اغاني

ضليت (أوركسترا ) - مصطفى سيد أحمد

النار المقدسة - أبوعركي البخيت

ابوداؤود   يا حليلم

حرمت الحب و الريدة - محمد وردي

ابوداؤود - حليل الفرقة من بكرة

يوم رحيلك - ما بتشبه القمر البتاوق من سما - ابوعركي البخيت

مرسال الشوق أبوعركي البخيت أركسترا

خلاسيه  في ابوعركي البخيت

الموسيقار محمد الأمين - عزى  أملى

محمد الامين -زاد الشجون

محمد وردي يصف أسلوب محمد الأمين في التلحين

محمد الأمين بلسان وردي

ابوعركي البخيت نظرات عيونك

مَنْ يقول أنهم رحلوا ...؟! إنما ترحلُ أجسادهم لا غير، ولكنّهم باقون بيننا ما بقينا على ظهر هذه الفانية: تبقى قصائدهم وأغانيهم وأفكارهم النيَّرات

وهاتِ قلبك وإسمع: عاد الحبيب

أما يقول لك قلبك صِدقاً وحقّاً: هَلْ يموتُ مِثل هذا الغناء والنشيد ....؟!

عصام عيسى رجب

عادَ الْحَبيب: صديق مُدَّثِر - محمَّد وردي

حروف إسمِك

جمال الفال

وراحة البال

وهجعة زول بعد ترحال

وتنّية حلوة للشبّال

ودنيتنا ومشاويرنا

وغنواتنا الما بتِنقال



حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور



حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق صدرى

وأقيف وسط البلد واهتف

بريدك يا صَباح عمرى

حروف إسمك - محمد الأمين

الشدووه  كلمات والحان  وغناء الفنان مصطفي عبد القادر
في لقاء خاص مع الفنان محمد وردي في السودان

لقاء خاص بين الفنان مصطفي عبد القادر والفنان محمد وردي  2

قبلك الساعات حوافي
و الأسف سَكَن القوافي
المنافي تلِد منافي
و كُل سمحاً شين و مافي
و الزمن خطواتُه ماسخة و دائرية...



شقشقة عصفورة محمد وردي

مصطفى سيـــــــــد أحمد-بنينة(العديــــــــــل والزين)-بصيغة تعمل على الموبايل
============================
المناسبة:
><><>
مصطفى قام بتاليف البنية وسجلها بمناسبة زواج
نوح عبدالواحد الصادق ليسافر بها نوح للسودان كى يتم بها مراسيم
زواجه بود حامد وبعدها وبعدها بشهرين رحل مصطفى ....
=========================
نص البنينة
هي ليلة العديل والزين
والليلة العديل يا عديلة الله
بسم الله إبتديت زولي السمح والزين
من قومة الجهل معروف ولد سترة
بالفال والسماح لنوم اخو الاخوان
مستور العروض نوارة الديوان
لي الجار والبعيد قدحو دوام مليان
ود جعل العزيز قيدومن الفرسان
ياقسم الكريم ابشر بشارة الخير
فال نوح العيال والتانية رزقة كتير
رقصن في الفرح ديسن طويل وغزير
أخوات الرجال لابسات دروع وحرير
مصطفى في الخليج نظم كلام موزون
ذكر فيك وصوف درراً خفي ومكنون
عقبال يا محمد كل صعيبة تهون
ويجمعنا الفرح في ديارنا زي مايكون
الشايقي الفصيح فرحان لود عمو
ركازة الصديق شرق العيال تمو
بالزين والعديل يا أختو يا أمو
واخوانو العزاز طعم الحلو ونمو ...

تحياتي: بــــا بـــــكر الســـــــوداني

ملحوظة:
هذه البنينة قام بنشرها الأستاذ بدر الدين الأمير فله الشكر وليته يواصل نشر هذه الدرر لاسيما وهو كان صديق للراحل المقيم مصطفى سيد أحمد وحضورا" في كل حفلاته وجلسات الإستماع بالدوحة.

حسب إفادات بدر الدين الأمير -الكورال الذي يردد في هذه البنينة خلف مصطفى هم:
١-دكتور محمد الطيب منصور
٢-القانوني عصام حسين حسن
٣-عازف الإيقاع عبد المنعم الفكي
٤-الأستاذ بدر الدين الأمير.

والشكر لصديقي محمد كبسور الذي يلفت نظري دوما" بإتجاه الفرح والكامن في هذه الروائـــــــع.

اغاني

Mohammed Omer Hamdoon