محمد حمام

شـربـت انـتـقـامـاً شـربـت شـربـــت
وأنــا بـلـعــن الـمـفـتـرى والـغـبـى
وحـبـة بـحـبـة عـن الـوعـى غـبـــت
ونـمـت عـلـى الـنـيـل فـى ضـى أبــى
وقـمـت بـكـيـت مـن فـؤاد أم ثـكـلـى
ونـهـنـهـت فـوق صـدر مـصـر العـريض
عـلـى الـعـالـم المـبـدوريـن جـنـبي قتلى
وكـان دمـعـى يـنـصـب فـى النـيل يفيض
واقـول لـيـه يــا مـصـر ولادك كــــده
يـــا إمـــا الـمـذلـه يـايـتـجـبــروا
يــا خــوفـــى يـا فـرحـة قـلوب العدا
ويـا نـدمـى لـــو مــا يـتـغـيـــروا

شربت إنتقاماً -  سعيد صالح


أنا الأديب وأنتم أدرى  وعاشق الناس والخضرة
لا عمري طبلت ف حضرة  ولا قلت حاضر للنصاب
الله الله يا بلدى ولا كنا صحاب

خاين ولا حد يجيروه زي الكلاب يلقى مصيره
قتيل وفايت فينا غيره  ماشيين وف نفس السرداب
الله الله يا بلدي مخبر ع لباب

سلام مربَّع للجرانين  فارشين صور تحت العناوين
سينا اللي راجعة عريسها عنين  وأغلب المعازيم عزَّاب
الله الله يا بلدي والكل كلاب

آدي السلام ولا بلاشي  سينا اللي مدفع مافيهاشى
بالأمر جيش ما يروحهاشي  حطولها قفل ورَزة وباب
الله الله يا بلدى والأرض خراب

مشوا الجيوش مشية وِزَّة  ترقص وعقبى ليوم غزة
اشرب وح يجيبو المزَّة  من أورشليم فستق وكباب
الله الله يا بلدي والعيشة هباب

ما احلى السلام بطَّل كلاكيع  ممنوع كلام ضد التطبيع
علشان ما يلحق نفسو يبيع  أحلامنا يا حلاوة الأحزاب
الله الله يا بلدي شوفو الكذاب

أصل الحكاية أن بهية   مدبوحة وبتدفع دية
يا مصر ح تعيشى مطية إذ يحكمك ضبوره وكاب
الله الله يا بلدي سنو الأنياب
 


كلمات: محمود الطويل 

انا الأديب وانتم ادرى - الشيخ امام

مسافر - كلمات: أحمد فؤاد نجم


ابعتلي جواب .. وطمني
ولو انه عتاب .. لا تحرمني
ابعتلي جواب ..
ابعتلي جواب .. وطمني ..

غيابك طال .. وبستنا
وقلبك مال .. تتهنى
ان كنت هويت ونسيتني
وعلي جنيت ما رعيتني
ابعتلي جواب ..
ابعتلي جواب .. وطمني ..

صبرت عليك .. وذقت مرار
وبعتٌ إليك .. اخبار واخبار
اتاريك نسيتني مع الايام
ورضيت تفوتني على الألام
ابعتلي جواب ..
ابعتلي جواب .. وطمني ..

انا ليا إله يعرفني
من حر الآه ينصفني
موش قادر اقول انت الجاني
حـ اصبر على طول على احزاني
ابعتلي جواب ..
ابعتلي جواب .. وطمني ..


Envoie-Moi Un Message - Hassan Haffar (ابعتلي جواب)

الشجرة بتخضر 
لو عشش فوق منها
عصفورة و عصفور
و الخد بيحمر لو
طافت فوق منه شفايف
و القلب الخايف يطمن 
و يشوف النور

البحر البنور
بيهدهد سمكاية بتحب 
و العالم إيد ناعمة
و إيد خشنة
و جمعهم قلب
العالم سمكاية بتحب
ف بحورالنور
و الشجرة بتخضر

كلمات: فؤاد قاعود
ألحان: الشيخ إمام

Gamal Sedki - الشجرة بتخضر ـ الشيخ إمام ـ فؤاد قاعود ـ من تسجيلات عصمت النمر

الشجرة بتخضر ـ الشيخ إمام

محمد حمام - يا شمس غيبى ويا مراكب حلى

محمد حمام - الليله يا سمرا

محمد حمام - يا بيوت السويس

محمد حمام صوت النوبة 
يغني الليلة يا تمرا بدلا من الليلة يا سمرا
كلمات فؤاد حداد لحن أحمد منيب

الليله يا تمرا - محمد حمام

الشيخ إمام  يا اسكندرية

ايها المواطنون مجلس الانس الكريم
 
 
في بداية الاحتفال اشكر الاخ ابراهيم
 
 
 
النهارده جبتكم للمناقشة في الحوار
 
 
 
تسمعوني و اقلكم هكذا يبقى الحوار
 
 
 
بس قبل الاحتدام خلو بالكو صحصحوا
 
 
 
حد اثناء الكلام يتنقل من مطرحه
 
 
 
كل عام و انتم بخير
 
 
 
