حماقي

مكملين قصيدة الثورة المصرية 2 هشام الجخ

قصيدة خمسه الصبح هشام الجخ

#خمسة_الصبح
كل حاجات الليل بتروح
ناس بتغمض وتسلم
وردية الغلب
لناس بتفتح
وتشطب عربية الكبدة
وتعلق يافطة مقفول
فبسرعة يتحول عربية فول
وكماين الشرطة المبدورة
ببتسلى على بلاوى الناس بتمشى ناس
هى كمان زهقت من الوقفة عايزة تروح

#خمسة_الصبح هو الوقت الأمثل ليها
انها تفتح شيش الأوضة
تطرد كل كلام السهرة الجارح
هو الوقت الفاصل بين دلوقتى وبين امبارح

كنا زمن بنسهر على الراديو نتسلى على أى كتاب
دلوقتى بتسهروا على اللاب
وتكلم بالمليون واحد
الصادق فيهم كداب
كنا زمان ما بينا مسافة وبينا بلاد
دلوقتى بنسهر مع بعض لخمسة الصبح بس بُعاد

#خمسة_الصبح هو سكوت الفجر فى شقة ستى
وخرير الميّة وهى ببتوضى فى عز البرد
كانت حافظة مكان الراديو وكوبس النور
وأزاى يشتغل القرآن وازاى يتعلى
وانت بتعمل نفسك ميت لتصحيك وتقولك صلى
والعصافير يستفردوا بيك
صوتهم يعلى ويصحيك

#خمسة الصبح البنت اللى عنيها امبارح
كانت قتالة ودباحة
يبدأ تتسحب بالراحة
وتغير لبس الكباريه وتلبس واسع
كالعادة التاكسى ميرضاش يدخل فى الحارة
فينزلها فى لآخر الشارع
تنزل تمشى
وجوا ودانها الرقص وضحك الناس والخمرة
من جواها الدنيا بتشغى لكن بره محدش سامع
والفقر أما بيفرض جوعه بيغير فى بنود العقد
بين الشارى وبين البايع
المشهد مفهوش تفاصيل
غير بنت لوحدها فى الشارع
محليتهاش غير جسمها يفضل حلو شوية
وحلمها يفضل طول العمر الباقى ضايع
#خمسة_الصبح خش عليها البيت يستلوح
كان سكران ، كان سكران ماشى بيطوح
كانت جارته بتكوى هدوم جوزها الشقيان
وبتقفل بلكونة الصالة
علشان عرفاه هيقوم عرقان
والبواب غسل العربية نشف إيده
فبسرعة المشهد يتحول عبد وسيده

افتح لي المشهد ع الآخر
هاته لغاية آخر كادر
مابيطرحش الملح خضار
ولا يبنيش الأوطان غدر
والقمر اللي يبات طفيان
غير القمر اللي يبات بدر
آه يا سواقي الميّة الهَدْر
لِسّاكِ عفيّة وبتدُّوري
الحب عشان يطرح ناس
مش محتاج فارس أسطوري
الحب عشان يطرح ناس
مش مستني قرار جمهوري
خمسة الصبح
اتقيّد ضد المجهول
محضر قتل الطفل السوري

يا البنت اللي بتتلوّى
ولا في الرقص عرفتِ تهزّي
ولا في الثورة عرفتِ تثوري

ليلك زى البحر يهيجح
ولا مركب هيكمل طافى
وسلاسل موجك كرابيج
وفنارك متغطى وطافى
وانا متعود
يا اما البحر حدف اشكال
وإسأل على راسى الطبال
إسأل عن شبكى وخطافى
أنا جزر وغارز فى الرملة
أما الضيف اللى بيتسلى
دا بيجى ويروح خطافى
فسأل عن شبكى وخطافى
#خمسة_الصبح بتاعة الفقرا
غير خمسة الصبح البشوات
والصحيان علشان الرحلة
غير صحيان الامتحانات
وسكوت الشاعر احيانا
مش معناه ان الشاعر مات
‫#‏خمسة_الصبح‬
وقت لكل الاحتمالات
اللي يعرّض
واللي يكشكش
واللي يصلي
واللي يفحشّ
واللي يغني
واللي يحشش
واللي يونّس
واللي يلبشّ
واللي كتير احلو عشانه
وهوا يوحشّ
وأما أزعل وأتكلم عنه
يتنرفز ويقول ميصحش

