يا قائد الجند - مصطفى سعيد

اهداءات الدكتور طلال طعمة
تسجيل نادر - الشيخ امام عيسى اتوب ازاي وانا ايوب - حفلة - فرنسا
http://www.misrfone.net
/

تسجيل نادر - الشيخ امام عيسى اتوب ازاي وانا ايوب - حفلة - فرنسا

العب سياسه 
كلمات امين حداد
الحان حازم شاهين
اسكندريلا

احدث أغاني اسكندريلا إلعب يا سياسي

  تلت سنين والرابعه
اكيد الرايعه كبيسه
جنب الشغل عماره
ورا العماره منيسه
وانا قاعد مش مرتاح
انا باب ديته مفتاح
كان نفسي اكون سفاح
بس مجبتش مجموع
وانا كل ما بمشي بلاقي
يافطه الوقوف ممنوع


تحت البيت كوافير 
قصاده محل هدوم
صاحبه دايما ملخوم
قلبه صاله بلياردو
وغرس نخله قدامه 
النخل بيحضن ارضه
كل ما تطول ايامه


ازاي الخوف وصلني
لدرجه اني مخفش
ياللي فرقتوا الحب
انا قلبي بجد مخدش
ولا يمكن اكون شحات
اصل كرامتي بتوجعني
وانا كل ما اقول التوبه
ملقاش راجل يمنعني


الجامع فاضي ولكن
دايما حاسه مليان
فوقي ساكن دكتور
شكله علي طول عيان
وجراج الاوبرا اتهد
انا ليه خايف ع السد
وازاي بضحك من قلبي 
وانا واخدها بجد


انا كوبــري قصر النيل
وعشــــره عمــري اسود
انا كوكــب ماشــي لوحــده
ومـافـيـــش للوحــده حـدود
وهـــاسيب تليفوني يرن
انا اصــلا مش موجــود

عمر طاهر | الخريطة | Omer Taher | Al kharita

موال ما بين الصحراء والبحر - فرقة الطنبورة

بكيت في الأول بكيت في الثاني

بكيت مسحت دموعي

بامسح دموعي بكيت

املوا علينا البيت

املوا علينا المخيم

املوا علينا الظلام

أنا القتيل المتيم

املوا علينا الشجن

أنا قتيل اتسجن

قتيل في يوم الفطام

املوا علينا الهوا

املوا علينا عنينا

نزفنا دم النور

نزفنا في حبكم

دم الخيال 
خلينا كل البلاد و الشهور

بلد وشهر حرام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت

املوا علينا الطريق

مبلول كأنه طري

غنيت لقطر الندى

من كتر ما غنيت

شقت جفون اللي نام

رمت صبية و غلام

املوا علينا الصرخة

املوا علينا الكلام

املوا علينا الفرحة

قليلة يوم الانتقام

قليل ما قلنا يا ريت

بكيت مسحت دموعي

بامسح دموعي بكيت

املوا علينا البيت
فؤاد حداد

بكيت في الأول بكيت في الثاني - فؤاد حداد

الشيخ امام عيسى - على حسب وداد  قلبى - عزف على العود
من ارشيف المستشار نور العقاد 

الشيخ امام عيسى - على حسب وداد  قلبى - عزف على العود

كلمات / محمود الطويل

و الليل ان زاد
فى بلدنا سواد 
راح تفضل شمس يناير كف تشاور ع الجلاد 
و تطالب يالاعدام 
وتسافر بالاحلام

