follow nile project :

 http://facebook.com/nileproject
https://soundcloud.com/nileproject
http://www.nileproject.org/
http://twitter.com/nileproject

ف بلاد العجايب يابا
وسمِعنا الحكاوي يابا
وبدأنا الخطاوي يابا
دَوَشِتنا الحَكاوي يابا
وخانتنا الخطاوي يابا
ف بلاد العجايب يابا
ف بلاد العجايب شوف

ف الصوت اللي ضاع و تحَاش
و الواد اللي راح ملاقاش
ف الهم اللي داير يضحك
والنيل اللي غار ماسَقاش
ف بلاد العجايب يابا
ف بلاد العجايب شوف

وقالولي التراب كالمَاس
أنا شِلت التراب ع الراس
أنا باعني التُراب للكافر
أنا عِجبوا ف حالي الناس
ف بلاد العجايب يابا
ف بلاد العجايب شوف

و يا بِير الأنا المفتوح
و يا قَدَمي اتغَصَبنا نروح
ويا بَصة بتخلص عيني
ويا روحي ما بعدِك روح
ف بلاد العجايب يابا
ف بلاد العجايب شوف .


https://soundcloud.com/ahmed-tarek-9

https://www.facebook.com/UG.UnderGroundMusic

https://www.facebook.com/shaab.elunderground

nile project - fe blad el agayeb

Ba7awel - Maghna Khan بحاول - المغني خانه

Shadow of love.mp3

إحنا مش هنموت يا صاحبي
الموت بيختار ب إكتراث
برتجف كل اما اسمع
مات فلان
مش مخافه او تأثر
برتجف حزن و عياط
ليه ماكانش ميعادي دا
..
إحنا مش هنموت يا صاحبي
اللي ماتوا كانوا اشجع من كدا
إستغلوا الفرصه صح
..
يا الشبح 
يا وليد التجربه
انتباه
ركعه لاجل الاكتمال
يا صديقي 
احنا اسفاً لن نموت
الموت ذكي
و احنا انجاس بالوراثه
بعنا ما قد كان ب حالاً
و اتنسينا
..
إحنا مش هنموت يا صاحبي
اللي ماتوا كانوا اشجع من كدا
إستغلوا الفرصه صح
..
يا الحياه
يا وليفة الإختلال
إرحلي
إحنا موتنا يا رفيقي مستحيل
الموت بطل
و إحنا مش فرسان يا صاح
إحنا خوفنا جابنا أرض
ف إنتهينا بدون حياه
..
إحنا مش هنموت يا صاحبي
اللي ماتوا كانوا اشجع من كدا
إستغلوا الفرصه صح
..........
كلمات : مصعب عبد النعيم
ألحان و غناء : عمر بربري
توزيع : سيدو ستار
هندسه صوتيه : مسدو ستار

Omar El Barbary - Ehna Msh Hanmot عمر البربري - إحنا مش هنموت

(Voice Record - KitKat Moive)| ورحمه أبويا انتَ ظالمني

(Voice Record - Cairo Station) | كل شئ قسمة ونصيب

قصدة الوداع 
من ديوان حرب الفَرَاش 
محمد عبدالله حمودة

الوداع _ محمد عبدالله حمودة

(رقصة الكلب - فؤاد حداد (إلقاء عصام شوقي

دموع الفرح_محمد مرعي/بصوت عصام شوقي

لو كنتي مكاني الساعة اتنين..
كان شغفِك دفعِك تقريني
كنتي هتتحايلي علىٰ الفُرقة
تقوليلها بلاش كسُّم هزار
الفُرقة هتضحك بإستغراب
مش شايفة إزاي والدنيا نهار؟
دا غباء بيِّن
الجو اتڤيرس وسطيكم
ودا مش هيِّن
فيه حكمة كمان تمنع شخصين
يتجانسوا فـ مِجرة بعض سواء
رَبِك من كرمُه بيبسطنا
وبيبعدنا..
وبحكمة بيكسر مُشتاق
كنتي هتتمني اتمناكي
وأبص فـ عينِك بإستحياء
إزاي إزاي..
اوصفلِك
وضعِك
وثباتِك
وانا رايح جاي؟
عجلة اتوبيس
مندوب توصيل
ملَّاكي وأجرة ونقل تقيل
كيلة وكيَّال مابيتهزش
لكن بيلين.. يُدرك بهدوء
إزاي -الفوق- يطلع فوقُه
مش عدل يا روء
إزاي اتخطيتي غرامي
مش برضه حرام
إزاي اتخطيتي جرامي
بتلاتة جرام
أبهرتك حتى فـ إجرامي
شوفتي الإجرام؟