#خمسة الصبح الوقت المنعش
الوقت المدهش
كل حاجات الليل بتروح
كل خيوط الصبح تفتح
لسه حبيبتى السمرا
لسه رموش السمرا حبيبتى
سهام بتدبح
لسه العصافير اللى سايبها
فى شجرة بيتنا بتصحى تسبح
لسه المشهد زى ما هو
ناس بتشوفه فى غاية الروعة
وناس بتشوفه فى غاية القبح
وانا بتريق عالاتنين
وبسهر وحدى لـ #خمسة_الصبح
مايصحش#

خمسة الصبح

هشام الجخ ومصطفى عاطف #منطقي - ElGakh Ft Kharma & Mostafa #Manteqy

سرى جدا الى البحر
كلمات الشاعر هشام الجخ 
أداء صوتي / أحمد سمري 
و بنقولّه يا بحر
ليه الموج فى عِز الهُوج ما بيخلِّصش
و المِلح سَد وِدانك و دانَك لَجل ما تخلِّصش
يا بحر كام ألف بِت زَغزَغت رِجليها
و رَفعت عنها الحِجاب
و لَزقت فُستانها بالعاني على ضَهرها
و جَرحت رِجل الواد اللّي جِري في ضَهرها
و عَملت مِلحَك دَوا
و اللّي جِراحُه هوى مالهوش طبيب غيرَك
طب ليه بِتِبْخَل عليّا
مع إِنْ نــانــا صبيّة
زَغزَغت رِجليها و رَفعت عَنها الحِجاب
و لزقت فستانها بالعاني على ضهرها
و دَبَحتِني في مَهرها و دفعتِلَك راضي
خلّيتلي حبي قضيّة وعملتلي قاضي
وكَويت بِملحَك جَرحي كِيف الدَّبْح
مِن مِيتَى يا بحر الِجراح بتطيب بِحّبة مَلح
و أنا أَصلي واخد ع الـوَجَع ..
و أمَّا الجِـراح بِتْصيـب جَـدَع ..
بيصِير وجَعْهَا بــــ مِيت وَجَع
تعرف يا بحر الـ مِيت وَجَع !
وَجَع اللي حَبّيتها وسابِتني
وَجَّع اللى بعنِيها سَبِتني ..
وَجَع اللي عَمَلِت مِنّي رَمل في قَعر جُوفَك رسَّبتني ..
و تُسعُمِيت مِليُون وَجَع للذكرَيات ..
أصْل المحبّة يا بحر مِش فَترة وتعَدّي
دي عُمر شايِل صوت هِزاري و غُلب جَدّي ..
فِكر طايِح يوم يِجيب و شهور يِوَدِّي ..
و تُسعُمِيت مِليُون وَجَع ..
عَدَد المحَارة و الوَدَع
عَدَد الكلام مِن بين شَفَايِفها الجُمَال
عَدَد الشَّماسي والكَراسي والبَنات ..
عَدَد الرِّمال عَدَد المَطر يا أبو قَلب أقسى مِن الحَجَر ..
كُل اللي فَاكرينَك بتجَمَّع للحَبَايِب شَملُهم …
عَالَم بَقَرْ
ما أنا جِبتَهَالَك .. مِشْ جِبتَهَالَك ؟! ..
شَهِّد الشّمس اللي لِسّة سَمارها فوق ضَهري تقُولَّك
إِنّي يا بحر ائتَمَنتَك جِبتَهَالَك
ولاّ ليه شَهِّد رِمَالَك
عَلِّي صوتَك سَمَّع الرّمل اللي مَدبوح مِن قَساوتَك
و اندَهُه و إِن كان يِجاوِب اسألُه
فين قُصور الواد دَاهُه
هيقُولولَك ما إنت يا بحر اللي هَدِّيتها
وسَوِّيتها بِباقي الشَّط
هيقُولولَك هُوَّ هُوَّ المُوج يا بحر
زَي ما جَمَّع حَبايِب زَي ما كَسَّر قُصور
بَس النُّوبَة دي يا بحر مُوجَك القَاسي كَسَرني
هُوَّ أنا ناقِص كُسور
لَو تِعَرّينى يا بَحر تِلْقَى جُوّايا بَنات مَالْها عَدَد
ولا اتكَسَرتِش
زَي ما تقُول جِسمي نَحَس مِن الحَريم وبَقيت وَتَـد ..
بس النّوبَة دي ما انتَصَرتِش
بَعتِرفلَك يا هَوَى البحر إِنّي مَغلوب النٌّوبَة دي
بَس خَلّيك واعي دايمًا وافتِكِر مين اللي بادي
ومِن اللّيلادي لا إِنتَ صاحبي ولا أعرِفَك
إِيّاك تِشُوفني بِبِنتْ حِلوَة وتُطلُب إِنّي أعَرفَّك
صَبرَك عَلَيّا
و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
كِيِفْ الذَلِيل
مِن اللّيلادي سَماك يا بَحر هتِبقَى لِيل
مِن اللّيلادِى هـ أطفِّي شَمسَك و أطمِس الدُّنيا ونَهَارها
” نَـانَـا ” مـاتِت
بَس فاضِل لِسّة نارْها
و العَزَا عالِق ما بِيني و بِينَك إنتَ
والله مَا هَقبَل عَزاك
قَبل ماخُد بإيدي
تَـارهَـا !

