انا بصحي وانام 
زاهد من كل البني ادمين
بنهج اشواق
وكأن الشوق اشبه ل روتين
اصوات تمتمه ماليه الاوضه
بتادي حروف مش مفهومه
وانا شبه مغيب ف الدنيا
مزيكا ودوشه وصوت درويش 
وعيال بتخربش ف كفوفي
وبترسم احرف بالكوفي
قالي الدرويش :
البعد بينكم للقا 
اقرب سبيل من غير وجع
يا تروحلها وتموت لها
يا تعيش ف وهمك منخدع
كام الف قبلك راحلها
داب زيه زيك ف الهوي 
ولا يوم رجع
ومافيش سبيل تاني للقا
والروح روحين متفرقه
طبع السحاب لما يزيد
يصفي علي ميه ف تراب
رديت انا وبصوت جبان:
-ايه العمل ؟ 
وانا قلبي نبضه ب اسمها
كل اما اتوه بين الحروف 
بلقاها تحكي عنها
كل الحاجات ف الدنيا 
فيها بيشبه منها
بلقاها ديما ف المكان
اللي جمعني بضلها
يا مولي عشقي المنكسر
انا زهدي من كل الحاجات
الا هي
انا قلبي متعلق بقشه ف الهوي 
نظرة عنيها اما حكت
انا شوفت فيهم بحر مالهوش اي موج
ولا ليه شطوط
وانا لسه متعلق ب موت!
...
سكت الكلام فجأه
ودموعي كات ساكته
كل الكلام ماوصفش
كل الحروف باهته
كل المشاعر شوق
اشواق لكن زاهده
والصوره بتغيم 
وبتنتهتي الماساه
كل الصور متهات
مسلوبة الالوان
ابيض واسود كان
مالهمومش اي زمان
وبلف حوليا 
ونسيت اكون انسان 
طاير ورجليا 
مش لامسه اي كيان
والناس بتتباعد
بتروح كما الدخان
الناس بتتباعد 
بتروح كما الدخان
انا ساكت ومغمض عيني 
والصوت عمال يعلي ويعلي 
حاسس بايدين ماسكه كفوفي
والدوشه بتقلب علي الصوفي
وعيوني بتفتح تدريجي
الاوضه وكراكيبها ثوابت
والروح بتفوق بعدما غابت
والنور بيفتح ف عيوني 
وانا وحدي ف اوضتي مافيش غيري 
وبفتح ايدي لقيت اسمك
منقوش بحروف رافضه تسيبني
وبشوف ل مرايي لقيت صورتك
برواز معكوس ع التسريحه
والقلب بينبض رتمه سريع
......
انا بصحي وانام
حاضن صورتك جوا عيوني 
انا فاكر كافة تفاصيلك
انا فاكر ايدك وضوافرك
وعنيكي وتسريحة شعرك
من اول ماقابلك مره
انا زاهد كله الا عنيكي
بالصدفه لقيت نفسي معاكي
وصحيت بتنفس ف من غيرك
ولقيت الروح قاعده بتنهج
وبترسم مية سكه عشانك.... مليانه سدود 
واغني قديمه برتلها
من بعد ما صوتك غناها
عايش مكسور وسط بكاها
ويزيد الشوق
ولقيت يمكن منك باقي
حبة اوجاع ممتلكه الروح 
علي كام صوره ورسمه 
وابيات اشعار خايفه من البوح

