أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

أنا مظلوم -الأصلي-فن شعبى تراث صعيدى

محمد منير السيرة الهلالية-فن شعبى تراث صعيدى

♫ الليلة الكبيرة - سيد مكاوي

محمد منير
للي
يونس
ولد الهلالية
اكرم حسني
محمود المنسي

خضرة محمد خضر - يونس خطر في السوق - Khadra Mohammad Khedr - Younes Khatar Fe El Souq

علامة السبع يسحمل أسي الأيام

وقف الخلق ينظرون جميعا كيف أبني قواعد المجد وحدي ام كلثوم

اتفضل قهوة  .. عمر الجيزاوي

مربعات ابن عروس - فرقة الورشة

يا بيوت السويس... سمسمية

إحنا البمبوطية ولا لنا مثال تجار بحرية نعمل ف القنال إحنا البمبوطية أحنا ... إحنا البمبوطية ..... من أغانى تراث السمسمية البورسعيدى ... فرقة الطنبورة

محمد منير السيرة الهلالية-فن شعبى تراث صعيدى

Mokhtar A7med

Recent comments

A

أيمن محمد

Maged Gamil

Ibrahim Abotawila

Related tracks