اه يابلد .. عاوزة ولد 
كل اللي فيكي ..ماشي بقفاه
مستني ماعونة .. ولقمة حنونة
ايد تطبطب .. وايد تداوي
وانت زي ...مانت يا غاوي
.............
الشغل كوسة والبس كوسة.والاكل كوسة
حتي الحب بقي بالكوسة

تعمل ثورة نقول مايضرش 
تطلب حق عادي وماله
لكن تغضب لا د محال
احنا ف زمن الاستهبال

هتفضل تاخد طيب هات 
د الراتب بقي بـ الالفات

مصر عزيزة وغاليا علينا
طاب هنكلها ازاي يا ولاد
ماية كتيييير وعيش وحلاوة
مصانع ياما  وناس شغالة

تصحي بتفطر بشاي وبايتة
وتتغدي باتون ساتيه

ليه تتكلم وليه تقول ماانت عايش ماله الفول
حلوة الحبسه وحلوة الموته
يابني د دمك ارخص من القوطة

ابن البيه يطلع بيه 
وانت فقير تشرب م الزير

اجننت 
هتساوي راسك بابن الباشا
انتي اخرك ولعه وماشة
انسي همومك ولع الشيشة 
بس اياك  تبقي حش.....شة

فين الفقر داحنا غناي 
ما الغني مش بالمال
الغنا في النفس 
ياخي اسكت وراك عيال 

بيقتلونا ويعزبونا ويطلعو عين  جاوبنا
بياكلونا لحم حمير والشعب غلابة وصابرين

كله ساكت وكله راضي 
هنعمل اي  ماللي اتبني طلع ع الفاضي





د بلادنا مذكورة ف القران
بسم الله ادخل بامان

هتفضل مصر ام الدنيا
والعسكري فيها خير رجال

حق شهيد من شرطة وجيش
حق مواطن عاوز عيش

لي بتخرب ولي بتقتل 
دمي ودمك والله حرام
عندك عيل وعندي عيال

حافظو عليها زي عينكو
بكرة تلاقو الخير ف بيتكو

لاعاوزين عربية تودينا
ولا حتي فيلا ف مارينا

عاوزين بس نعيش بامان
ادخل واطلع من غير ماتهان

اقول ليا وحق عليا 
مش اخبي حتي الاحلام

مصر هتفضل غاليا علينا
وهيحفظها احمد ومينا

وهنحارب لجلك يابلدي 
شرطة وشعب وجيش ورئيس
لحد مابقي ف كفني عريس


www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

قناة اليوت يوب
www.youtube.com/c/MohamedMedhatm

instagram
www.instagram.com/medhat4904







اه يا بلد - محمد مدحت - قصيدة عامية

انا اللي حبيتها كتيرماحبتني.
وعشت عشانها وقتلتني.
شوفت الضي ف عيونها فغابت.
دوست معاصي الحب وعني تابت.

رفضت اعيش ذكري
ورفض قلمي يكتبلك..
رافض شعري يندهلك .. 
رافض من تاني ارجعلك..
رافض يكتب حتي اسمك .. تايه بين صورتي ورسمك
ماقبلش اكون حاضر غايب .. عن عشقك خلاص انا #تايب

بس لسة
لسة اسمك جوة اسمي . لسة صورتك جوة رسمي
لسه تفاصيلك بتحاوطني . لسة وعدك بيهاتفني
لسة صوتك مالي اوضتي . لسة حلمك بيندهلي ..!

كل ليلة سهرنا فيها ...لسة بفتكر امانيها
كل غنوة جت في بالي ... لسة بسمعها ليالي
كل حلم حلمنا بيه ... لسة بحلم ابقي فيه
كل تفصيلة في حياتنا ... حيه عايشة ليوم مامتنا

ويمكٌن_ماٌنسكيٌش وهٌعيشٌ بذٌكريً ماٌتتحكٌيش
لكٌن حبٌك كاٌن #ماٌيساويٌش .. اضٌيعٌ حيٌاتيٌ وليٌه انٌا مٌن غيٌركـ هٌعرفٌ اعيٌش
وبٌكرة اقٌولٌ كانٌتٌ مافٌيش .. !!
هٌكتٌب وأغٌنيٌ واٌشتغٌل وأَبنٌي .. وإِبٌنيٌ اللٌي منٌي هيقوٌلك مافٌيش..!
مافٌيش ذكٌري حٌلوة .. كأٌانو يدٌوب كاٌم غنوٌة .. سمٌعناهٌم وعشٌنا صدٌاهمٌ ولمٌا خلٌصوٌ #ماٌلقتٌكيش

