مين اللي قال عزك بذل خضوعي
ولا غلاوتك فى الهوى بدموعي
لو كنت أرضى بالهوان فين قلبي
وازاي تخونه وتحكمه في ضلوعه
بالحب وحده انا سلمت قلبي إليك
بالحب وحده مش بغريتي عليك
فين الحنان فين الامان يا حبيبي
لو حيرت فكري الطنون حواليك
الهجر اهون من عذابي في قربك
ولا اشوفشي يوم أندم عليه وأنا جنبك
وكفاية اعيش بالذكريات في بعادك
وأنا عشت اكثر من حياتي في حبك
بالحب وحده انت غالي علي
بالحب وحده انت ضى عني
بالحب وحده وهو وحده شوية
لا يا حبيبي

أم كلثوم - مين اللى قال عِزك بذُل خُضوعى !!

Violin: Yousef Kamal
Music Arranged: Haytham Niaz

لأ مش انا اللى ابكى - على الكمان

الموسيقى من مسلسل ليالى الحلمية

ميشيل المصرى (صانع الموسيقى) - مشارق

Sherien Abdel-Wahab 
We Meen Ekhtar From Upcoming Album (Ana Kteer) Soon In Stores

Lyrics: Khalid Tag El-Deen
Music Tune: Walid Saad
Music Producer: Tooma

Sherien - We Meen Ekhtar -2014

يا مركب العمر هو العمر كام؟ واحد
يا عِشته كلّه .. يا ضيّعته و عليك واحد
ما تقولش أصلك و فصلك .. كلنا واحد
من أصل واحد .. و رب الكون إله واحد

تقول زماني رماني .. أو زماني اندار
تتوه في ليل الأماني .. في موج عفي و غدّار
تقول زماني عماني .. و دربي طال بي و دار
تضيع في بحر الزمن .. و تعيش غريب الدار
تلقى الحياة راحت

و ان كان زمان الزمان .. ملا لجدودك نور
و اتعصّبوا بتاج دهب في قصور من البنور
ما هم كمان إدّوا ياما .. و كل شيء بالدور
و هم برضه اللي خلّوا .. بينا الزمن ده يدور
و العالم ارتاحت

كلمات :سيد حجاب
الحان: ياسر عبد الرحمن 

(محمد الحلو - يا مركب العمر (تتر اكثر من رائع

غالى عليّا .. غالى عليّا
وأغلى عندى م الدنيا ديّا
قدّمت قلبى اليـه هديـّه
غالى عليّا .. غالى عليّا

أتمنّى فرحه ، وادعى له وبكل قلبـى أغنّـى لـه
واسهر مع الليل أنادى له مهمـا يطول الليل بيّا
ده أغلى عندى م الدنيا ديّا 
قدمت قلبـى اليـه هديــه
غالى عليّا .. غالى عليّا

ان كان على الروح أهديها يحكم ، ويتحكـّـم فيها
وازرع ورودى ويجنيها الورد له والشوك ليّا
ده أغلى عندى م الدنيا ديّا 
قدمت قلبى اليه هديه
غالى عليّا .. غالى عليّا


كل المنى .. كل منايـــا أشوف هناوته فى دنيايا
واصون عهود ودّه معايا مهما الزمان يقسى عليّا
ده أغلى عندى م الدنيا ديّا 
قدمت قلبى اليه هديه
غالى عليّا .. غالى عليّا

كلمات: محمد على احمد 
الحان: محمد الموجى 

(كمال حسنى - غالى عليا (اغنيه من عبق التراث

غريب الدار عليا جار زمانى اسى وظلمنى 
مشيت سواح مسا وصباح ادور عالى راح منى
غريب الدار
انا اللى الدهر عادانى وباعنى واشترى فيا
وخد احبابى وادانى بدالهم فكر واسية
ومين شاف اللى انا شفته
ومين اسى اللى اسيته
وفيت بالعهد وحفظته وغيرى خان وحبته
سافرت بلاد وطفت بلاد ومين عالشوق يصبرنى
غريب الدار 
ما خانش الود يا حبايب هيظلم حبكم حالى
وكان عشمى وانا غايب تصونوا عهدنا الغالى
مليت بالدمع كاساتى رويت منها زهور حبى
وغنى الطير بأهاتى وردد لحنها قلبى
سهرت الليل وشفت الويل
ومين يا ناس يطمنى 
غريب الدار

