حواليا ياما  وشوش والقلب وحداني
وحروف بتشبهني وحروف معنداني
وأتدارى من خوفي يمكن يتوه عنِّي
بس الغريب جرحك في القلب مستني وإِن غاب وراح لبعيد بندهله من  تاني..

جوايا شوق مكتوم والحيرة ملو الروح 
والخوف من المقسوم حايش غنايا يبوح
وابعد واداري العين تضمني لمسة
احلف ليلاتي ما أعود تردني همسة
اتاريني فين ما بروح
 قلبك ده عنواني
 عنواني..🎶💛


Massar Egbari

Massar Egbari - Albak Da Enwany

ولما تلاقينا على سفح رامة
وجدت بنان العامرية أحمرا

فقلت خضبت الكف على فراقنا
قالت معاذ الله ذلك ما جرى

ولكنني لما وجدتك راحلا



مسحت بأطراف البنان مدامعي
فصار خضابا في اليدين كما ترى

ولما تلاقينا على سفح رامة
وجدت بنان العامرية أحمرا

فقلت خضبت الكف على فراقنا
قالت معاذ الله ذلك ما جرى

Assem gomaa&Amir Walid - When We Metلما تلاقينا - عاصم جمعه و امير وليد

الزمان..
أيام ما كان لسه فى ناس ممكن تموت..
مش لاجل لقمة و لأجل قوت
يعنى الزمان كان من زمان
المكان..
جوه العراق..
صحرا على مد البصر ..
رمله بدون نقطة مطر
و الكوفة على رمية حجر من كربلاء

السيين بيبدأ..
صوت نفس ..
مزيكا توحى بالقلق
دقات لقلب بينتفض
منظر لحبات العرق ..على جبهة من الشمس استوت
الكاميرا تعمل زووم أوت
السيين بدأ..
أصوات حوافر ع الطريق..
الصوت بيعلى ويقترب
فى نقطة ع الشوف من بعيد
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا
تلمح عينيهم م العفارة جريته
تلمع عينيهم..كله يجرى ناحيته
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه

الشاشة تبهت لون ضباب
علشان تجيبه بيفتكر
والذكريات دايماً بتصحى..
لما نيجى نحتضر

كنا قصاد قصر الخليفة ..باالآلاف
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مهوش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته
و الكاميرا طايرة ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين
معرفش لسة الغلطة فين ..
بس الحسين لازم خبرنا يوصله قبل ما يفوت الأوان
خوفنا خلّانا عبيد مالناش أمان
إحنا مش قد اللى عاوز يعمله
و صوتنا النهاردة جمب صوته
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا
من غير ما ننطق كلمة واحدة ..
فى ظرف لحظة إفترقنا
كل واحد ودّع الباقيين بنظره
و هو بيلف بحصانه .. وانطلق
كل واحد فى إتجاه
كل واحد منا يجرى .. وألف كلب صيد وراه
معرفش مين فينا اتصلب
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .

الكاميرا قدام الحصان
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق

الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام
بعدين يقول ..
الليلادى نبات هنا ..دقّوا الخيام
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام
يا رب مغلوب ف أنتَصِر
الظلم عمره فى يوم ما دام ..
و تفوت ساعات الليل قوام
الفجر يبدأ..يوم جديد
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..

الشاشة تتفتَّح بالراحة ع المشهد ..
الصورة سودا و التاريخ بيطلع وينكتب بأبيض ..
الزمان ..20 ديسيمبر
شهر و نكمل سنة ع الثورة تقريباً
الوقت..قبل الفجر
المكان.. أسفل إشارة عمر مكرم
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر

أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه
و صوابعى حاسة بقلبه بيدقدق ..
مع كل نبضة تخف نبضاته ..
كان دمه مش بينقّط ..
دمه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال

الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر
بتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَطر الشهيد المحتمل ع الأرض..
أفتح وصيته وأقرا إيه مكتوب
الكاميرا طايرة ع الميدان من فوق ..
و الصوت يرن لوحده فى سما المنظر ..

إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا....
و مهما اتقتل عايش

إني رأيت اليوم

ما بين لقا و فراق 🕊️

والله تستاهل ياقلبي

كلمات: عبد الحميد الديب
ألحان: سيد درويش
غنـاء: هانـي عادل
_____________________

Follow us on Facebook ..
[www.facebook.com/Sharmoofans]

Download Link ..
[http://www.mediafire.com/download/0rorq65c8gz9539/Hany+Adel+-+والله+تستاهل+يا+قلبى.mp3]


Hany Adel - والله تستاهل يا قلبى

الحرام - دينا الوديدي

وحشتيني 
بس ده ، مش بفعل الشوق
مثلك كـ مثل الغائبين و الغائبات
و كل اللي مات و اللي سافر فوق
أكيد فاكراني حتي الآن
والله من يوم ما ودعتك 
ونا قلقان ..
يا بنت الناس
دعاكي عليا بيجيني
فـ قولت أبعت ، و أقص عليكي مظلمتي
يجوز يمكن تسامحيني

أما بعد /
زمان شوفتك
ضفيره و ضحكه مغسوله بـ ماية ورد
زمان شوفتك بـ عين عيّل في إعدادي
رسمتك قلب ع الحيطه
و سهم و فيه فُلانه و شادي
رسمتك فيه
مكنش الحب ينفع يومها إني أخفيه
رعشة إيديا
و ربكة عنيا
بتعمل صوت
جواب مكتوب بخط الإيد ( أنا والله حابك موت )
و قلبِك ليه ماهوش سامِع
بَذاكرِك حتي قطع الحيل
و ذاكرِك
كل يوم لـ الليل
و للسجاده في الجامع
تعدي سنين و تيجي إنتي
تقولي إن إنتي حباني
رميت الخلق حواليا و جيت دوغري
يا أجمل ضحكه في العالم
يا حلم حياتي من صُغري
سمايا
سنين غايمه ، أخيراً جات و هتمطّر
فاجئتيني
و جئتيني ، عشان تتحبي مش اكتر
تقولي الشك أقول إحكي
تقولي الخوف أقول إبكي
أطّمن فيكي بعنيا ، يطولني الخوف فـ ترتِبكي
تقولي كلام مابيطمّنش بيخوّف
مريض نفسي ، و أحسنلّك تعيش وحدك
بدون الناس و تتصوّف
أسيبك ، تشكتي مني
 أجيكي ، تقولي إن أنا حابسِك
مريض نفسي
بعالجِك من مرض نَفسِك

أحسّك إيد هتسندني فـ وقت الضعف و القومه
أشوفك ريح يعرّيني فـ ليلة برد مشئومه
أحسّك أم بتغطّي العيوب عني و تداري
أشوفك تافهه مكسوفه و بتحاولي تتداري
في نص السكه تتمايعي و تقولي زهقت
أحايل فيكي و أترجّي عشان المولي خلّيكي
أفكر في اللي جاي لينا
تفكرّي في اللي جاي ليكي
يا وش برئ و لكن قلب كان جاحد
و أنا حاضنك لقيت نفسي
بحبك
من طرف واحد

بدور فيكي علي نفسي و ملقتنيش
فـ قولت البُعد يحييني
وجعتك آه
لكن علشان وجعتيني
خلاصة القول
يا بنت الناس
انا مسامحِك 
فـ سامحيني
___
لحساب الفيس بوك يرجي البحث بهذا الرقم 
0109 825 4228

من طرف واحد | شادي محمد

ريهام عبد الحكيم - عاشق سارح

مريم صالح - يا عزيز عيني.
حفلة مسرح الجنينه 4 مايو 2018.
..
يا عزيز عيني وانا بدي أروح بلدي
ليلة نمت فيها وصحيت ما لقيتش بلدي
بلدي يا بلدي ويا عيني على بلدي
بين أهلي وناسي وبقيت غريب يا بلدي
يا عزيز عيني وانا بدي أروح بلدي
ليلة نمت فيها وصحيت ما لقيتش بلدي
بلدي يا بلدي ويا عيني على بلدي
بين أهلي وناسي وبقيت غريب يا بلدي
عمي ياللي ماشي ظلمي ما ترضاشي
سافر قلبي وما جاشي يدور على بلدي
بلدي يا بلدي ويا عيني على بلدي
ليلة نمت فيها وصحيت ما لقيتش بلدي
يا عزيز عيني وانا بدي أروح بلدي
بين أهلي وناسي وبقيت غريب يا بلدي
دا مش لون عينيكي، ولا دية إيديكي
بدل ما اخاف عليكي، بخاف منك يا بلدي
دا مش لون عينيكي، ولا دية إيديكي
بدل ما اخاف عليكي، بخاف منك يا بلدي
يا عزيز عيني وانا بدي أروح بلدي
ليلة نمت فيها وصحيت ما لقيتش بلدي
بين أهلي وناسي وبقيت غريب يا بلدي
بلدي يا بلدي ويا عيني على بلدي

يا عزيز عيني l مريم صالح

اليوم ال٦٠٠ بعد الفراق

إعلان كوكا كولا اتجنن 2013
كاريوكي , عايدة الايوبي

ريما خشيش مادام تحب بتنكر ليه

Hondaaa

Recent comments

huda hussen

Sara Yehia

BassantXO

ALi WeKa 7

Related tracks