الزول السمح فات الكبار والقدره
كان شافوه ناس عبدالله كانوا يعذروا
السبب الحماني العيد هناك أحضره
درديق الشبيكي البنتوه في صدره

عبدالكريم الكابلي - مسدار الزول السمح - كلمات محمد أحمد عوض الكريم أبو سن

اكتب لي يا غالي الحروف

ياخ مشتاقين

مصطفي سيد احمد - شعر -كبرياء


بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويغسل سودانا صباح
************
الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال
*********
يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان

بين سجن وبيت اشباح

الغصن الرطيب - حنان النيل

يا أم ضفاير قودي الرسن
شعر عبيد عبدالنور

في يوم التاسع من اغسطس ،خرج طلاب المدرسة الحربية بالخرطوم -التي كان مقرها غرب مسجد جامعة الخرطوم -بقيادة محمد فضل الله الشناوي، وعددهم «51» طالباً خرجوا في مظاهرة عسكرية سلمية يدعون فيها للافراج عن زملائهم اعضاء جمعية اللواء الابيض.
خط سير المظاهرة خطط له ان يمر بالثكنات الحربية ثم السكة الحديد ومنها الى منزل علي عبداللطيف «شمال كلية الصحة جامعة الخرطوم» حيث ادى طلاب المدرسة الحربية التحية العسكرية لاسرة علي عبداللطيف فزغردت لهم الحاجة فاطمة والدة العازة ، عازة التي قادت المظاهرة مروراً بميدان عباس «القبة الخضراء الآن». ومنها لسجن كوبر ببحري.
ويقول: حفيد البطل علي عبداللطيف معاوية احمد البدري : جدتي كانت تقول «هم يهتفوا وانا امشي كيت.. واقدل كيت.. والله لامن نسيت روحي انا مرا ولاّ راجل»!
وقدر المؤرخ محمد عبدالرحيم المظاهرة بـ «20» ألفاً كانوا يهتفون :

يا أم ضفاير قودي الرسن

واهتفي فاليحيا الوطن

اصلوا موتا فوق الرقاب

كان رصاص أو كان بالحراب

البدور عند الله الثواب

...اليضحى وياخد العقاب

يالشباب الناهض صباح

ودع اهلك وامشى الكفاح

قوى زندك وموت بي ارتياح

فوق ضريحك تبكى الملاح

يا كبار البلد الأمين

السكات ده بيصح لمتين

بينوا لنا الرأي المبين

التكتم هسع مشين

ما بتشوفوا الذل والهوان

مص دمانا وعقب امتهان

غنمونا حفظوا الأمان

بالنبابيت والخيزران

قوه هايلة وإيمان ضعيف

إنجليزي ومخلوق رهيف

طابية في قصاد زولا نحيف

بطنه خاليه وإيمان نطيف

انت غالية وهم رخصوك

انت سمحه وهم وسخوك

انت لينا وحياة أبوك

نمشى ليك فوق نيران وشوك

الشوارع بتسائلن بالعساكر يتمايلن

البنادق يتلامعن والمدافع طبعا يجن

انت عارفة وما بعرفوك

انت نورنا وعمدا طفوك

انت روحنا وفى النار رموك

ضحكوا بينا ونصبوا الشروك

واستبدوا وسوا القدر

وقالوا نحن السما والقمر

وأنت مش من نوع البشر

البقول البم يبلع حجر

حالة صعبة ومسرح فتن

دنيا فانية وفيها المحن

نحن نصبر لمن يحين

هاتفين فاليحيا الوطن

الخال: محمد أحمد عوض - الرقت في نظري

Mohned Ahmed Hamid

Related tracks