كلمات: على الشيرازى 
الحان : محمد قاسم

عبده السروجى - غريب الدار

توزيع اغنية (Speak Softly Love ) موسيقى شرقيه 
توزيع: حسام حسنى 
صولو ساكس: سمير سرور 
صوصو اكورديون: فاروق محمد حسن 

Hossam Hosni - Speak Softly Love /توزيع موسيقى فيلم The Godfather شرقى

ليه يا سنين ........ تكسري الحلم فينــــا 
ليه فرحنــــــا......... بيموت فـ لحظة حزينة

تاه الطريق ولا احنا اللي ارتضينــــا
نضيع الحلم اللي كان بين ايدينــا

يا سنين طويلة وغميقة........ قوللنـا فيـن الحقيقـة
يا سنيـن لو انتي بريـئة .......ليه من جراحك قاسينـــا

مدينـا للحلم ايدنـا.........لكن زمانا عاندنــــا
كان ليه بقي بيواعدنا .....ويقرب الحلم لينــا

كسرنـا احلامنا احنا ولا زمانا جرحنا 
واما بقينـا في محنـة ....الدمع سال من عنينا

انتي السبب يا سنينا بعدتي احلامنـا عنـا
ولا السبب اصله منـا ..واترد تـاني لينـــــا

الـمـلـحـمـة / ســوق الــعــصر ... للعبقري / ياسر عبد الرحمن
كـلمــات / عزت عبد الوهاب 
غــنــاء / عاصم فوزي

(عاصم فوزى - ليه يا سنين (تتر مسلسل سوق العصر

نحن لا ندين أحد ولا أى عهد من العهود نحن نذكر فقط حتى لا تقع الأجيال القادمه فى نفس الأخطاء ولولا حرية الفكر والديموقراطيه لما خرج هذا العمل الى النور .. 
المقدمه بصوت الفنان :حسين فهمى 
------------
يا روايح الزمن الجميل هفهفى وخدينا للماضى
وسحره الخفى ورفرفى يا قلوبنا فوق اللى فات
وبصى للى جاى وانتى بترفرفى
يا روايح الزمن الجميل لا السنين بتطفى فى قلوبنا حنان الحنين 
ولا احنا عارفين احنا مين ولا فين ولا فين هيحدفنا زمانا الضنين 
ليه كل مره ننطلق نتكفى !! ؟ 
يا روايح الزمن الجميل هفهفى وخدينا للماضى وسحره الخفى 
------------- 
كلمات الشاعر :سيد حجاب 
الحان الموسيقار :راجح داوود 

(هدى عمار - مقدمة مسلسل هوانم جاردن سيتى (رائعه من عبق الزمن الجميل


ميهمّناش ..
اسمك وأهلك..موطنك..ميهمناش.. 
ميهمّناش ..
اسمك وأهلك..موطنك..ميهمناش.. 
مادام خطاوي الناس مصاحبة خطوتك ..
ميهمّناش..
طول ما القلوب الصدق جُوّاها..
طول ما العيون الطيبة ساكناها.. 
طول ما القلوب الصدق جُوّاها..
طول ما العيون الطيبة ساكناها.. 
وطول ما نور الخير في قلبك منتهاش..
ميهمناش.. 

قولّي إنت مين ؟ قولّي فعلك..
أصل فعلك هو اسمك ..
قولّي إنت مين ؟ قولّي فعلك
..أصل فعلك هو اسمك ..

هو أصلك هو فصلك.. 
مستحيل أبدًا يفارقك ..
مستحيل أبدًا يضلّك .. 
مستحيل أبدًا يفارقك ..
مستحيل أبدًا يضلّك .. 

