كان بلياتشو متخصص
يموت قدامها تضحكله
و كان عارف بيبنى إزاى
ملامح ضحك على شكله
وقف على كرسى قدامها
و شدّ المشنقة بإيديه
و هوّ لأنّه بلياتشو
ماقالشى هوّ نفسه ف إيه
دا كان لمّا يشوف دمعه
يروح و يشيلها ف المونتاج
و كان لو يوم يعوز ضحكه
يروح يرسمها بالمكياج
وقف على كرسى قدامها
و شدّ المشنقه بايديه
و جه واحد و قال وقّف
و ضحكوا الناس على الإفّيه
فضل يضحك على نفسه
و مش عارف بيضحك ليه
دا كان بلياتشو متخصص
يموت قدامها تضحكله
و كان عارف بيبنى إزاى
ملامح ضحك على شكله
وقف على كرسى قدامها
و شدّ المشنقة بايديه
دخل بدماغه ف الحلقه
و شدّوا الكرسى من تحتيه
و هوّ لأنّه بلياتشو
ماقالشى هو نفسه ف إيه
و في المرّه دى تحديداً
ماجاش واحد كما العاده
ف آخر لحظة قال وقّف
و بص ف عينها وقت الموت
تخيّل وقتها شاف إيه
لقاها واقفه بتسقّف
مع الجمهور على الإفيه
دا كان بلياتشو متخصص
ماقالشي هو نفسه ف إيه
دا كان بلياتشو متخصص
و راح مع دوشة السوكسيه

Mohammed Ȝdly Hosny

Popular tracks