حبيبتي شرطة مايلة فراغ. بدون موسيقي

كلمات : محمد عبد الله حمودة 
https://www.facebook.com/mhmd.abdlla7

أداء صوتى : محمد السيد - mc sayed
www.facebook.com/mcsayed

---------

( 1 ) 
الاسم : أطول م القصيدة بميل .. 
الحالة : أعذب من وريد النيل ... 
المهنة : سارح والقُليب قنديل .. 
عنوانى : ساكن فى الشتا والليل .. 
السن : جايز لسه ماعرفتوش .. 
بس المقدّر سنى كان عشرين ! 

( 2 ) 
مين اللى يقدر يرمى همّه ف كفن ؟ 
مين اللى شاف الدنيا رحلة عفن ؟ 
موجوع وقلبك حظه مات وإندفن .. 
إيش ياخد الريح م البلاط يا ولد ؟ 
غير روح حزينه ومالها غيرك سكن ؟ 

( 3 ) 
فادك بإيه البُكى .. والنهنهه واللوم ؟ 
فادك بإيه السهر .. والدمع نُص النوم ؟
قلبك لا عُمره إشتكى .. ولا هزّه نَعق البُوم .. 
يا صخرة المُشتكى .. إيه فى الحمول بيدوم ؟ 
درويش وقلبى الصبى عايش مع الحرافيش .. 
حرفوش وسيدنا النبى .. صليت عليه بشويش .. 
حُضنى الفراق رقّعُه .. بقى زى حتة خيش .. 
سهم المُنى وقّعه .. كسّر ضلوعه الشيش .. 
والهم مهما إتكوى .. ما بيتوقف له نزيف .. 
كل اللى مسّه الهوى .. قلبه ماعادش نضيف .. 
مدمن غرام وإرتوى .. 
يا اللى إنتشيت بالجوى .. فادك بإيه الكيف ؟ 
عيل ماليش موهبه ... غير فى العياط والنوح .. 
عيل ماليش فى الصبر .. غير اللى شق الروح .. 
أيوب ماهوّاش نبى .. ولا كل صبّار نبى ولا كل رُبّان نوح .. 
وأنا قلبى شق الندى .. رص الكلام وإبتدى .. 
يكتب قصيدة هدى .. سابنى الغرام مجروح !!!

( 4 ) 
إياك تِئن وتنكِسر زى العيال .. 
إياك تبين دمعتك لو جرح طال ..
إضحك فى وش الريح وعافر وإنتصر .. 
ده العيب عليك .. 
إنت اللى غاوى تكتأب وتصدق الدمع القزاز .. 
تماسيح بتبكى ليل نهار .. 
وإنت اللى عايش فى إنهيار .. 
مسكين بتمسح دمعهم وبتبكى نار .. 
حتى اللى كان صادق معاك .. 
مبقاش فى نقطة براح فى قلبك قادرة لحظة تصدقه .. 
ماتت حاجات كات جلوة فيك .. 
كان نفسها لو يوم تعيش .. 
ومافاتش غير يوم أو يومين ..
كات بين إيديك .. 
وأديها عايشه لحد تانى وقادره تنسى إنك مفيش ..
ما إنت الوحيد صدقتها وآمنت بالدين الحرام .. 
أدّيت فروضك والنوافل والزكاة بعد الصيام ..
سخرية القدر اللعين .. 
ضحكت عليك .. 
وفهمت كل الدين غلط ..
دينها رسالته مختصرها ف كلمتين .. 
طبع الخيانه ع البشر بقى فرض عين !

( 5 ) 
إعتزال الشعر واجب .. لإنكسار الحب فيا .. 
وإندثار الدمع سنة لإنشطار الجرح بيا .. 
زمّلونى بالقصايد يوم فراقى وإضحكوا لى .. 
ضحكة أوسع م البراح .. 
اللى ف ضمير عيل بيحبى .. 
وابنوا قبرى ف عُقر دارى .. 
وإمنعوا عنى الزيارة .. 
وزّعوا على روحى زمزم .. 
م الدموع اللى ف عنيها .. 
وإقرى م القرآن يا مريم .. 
هَزّ جذع النخل رؤية .. 
هَزّ نعش الموت كبيرة .. 
وإن لقيتوا فضيلة باقيه .. 
من حياتى اذكروها .. 
وادعوا ليا بظهر غيب .. 
ألف رحمة ونور عليا .. 
واكتبوا على باب قرافتى .. 
صدقة جاريه أغانى غاليه 
وأى غنوة بصوت منير .. 


