Name: عشان أنتي اللّي حبّاني - محمد هشام رجب by Mohammed Hesham Ragab in ♥
Duration: 2 min 32 s
Description: Mohamed's Acc :https://www.facebook.com/lllHlll

اديكي حضن اجمل ام يا اجمل اصل لولادي

عشان انتي اللي حباني ❤

الحته ديه من التتر بالذات بحبها اوي و بحس انها بتعبر عني جداً ... الشجن اللي فيها بيلمسني من جوه

موسيقى مسلسل السندريلا

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

كتابة :
 @A_3adl
@Rowan_Suqr
@ZeinaCoutry

 أداء صوتي : 
@ZeinaCoutry

فاكرة!

لا تتعجَّب إنها إرادة الله :D

كلمات : محمد هشام رجب 
موسيقى : مش عارف الصراحه

---------------------------------------
و ماتحبّيش فـ يوم شاعر
هيبني البيت من الكلمات 
و عفشِك شعر متزوّق 
لا يوم هـ يفِن فـ المطبخ 
ولا للشقه هـ يروّق 
هيعمل للعتاب قافيه 
فـ يوم ماتكوني سايبه البيت 
يصالحِك بالكلام عادي 
ما بلنسبالُه أمر بسيط 
هيكدب كدب يتصدق 
هيلعَب بالمشاعر لعِب 
هيوعِد وعد متحقق 
يخلي السهل أصعب صعب 
مفلس صعب يغنيكي 
كلامو كتير ما بيكفِش 
غداكي هيبقى تفعيله 
و مرضِك بيه ما بيخفِش 
كلامُه بيسحِر الساحر 
يا ريت تنتبهي مـ الإدمان 
بيبقى بعيد أوي عنِك 
و بيبانلِك فـ كُل مكان 
هيكتِب فيكي شعر كتير
بنات غيرِك كتب فيهُم 
 ولو حبّاه عشان شاعر 
يا ريت أشعارُه تنسيهُم 
فـ يا تحبيه عشان حبِّك
يا إما بلاش تعيشي عذاب 
عشان الشعر من أصلُه 
مكوّن من كلام كدّاب  
-------------------------------------
My Page : https://www.facebook.com/MohamedHeshamRagab
Account : https://www.facebook.com/lllHlll
-----------------------------------
لو عجبَك " أعمل شير " و إدعم العمل :)

إدمان - محمد هشام رجب

مدحت صالح تتر راجعين ياهوى ٢٠٢٢

احب اعرفكم جميعا

"القمر بيبكى عالشانى "مبروك جالك قلق

أخر الدنيا

هنخاف من مين لطيفه _Han5af mn meen Latifa

Mohamed's Acc :https://www.facebook.com/lllHlll

عشان أنتي اللّي حبّاني - محمد هشام رجب

#نسمة_محجوب -  ألبوم "حتقوللي ايه"  - 2012 

كلمات: هاني الصغير
ألحان/ توزيع : خالد البكري


عشان أنتي اللّي حبّاني - محمد هشام رجب

Mohammed Hesham Ragab

Recent comments

Samah Solima

Faraj Salem Ahmed

yasmeen

Saieda Mohamed

Related tracks