عدِّلتي البوصلة وخدتي قرار
والسعي لفكرة الإستقرار
وبقيتي اهو..
شغالة في شركة اتناشر ساعة بكام ملطوش
بتنامي بسرعة من الإرهاق والإلتزامات
جمعية فـ جمعية وناقصِك حبة كراتين
مع واحد خَد حرفين مِنك ولحمها بـ تين
والتين بيشوِّك يا عينيا والشوق غربال
حُبك مش ذنب ولو كاهن هارفع كرابين
و -رو تين- الكلمة اما بيطلع بيساوي كتير
والكلمة اللي بتطلع مني بتاخدك وتطير
عجِّزتي وشيلتي حمول أتقل من نبح منير
من غير تبرير مقري عليكي الفاتحة ولسا
محتاج الحضن إللي فـ حضنُه
مش قادر أشدك تبقيلي ومش عارف أغير
سبحان الله..
راحت بنوتة بتوكة شَعر
وبقيتي رجولة وسدادة
مع شخص مُناسب بالأوراق
مش واحد دايخ على روحه فـ قسم الورَّاق
خلصت عليكي ديوان كامل
خلصتي عليا كيسين مناديل
خربشتِّك قَصد وسيبت دليل
خلصتي عليا بشكل جميل
وفضلت أشرب من عيني يا ليل
أشرب من أشرف، نفس الشيء
وفضلت أصرُخ، إزاي إزاي
خلصت العمر وسعيي بطيء
علشان أوقات مباحبش حد
وساعات باحسم وباسن الحد
(الحد، إتحد، في يوم الحد)
احا يا جدعان..
دا مجاز باين ولا شغل جنان
فرط النشوة لما كنت
أبوسها فـ غفلة وهي بتبتسم
تقفل عينيها
فرض الغفلة المُفزعة
أمد إيدي بنية المواساة
يخبط صُباعي فـ حد تاني معاه
واحضن دبلة فـ إيديها.

شخص مناسب بالأوراق

فيه حاجات كان لازم تجرّبها 
في عُمْر أصغر من كده 
وحاجات مكانش ينفع تشوفها 
إلا بعد سنين كمان 
..
يعني انت جاي دلوقتي تحديدًا 
تفتكر اللي ضاع من طفولتك؟! 
نوستالجيا غريبة ..
كان ليه زمان تتفاخر انك معيطتش؟! 
وتتظاهر في العزا بالهيبة 
كان أولى بيك تنهار ساعتها
مش دلوقتي..
بتخسر نفسك كل ليلة
على شخص قرر يخسرك 
لأجْل يكسب نفسه 
..
مش دلوقتي..
بتخسر نفسك كل ليلة 
على شخص قرر يكسبك
سيبته..
علشان هيخسر نفسه
..
فيه حاجة باقية..
لِسَّه محصلِتش
دايمًا بيراجع عَدّ وكل شوية يراجع تاني
كل اللي حصل له ما بين ما يدوب قال أنا شكلي كبرت
يسرق من علبة ابوه سيجارة ويقول انا سكِرْت
لحد ما وجع الصدر ابتدى يديله إشارة.. يقلل تدخين 
..
يقعد يتباهى لنفسه بإنه ما زال إنسان..
مؤمن بنبي الشعر فؤاد حداد
يستعرض كل معاركه ووِسع مداركه 
وإنه مكتبش الشعر وشاركه.. 
إلا لأنه صاحب حُزن عميق وحقيقي 
مفترض العالم كله يسيب أحزانه 
وكل اشغاله وكتر مشاكله..
ويقف للباشا دقيقة حداد 
..
ينهار..
يهدا.. 
يقول لنفسه بصوت مسموع
معلِش..
الحياة لسه ماشية
.
فيه حاجة باقية..
لِسَّه محصلِتش
...
- محمد فضيل

دموع الفرح_محمد مرعي/بصوت عصام شوقي

محمد مرعي

Recent comments

Mahmoud Salah

Nouun

Samar Elbana

Related tracks