واللي الناس والخير سكّته..
هو اللي عاش..
هو اللي عاش..

طول ما القلوب الصدق جُوّاها..
طول ما العيون الطيبة ساكناها.. 
طول ما القلوب الصدق جُوّاها..
طول ما العيون الطيبة ساكناها.. 
وطول ما نور الخير في قلبك منتهاش..
ميهمناش.. 

ميمهناش إنت ابن مين ..
ولا فين مكانك في السنين .. 
وكفاية إنك حضن واسع ..
ضم كل المحتاجين انسان حقيقي غير كدة 
ميهمناش..
ميهمناش..
كلمات / عماد حسن
ألحان وتوزيع وقيادة أوركسترا / ياسر عبد الرحمن

( ميهمنـــاش- غناء المبدع عاصم فوزى (تتر مسلسل للعداله وجوة كثيره

يا طيور الشمس يا احنا ..
كلنا أزهار جناين !
يا طيور ..
الشمس طالعة ..
و ادى بكرة نوره باين .. شمس ف كتاب المطالعة !!

* * *

ما فيناش بهوات و فقرا 
كل واحد فينا زهرة
صحبة واحدة جميلة حرة 
و الربيع و الشمس متعة !
دا اللى ينسى الحب خاين ..
انت وردة .. و انت شمعة !
و احنا أزهار الجناين ..
مصر شابة جميلة طالعة !!
و ادى بكرة نوره باين ..
شمس ف كتاب المطالعة !!!

* * *

بكرة جاى أكيد نهاره ..
شمس دافية منورة !
الغلط .. هنجيب قراره ..
هو و امبارح .. ورا !!
دا اللى ينسى الحب خاين ..
انت و ردة .. و انت شمعة !!
و احنا أزهار الجناين ..
مصر شابة جميلة طالعة !!
يا طيور الشمس يا احنا ..
كلنا أزهار جناين !
يا طيور ..
الشمس طالعة ..
و ادى بكرة نوره باين .. شمس ف كتاب المطالعة !!
تتر مسلسل طيور الشمس / غناء محمود سليمان و هبه أمين 
ألحان الموسيقار ياسر عبد الرحمن

طيور الشمس ياحنا - ياسر عبدالرحمن


غربه .. غربه .. غربه
زمان حلاوتـُه غربه
زمان دموعُه غربه
غربه .. غربه .. غربه
 
حبِّيت مفيش أحبَّه
سلِّمت مفيش محبَّه
وحاولت أعرف طريقي
العالم مش صديقي
والصُدفه مش حقيقي
والحق اسمُه غربه
غربه
 
بتوه ف حضن شارع
وأدوب في بحر دامع
لا فيه في القرب سامع
ولا فيه في البعد سامع
طريق مافيهش راجع
والحلم كلُّه غربه
غربه

كلمات الشاعر/ مجدى نجيب
الحان/ زياد الطويل 
توزيع / أشرف محروس  


هشام نور - غربه

ملعونة دنيا دنيّة... الدم بقى فيها ميّه
حتى ما بين الشقائق... ضاعت يا ناس الحقائق
ده عيبها ولاّ إحنا فينا... والعيب حاكم وسائق
ملعونة دنيا دنيّة...ملعونة دنيا دنيّة