النهارده في بلدنا أي واحدعنده حق يبدي رأيه في أي حاجه الا في السياسة .. لأ
 
 
 
احنا آه ديمقراطيه بس في حدود الحدود
 
 
 
تيجي شلة ماركسيه او مُزايد او حقود
 
 
 
كل عام و انتم بخير
 
 
 
فيه كلام عن مشكلات هم مالهم بالبلد حد جاع او حد مات كل مولود انولد
 
 
 
فيه تفاوت في المعاش ايوه بس الحقد عيب
 
 
 
والمثل بيقول يا غايش كل هدمه وليها جيب
 
 
 
كل عام وانتم بخير
 
 
 
اما شغل التنظيمات و اللي دايرين يلطموا يبعتولي وفد منهم ما اقتنعش ح افرمه
 
 
 
واحنا برضك عيلة وحدة والرغيف ح نقسمه يجي واحد مش فاهمني يعني ايه ح نقسمه
 
 
 
كل عام و انتم بخير
 
 
 
فامشوا احسن من سكات ع الحوار المستقيم
 
 
 
احنا برضك فلاحين نعرف العيب من قديم
 
 
 
و احنا مجتمع سلام والسلام يعني السرور
 
 
 
والتسامح و الزهور
 
 
 
و المحبة و العطور
 
 
 
و المباني و الاغاني
 
 
 
و الاماني بالبخور
 
 
 
و المباهج في القصور و القناعه في الكفور
 
 
 
و احترام الاغنياء زي شارات المرور
 
 
 
و الكبير يفضل كبير مهما يغلط او يغور
 
 
 
و الصغير مش ضروري انه يكبر او يثور
 
 
 
و الجعان يبوس ايديه لو يبات من غير فطور ليه؟
 
 
 
لأن الشكوى عيب
 
 
 
و النجوم غير الجذور
 
 
 
هكذا نبني السلام و السرور ع الناس يدور
 
 
 
ايها المواطنون مجلس الانس الكريم
 
 
 
في نهاية الاحتفال اشكر الاخ ابراهيم
 

ايها المواطنون - أحمد فؤاد نجم

العبقرى محمد حمام -يا عم يا جمال يا ليله

المصدر: 
https://www.youtube.com/watch?v=bgE-0dQ3dng

الكلمات

الأولة آه
والتانية آه
والتالته آه
***
الأوله آه
و الغدر لمن حكم
صبح الأمان بقشيش
والتانيه آه
و الندل لما احتكم
يقدر ولا يعفيش
والتالته
آه
و الحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
***
أرغول يا أرغول
يا أبو النغم موصول
شطره تجيب شطره
و الشطره غنيوه
منظومه وحليوه
و السامعين أدرى
والسامعين أشتات
زي النغم مقامات
قسَّم وغني وهات
واملا المكان خضره
بالفن والقدره
و الأوله آه
والتانيه آه
و التالته آه
***
يا عم يا قوال
يا أبو الحرير موال
كيفك
و كيف الحال
اغزل وسمعنا
واشطح مع النغمات
ودوس على المقامات
هات اللي عندك هات
لمن تشبعنا
دا حنا الحيارى دليل
مستنظرين مواويل
توصل مع المراسيل
و الصهبه تجمعنا
صهبتنا صباحي
طول ما الألم صاحي
يا شوقي يا جراحي
يا صحبتي في الهم
يا شركتي في الدم
عزوتنا
لو نتلم
و نغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال في الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا في الحر
و العشق له أهوال
رجع صحبنا حزين
يقعد مع المساكين
ويغني للعاشقين
و يقسم الموال
يا ليلي آه يا عين
يا عم يا جمال
ترعى حمالك وين
و أنت فقير الحال
يا ليلي آه يا عين
يا عم يا جمال
 والصبر مهما طال
ما حينفتلشي حبال
إذا لم قلوب وإدين
يتمدوا ع الشطين
ويعمروا العيارين
ويطخوا راس المال
والأوله آه
و التانيه آه
و التالته آه

الشيخ امام على الارغول (الاولة اه) - تسجيل جيد

ياللي انتى بيني و بينك سور
بكرة العيون هاتشوف النور
ولا يبقي بيني و بينك سور
بكرة يا روحي الهنا 
هايفيض علي الدنيا
و قبل ماتفوت سنة
هانعيش فى حرية
افرح بحسنك انا
و تمتعي عنيا
ولا يبقي بيني و بينك سور
بكرة شباب البلد
هايهدوا اسوارها
و نشوف شموع الهنا
قايدة فى افراحنا
نارها تنور لنا
وتشوي اعدائنا
ولا يبقي بيني و بينك سور 

محمد حمام - يا اللي إنتِ بيني وبينك سور

..من أشعار نجيب سرور 
حلو المراكب مع المغرب وفاتوني
ع الشط واقف بلا مركب وفاتوني
ساعتها قلبي شهق
يشهد عليه الشفق
بيني وبينك بحور الغربة ياداري
ياناري ياناري ماتت في البحور ناري
الطير ده مين هشة؟
ع الريح بنى عشه؟

محمد حمام - الليله يا سمرا

Mohammed Galal 1

Recent comments

آسما

آسما

Related tracks