سري جدا إلى البحر كلمات الشاعر / هشام الجخ .. أداء صوتي / أحمد سمري

البقاء لله يا صاحبي

اغنيه من اول نظره راب حزين#فارس غالي&هشام الجخ#تيم نجوم المزيكا2018TemNGooM ElMazyKa

هشام الجخ/ اللي زيك (جديد)  / حفل مكتبة الاسكندرية-اغسطس 2018

هشام الجخ /  اللي زيك (جديد)  / حفل مكتبة الاسكندرية-اغسطس 2018

كوكتيل لهشام الجخ واسامه المصرى 2018

من الحكمة نشوف النور نقربلهُ
ونمشى طريق ليه أخر
يكون فى صديق بنهربلهُ
ونعرف أن العرض مش ساخر

بواخر عمرنا بتمر 
وحسن السير بقى ما يسُر
وحدق الملح فى السفرة
ألذ من عسل مجهول 
بقينا فى ضلمة جو النور 
و وِحدة حتى فى الجمهور
وبينا وبين بلاد وبحور 
حبيب بشنطتهُ وسفرهُ
الحب جالنا يوم أمشير 
مخدناش منه غير عفرهُ
بتنزل مطرة مخلوطهُ بحبة بطين 
تعطل طفل عن لعبهُ
وتخرج بنت ف الشارع 
يمدلها الفقير يَدهُ
وتنسى الشمس شغل الصيف 
يادوب بتطل على ناسها 
حرارة الشتاء فى الحب 
أيديين مألوفة ملمسها 
وطفلة جميلة بتعيط
وأخوها الكبير باسها 
فى طعم الحاجة أحساسها
بأن المحتاج ما يستغنى

بلغنا عشان الزمن يدغدغنا 
ونتعاير بقلة حيلة مفروضة 
خيالنا بيخرج عن الأوضة 
بيسرق فرحة مكبوتة 
ساعات بيقرب المسافات 
ويجمعنا فى حدوتة

ساعات ندمع بزغروطة 
تفرق فجأة بين قلبين 
ساعات الحلو يبقى وتين
بيوصل بين ملاك وشطان
بيخلط تلج بالأفران 
يوفق جاهل مع جرانان 
بيدى ضمان ويوفى ساعات 
فى واحد حب،، عاش مكسر 
و واحد مات،، فى بنت أصول
فى شئ مقلوب يبان معدول 
فى نول مخزول
ونول البال 
وحاجة حرام وحاجة حلال 
فى قصد أتفهم ما أتقال 
و قصد أتقال وأتفهم غلط
فى ناس تترمى بالتمر ترد بظلط
فى جسم أتجلط عشان أمن 
وجسم أتجلد عشان سِكير 
فى صوف وحرير وناس شايطة 
فى معرفة ورطة 
وفى حب كان غلطة

بنجمع وجعنا فى الشنطة 
وبنفضيها قبل النوم 
يفوت الفيلم بالأوسكر 
وفى مشاهد بتاخد الزوم
في حمل بيقع على كتفك 
توطى تقلبهُ ما تقوم

الغش فى وش الناس مرسوم 
الناس بتشوف بعض هدوم 
الجامع نادى علي المحكوم 
الحاكم طبطب على قلبه 
الدين الناس بعدت عنه 
الخير معمول لأجل الذيلة 
الوهم أتباس بالكرتلة
الجحر فى عين الراضى فيلة

العِرض التمثل زى العَرض 
"الذنب" خلاص يتسمى "الأرض"
الفرد مواطن مش عادى 
الشعب أتجمع وقت الحرب 
الناس هتفوق لو بدء الضرب

وأنا شاعر جاى من الشارع 
كان نفسى أحقق حكمة فى يوم 
لاكن الكل بيعمل مش سامع

#فايتر
#محمود_خليل


هندسة صوتية _ميدو حلاوة

▶ هشام الجخ التأشيرة مع موسيقى

Mohammed Elshamy

Recent comments

AmRo AoMs

Aisha Nabil

Related tracks