(عاصم فوزى - ملعونه دنيا دنيه (من مسلسل سوق العصر

ياعينى يا عينى ياعينى ع الصبر يا عينى عليه . يا عينى ياعينى يا عينى ياعينى ع الصبر يا عينى عليه.
 يشوف الدمع ف عنينا يواسينا ولما الدنيا تنسانا نلاقى الصبر ويانا ف خطوتنا وسكتنا ويسمع لينا شكوتنا 
وعمره ف يوم ما قال لا ولا مره سالنا ليه .يا عينى ياعينى يا عينى ياعينى ع الصبر يا عينى عليه
غريب الحى والغربه ليالى طوال ف ارض الله انا والاه بقيت جوال
اشيل الحمل وكتافى تقول صابرين على الوعد وع المكتوب وع الايمين
وفين يا قلبى مرسانا  وفين الخطوه واخدانا بقالى كتير على دا الحال  نغم حاير مع الموال
لا انا عارف لمين ابكى ولا عارف لمين احكى
يا عينى ياعينى يا عينى ياعينى ع الصبر يا عينى عليه.
يا ليل الصبر يا مسهر دموع العين انا ملاح وتاه منى سوا الشطين
مسير الصبر هايوصل مراكبنا ونتقابل انا وانت وحبايبنا
وفين يا قلبى مرسانا  وفين الخطوه واخدانا
بقالى كتير على دا الحال نغم حاير مع الموال
لا انا عارف لمين ابكى ولا عارف لمين احكى
يا عينى ياعينى يا عينى ياعينى ع الصبر يا عينى عليه

كلمات / نجيب محمد نجم
الحان / رياض البندك 

وديع الصافى - يا عينى عالصبر

اه يا ليل يا ابو الليالي ليلك ماله نهار
يا خفيف الروح يا منى﻿ عيني قلبي ليك مجروح دا انت نور عيني
ليه تنسى الوعود والله نا أحلى العهود 
ليه ليه ليه ليه يا دنيا ليه 
ظلمونا الحبايب واحنا عملنا ايه 
العيون سهرانه دايره تحكيلك 
والقلب مجروح ماشى يشكيلك 
ليه ضاعت أمانى والله قلبى ايه جراله 
يا غريب الدار يا محيرنى 
كل يوم فى حال يا مسهرنى 
ليه يا نبع الحنان ليه تنسى بس اللى كان 
أه يابو الليالى 

الغناء : المجموعه 
التوزيع والتنفيذ الموسيقى : حميد الشاعرى 

لِيلِى يابو الليالى - توزيع شرقى حميد الشاعرى

تلات سلامات ياواحشنى تلات ايام بايدى سلام وعينى سلام وقلبى سلام ....
بعادك ياجميل طول وده اول بعاد بيطول تلات ايام ياروح قلبى وانا جمبى حسود وعزول يأسونى عليك ما اقسى يناسونى هوالك ما انسى يامالى الدنيا فى عنيه تلات سلامات وشويه تلات سلام 
عرفت الوحده ايه هى وايه ايامى فى ابعادك وشوفتك هادى فى الدنيا ولا فكرت فى عتابك واعاتبك ليه وانا بحبك واقولك ايه وانا بحبك يامالى الدنيا فى عنيه اه يامالى الدنيا فى عنيه تلات سلامات وشويه تلات سلامات.

كلمات / مرسى جميل عزيز 
الحان / محمود الشريف 

محمد قنديل - تلات سلامات


توصل عينيه فوق عند القمر
تدور عينيه عليك ويا السهر
توصل عينيه فوق عند القمر
تدور عينيه عليك ويا السهر

تبات شرقانه بيك دموعها كانت زعلانه 
وانت اللى ناسى
لما تجينى انسى اللى راح
لما تنادينى اسمى دلال

حتى روحى ليل مالها وجود
تهرب روحى لعالم ماله حدود
حتى روحى ليل مالها وجود
تهرب روحى لعالم ماله حدود

تلقى ابتسامتك من ضى القمر
تحضن ملامحك وتعاند القدر
لما تجينى انسى اللى راح
لما تنادينى اسمى دلال


نفسى اسهرلك يا حبيبى على طول
واكون جنبك ولا اكون مجهول
نفسى اسهرلك يا حبيبى على طول
واكون جنبك ولا اكون مجهول

حبيبك للايام يمكن تزورنى
لما قلبى ينام صحيه اوعدنى
لما تجينى انسى اللى راح
لما تنادينى اسمى دلال

لما تجينى .. انسى اللى راح
لما تنادينى.. اسمى دلال
 
 كلمات والحان / عايده الأيوبى 
توزيع / أشرف محروس

عايده الأيوبى - جناح

الوقت الذي تستمتع بإضاعته في الحياة ليس وقتا ضائعاً.

Mohammed Khaiyal

Popular tracks