غربه

ياقلبي يامجروح موسيقار الأزمان فريد الأطرش (1)

كلمات: مأمون الشناوي 
ألحان: فريد الأطرش 
----------------------------------

يا قلبى يا مجروح 
اصبر على المقسوم
باب السما مفتوح لدعوة الـمظلوم 
أيام تجرى بربيع عمري 
وشكوى قلبى إليك يا ربى
في القلب نار وجراح  صـابــر عليها ازاي
ابكي على اللى راح والا على اللي جاي 
كُنا الهوى
كُنا الاحباب
كُنا الحياه 
بعت الهنا
بخداع كداب وجريت وراه
ولمين ابكي ولمين احكي 
وشكوى قلبى إليك ياربي
تعالى تعالى 
تعالى نحيي احلامنا 
تعالى اعطف على جروحي 
ده لسه عمر قدامنا
 تـعـالى بتناديك روحــي
يادنيا بدموع عيني كتبتي قسمتي فى ايديك 
يادنيا بدم قلبي الجريح الحنه فى ايديكى 
يادنيا إيه لسه عندك كمان
 هاتى اللى يرضيكى يا دنيا  
تــعـــالى يـاحياة قلبي 
نجـدد حــبنــا الـغــالي 
لا كان ذنبك ولا ذنبي 
جرى لك زي ما جرى لي    
وجراح طالت 
ودموع سالت
وشكوى قلبي إليك يا ربي

يا قلبي يا مجروح - فريد الأطرش

آخر ليلة - شادية -حفلة نادرة جدا

اغنيه سلطنه بكل ماتعنيه الكلمه . 

خليك هنا -ورده

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

الاطلال

يا فؤادي لا تسل اين الهوى .. كان صرحاً من خيالٍ فهوى 
اسقني واشرب على أطلاله .. واروِ عني طالما الدمع روى 
كيف ذاك الحب أمسى خبراً .. وحديثاً من أحاديث الجوى

لست أنساك وقد أغريتني .. بفمٍ عذب المناداة رقيقْ 
ويدٍ تمتد نحوي كيدٍ .. من خلال الموج مدت لغريق ْ 
وبريقاً يظمأ الساري له .. أين في عينيك ذياك البريق ْ

يا حبيباً زرت يوماً أيكه .. طائر الشوق أغني ألمي 
لك إبطاء المدل المنعم .. وتجني القادر المحتكمٍ 
وحنيني لك يكوي أضلعي .. والثواني جمرات في دمي

أعطني حريتي أطلق يديَّ .. إنني أعطيت ما استبقيت شيَّ 
آه من قيدك أدمى معصمي .. لم أبقيه وما أبقى عليَّ 
ما احتفاظي بعهودٍ لم تصنها .. وإلام الأسر والدنيا لديَّ

أين من عيني حبيبُ ساحرٌ .. في نبل وجلال وحياء 
واثق الخطوة يمشي ملكاً .. ظالم الحسن شهي الكبرياء 
عبق السحر كأنفاس الربى .. ساهم الطرف كأحلام المساء

اين مني مجلس أنت به .. فتنةٌ تمت سناء وسنى 
وأنا حبٌ وقلبٌ هائمُ .. وخيالٌ حائرٌ منك دنا 
ومن الشوق رسولٌ بيننا .. ونديمُ قدم الكأس لنا

هل رأى الحب سكارى مثلنا .. كم بنينا من خيالٍ حولنا
ومشينا فى طريق مقمرٍ .. تثب الفرحة فيه قبلنا
وضحكنا ضحك طفلين معاً .. وعدوّنا فسبقنا ظلنا

وانتبهنا بعد ما زال الرحيق .. وأفقنا ليت أنّا لا نفيق 
يقظة طاحت بأحلام الكرى .. وتولى الليل والليل صديق 
وإذا النور نذيرٌ طالعٌ .. وإذا الفجر مطلٌ كالحريق
وإذا الدنيا كما نعرفها .. وإذا الأحباب كلٌّ في طريق

أيها الساهر تغفو .. تذكر العهد وتصحو 
وإذا ما التأم جرح .. جدّ بالتذكار جرحُ
فتعلّم كيف تنسى .. وتعلّم كيف تمحو

يا حبيبي كل شيئٍ بقضاء .. ما بأيدينا خلقنا تعساء 
ربما تجمعنا أقدارنا .. ذات يوم بعد ما عز اللقاء 
فإذا أنكر خل خله .. وتلاقينا لقاء الغرباء
ومضى كل إلى غايته .. لا تقل شئنا فإن الحظَّ شاء



كلمات: ابراهيم ناجي

ام كلثوم - الأطلال

محرم فؤاد  ندم

شنطة سفر - أنغام

سلامات يا حبايب .. محرم فؤاد

حبيبى يا متغرب.. فايزة أحمد

يام بنعدها ولو فينا نردها

كنا ردينا اوقات

صارت هلأ زكريات

لكن يا خسارة الحياة تمرق ما فينا نردها

كنا رجعنا احباب فرقناهم

كنا صالحنا اصحاب زعلناهم

كنا سامحنا يلي جارحنا

كنا اللي مرة جرحنا رحنا نقله سامحنا

ايام ايام ايام بنعدها

يا سنين لو فينا بنعيد ماضينا

حتى كل دمعة بكينا كنا بالضحكة محيناها

حرام نضيع ايام ما فينا نردها

كنا رجعنا احباب فرقناهم

كنا صالحنا اصحاب زعلناهم

كنا سامحنا يلي جارحنا

كنا اللي مرة جرحنا رحنا نقله سامحنا

ايام ايام ايام بنعدها

كنا رجعنا احباب فرقناهم

كنا صالحنا اصحاب زعلناهم

كنا سامحنا يلي جارحنا

كنا اللي مرة جرحنا رحنا نقله سامحنا

ايام ايام ايام بنعدها

غربه

Mohammed Nassim