محمد مصطفي - زاهد

اشهد بانك ف الوريد عايشه
وانك حقيقه ف دنيتي الهشه
وان السما شبهك البعد يوصفها
وانك تركتي الروح الخوف بيملكها
اشهد بان عنيكي كسرتني
سابت ملاحي للعجز يملكني
واني معاكي ف كل لحظة
كنت ابعد م البعاد عنك
اشهد وروحي لسه مابتشهد
ان البعاد لاف صالحي او صالحك
وباني لسه مابنسكيش فاكرك
وبحاول النسيان واتعب و بفتكرك
واشهد بان الروح مانسيتكيش ولو ثانيه
اشهد بان عنيكي غير قابلة للنسيان
وان السما شبهك ابعد من الإمكان
وانك حقيقه وكدبة الازمان
وانك غزوتي الروح في كافة الاوطان
واني ف هواكي سبت روحي تزود الادمان
اشهد
ربي غريب طبعي سارح ف ملكوتك
وانتي غريبه ف طبعك التجريح
قلبي ازاز هايش سلمته ليكي خسرت
وبعدتي عني بقيت مكسور ضعيف اتسابت
ونسيتك الكلمه اللي لما بوصفك بيها
ببقا ساعتها كدبت
انا لسه سامع ضحكتك فيا
شايفك ف كل مكان
وسط الشوارع والبيوت
و قت الكلام و قت السكوت
مسرومه لسه ع الحيطان دخان
ومابين كلام الناس لسه بجيب سيرتك
لسه بشوف صورتك
لسه بغنيكي بنطق حروف اسمك
وبجيب اغاني غنتيها للزمن فيا
يمكن تعودي وترجعي ليا
ثانيه اضم ايديكي ب اديا
والقاكي عايشه ف كل اغنيه
عايشالي لسه ولا نسيتي خلاص !
..
كل القهاوي والحكاوي والاغاني والمطر
وقت الفراق اتجمعو
علشان يسيبو ف روحي من غيرك اثر
ويسيبو روحي بتشتكي
من دون عيونك تحمي روحي من الخطر
من غير وجع
انا قلبي وياكي اتخدع
زي اللي شاف نجمه ف سما
راح مد ايه يضمها
واتساب ف بحر مالوش دليل
قربتي ليه لما ناويه علي الفراق
قربتي ليه وبقيتي ابعد م البعاد
انا كنت فاكرك شئ جميل
عمره مافكر يفترق
ولا عمره هيجيب اشتياق
صافيه وجميله زي ضحكه م السما
عيشت ف هواكي دعيت عشانك ربنا
وغزلت روحك لحن اغنيه
واتسابت وسط السكه وحديا
عيل ضعيف قلبه اتكسر
وماكنش ليه ديا
....
روحي تعبت م المحاوله المستقيمه
والحاجات المستديمه
اللي حلفت مانسكيش
كل حاجه ف كل حته
راسمه صورك حته حته
راسمه تفاصيلك معايا
كل ما ببص ف مرايا
بلقا صورتك جوا عيني
بلمحك طيفك حاوطني
برسمك و الخوف مالكني
اني انساكي بحاول
بس بردو مابنسكيش
خمره روحك ساكنه فيا
خمره ممسوكه ف ايديا
لسه موج البحر عالي
بسمعك ويا الاغاني
تايهه فيا مابتروحيش
عايشه ليه سيبالي بُعدك
ليه بذنب محستيش
لو خلاص كنتي هتمشي
ياللي سيبتي القلب فجأه
كان ضروري تعلميني
اني من بعدك اعيش

اشهد

لعالم كان اضيق جدا
من اني اصارحك ب مشاعري
من ان احكيلك احلامي
من انك تبقي ف كون جنبي
وانا راسمك علي جدران بيتي
اطفال و حكايه تكملني.
والكام وردايه اللي هجيبهم
لحبيبتي وانا مرواح بدري
و الحضن الدافي اللي يطبطب
علي كتفي ف كل اما اعيط ..
والايد اللي هتمسك ايدي
وهتحلف اننا هنكمل
العالم كان ضيق جدا
علي اي مشاعر تجمعنا
يمكن نتقابل انا وانتي
من داخل عالم يفهمنا
من غير ولا حرب تفرقنا
من غير دستور ان الفرقه
هي اللي اصح عشان نبقا
انا وانتي ف عالم لا يصلح
للحب وللقرب الدايم
لا يصلح الا لخوف عايم
ف بحور ان الحب مخاطره
ف الكون يا حبيبتي الناس فاكره
ان اللي يحب هيتكسر
بيخافو يصارحو بمشاعرهم
وانا وانتي اتنين فعلا غيرهم
واخدين م الخارج تشكيلهم
لكن جوانا قلوب حبت
العالم شئ ومكان مرعب
قادر يستهلك احلامنا
العالم همجي بسرقنا
قادر ببرودو يفرقنا
ويعلق اسبابنا التافهه
علي قولة انه نصيب خانا
انا وانتي روحين نوعهم واحد
لكن كان صعب اننا نبقا
ونخوض ف معارك خسرانه
مشاعرنا ماهيش كامله معانا
بما ان قرارك مستهلك
بما اني معاكي هكون بهلك
ووجودك جنبي هيفنيكي
انا وانتي خسرنا حروب ياما
من قبل مانتقابل صدفه
جوانا خراب ومزاج طايش
جوانا قلوبنا المكسوره
جوانا رواحنا المهجوره
وبرود ك ديسمبر متقلب
جوانا شيطانا اللي بيغلب
جوانا تعبنا اللي بيحكم
وانا روحي معاكي بتتحرك
انا روحي بدونك هتسيبني
وهتطفي اواخر مابقيلي
من نوار باهت ساكن فيا
انا اخر طاقه ف شرياني
فاقت من ساعت ماقابلتك
ضاقت وانا عارفك يوم ماشيه
وتسيبي الروح بعدك عتمه
وتسيبي كلامك ع الفرقه
هو اللي هيبقا ف ذكراكي
....
https://www.facebook.com/mohammad.moustafa1

اختلاف ديسمبر

هذا النص عباره عن ملخص الحالات لكل شهر من اول دخول البرد

....
https://www.facebook.com/mohammad.moustafa1

Mohammad Mostafa 11

Popular tracks