
كل اللى بان منك فرحة الاطفال
وضحكة مرسومه على قلبي
وحزن تجاهله بقى حالك
وايه مـــــــالـــــــــك !!!
وحــــشــــتّـــــــيـــــنــــــــــي
يا نجمة بعيده عن عيني
بتسأل في البعاد فيني
يا توكه بمبى وضفيرتين
يا نسمه تايهه بين شعرك
انا الساكن انا فى شارعك
وانا العاشق بقى فى شرعك
وشرعك حلل التوهه فى تفاصيلك
وغنوه جميله فى مواويلك
ومركب فضه فى نيلك
شراعها بيمشى مشاوير
ومشوارك بقى حلمي
تعيشى العمر بقى جمبي
وادلع فيكي و تترمى فى احضاني
تقولي معاك انا عايشه ايامي
يا كنز كبير انا لاقيته
فى مغارة جبلك العاتي
ولما لاقيت انا رمشك
كبشت وقولت بقى هاتى
جمال عيونك البني
وضميني واتهني
وطول الوقت كلام عنى 
مع احبابك
عليل قلبه ومسكين
وموصفله بقى جناني
صباحاً عيشه بحناني
وليلاً توهه فى ملامحى
انا شايفه بعيونه
وهو جزء من دمّي
‫#‏محمد_سليمان‬
لينك البيدج : https://www.facebook.com/mohammedsoliman23

وحشتيــــني

سكتي ليه عاوز اسمعك
لو المسافة بتخدعك
خلي قلبك يسمّعك
نبض قلبي ازااى قريب
سكتي ليه عاوز اسمعك
لو الف واحد ودعك
لو كان وقتك بيخدعك
فانا اللي جاي ادلعك
خلي حزنك يخلعك
وقربيلي
خدي نن واحد من عيوني
وسيبيلي نني
وحتة منى
تكون معاكي

شقشقيلي
ازئر لعينك
يجري حنينك فالوريد
انا شايفك فى كل فعل
انا حاسك فى كل روح
فعلى انحصر جوه كونك
قلبي نجمه لونك
وانا طى النسيان دونك
.....
انا مش بعيد صدقيني
دوري جواكي هتلاقيني
قلبك مخبيني
من غدر الايام
انا محمي من كلامهم
مفتون من سلامك
انا جواكي بسري
وانتي جوايا قصري
متخافيش من المسافة
دي ضحكتك هفافه
علي عيني
واللي بينك وبيني
يا دوب غمضتين
ذكري من كل عين
تقولك انتي عندى فين
....
منتيش بعيده
عالاقل عن خيالي
مش ناسيكي
والله فاكرك
ده القلب ذاكرك
والروح مراجعه كل تفصيله ف ملامحك
لو انتي نار فانا فحمك
ولو انتي عضم فانا لحمك
اتركيني وردة ف شتاكي
ترجعي تلاقيني وردة حمراء مستنيه قطفك
يتيم مستني عطفك
واذكريني ف كل شارع
في كل سيرة
في كل صدفه
في كل غيره
وقولي للناس بيعاملني
زي الاميره
وعيشته خوف عليا وغيره
انا نقطة من دمه
وهو نبضه من قلبي
ومصيره هيفضل طول الابد جمبي
....
بدور علي نفسي
لاقيتني جواكي
بدور علي روحي
لقيتها مسجونه في هواكي
انا ماشي بتفكيرك
ومش شايف بنوته غيرك
انا روحك انا أثيرك
عصفور في قفص قلبك
وقلبي مجنون بحبك
فعالجيني من الادمان
وايه يعالجني
غير بصة من عينك

انا مشتاق
وشوقي مشروع
يزيد في قربك
ويكبر جداا في غيابك
واتوه اسال عنك كل اصحابك
ويكفيني سيرتك
وشروع روحك للفرقه
كانت عندي قتله ودبحه
امتي هشوفك
ونصلي ونقرأ بصوت عالي الفتحة
واضمك ضمة مجنونه
بايد قلبي اللي مفتونه
بحبك وحبك تركتي وورثي
قربيلي وارسي
علي شطي
وموجك يشوفني يتبسم
ويتقسم علي نصين
جزر يرسلي اشواقك
ومد يعيدلي ايامك
اشوفها احنلك تاني...
....
لسه خايفه من البعاد
لساكي بتحبي السهاد
لسه جسمك بيرتجف مع اي تيار جديد
لساكي فاكره صوتي ف كل عيد
برضو البكا عندك بحرقه في وجودي
وتتبسمي وتفرحي في سجودي

انا حاسك وايدك بتتمد
بتتمني توصل لايدي
وبفرد ايدى اقابل نسمة هواء ايدك
واحضن نفسي واشتاق
متخافيش
انا من غيرك مش هعيش
واى شىء روحك مش ساكناه ميساويش
#محمد_سليمان
ياريت اللى يعجبه الشعر يشير الشعر ويعمل لايك للصفحة وفولو للأكونت وساعد فى نشر حاجه بتحبها شكرا
لينك البيدج :
https://www.facebook.com/mohammedsoliman23?fref=nf

#مشروع_شعر


متخافيش..

متنسوش الفولو وتسمعوا باقى التراكات 
.

انا جيتلك ارجعلك عمرك
علشان قولت ان انا ضيعته
انا جايه وندمانه صحيح
علي اني مشيت في طريق غيرك
انا راجعالك 
ارضي ضميرك وارجعلي 
انا سيبتك علشان واحد جاهز
هيوفر وقتي ويصوني
ولقيته بعدها بيخوني
انا فعلا ندمانه عليك
ارحمني انا ملك ايديك
انا عارفه انا جوه عينيك
فعلا حبيتك بجنون
لكن حبيت اكثر نفسي
وشعوري انك مفتون 
ضيع لهفتي من قلبي
وبعدت وحاولت احبه
انزع بسمتي من قلبه
لكن كانت بيعه وشروه
أبره متأجره للعروه
اتعلمت خلاص وتعبت
انا بتألم ان انا سيبت
جايالك عاوزاك من تاني
تكتب اشعارك فيا
وتلحنها تاني لأغاني
عارف انا كارهه كمان صوتي
بتمني لحظة موتي
انا عايزاك
بتمناك 
روحي فداك 
. 
خلصتي ؟! 
انا فعلا حبيتك جدا
مش عارف اعيش من غيرك
لكن اما سيبتيني
سقطت صورتك من عيني
انا جربت احب كتير
وفضلت عليكي بغير
وتعبت كتير في الغربة
ابكي وعيوني متبكيش
كان نفسي ف اني اعيش
من غير ما افتكرك واتألم
انا فعلا مش قادر اتكلم
ولا اوصف ولا قادر احكي
موتي جوايا بالفرقه
عيشت جواكي عذاب
وده حال اللي بيرجع
بعد ما يجرح او ساب
انا مش هقدر ارجعلك
قلبي لسه بيشتاقلك
وانتي كلك متغير

#محمد_سليمان


كلك متغير

كلماتك كون جواك او حتى خصالك حاول تجمل كونك وخصالك ..
انت مظهر جمالى ماشي عالارض انت شعر وكل شىء شعر فى وصفه .
مهندس وبحب الكتابه عموما مش الشعر بس

mohammed soliman

Popular tracks