فيا من ملكت قلبي.. 
أين انت من الكربي
تركتني فـ العزاب مجاهداَ .. وانت غافل عني فـ الهوا
تركتني محملاَ بالاسي .. وأنت فـ دنياك تقف مباهجا
لا تسأل عني طيراَ مهاجراَ.. ولا عصفوراَ يقف مغردا

لازم تصدق
محدش بينفع ولا صاحب بيشفع .
احساسك لنفسك .. ميت بياسك 
ضايع بحلمك .. تايه كل شئ منك
عزرا حياتي .. فاتت سعاتي
هعيش لوجدي ليوم مماتي .

الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

قناة اليوت يوب
www.youtube.com/c/MohamedMedhatm

instagram
www.instagram.com/medhat4904

انا اللي حبيتها - محمد مدحت - قصيدة عامية - توزيع جديد

الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

instagram
www.instagram.com/medhat4904

‫‏كانت‬ معاية فـ كل مكان فـ الزحمة والأحلام
و توهة الايام

كانت في حياتي الدفا 
وقلبي كان بيها  اكتفي
كانت ابسط حاجة وسط كتير تعاقيد
بلمست اديها تدوب روحي لو حديد

كانت ملاك وسط بشر خاينين
راحة بين الحين والحين
شوفت فيه ام العيال  
عشتلها السهل والمحال

تفاصيلها ماتتنسيش 
لو عشت علي عمري سنين 
كلامها مايتوصفش 
مهما كتبت وغنيت
احساسها مايتحكيش
واكدب لو قولت نسيت

لكن قربنا د كان محال والبعد هو القرار 
اخترت نفسي وماحسبتهاش
مافكرتش فـ ال راح ولا جاش

كان قلبي يومها ف اجازة
ما حسبش غير اللذاذة
فرح بالقوة والجباروت
ونسي انه هيجي يوم ويموت

انا دوقت معاها الفرح 
ماكنتش اعرف ان الللي يقرب يندبح
وهمت نفسي اني صح .... انتي صح
صدقتها في كل كلمة اتقالت وقتها
وال مستخبي بان بعدها

قولت كتير وعدت كتير مافيش تغيير
انت  لا هتتغير ولافيك امل
هتفضل ف مكانك
وكل شئ عندك محتمل
بترضي نفسك بكام كلمة متجملة
بتقول هتغير
وكل حاجة ممكنه
جواك ضعيف هش
بنيان من طين وقش

اخدت اي مـ اللي اتهد وبعت ليه الوعد
انا كنت عايش وكلي امل ارجع رغم البعد

سبتني لوحدي محتار وظهر عليا اثر الاختيار
بتمني لو يوم ترجع وتسمع لقلبي وتشفع
وكان اللي كان ما كان لا افترقنا ولا بعدنا الزمان
ولو سألت فـ يوم عني قلولها خلاص ولا
شد رحالة ما خلا
في بلاد الكون يلف يدور
يسأل ويقول مشتاق
بزيادة تعبت فراق
سيبوها عايشة بتفرح
والراحة تسكن جيوبها وتسرح
كفاية ضحكتها اشوفها
بتنور السما وفـ صدري تشرح


اثر الاختيار - محمد مدحت - قصيدة عامية - توزيع جديد

الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

instagram
www.instagram.com/medhat4904

#بنت_قلبي

انا الطيب وانا القاسي
 انا الفاكر وانا الناسي
 انا اللي عاش عمره بيقاسي
 انا الكائن كما الاراجوز
 وف سكتي ماليش حظوظ
 انا المذنب وانا العاصي
 انا التايب علي اديكي
و انا اللي ف الغرام عاشق
 وبحبك انا استكفيت

 يابنت قلبي ياحورية
 صحيتي معني الغرام فيا
 ياست انتي ال خطيتي وعديتي
 حدود الهوا ليا
 عشتيلي ومت انا فيكي
 يالي ف كل تفصيلك صبيه
 
 انا عابر سبيل والغربه ليه موال
 ياقلبي يا حيران
 ماكفاية تعبك بان
 ياتقولي اي السبب
 يا تمثل النسيان
 ويا ست يا حلوه 
غنيلي كمان غنوه
 انسي بيها همومي
 واسرح مع الدنيا
 جايلك ف شهر صيام
 لا طالب زاد ولا مايه
 انا طالب ازور البيت
 واكونلك حطيت وتكوني انتي الدفا ليا
يابنت قلبي يا حوريه








