MENO

لافت على غيرى ~ وسط البلد

لا تتعجَّب إنها إرادة الله :D

كلمات : محمد هشام رجب 
موسيقى : مش عارف الصراحه

---------------------------------------
و ماتحبّيش فـ يوم شاعر
هيبني البيت من الكلمات 
و عفشِك شعر متزوّق 
لا يوم هـ يفِن فـ المطبخ 
ولا للشقه هـ يروّق 
هيعمل للعتاب قافيه 
فـ يوم ماتكوني سايبه البيت 
يصالحِك بالكلام عادي 
ما بلنسبالُه أمر بسيط 
هيكدب كدب يتصدق 
هيلعَب بالمشاعر لعِب 
هيوعِد وعد متحقق 
يخلي السهل أصعب صعب 
مفلس صعب يغنيكي 
كلامو كتير ما بيكفِش 
غداكي هيبقى تفعيله 
و مرضِك بيه ما بيخفِش 
كلامُه بيسحِر الساحر 
يا ريت تنتبهي مـ الإدمان 
بيبقى بعيد أوي عنِك 
و بيبانلِك فـ كُل مكان 
هيكتِب فيكي شعر كتير
بنات غيرِك كتب فيهُم 
 ولو حبّاه عشان شاعر 
يا ريت أشعارُه تنسيهُم 
فـ يا تحبيه عشان حبِّك
يا إما بلاش تعيشي عذاب 
عشان الشعر من أصلُه 
مكوّن من كلام كدّاب  
-------------------------------------
My Page : https://www.facebook.com/MohamedHeshamRagab
Account : https://www.facebook.com/lllHlll
-----------------------------------
لو عجبَك " أعمل شير " و إدعم العمل :)

إدمان - محمد هشام رجب

كلمات و أداء صوتي : محمد هشام رجب 

عايز أقولِك إني فاكرِك 
و إني عاشقك و اني ليكي 
و اني جنبِك و أني سامعِك 
و أستحاله هكون ناسيكي 
Contact Mohamed @ : 
https://www.facebook.com/lllHlll
https://www.facebook.com/MohamedHeshamRagab

عايز أقولك - محمد هشام رجب

كلمات: @ZeinaCoutry
أداء صوتي: @ZeinaCoutry

تصميم: مجدي حُزين

الكلمات: 
رغم إني لسة فاكرة
وعدك ليا من زمان
لما قلت مش هتمشي
مهما ضاقت الأيام
كنت ساعتها لسة هابلة
مصدقة كل الوعود
رغم إني كنت شاكّة
إن راح تخلف عهود
مجاش على بالي عمري
اصحى يوم القاك بعيد
زي يومها لما عرفت
انه مش راح يبقى عيد
قلت عادي ده اختبار
مسيره يرجعلي تاني
مش معقول يعني انهار!
واظلمه واقول اناني
يومين عدوا فاتوا
والوقت بقى يجري
لا انت رجعتلي
ولا يوم هترجعلي
رغم إني لسة فاكرة
لما قلت "
وإيدك لما تلمسني
في عز الزحمة بطمّن
ولو قلبك زعل مني
ببقى ممكن اتجنّن
ومهما بعدت ومهما بغيب
برجع لجل نتلاقى
ومهما سافرتي ورحتي بعيد
مستحيل تباتي مشتاقة
هبعتلك كل ليلة جواب
وانسيكي اللي فات كله
كل ليلة سكنها عذاب
وحبيب سقاكي من مرّه
وكل ليلة هكتبلك
قصيدة شعر وازينّها
بحروف اسمك والفلفهم
واخدها في حضني وانيّما
حتى باقي الاسامي تغير
اشمعنا هي حبّتها؟
حبيبتي هي ساكنة القلب
وحاسة بيا وبحالي
حبيبتي مهما اخدت جمب
متابعة هي اخباري
حبيبتي لو لفيتها بلاد
ما هلاقي زيها حبيبة
حبيبتي مهما بعدت عني
عمرها ما تبقى "غريبة"
"
رغم إني نفسي انسى
وعودك ليا من زمان
نفسي لما احط راسي
على المخدة اوام انام
اصل كل يوم تجيلي
وتقولي "صدقيني"
وترجع ذكريات
وتوهمني بحاجات
مكانش لازم اصلا تفضل
وامحي كل اللي فات
انا بس عايزة اقولك
بالمفيد المُختصَر
جرحك ليا اكيد وجعني
ومش هنكر ساب اثر
بس لازم تبقى واعي
مستحيل إني اتكسر
رجوعك معادش داعي
قلبي مبقاش راضي
بواحد سابني في سكة سفر!!
من النهردة انا حد تاني
مش هقول بيّاع اناني
بس اكتشفت فيا عيب
مستحيل انكره تاني
كان كل ما حد يسيب
انا اللي قوام اضعف واشد
وكان لما حبيبي يتعب
فجأة في نص الطريق
كنت بجري اوام عليه
واخده من إيده نمدّ
كنت هابلة وكنت ساذجة
كنت غصب عني ساكتة
كنت طفلة عبيطة جداّ
وفي حياته انا كنت ساكنة