فادك بإيه البُكا - محمد عبد الله حمودة

كلمات واداء : الشاعر محمد عبد العال
(www.facebook.com/77Melsayed)

هندسة صوتية : أحمد مسعد عدلي
(www.facebook.com/anaahmedmosad)

موسيقى : عمر خيرت - آسف ايها القانون

~*~*~*~*~*~*~*~*~*~*~*~*~
  كان ليا أصحاب

كَان لِيا اصحاب لَكن ملّوا
م العِشرة أو يمكِن مِني
كان لِيا صَديق كِتفه فـ كِتفي
بقَى نَادِر لَو يسأل عَنِّي
كان لِيا اصحاب فــ فَرِيق كُورة
لَكن شالوا اسمي عَشان مَبشوفش 
يِمكن مِن غير النَضَّارة
أنا كُنت عِرفت اباصي مَشُوطش
أو يِمكن لو كُنت بذَاكِر
و بَجيب تَقدِير و بصَلي الفَرض
مِين فِيكم يِرضى إنه يصَاحِب
واحِد مِن أسوأ أهْل الأرض !
كان لِيا اصحاب وَقت ما اهزَّر
الاقِيهم أقرب مِن نَفسي
و كَعادة الأشياء يُوم مَا اسكت
ف الرُكن الضَلمة بَكون مَنسِي
كان لِيا دُموع كُنت شَايلها
لو جَالي الغَدْر مِن الأغراب
و نزفت الدَمْع و كَان سَببه
غُرب لكن كنَّا فــ يُوم أصحَاب
كان لِينا حَكاوي و غَناوي
مِشيوا و نِسيُوها فــ جُيوبهم
قربوا و شَافُوني عَلى عُيوبي
عِرفُوها لكن نِسيوا عُيوبهم
ياما قُلت أوعدوا إنكوا تِبقُوا
و إن الأيَّام و المُوت أضْعف
صَدقتوا غُروركم و وعدتوا
لكن كالعَادة الدُنيا أحرَف
و طَبيعِة اللعب فــ عَرض البَحر
إن الحُوت أكبَّر م البَاقي
خُفتوا ليبلَعُكُم فتَركتُوا
يُونِس فــ الضَلمَة وَحِيد باقِي
و أنا أصْلا حَبيت الضَلمة
عَلشان كَات مَلجا لدمُوعي
و كمان كات مَرسم تَقلِيدي
بَرسِمكُم فِيه لِسه بتُوعي
فــ إيديكُوا الشَاهدة عَلى سَلامِي
أنا سِبت أواخِر نُقط الوِد
المُوت بالسِيف لَو مِش حَامِي
يشبه تجَاهُلنا لبَعْض بجد
كان لِيا أصحَاب علموا فِيا
و اختاروا يُكُونوا في صَف الغُرب
فبقيت مَع كُل النَاس دَايمَاً
سَايب في ما بينا أبعَد قُرب
كان لِيا اصحاب اسْم و صُورة
ناقصِين أرواح تِسنِد رُوحي
يا بَقايا القَلب المَكسُورة
بطَّلي تُلومِيهم و تنُوحِي
كان ليا اصحاب و اصحَاب يَاما
سَابوا فِيا كِتير قَبْل مَا يِمشُوا
مِين أصْلا عَاقِل هيصَاحِب
طُول عُمْره بَواقِي البِليَاتشُو !

 