انا جلتك تحت عرشك 
طمعان ف رضي عفوك
 نفسي ادوب بين عيونك السود
 واترمي ف حضنك
 واعيش العمر وانا بسعي انول قربك

 د لما كنتي تبتسمي
 شفايفك ترسم فرحة جوايا
 عنيكي بتغزل علي رمشي
 واتوه من نظره فـ حكايه
 ياساكنة فـ صميم قلبي
 ومحتله كل اركاني
 ياتنهي معركة حبك
 او حتي تعملي هدنه
 انا عاشق خلاص قربكـ
 وكتبتلك ميت قصة وروايه

 يا الف حكاية جوايا
 يا اجمل كلمة ف غنايا
 يا وحي الشعر ف قصايدي
 وبنتي وامي ف حكايتي 
ياكل الناس. 

ياجمل بنت
. كان قربك جنه
 ف بعدك رجعت ندمت

 يا اطيب قلب
 وانضف حد
 ياست الحسن
. يابنت قلبي مهما كتبت
 عمري ماهكفي
 اوصف جمالك
 احساي بذاتك
 برائة عيونك 
همسك ولونك

 روحك الحلوه 
وقلبك الصافي
يابنت قلبي يا حوريه

 بشوفك بتوه
 قلبي يسلم
 بيعلن ولائه و يرفض يكمل
 بيفرض غرامه وشوقه وحنانه
ويهتف بحبك يا اغلي ماليا

 افتكرت احسب سنيني الي فاتت
 افتكرت اول كلمة فـ قربك
مكان جمعنا ويوم وداعنا

 حبيت كتير لكن حقيقي محبتش غيرك
 انتي الحلم اللي عشته ورسمته
 انني الفرحة ف عز البكي
 حياتي بعدك قاسيه وجفي
 دوقت فيها معني الشقي
 لمت صحابي. فراق ولقي

مش فاضلي غير دمعة ندم
 علي بنت قلبي
 والحلم اللي انهدم
 علي حد كنت شايفه الامل
 لو ربي باذن اكون انا الميت وتكونيلي انتي الكفن






بنت قلبي - محمد مدحت - قصيدة عامية

(محمد مدحت)
 فيس بوك 
www.facebook.com/mohammedmeedhat
(محمود عبدالموجود)
 فيس بوك 
https://www.facebook.com

#تشابه_مشاعر
مشهد عمودي علي الانسان
ف حجات مخفية وحاجات بتبان
انا واحد بيحلم وكتير جبان
كنتي انتي اخر كلام
وكتبت بعدك عنوان
إن الدخول بقي بأستاذان
والفراق مابقاش محال
ووصلنا للنهاية
اخر مشهد ف الحكاية
واقفين زي الاصنام وعنيهم بتصرخ بـ الكلام
وجع كتير وحاجات غير اللي بتتقال
سابت اديه من سكات
نزلت دموعه علي اللي فات
افتكر كل الذكريات
اول كلمة بحبك واول لحظة قابلتك
سنين اتعاشت ف قربك 
حبها وماتت فيه
اتمناها وماكنتش ليه

يجى تلاتين الف ذكرى متسابه
 عدت سنين و الذكرى لسه بتوجع
واحيانا الزهايمر كان بينفع 
تلت سنين و الذكرى لسه مفيهاش ملل و رتابه
 يجى تلاتين الف ذكرى متسابه
 ده انا حتى فاكر لما قولتلك
 احضنينى فعز شمس النهار
 احضنينى قدام صحابنا لو كان الحضن عار
 احضنينى لو كان فصدرك شوك
 احضنينى لو صدرك نبت صبار
_عدت سنين
عدت سنين وفات الزمان
سبتك واديني ف نفس المكان
ياحب عمري والحلم اللي كان
فاكرة كلمنا بالساعات 
وحلم اتولد وفينا مات
فاكرة ولادنا واساميهم
وبيتنا اللي هيكمل بيهم
طب فاكرة السفر والسهر
اول خروجة والفرح
نظرة عنيكي ساعتها كانت بتضحكلي 
بتندهلي بتحضني ومنك تقربني
احساسي ساعتها مايتحكيش ولا يتوصف