بالمفيد المُختصر

كلمات: محمد ابراهيم
الحان: أمنية حسن
بيانو : أحمد وجدي
صولو كمان : تامر مصطفى
توزيع وهندسة صوت : أحمد وجدي
تم التسجيل بـ استوديو 
Talents
.........................
ليه الكمانجا بقلب إسود .. عمره ما بيصفى لـ بيانو ؟! .. ليه هنفضل زى مـ إحنا .. صوره وكتابه ورهان .. ليه الشتا كان وشه غامق .. والحنين واقف مكانوا .. لسه تايه بين عنيا وبين عنيكى فـ المكان ؟! .. ليه هسيبك .. ليه هقرب ؟! .. ليه بحب ساعات أجرب .. إنى امشى فـ سكه أصلا مش باينلى ايه آخرها .. وأما فجأه تضيعى منى .. أعمل انى نسيت وأقول .. عادى يعنى زى غيرها ! .. احضنينى قبل اما تمشى .. لو ضرورى تودعينى ..وإحفرى صورتك فـ عينى .. وإبكى على كتف اللى بينا لو خلاص هتضيعينى .. وإدى ضهرك ليا وامشى .. فـ المطر ومترجعيش .. يمكن انسى ان انتى مُتى وأقتنع انى هعيش

ليه الكمانجــا (original )

اهداء لروح بابا الغالية ...ربنا يرحمك ويجعل مثواك الجنّة... اول رمضان من غيرك فعلا وجع :)
.......................
المدفع مابقاش بيفرَّح 
و الشيخ رفعت قرر ما يجيش 
و اللّمه بتوجع من غيرَك 
ارجعلي عشان الفرحة تعيش 
وحشتني صلاة الفجر معاك 
و هزارَك لما بتندهلي 
و أما أستناك بعد التراويح 
علشان نتفرَّج ع الأهلي 
واحشني سكوتَك و كلامَك 
 وحشني الحُضن بجد كمان 
ارجعلي بسرعه يا ريت أرجوك 
علشان يرجعلي معاك رمضان
........................
كلمات : محمد هشام رجــب
https://soundcloud.com/mohammed-hesham-ragab

ألحان : أحمد العراقي
@officialeraqy

بيانو : أحمد وجدي
https://soundcloud.com/ahmed-wagdy

غناء : أمنية حسن
https://soundcloud.com/omnia-hassan-2
........................
تم التسجيل و الميكساج باستوديو 
Talents

اللمة بتوجع من غيرك

رومانسية الموت  .. الرساله الاخيرة


إلقاء و تأليف الشاعر : محمد هشام رجب 
الموسيقى : موجه حاره 
(الرسالة الاخيره )

