sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

مصطفى سيد أحمد أغنية(علميني الإحتمال)؛عود كلمات قاسم أبوذيد

الإحتمال

الزهور بسمت لينا (كابلي _عاطف عبد الحي)

سيدة وجمالها فريد كلمات الشاعر الرقيق سيد عبدالعزيز اداء هاشم ميرغني

مصطفي سيد احمد

أحمد الصادق 🩶 ليه يا قدر

ضاع صبري _ ضياء الدين السر

سودانيات

النور الجيلاني - جمر الغرام

اذكريني يا حمامة - مصطفى السني

نادوها .. ما ردت
الأرض قالت هووي ...
لي ناساوإمتدت
يد الزميل وأخوي
شلناها....
وإنطلقت من الحلق 
يوي يوووووووووووووي
نحنا الشوارع جــات
نحنا المدائن جــات
حتي البدو والرحل
قالولك إتوكل
خلينا نبنيهــا
أسمنت أو جالــوص
قادرين نسويــــــها
ياشايـل السكيــــن
من إيدك أرميهـــــــــا

نادوها - كورال الحزب الشيوعي

عوض الكريم عبدالله _أسمعني يا شادي

قمر العشا الضواي+الكنداكة

Mustafa alsunniقمر العشا الضواى+الكنداكة

الجابرى - رسالة شوق - صحيفة شبكة سودانيات الاليكترونية

مصطفى السني-زرعوك في قلبي

ماضى الذكريات

مصطفى السني-زرعوك في قلبي

Mohammad Ahmad Modawi

Recent comments

mohamed hassan

Tarig Mudthier

user954030247

Related tracks