_عدوا عليا
عدوا عليا التلات سنين بتقل و تباته
 متضربوا 365 × 3
 هيساوى مجموعهم بجراحهم بوجعهم بدموعهم 
1095 يوم
 ع الجرح انام ع الآه بقوم
 وكرااااااابيج يا الذكرى
 ان كانت نسيت 
فالارض فاكره
 صوت طقطقة خطوينا 
حتى عيون اصحابنا فاكره
صوره رسمه تشبيكت ايدينا
 ليه بالرخص بعتى 
و ضيعتى و بددتى احلى ما فينا

انا دوقت معاها الفرح 
ماكنتش اعرف ان الللي يقرب يندبح
وهمت نفسي اني صح .... انتي صح
صدقتها في كل كلمة اتقالت وقتها
وال مستخبي بان بعدها
قولت كتير وعدت كتير مافيش تغيير
انت  لا هتتغيري ولافيكي امل
هتفضلي فـ مكانك
وكل شئ عندك محتمل
بترضي نفسك بكام كلمة متجملة
بتقولي هتغير
وكل حاجة ممكنه
جواكي ضعيف هش
بنيان من طين وقش

فـ ليه مكنتيش رحيمه
 ع الاقل خليكى زى بر د الشتا
 ع قد قساوته
 بس بيجبرنا نتجمع تحت الغطا
 كان بيجبرنا نتجمع فالاوضه القديمه
 ليه مكنتيش رحيمه
 ليه بتجبرينى اذكرك فشعرى متعابه
 ليه اصلا خلتينى اكتب تلاتين الف ذكرى متسابه
 و انتى برضو بعدى لسه مش حره
 و بعدك والله مشكتش من الوحده 
عشقت و دوبت بعدك كام و خمسين كام و ستين مره 
ده انا حتى مش فاكرهم عشان اعدهوملك بالواحده
 اوعى تكونى فكرانى بعدك حبست قلبي جوه و طرد نفسي بره
 يامى احنا شعرا و مش بنغلب
 نقدر فثانيه نقرب بالكلام اجملها واحده


 ويمكن مانسكيش
 وهعيش بذكري ماتتحكيش
لكن حبك كان ما يساويش
اضيع حياتي وليه .؟ انا من غيرك هعرف اعيش
وبكرة اقول كانت مافيش
هكتب واغني واشتغل وابني
وأِبني اللي مني هيقولك مافيش ..!
مافيش ذكري حلوة
كانو يادوب كام غنوة..
 سمعناهم وعشنا صداهم
ولما خلصو.. مالقتكيش

بس عارفة ارجع واقولك انا مش حجر 
انا اللى هلكنى طول السفر
 و لسه سجايرى فجيب الجاكيت
 و لسه مكياجك طابع ع الفانله
 و لسه ريحتك من جسمى هاله
 ياتارى لسه ريحتى مغرقاكى ولا
 ياترى اللى بعدى خلى
 ريحتى و لا ريحتى ولت
 الف واحده بعدك ما قدرت 
تزعط ريحتك منى
 لسه شعرايه منك فالمحفظه بتونسنى
 لسه لهفتى لما بتيجى سيرتك بتجرسنى
 لسه طابع فالمخده بقع زيت شعرك
 لسه عايشه الموده ما بينا ولا ماتت فحربك

_ولية سابتني
 ولية سابتني محتار  
بتمني لو يوم ترجع 
وتسمع لقلبي وتشفع
وكان اللي كان ما كان 
لا افترقنا ولا بعدنا الزمان
بس خلاص
 سيبوها عايشة بتفرح
والراحة تسكن جيوبها وتسرح
ولو سألت فـ يوم عني قلولها خلاص ولا
شد رحالة ما خلا
في بلاد الكون يلف يدور
يسأل ويقول مشتاق
بزيادة تعبت فراق
كفاية ضحكتها اشوفها
بتنور السما وفـ صدري تشرح

_ بلغوها
بلغوها إن ضحكتها واحشنى اكتر منها
 عرفوها إن الليالى القسوه ما قستها
 سلموها سلامى ولو بإيدى والله كنت اسلمها
 طمونها إنى فالبعد عمرى ما فـ ليله نسيتها
 فهموها إنى لو مت راح فقلبي اسكنها
 حسسوها إنها اول و آخر بنت حبيتها
 جملوها ان عابوها زى ما كنت بجملها
 صغروها لو هموم الايام بعدى كبرتها
 كملوها لو نقصت و ضعفت زى ما كنت بكملها
 دفوها بالكفوف م الخوف زى ما كنت بطمنها

