرك كنَّك وهم وكنَّك حزن بتذكرك
متل ال عم ينطر حلم والحلم جوّاتو اندفن

بتذكرك متل ال ناموا ع الطريق وما غفوا
وتشردوا وتغربوا وضبوا بشناتيهم وطن
بتذكرك متل ال ضاعوا بالبحار وما رسوا
وارواحهم اشباحهم تعتب على ظهر السفن
بتذكرك متل ال ضّلوا ع قرارن وانمحوا
وصيحاتهم دمعاتهم تحفر بحيطان السجن
بتذكرك كنّك وهم كنَّك حزن

وبتذكرك كنَّك فرح وكنَّك غناني منذكرا 
بتذكرك كنَّك سرد وكنَّك ليالي منسهرا
وبتذكرك كل ما صبي غازل بنت واتصورا
وكل ما المطر حب الارض ورتَّل صلاتا وطهَّرا
وبتذكرك كل ما قلبي غنالك احلى لحن
بتذكرك كنَّك وهم كنَّك حزن

الكان وياما كان - الحلقة 6 - قلم حمرة

Mohamed Yousry

Related tracks