الشيخ إمام - راح تفضل شمس يناير كف تشاور ع الجلاد

ما تفتكرش إني باتعب لما بتسافر
أنا بس بانساك .. واعافر
في الدنيا من غير أخ
ما تفتكرش إني شاعر
انت مش فاهم
أصل الغُنا زهرة
زهرة في كل المواسم
يا خسارة ما بتطلعش
ما تفتكرش إني نعش
أو كبايات فاضية
أنا كبايات عصير قصب مليانة ع الآخر
والخلق ما بتشربش
ما تفتكرش إني تاجر
نُور و رُولمان بِلْي
مصفحات .. من عيون الناس بتتفجَّر
وانت العيون والبضاعة وزيطة المتجر
والأرض بنشارة خشب مفروشة تِتْدارى
دم الشجي ما يبانش
وإن كنت فاكر
يا نني عيني إني باتعب لما بتسافر
كل الحمام هاجِر
كل النسايم خناجر
كل العيون طالعة في الصورة ..
ولا بتلمعش
فكرتني بالذي من مَطْرَحُه اتَّاخِر
علشان يقَعَّدني أكتب شعر وأذاكر
فكرتني بالمباخر .
.بالجمر تحت البحور
من عشق شمس بنوت بتتبخر
أنا مش باحبك .. بس باتبخر
وأقدر أعيش .. أقدر
لما تاخدني المراكب
وانت مش راكب ..
واخبِّي تحت المراتب قلبي حُق بُخور
ما تشدنيش من شعري يا عصفور
أنا مش ح أطير والحبيب من كل نور غايب
الأرض زُهرية فاضية واللبن رايب
والليل معبِّي ف زكايب في انتظار النور
(بهاء جاهين – من ديوان "كوفية صوف للشتا" – دار ميريت - 2003)

الأرض زهرية فاضية - بهاء جاهين


هل تسمعي عن هذي شاعر؟

أو شاعر إذا هذى؟

شايفك في غنوة حرقتها..

وانا جندي في وسط الحرب..

في صورة لبنت حبيتها..

وانا قلبي بشاير قلب..

شايفك مابين المغفرة والذنب..

وبين الصاحب الميت..

وبين الحي..

شايفك كـ مي..

صورة بتفرد نفسها مَية..

شايفك عليا..

ساحت عنيكي على القميص..

وساحت شفّتك ع الكُم..

ماشي وبين السرد والتلخيص..

بايع حكايتك للخلايق شعر..

"
مي الوتر..

عازف سلالم شوق..

مي الشجر..

رش المطر على فوق..

مي اللي كانت وردها يلمع..

ولو تأذن للنهار يطلع..

لو مي كانت هنا دلوقت..

كانت تغني بصمتها ع التل..

ماكنش قول الشعر خانه الوقت..

وماكتش أسراب الحمام هتضل..

قولوا لمي ان النهار ولع..

طال الجدار والتل والمصنع..

قولو لمي ان الرصاص أبله..

ماشي يرش الدم ع الأزمة..

قولوا لمي إن الطريق سكران..

"

سرعان ما كان الوقت خاين..

واتفكّت القضبان عن القُطُرات..

سرعان ما كان اللي رايح جاي..

والجاي مش رايح..

سرعان ما مل القمر م الضي..

والهوا سرق الروايح..

سرعان ما سال الدمع في لمح البصر..

أو تقدري تقولي..

في ملح السؤال

لمين هغني الجرح والفكرة؟

ولمين هبيع الكدب عن بكره؟

واللي اتولد ذكرى..

منين يجيب الأصل؟

وكون الضرب في الميت..

تملي بينتهي بالنصر..

تملي بيشعل المستاء حنين..

نازل أكسر في عضام المقبورين..

وادفن بقايا الصمت في صورتك..

ودوري في الهوا دورتك..

لن ينفعك أثر الفراشة..

إذا زار الحنين الفرش..

لن تجبرك روح البشاشة..

إذا أصبح صمودك هش..

حتما هتسقط وحدتك..

وتحاصرك الصحرا..

حتما هتتأكد نبوءتي..

وأشوفك..

ذكرى..

منتحرة
.


البيدج:
https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339

متلازمة مي - أحمد عبد الحي

يا عم ادريس عليا الدور..أدور و اطلع مع الطالعين ..

 "www.moultaka.info" ملحوظة: التسجيل مأخوذ من موقع الملتقى

الشيخ إمام - راح تفضل شمس يناير كف تشاور ع الجلاد

U3 (Yousry)

Recent comments

Erwin smith

Ahmed Etman Pharmacist

Related tracks