آدم كبر في المدرسه دلوقت 
بيقولي فين ماما و بقولُه رجعالنا 
يسألني ليه سايبانا طول الوقت 
فـ أسكت و أقول علشان موجوده فـ الجنّه 
فـ يقولي نفسي في حُضن 
و يكون كمان منها 
فـ أسكُت و ماتكلمش 
يعند و يبكي دموع 
و يقولي عايزنها 
فـ أسكت و أطبطبلُه 
على ضهرُه لأجل ينام 
معلش بُكره أكيد هنشوفها و نزورها 
روح يلا لسريرَك ماتسيبش حُضن هشام 
و يسبني للوحده و صورتنا و الفُستان 
صوتِك بيندهني موجود فـ كل مكان 
يا بنت قلب الليل واحشاني محتاجِك 
يا ورده من غيرها إيه لزمة البُستان 
حضنت كل الوجع و صاحبت طبع الآه 
و شكيت لحُضن السما و سألت عنها الله 
لفيت بلاد الخلق مالقتش منك زي 
ولادنا إيه ذنبهُم يتيتموا منِّك 
كل اللي نفسنا فيه نلقى بوجودِك ضي 
أو نلمحِك علشان والله بنحبّك 
الدبله في إيديا هتموت مع موتي 
و الحُضن من قلبِك لسّاه بيمضي غياب 
يا حُب دون تكرار عُمري ما أشوف غيرِك 
أنتي الجواب و السبب لو كترت الأسباب 
مكتوم في قلبي القول علشان ماهوش ليكي 
إيه لزمة الأشعار لو يوم ماوصفتكيش 
مابشفش غير صبرِك و دفاكي و عنيكي 
و سايبلِك المصروف هو أنتي ليه ماجيتيش ؟! 
لو بالبكا راجعه عيني هتطرح بحر 
نفسي أسمعك تاني يا أم أجمل صوت 
يا خالق المخاليق هصحى و أنام ع الصبر 
و لو اللقا عندَك فـ أنا راضي عادي أموت 
الناس خلاص زهقت من كُتر ماناديتِك 
و يقولو كِف نواح راجل و بتعيَّط !!
أنا بس عايز أقول أنتي اللي حبيتِك 
و أنا في الحياه دونِك عايش لكن ميِّت

Mohamed's FB Acc : www.facebook.com/lllHlll
FB Page: www.facebook.com/MohamedHeshamRagab

الرسالة الاخيرة - محمد هشام رجب

أمنية حسن  يا عشمان-  أغنية تحفة  -  Ya Ashman

Mohamed's Acc :https://www.facebook.com/lllHlll

عشان أنتي اللّي حبّاني - محمد هشام رجب

اغنية ديوان من بعد الساعه 12 للشاعر محمود عبد المنعم 
غناء والحان/احمد فوزي
كي بورد/مصطفى لاشين
كمان /تامر مصطفى 
هندسة صوتيه / شريف مجدي 
التسجيل والميكس/ستوديو live



احمد فوزي - من بعد الساعه 12 - للشاعر محمود عبد المنعم

صلاح بجاتو - ‏امي كمنجة‬

كلمات الشاعر: عمرو حسن 
الحان: مصطفي العسال 
توزيع: محمد العشي

تم التسجيل في استديو: أحمد طارق يحيي
مكس و ماستر: وسام فؤاد - استديو Radical 

صولوهات:
كمنجة: إسلام التوني
قانون: عبدالله عمرو
جيتار: باسم سعيد

تابعوا صلاح بجاتو علي السوشيال ميديا:
https://www.facebook.com/salahbagato
http://www.youtube.com/salahbagato
http://instagram.com/salahbagato

الموقع الرسمي:
www.salahbagato.com

Salah Bagato - Omey Kamanga | صلاح بجاتو - ‏امي كمنجة

من ورش الفوكال بليله عرض الفنية 
تدريب : محمود الاشقر 

أية حسن .. تمر حنة

حاجة كدة زي الشعر ..
أداء صوتي لـ : محمد فاروق ..
ومونتاجه وتظبيطه أيضا

وكتبها حاتم عرفة
تقدر تقراها على صفحته على الفيس بوك من هنا :
http://www.facebook.com/note.php?note_id=251117048232826

للأعمال الأخرى لـ محمد فاروق ممكن تتابعها من هنا
https://soundcloud.com/mfmaegy-1


