العمر بيجري
والوضع خطير 
والكل بيهري
ومافيش تفكير

وانا هنا بتفرج
كان نفسي اتحرك
كان نفسي اشارك 
كان نفسي اغير 

لكن متكتف 
مش عارف اتكيف
انا نفسي اتحرر 
ولنفسي أقرر

متساق ف الدايرة
ومراكب سايرة
مش عايزة توقف 
ولا ترمي الطوق

انا عمري ما اسلم
لكن متسلم
ولا عارف اوقف
او حتي اتكلم

انا لازم اوصل
لو حتي هعوم 
عكس التيار
مش عايز انهار

انا عشت حياة 
او يمكن يعني
انا امتي هلاقي
حد بيسمعني

للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

العمر بيجري.mp3

كل شده وفيها خير
بس محتاجه اللي يُصبر
بطل التفكير كتير 
وادعي ربك ليك هيُجبر 

شد حيلك راح تعدي
بص للحلو ف حياتك
والحياه بتاخد وتدي 
سيبك من اللي راح وفاتك 

شدتك جتلك تفرق 
مين اللي كان بيهمه حالك
و اللي كان شايفك بتغرق 
عمره ما اهتم لسؤالك

شدتك جتلك تعلم 
ع اللي خد حلو حكايتك
واما شاف الشده سلم
راح وكان سامع اهاتك

شدتك جتلك تشاور 
ع اللي باصص من سكات 
و اللي  ليك دايماً مجاور 
واللي يهرب بحكايات 

قول لكل شده شكراً 
مهما كانت ابقي صامد
راح تعدي مهما تطول 
قول لقلبك يبقي جامد 


للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

كل شده وفيها خير.mp3

ف الدنيا تاهت خطاوينا  
يمين شمال بتقسينا
تفوت سنين وتنسينا
افعالها بتعلم فينا

وده كان شباب اصبح شايب 
لا ليه لا اهل ولا حبايب 
والحبل دايماً ع الغارب 
والموج يكسر ف القارب

شايف بعينه امل دايب
بابه للشيطان بقي موارب  
ف الحب من زمن خايب 
وعقله من الاهوال غايب

لا عمره اختار ولا فكر
عايش حياته كده مجبر
و الحزن ليه بقي متقدر
والقهوه حلوه بدون سكر

الغلب بيخليك مغلوب
عايش حياتك بالمقلوب
الفرح ليك بقي مش مكتوب 
علشان تعيش لازم تهرب



للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

ف الدنيا تاهت خطاوينا  .mp3

وبرغم الوحدة 
وبرغم البعد
كام خطوة كمان
 ويعدي الصعب
وبرغم سكوني 
وبرغم الصمت
جوايا امل 
ساكن ف القلب 
وبرغم فراقي 
لكام صاحب ندل
لكن متعشم 
فى شوية حب 
وبرغم سنين 
عدت من العمر 
عمري ماهستسلم 
ومكمل حرب 
وبرغم الضلمه 
انا شايف الشمس 
بتشق طريقها 
وبتمحي الظلم 
انا عندي امل 
 انا جوايا حلم
وشوية صبر

للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

أمل.mp3

ايام ماكنت لسه عيل 
ساعتها كان الخوف قليل 
مكنتش شايل هم حاجه 
مكانش الهم عليا ميل 
ايام ماكنت لسه عيل
مكانش فيه ماضي متقل
وكنت بروح ف النوم بسرعه
مكانش فيه حزن مخيم 
ايام ماكنت لسه عيل
كنت بلعب بالساعات 
وكانت عندي كل حاجه
من غير ما اقول لحد هات
ايام ماكنت لسه عيل
مكانش فيه كتير سكات
ولا كنت بحسب اللي فات
ولا كان في داعي للآهات 
ايام ماكنت لسه عيل 
تملي كانت عيني تفرح
 مكانش فيه حاجات بتجرح
مكنتش غير ف حلمي بسرح
ايام ماكنت لسه عيل 


  للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

أيام ما كنت لسه عيل .mp3

اختلافنا يوم خلافنا 
كان مجرد كلمتين 
 اللي بايع القضيه
واللي من جواه حزين 
اللي عايش دور ضحيه
واللي باع عشرة سنين
كل دمعه  متداريه
تحكي ماضي م الحنين
لسه فاكر يوم لقانا
لما كنا فرحانين
واللي شاف فرحة عيونا
قال عيال صغيرين
فرقت الدنيا ما بيننا
والكلام بقي نظرتين
نظره تحكي ماضي عدي
ونظره تلعن ف السنين
 

للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

اختلافنا .mp3

محاصر
ممنوع من التواصل
لو شفت ايه اللي حاصل
هتوقف الكلام
واللي واصل
مش محتاج التواصل
قاعد ملك مكانه
مش مديها اهتمام
غريب ف مكان غريب
قريب لكن بعيد
وعنوانه استسلام
ما هو مش ف ايده حاجه
مغصوب علي العباده
عايش كده والسلام
وكل يوم بيعدي
بيزيد عليه حصار
محتار هيفكر ف الماضي
ولا ف حاضر دمار
ما هو مش بأيده اختيار
لو فكر انه يهرب
 بتقابله سكه انهيار
 كان حلمه يدخل جنه
لقي نفسه ف وش نار
ما هو الغلبان ف بلدنا
مش ف ايديه القرار


للتواصل ومتابعة آخر الكتابات علي صفحة الفيس بوك @شاعر_هاوي
https://www.facebook.com/Shaaerhawy?mibextid=ZbWKwL
 

محاصر.mp3

ليه تجبريني ع البعاد
وانتي الحبيبه الطيبه
بتمني اشوفك احسن بلاد
لكن بشوفك مذنبه
ليه سيبتي نفسك للعدا
سلمتي للي مالوش امان
بعتي اللي صان
صنتي اللي خان
وفتحتي ايدك للجبان
ليه كل دا


ليه تجبريني.mp3

حبيبي
متخليهاش توسع منك 
انا شفت يابني اكتر منك 
والعشرة بس منعاني عنك 
صدقني انا اكبر منك 
انا ياما زمان كنت بجاملك
لكن خلاص جضيت منك
للعشرة انا كنت براعي 
لكن خلاص ملهوش داعي 
زي القطط تاكل تنكر
وماشيلي ف طريق المنكر
خلاص كده عقلك هكر
خلاص خلص زمن السكر
ده انا ياما فيك كنت بشكر
لا صنت عيشي ولا ملحي 
خلاص يا صاحبي انسي ملامحي
وانسي كمان اللي مابينا
وع اللي فيك الله يعيننا 
خلاص يا صاحبي انا بصفي
اللي قصادي واللي ف صفي 
الكتره مبقتش بتنفع 
افعالكو مبقتش بتشفع
ولو لوحدي يكون انفع 
ده الصحبه  دي محتاجه راجل 
يقف معاك وقت مشاكل 
مش عايزة ناس من اللي بتهرب



.mp3متخلهاش توسع منك

‏صحاب كتير كبر العدد
لكن اسامي مش سند
وقت المصايب والشدد
اتنين تلاته  ليك مدد
زمن النفاق زمن الحسد
لازم تعيش زي الأسد
 قلبك شجاع واقف وتد
عايش لحالك ف البلد
مهما يزيدو ف العقد 
 قاوم وأخرج م الجسد 
لازم تكون هنا مجتهد 
هاجر فسادهم واعتمد
اصبر وقاوم للأبد


شاعر هاوى

صحاب كتير.mp3

كل شده وفيها خير
بس محتاجه اللي يُصبر
بطل التفكير كتير 
وادعي ربك ليك هيُجبر 

شد حيلك راح تعدي
بص للحلو ف حياتك
والحياه بتاخد وتدي 
سيبك من اللي راح وفاتك 

شدتك جتلك تفرق 
مين اللي كان بيهمه حالك
و اللي كان شايفك بتغرق 
عمره ما اهتم لسؤالك

شدتك جتلك تعلم 
ع اللي خد حلو حكايتك
واما شاف الشده سلم
راح وكان سامع اهاتك

شدتك جتلك تشاور 
ع اللي باصص من سكات 
و اللي  ليك دايماً مجاور 
واللي يهرب بحكايات 

قول لكل شده شكراً 
مهما كانت ابقي صامد
راح تعدي مهما تطول 
قول لقلبك يبقي جامد 

7/2021
محمد ياسين "شاعر هاوي" 
جميع الحقوق محفوظة ©2020

Mohammed yassin

Popular tracks