#محمد_إبراهيم

انا مش فـ حياتك اصلاً !!
انتَ اللي دخلت حياتي و شغلت الفراغ اللي انت محتاجُه بالظبط فيها
خلاص ماتكدبش على نفسك ولا تكدب عليّا ،
انت اللي اخترت تبقى موجود جنبي ،
و طلبت مني احُط كُل الذكريات بتاعتي فـ﻿ التلاجة و ابدأ من جديد معَاك ..
انت اللي فصلت حياتي كُلها على مقاسك !
ليه مسكت إيدي و عملت كُل الحاجات العظيمة دي؟
ليه و انتَ عارف انك هتسبني و تمشي فـ الأخر !!
ليه و انتَ عارف انك مش هتفضل معايا اصلاً؟

أحلام & عاصـم _ حكايات بنات

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

#أنا_نجم #سلمى_صباحي 
نادر لما غنوة تستفزني و اعملها cover .. الغنوة دي وجعت قلبي لما سمعتها و يمكن دي أكتر غنوه سمعتها بتعبر عن الناس اللي جواهم فن و موجوعين عشان حلمهم مش قادر يشوف النور .. حال أغلب الموهوبين🥺
شكرا #أمير_عيد و #كايروكي و مسلسل #ريفو 
على الحاله الحقيقيه دي
شكر خاص لصديقي الموزع أسامه سامي





أنا نجم (cover) - سلمى صباحي

زهرة محمد - حواديت

بتستناك
وقاعده هناك بقالها
سنين
وبتنادى برغم ان انت
مش سامع
ورغم ان الفراق حاصل
بقاله كتير
وكل الناس قالولها خلاص
مهوش راجع
ولسه فـ وسط فساتينها
بتختار لون تحبه عنيك
ومستنيه ومبتجيش
ولسه بتفتكر لما ..
فـ يوم كنتوا على الكورنيش
ويوم لما ضخكتلها ..
وضحكتلك ..
مسكت إديها من شوقك
فـ بصتلك ..
وقولتلها : انا عاشقك ..
وردت هيا انا أكتر
وروحت انت مع غيرها
وهيا لسه بتفكر ..
وصورتك لسه فـ عنيها
ومتكسرتش ..
وفكراك رغم نسيانك
لكل وعودك الحلوه
اللى متوفتش
...........................

كلمات : محمد ابراهيم
الحان : اسلام الأبتي
توزيع و هندسة صوت : أحمد ايهاب
ايقاعات : حسن و عظيما
بيز جيتار : أحمد شوقي
بيانو : عبد الرحمن حسن
عود : اسلام الأبتي
قانون : أحمد القمري
كمان : بدر مصطفى

بتستناك .. أمنية حسن

بروفايلى الخاص .. هشام محمد
https://www.facebook.com/eng.zeriek

كلمات الشاعر المبدع .. محمد إبراهيم 
https://www.facebook.com/Zic0o

ده و احد شبهى انا متأكد ..
و الله بجد انا مش هوّا .. 
هو اللى بيضحك فـ الصوره
و انا اللى مكشر من جوا 
هو اللى بيحضن ويسلم 
على كل صحابه ويتكلم ..
اما انا فـ انا فعلا بتألم ..
و أتأقلم عـ اللى بيحصلى ..
انا عمرى ما برجع زى مانا ..
غير وقت أما أتوضى و أصلى !


واحد شبهى _ هشام محمد _ كلمات محمد إبراهيم

كلمات: مي رضوان
ألحان : صهيب شكري
توزيع:أمير جادو
جيتار:شريف فهمي
م صوت:عمر صلاح

لمتابعه .. زهره
www.facebook.com/Zahra.M.Official

مي رضوان
www.facebook.com/Mai.H.Radwan

صهيب شكري
www.facebook.com/SohaibShokryMusic

كلمات الأغنية:

أيوا بقدر أبتسم للقهر لما يكش
و أقف في وش الدنيا بالفكرة
و بزق الضحكة بعيون بكرا
و ضعفي قادر يهزم الجبروت
و ايديا حالفين يرفعوا راية حياه قصاد الموت

أنا مش صدى صوت 
ولا شيء مرفوض 
ولا رسمة فـ وسط حدود بايشه
أنا روح حرة و صابره و عايشه
مش سايبه مكاني لحد ما اموت

أنا الضلع اللي حاضن قلب مش قابل يعيش مأسور
و انا الصوت اللي ساعة الحق يعلى و يكسر المحظور
أنا البسمة ورا القضبان
و عفة ترد عـ البُهتان
و شارة بإيد فـ قلب كلابش تقلق نومة السّجان

زهرة محمد مش سايبة مكانى

عشان أعيش 

إلمسينى إن مُت جايز ..
فيا روحى ترد تانى ..
ليه بحبك بس دايما فيكى حاجه مخوفانى ..
فيكى شك وفيكى حيره ..
وفيكى منى حاجات كتيره ..
وكل شيئ بحتاجله فيكى وكل حاجه فيكى فيا ..
زى مانكون فوله قسمت نفسها ومش دى القضيه ..
القضيه إنى حابّك وإنتى حابه محبكيش ..
عشتى فيا فـ مت فيكى .. فـ موتى فيا عشان أعيش !