كان ليا اصحاب - محمد عبدالعال I Mohamed Abdelaal - Kan leya as7ab

تلت خرفان للشاعر هشام الجخ 2

هشام_الجخ_-_لقطة_الفراق_-_الديوان_الأول_2017.mp3

اربع حروف اسمي 
و السن في العشرين 
معرفش بني ادمين 
و اعرف كتير شياطين
ماسكين عليا ذلة الايام
شادين لجام الفرقه ليه
مشنوق بحبل الذكريات
ان مات مين بس يبكي عليه
عشرين سنة بتساق
و بروح لحد مجاش
صاحبت ناس اوباش
و صاحبت ناس بتحس
الصحبة كوم القش
والصاحب اللي بجد
هو اللـ زي إبره
تلضمها فـ وريدك
و تخيطوا الايام
وتكروا فـ الاحلام
وتقصقصوا الذكري
انا كل هذا الوقت
برسم الفكره
عشرين سنة برسم
و خت ايه
غير كرسي ليا فـ ميكروباص
ومكان فـ قهوة قُرب قصر النيل
انا كنت حد جميل لحد وقتٍ ما
عيل في قلبه حياه
و اغاني و كمنجات
عود قرنفل خام
بيحلي بيه الايام
و يزود الكنكه
من بُن عم امين
و يغني للتانين
ولا يسمع الغنوة
يكتب نصوص الشعر
و يبيعها بارخص سعر
بيألف الحكايات
و يموت تملي
في النهاية
و صورته عـ الأفيش
كان قلبه خيط تريكوه
متقولش واد درويش. ! 
بيـبانلكم كعجوز و القلب لسّه بيحبي
اوقات يكون أراجوز من نفسه متخبي
بكتب من الاشعار ما يذكره قلبي 
بضحك كتير علشان المسأله تعدي
بشرحلكم نفسي معرفش ليه و علي ايه
لا انا هبقي يوم انتم كل اللـ جاي منكمُ
في الاصل من عندي..!
انا عندي عشرين مـ السنين
الفين من الخبرات
و كتير من الجمرات 
هرميها يوم عـ الكُل
و هتبقي زي الفُ
بالضحكة هتعدي
هشحتها من وشكم
لو هي مش عندي
دلوقتي هكتب م السنين عشرين
في خانة السن المهمه
فـ استمارة شغل او هِجرة
دلوقت هقدر اعيش منغير حجج فارغه
و هقول نفسي كبرت
علي لم اجرة ميكروباص
علشان تعاكس بنت فـ الباقي
علي رسم قلب كبير علي كل اوراقي
علي شاي تقيل سكر زيادة
و هشرب القهوة بتأني
مش بارتجاف
ولا اخاف من الضلمة
و هفصص الكلمة
و هأكل العصافير
واسمع اغاني كتير
يمكن ترجعني
للذكريات الهَش
علي كل حيط
فـ الكون
هكتبلكم "معلش"
علشان اراضيكم
كات فين اراضيكم
وقت العزال و التهلكة
عن ناس تموت فـ الفَبركه
و اللعب عـ المكشوف
القلب شافكم كعبته
و فـ حصنكم بيطوف
رميتوا ليه الجمرات
عشرين سنة عمري
وانا و القصيدة اخوات
روحي و جسمي اللي ماتوا
مش صعبانين علي حد
عايزنّي اعبش ازاي؟! 
و انا كل يوم بتهد
طب تصبحوا علي شئ
ينفع لـ باقي السَرد
بيني و بينكم سد
و بحبكم مغصوب
عشرين سنة مغلوب
علي امري و لا عمري
اختارت شئ غير وقت
كل اما بيعدي
بيخدني وياه للحياه
ويسيبني تايه ف الطريق
الوقت اوفي صديق
بس الحياه صَعبه
لسه بشوف نفسي
العيل المحتاس
من وحش فـ اللعبه
من فخ في العلبه 
عشرين سنه يكفوا
اني اكون الوحش
و انتوا اللي في العلبه …

Mohmad Abdelftah - عشرين سنه

قل للمليحة في الخمار الاسود .. ماذا فعلت بناسك متعبد
قد كان شمر للصلاة ردائة .. حتى وقفتي له بباب المسجد
فسلبت منه دينه وبقينه وتركتيه فى حيره لا يهتدي
ردي عليه صلاته وصيامه لا تقتليه بحق دين محمد
قالوا تسلي عن المحبوب .. قلت بمن ؟؟
كيف التسلي؟؟؟ وفي الأحشاء نيرانِ
إن التسلي حراام في مذاهبنا .. وكيف أرضي بكفر بعد إيمانِ
فشارب الخمر يصحو بعد سكرته .. وشارب الحب طول العمر سكرااان

قل للمليحة - حازم إيهاب

اغنيه : انا الشاكي
كلمات الاغنيه :
انا الشاكي اللي مبيشكيش
انا الباكي اللي مبيبكيش
انا اللي صورتي متوصفنيش
انا الحالم اللي حلمه يعيش
محبوس في ضلمه مع خط نور
فيها رايك جاي داير مايدور
مع صوت غنا بحلم اللقا
مع صوت بكى علي ارض بور
انا اللي كاره الدنيا بس حابب اعيش
انا اللي جواه ثوره بين شعب وجيش
انا اللي كنت بكره السجاير وشربتها
انا اللي كرهت عمايلها وعشقتها
انا اللي حياته مليانه بالذكريات
مين دخل ومين خرج ومين مات 
انا اللي جوه دخانه مواضيع
انا الحزين وسط الربيع
الساكت وسط الدوشه 
والسارح وسط الهدوء
انا السليم والمكسور 
اللي من البحور بيدوء
عجبني الطعم معجبنيش
منا عايش علشان ادوء
انا مش مجنون انا الجنان ذاته
انا اللي في انتظار شهاده وفاته
انا اللي كسره كل اللي فاته
انا طفل خافي عياطه
الحمد لله علي السراء والضراء
لو هفرح هفرح بس لو ربي شاء
احكي محكيش بايه تفيد الحكاوي
مدام فاكرين كلمه معلش بتداوي

انا الشاكي Ana Elshaky

Follow Nader Nashaat
https://linktr.ee/NaderNashaat

FL Moled| فى المولد احمد عدويه| Remix By Nader ND

youtube:
https://www.youtube.com/watch?v=mB-MNjK-7Bs
The original song :
https://www.youtube.com/watch?v=E8-fvWzyNjg

▶ Terms of use:
1 - You must mention the producer in the title (Prod. by Producer Name)
2 - You must put the producer contacts (E-mail, Social media accounts, etc.) in your song description.
All Rights Reserved © ND Music Beats

Mohmad Abdelftah - عشرين سنه

الشاعر محمد عبدالفتاح

Related tracks