

أنا كويّس
أنا مبسوط . 
ولسّه الدّم فـ عروقي 
ولسّه بجري في المطرة
بدون زعبوط

أنا مبسوط عشان بزعَل
وبتقامِص على الهايفة 
ولمّا اغضَب أقول ينعل
أبوها الدّنيا مش شايفة
حاجات مظبوط

أنا مبسوط عشان ممكن 
أكونْ القدوةِ الكُبرى
وزحمةْ مترو ف الجيزة 
تودّيني إلى الأوبرا
وانا ملطوط

أنا مبسوط عشان كِلمة
وانا المبسوط عشان راضي
مدام الفَرح ما بيدّي
وأحزاني و بتعدّي
هخلّيني كدا علطول
أكون مبسوط

أنا مبسُوط

شركة النصب لاختبار الذكاء

المينيونز يحتفلون بالزمالك

زاهد الدنيا

مش عارف طِولت منّي ليه بصراحة بس انا عارف انكو هتستحملوني [[fakss31]]

توقّعات لمباراة القمة, وأشياء أخرى

فضفضة غانية مونديالية, وبرادلي ازاي؟

دليلك الوحيد للتشجيع النموذجي من كراسة الأول

أشجّع الأهلي ولّا الزمالك ولّا دارمشات؟

التعليم والإعلام والشعب, فيه علاقة؟

دوت بيض مصر.

مستعجِلِي النهَايَاتِ أمثالِي
والرافِضينَ لمبدأ التفاصيِل
والفترة اللي ما بين الكدّ
لحدّ امّا الدموع ما تسِيلْ
مِستعجِلي خطّ النهايةِ
والرُجوع..
والنائمين خوفًا مِن وجع
قد دام من بين الضّلوع
ودا مين يِساع؟
ودا مين يسوع؟
اللي هيستنّى المواجعْ مِن علِ
مين فينا حبّ انه يكمّل ف الخضوع
أو ساب مواجعُه حتّى تيجي ف مقتَلِ 
زيّ اللي ندبوا حظُّهمْ باسم الحسين
زي اللي جرحوا نفسهم باسم العلِي
مِستعجلي كل المواجع 
والمشاكِل
والأرق
لا تَعجَلوا..
الدنيا ناس لو يوم ما تسأل يسألوا
الدنيا شمس, بسّ ليلها قَد وَسَق
يركَبْنَ فيها الناسُ طبقًا عن طَبقَ...

*مش ملتزم بالقواعد النحوية أوي فا معلش ع اللخبطة*


مِستَعجِلي النهايات

فَرَاعو إنّنا لسّه
جٌداد ع الدنيا والمخاليق
ولسّه ف أوّلَك يا طريق
وأوّل حاجة نِعرفها..
تكون آخر ما وصِلّها الآخرون
فلِسان حالِ آباؤنا الأولون
"إذهَب أنتَ وصحبَكَ قاتِلا..
إنّا هاهُنا
مٌنتَهون
"

ماسكة يمينَك أوّل طرف م السكّة
حاسبَة شِمالَك ايَ احتمالِ جدّ
وَارد طريقَك يبقا حارةْ سدّ
حاسِب لَيِفلت هذا الطرف من إيدك
بمعنَى الربّ هيريدّك 
تكمَل ما بقى منّك
معاه..
ووَارد سكّتك تبقا موازية لحدّ بيرِيدّك
ووارد تفترِق منّه ولإنّه منّك تَاه
هذا الطريق الصعب ممشَاه
ممكن توافِقْ نهايتُه لنهايتَك
وممكن تنتِهي قبلها حكايتك 
يتحسّروا لكِن, الوقت متأخّر..
والمشكلة الأخطر
انّك تنتِهي بنهايِة المشوار
وتشوف بعينَك مقعدَك ف الدار
لوحدَك..
ولا يِنفعَك لا رفيق
ولا يوم هتنفع حدّ
فرداني لكنِ سكّتك تِدْيَقّ
فرحَان لوحدك, زيّها ف الضّيق
ولا حدّ راعى إنّنا لسّه 
جٌداد ع السكّة
والمخاليق.

Mohammed A.Bakr

Popular tracks