فاكرة لما كنتي حلوة أوي

لما تعمل اي حاجة اديها حقا 
يعنى أما تزعل أزعل أوى علشان لما يجى الفرح تعرف تعرف أوى
و لما تكتئب أكتئب أوى علشان لما ربك يفك الكرب ترتاح أوى
و لما تحب حب أوى علشان تعرف تدى أوى
و لما تسامح سامح أوى بس ماتنساش علشان لما يفيض بيك تبقي عملت كل اللي في وسعك
و لما تضحك أضحك أوى علشان تعرف تبكى أوى
و لما تنبسط أنبسط أوى علشان تعرف تتكدر أوى
و لما تغلط كرر غلطتك علشان تعرف تتعلم 
و لما تعمل أى حماقه خد بالك علشان تتعلم الحكة
أعمل كل حاجة لأخرها و أديها حقها و أتعلم من كل اللي حواليك أتعلم من قليل الأصل و ابن الاأصول أتعلم من الكريم و البخيل أتعلم من الغبي و الذكى أتعلم من المتواضع و المغرور أتعلم من اللي شايف نفسه و اللي مقلل من نفسه أتعمل من المحبط و من المتفائل أتعمل من كل ده علشان هيمر عليك مواقف تبقي فيها مرة كدة و مرة كده و أعرف إن اللي فات لو كان وحش الأوحش جاى و إن كان حلو الأحلي و إن ياما دقت علي الرأس طبول و إن كل ده هيخليك أحسن بس أهم دى كل حاجة وقتها ماتسمعش اللي قولك أنت عايش في الدور لكن أسمع اللي حاول يواسيك بكل أو نصيحة مش مهم تعمل بيها المهم تحطها في بالك علشان هيجى يوم وقتها أعمل كلب اللي نفسك فيه اوى طالما لا حرام و لا عيب و أعرف إن هتلاقي ناس كتير منهم اللي يكمل معاك و اللي يفارقك و اللي تأخده الحياة أو يأخده الموت كل ده هيأثر و أعرف إن فيه اللي فاهمك و حابك كده و معاك و فيه اللي مش فاهمك بس مرتحالك بس أهم أدى كل حاجة حقها و ماتكتمش جواك
---------------------------------
خواطر: ماجى إيهاب أنور
هندسة صوتية: رغدة أيمن
أداء صوتى: زينب فرحات

أوى

يا أجمل بنات الكون ..
أنا اول مرة أشوفك..
ضيك سحر العيون..
وبان للناس كسوفك..
كنا جماعة اصحاب..
وانتى واقفة بينا..
وكان اعجابنا بيكي..
باين جوة في عيوننا..
وعيونك جت في عيوني..
حسيت إن إنتى ليا..
واما اتكلمت معاكي..
بقيت في هواكي ضحية..
دي أكيد فينوس نزلت م السما بتدور ع المحبوب..
انا قولت يا ترى هيكون هو انا؟
ولا لغيري راح هتكون؟
شوفي عدى كام معاد..
وانتى بتقولى جاية..
اتاريكي غاوية البعاد...
والهجر ده عندك غية..
خلصت أجمل حكاية..
دي حكاية مالهاش بداية
فينوس كانت معايا..
وفجأة..
ما بقتش معايا..
رجعت فينوس من تاني للسما من غير ما تلاقي حبيب..
طلعت على فوق وسابتنى انا هنا ببكي على حالي وحيد


فينوس - وسط البلد


Follow on Social Networks:

http://www.twitter.com/amrsobhy
http://google.com/+amrsobhy
http://www.facebook.com/amr.sobhy

 عن الخطط المؤجلة، والأحلام الباهتة. عن البعيد الذي لا يقترب، وعن القريب الغريب. عن الدفء الذي لا نجده سوى في كوب قهوة في ليلة شتوية حزينة، والقرب الذي لا يجاوز احتضان وسادة مشبعة بالاكتئاب. عن العالم الذي لا ينتهي، وعن الخواء الداخلي المتنكر في صباحٍ ملئ بالطقوس المكررة. عن التنهيدات المسائية، وعن الصحبة المزيّفة. عن الخذلان. عن البُهتان. عن الرضا بالقليل الكثير. عن الغربة في الوطن، والاغتراب في النفس. عن الهمس، وعن الأشخاص الذين لا يتكلمون، مهما أردنا ذلك. عن الحبيب المفقود، وعن الجميل الذي لا يأتي. عن الحضن الذي يتسع للكون وعن البكاءِ على صدر امرأة. عن الخريف، والاكتئاب الشتوي. عن لعن الصيف والتوق للربيع. عن الجميع. عن القلوب الصدئة، والأرواح المهترئة. عن المشاهد المكرّرة والمشاعر المعبئة. عن الأرق الذي يستوحش وعن المساء السرمدي


إدمان - محمد هشام رجب

Mohammed Hesham Ragab

Recent comments

said hassan

Menna Kh Mohammed

Menna Kh Mohammed

Mahmoud Essam Abu Zaid

Related tracks