موسيقى : أسامه الهادى 

عشان أعيش

كلمات : محمد ابراهيم
لحن : أمير يوسف
توزيع موسيقي و هندسه صوتيه : أحمد حبيب
عود : مروان أنور 
كمان : أحمد مختار
ناي : محمد رمضان
جيتار : أحمد حبيب

Ameer Youssef & Zahra Mohammed ::  علمني أشتاق

كلمات: مصطفى إبراهيم
ألحان: محمد محسن
توزيع: رفيق عدلي
وتريات: هشام مصطفى
عود: إسلام القصبجي
قانون: شادي الجندي
ناي وكولة: محمد عاطف عبدالحميد
باص جيتار: أحمد نظمي
إيقاعات: هاني بدير

Habayeb Zaman

Mohamed Mohsen - Telegraph | محمد محسن - تلغراف


جيت لي صاحب وحبيته
زقنى فى المترو زقيته 
ولما مات فيا ومُت أنا فيه 
روحت له بيته وعزيته !!

حُزن يا بقال ورا الجامع
هات بنص ريال عسل فى الكوز 
ده اللى كان عيل بقى شاعر
واللي كان ضاحك بقى أراجوز 

حبني الشارع وحبيته 
عض قلبي الليل وعضيته 
خضني الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدني م اللفة لمريلتي
خدني م التسنين لحصالتي 
خدني من مدرستي ع الجامعة
خدني م الترعة على الاسفلت

خدت م الأوتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
ده اللي كان عيل بقى شاعر
واللي كان ضاحك بقى أراجوز

ياللي واحشاني ما توحشينيش 
ضحكك السكر محلانيش 
خوفت م المطرة قفلت الشيش 
ليه فضل أسمك على الشبااااك؟!!!

كنت جايب دبلة وغويشة
كنت شارب حاجة مغشوشة 
شفت شبهك قاعدة في الكوشة
قلت هي ... لا مش هي 

فتشتنى الدمعة عن المية
كنت أنشف من حطب محرووووووق 

حزن يا محول خطوط سيرى 
حزن يا عطار فى باب اللوووووق 

شوف لي تحويجة لتفسيري
حط ريحة بُن لضميري
شوف لي عود أصلب من المغشوووووش

حزن يا بقال ورا الجامع 
هات بنص ريال عسل فى الكوووز 
ده اللى كان عيل بقى شاعر
واللى كان ضاحك بقى أراجووووز


ردني عالباب عطب روحي 
جاب لي ناي وزيتونة مطروحي 

جيت لي صاحب وحبيته
زقني في المترو زقيته 
وأما مات فيا ومُت أنا فيه 
روحت له بيته وعزيته

ردني عالباب عطب روحي
جاب لي ناي وزيتونة مطروحي
مُر أنا يا صاحبي لو دوقتني 
جيت أقول الآه ما صدقتني

يطرح إيه الملح غير مالح 
يطلع إيه م الجرح غير مجرووووح 

ليه ما تصفاشي لغير صافي؟ 
ليه فى عز الحوجة بتجافي؟
شوفتني غاطس ولا طافي؟ 
كنت بنده لك حلاوة رووووح 

حزن يا بقال ورا الجامع
هات بنص ريال عسل فى الكووووز 

خد سنين الجري وسنينى 
هات لي سن غزال دهب عيني 
قطَّع الأسفلت شراييني 
هات بياض القُطن شاش اللووووز 

حزن يا بقال ورا الجامع 
هات بنص ريال عسل فى الكوز 
ده اللى كان عيل بقى شاعر 
واللى كان ضاحك بقى أراجوز

سيرة أراجوز - فرقة عمدان نور

video link ... https://www.youtube.com/watch?v=bRmNJgJioC0                  
Mohamed Ibrahim Page ..... www.facebook.com/VADIDODIDO?fref=ts            


Mohamed ibrahem _انا عيل قبل ما  يتعلم يحلم كان مات

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

محمد إبراهيم - من وحي الهاند فري

#نجوان #Nagwan #Nagwanofficial
رباعيات صــــــــــلاح جـــــــــــــاهين
غناء : نجوان
توزيع وعزف فريق افتكاســــــــــــات

Nagwan - Agaby   رباعيات صلاح جاهين بصوت نجوان  -عجبي

شاعر مصرى .. السن ده رقم ملناش دعوه بيه .. بدرس حاجه مش حاببها زى كل الناس فـ مصر .. بكتب عشان مش عارف أبطل أكتب بصراحه .. بحب الناس بس مش على طول .. عندى فوبيا من كل حاجه ليها علاقه بالفرحه .. الزعل حلو مفيش كلام

عشان أعيش

Mohammed Ibrahim official

Recent comments

Rãnía Áhmeđ

Ahmed Shrara

ᗰᗩᒪᗩK ఌ♥️👑

Eman R Elgamal

Related tracks