_ دانا الحبيت كتير
انا حبيت كتير لكن حقيقي محبتش غيرك
 انتي الحلم اللي عشته ورسمته
 انني الفرحة ف عز البكي
 حياتي بعدك قاسيه وجفي
 دوقت فيها معني الشقي
 لمت صحاب.
فراق ولقي
ومش فاضلي غير دمعة ندم
 علي حب عمري
 الحلم اللي انهدم
 علي حد كنت شايفه الامل
 لو ربي ياذن اكون انا الميت وتكونيلي انتي الكفن

واتغسل و اتكفن و اتشال ع كتفك
او نعكسها عكس عكاس و انا اللى وحدى اشيل نعشك


تشابه مشاعر -محمد مدحت - محمود عبدالموجود -قصيدة عامية

يا ليالي يا ليالي يا ليالي

وين أيامك وين يا غايب عن العين

قلبي عاش حزين والله عاش حزين

في بعادك يا زين

…………………..

وَيِن أَيّامكَ وَيِن يا غايب عَنَّ العَيْن

قَلْبِي عاشَ حَزَّيْنِ وَاللّٰه عاشَ حَزَّيْنِ

حبيتك يا غالي وسهرت الليالي

قلت وين تجيني وترجع حنيني

وتجمع قلبين وين

وين أيامك

حمزة نمرة وحميد الشاعري اغنية ‏وين أيامك وين‬ من الفلكلور الليبي للفنان حميد الشاعري

يبكي ويضحك لا حزناً ولا فرحاً
كعاشق خطّ سطراً في الهوى ومحا

من بسمة النجم همسٌ في قصائده
ومن مخالسة الظبي الذي سنحَ

قلب تمرّس باللذات وهو فتىً
كبرعم لمسَتْه الريح فانفتحَ

ما للاقاحية السمراء قد صرفتْ
عنا هواها، أرق الحسن ماسمحَ

لو كنت تدرين ما القاة من شجن 
لكنت أرفقَ من اسَى ومن صفحَ

غداة لوحت بالآمال باسمةً
لانَ الذي ثارَ وانقاد الذي جمحَ

فالروض مهما زهت  قفر إذا حرمت
من جانح  رّفّ  أو من صادح صدحَ


يبكي ويضحك - الشيخ زين محمود - صوفي -قصائد

لَا أَنَا شايفة وَلَا سَامِعَةُ وَفِي عَنِيَّا الدُّموعِ لَاَمِعَةَ

وَ بِتَفَرُّجٍ عَلَى الْأيَّامِ وَ هِي رايحة وَمُشَّ رَاجِعَةُ

و خُطَّ الصَّعْبُ سور ورا سُوِّرَ وَعَكْسُ الْجَاذِبِيَّةِ بُدور

وَأَرْوَحُ أَلُمِسَشُعَاعُ النَّوَرِ أَلَاَقِيّ الشَّمْسِ مُشَّ طَالِعَةُ

إيقَاعُ الْحَلَمِ نَبْضَهُ بطيئ بِرَاحَ الْكَوْنُ عَلَيهِ بيضيق

و حَلَمي زِيّ طِفْل بريئ بِتَسَقَّطِ مَنْ عَنِيَهُ دَمْعَةُ

الوحدة حيطان معزولة شبابيك وبيبان مقفولة

الْعُمَرُ سَاعَاتٌ و بِتَنَقُّصِ زِيّ الشَّمْعَةِ بِتَخَلُّصِ

زِيُّ الْوَرْدِ مَا بينشف مِنَالْبُرْدِ مَا يَبِقَا فِي وَرَقِهِ عُطُورِ



Bossy el hanka بتفرج علي الايام - تتر نهاية مسلسل الخانكة - بوسي

اوعديني لو زعلتي مرة مني تعرفيني
لو جرحتك غصب عني تحسسيني
متشيليش جواكي حاجة، تحكي ليا كل حاجة 
لما هفهم هبقى أحسن، صدقيني

اوعديني لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري، اشتكي لومي وثوري
بس اوعي في يوم تروحي وتسبيني

انتي قلبي و انتي روحي و انتي عيني
حد عايز اعيش معاه لآخر سنيني
انتي بالنسبالي مش حب ف حياتي
انتي كل حياتي فعلاً افهميني

اوعديني لو في يوم الخوف ملكني تطمنيني
لو ذكائي ف مرّة خانني تفهميني
لما أقسى في يوم تحني، و أما أغلط غصب عني
قبل ما أغلط غلطة تانية تلحقيني

اوعديني لو يبيعني الكون بحالة تشتريني
تبقي أقرب منّي ليّا، تكمليني
تبقي أختي تبقي أمي، تجري فيا جوة دمي
لما اكون تعبان تضمي وتداويني

Malnash Ela Ba3d

Ramy Gamal - Ew3ediny |  2017 رامي جمال - إوعديني

الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

instagram
www.instagram.com/medhat4904

#بتقولي ما حبتكيش  
وظلمتك وجرحتك / وُبعدك ماهمنيش
يشهد عليا الليل والقمر 
ودمعي اللي سايل / وعنيا الي دابت م السهر
روحي اللي فارقت جسمي
وعقلي اللي رافض إسمي
سكت الكلام بَعدك وملا الفراغ بالوجع
اتبدلت حروف الكتب / واتمسح منها الكلام
بتجيلي ف الاحلام .. ع صورة او ببيان
أصحي فـ عز النور / وتكون السما ضلمة
تعدي السنين وتدور / وجوايا حاجات فاضلة
بتقولي ما حبتكيش / وترميني بحجج ظالمة

صدقتي كلام عني 
وحكمتي عليا بالاعدام
طاب كنت تستني / تتقصي ع الحكايات 
وماتسطريش بينا خطوط نهيات / ياروحي اللي فارقت جسدي لقبر مالوش ابواب
و اخرنفس طلع بمعدل النبضات 

مجذوبـ 
انا وسطـ العاشقين بيكي
نفسي اطوف واملي نن العيون منكـ
وارمي السبع جمراتـ / واقدم روحي فدا قربكـ
او جايز اكون درويش / وف عشقك بقيت والي
وعملت ف كل زاوية مقام / ونصبتلك حضرة
ف مولد العاشقين / ذكرك علي لساني
وف جلسة الصالحين بكون انا الجاني
ومسميني إمام / وقبلتك عنواني
صورتك مافارقتنيش / وصوت ضحكك ع وداني

دفـْ الدفوف  يعلي  / والحزن جاي بدري
واخبي فـ الدمعة  / والسهرة صباحي

يا سكناني وملكاني وعشقاني 
اقول راح زمنك /  حبك يهل من تاني
لاعارف يوم اسالاكي / ولا بيكي اكون ولهان
وعملتك ميت  زار / وبخرت بحروف اسمك
قدمت القلوب قربان / ودمي اتهدر لجلك
دوقت المرار فـ العسل / والفرح شوك صبار
يا معلماني الصبر / والغربة فـ الاوطان

قولي ماحبتكيش / بعلو الصوت  و ماتخبيش
زيعي الخبر الحصري / في الراديو والنشرة 
داللي يحب بجد / ف زمنا
ماليلاقي غير الكسرة 
وانا بضحك وعنيا بتغني / لا فيوم هقول قدري 
ولا اموت من الحسرة 


#ماحبتكيش
#محمد_مدحت
قصيدة فريدة

ماحبتكيش - محمد مدحت - قصيدة عامية

يا ملكة وجت علي قلبي / حلفتك
 سمي قبل  ماتخطي
حدود العشق جوايا /  وتلهمي الشعر يتكلم 
فـ كل قصيدة بحكاية

يا أجمل كلمة ف غنايا 
وبنتي اللي ساكنة احضاني
وامي ف تعبي سهرانة

ياحلم حلمتة عاش فيا
ومت قبل ما انولو
يانبض القلب ف وريدي 
توهت ف عشقك / كمان زيدي

جمالك خلي عقلي متحير
اشوفك ابعد بعيد 
واهرب

من سحرك عيونك النادي
عودك
في طرحه يتمايل / بيملي
الارض بالعنبر

وشفايفك لما بتنادي / باسمي
بتحول واكون عنتر

ياعبلة فيكي بتغزل / وبرسم
شِعري  يتمختر

يام الخدوم رمان /  والنظرة لجبينك
بتكفي
يا ملكة انتي علي عرشي

#محمد_مدحت
الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

instagram
www.instagram.com/medhat4904

يا ملكة - محمد مدحت - قصيدة عامية

الحساب الشخصي علي فيس بوك 
www.facebook.com/mohammedmeedhat

الصفحة الرسمية للمتابعة علي الفيس بوك
www.facebook.com/mo7amed.medhat

تويتر
twitter.com/mohammedmeedhat

instagram
www.instagram.com/medhat4904

(محمود عبدالموجود)
فيس بوك 
www.facebook.com
https://soundcloud.com/mah-gamal-abd-elmawgoud-boshkash

Mohammed Medhat

Popular tracks