اجتمعو عليك الناس نسيت صوابك 
اجتمعو عليك الناس نسيت ثقافتك 
محاصر من كل الجهات لا تسلم حالك .. و ناضل كانك مخبي النووي في عقالك 
خلي الي بدو يتخبالك يتخبالك .. خليك مكانك اثبت خليك مكانك
واثق الخطوة يمشي مواطنا .. و له من السماء مرافقا 
ولدت ثائرا .. ﻷدوم ثائرا .. و ﻷجوب سائرا .. ارجاء وطني سائرا
سيبك من الي في بالهم و خلي في بالك .. حريتك مش مطلب الك هي حياتك
الم يحين الوقن ان تستعيد ما لك . يا عربي مالك شكلك استغنيت عن مالك
لهيك من اليوم الاول تعرفت حالي اليوم التاني انا و اخواني عحدود الشام  
لهيك من اليوم الاول تعرفت حالي اليوم التاني انا و اخواني بنكتب اغاني 

Almokhtar - khee6an tarbee6 المختار : خيطان تربيط

Recorded in Jordan by ALMukhtar , 2014 
Produced,Mixed and mastered by EQuBE 
Released by Quizzla Productions , Sweden

المختار حمولة زاد مع ايكيوب 2014
تسجيل الاردن و عمان


Singles

Single

Homolet Zad , Feat EQube  المختار _ حمولة زاد مع ايكيوب

drumz by Dirar shawagfeh
bass and guitar by Abboud Atari
keys , lyrics Vocal and rap by Almukhtar
mixed and mastered at immortal eterno

Almukhtar - Ra2seyeh _ المختار - رأسيه

الكلمات 
قمر الليلة هاذي خافي وعالي صوت الذياب
الناس كلهم نيام والعتم حالك
الأرض عم تتلوى والجموع بتلتف
حول اللي شبههم يا دنيا هيك حالك
ماعدت فاهم ايمتى ييجي الوقت
اللي في جوفك يستعيد الروح ويصحالك
لو بس تشوف شو رح يجيك اذا قررت
تنسلخ عن القطيع الماشي لاحق القائد

هذا المكان ماتكونش غير .. كون حر بس ما تكونش طير
مافيك خير فينا مافيك خير - سيبك من اللي بقوله الغير
راكب على أعلى مافي خيلي - ومعرض سلمي تجاهلت ترتيبهم السلمي - عشت ٣٠ بكدر خفي 
مع هيك أنا مش ناسيهم - ناسي مش ناسيهم - طمع وطيب اجتمع فيهم - انا بس هبوب من مآسيهم
ماكلين الفلم سوا والإحباط واستبداده - تصحرت مشاعرنا تخدرنا في حكيهم
ابكي بالخفا ... دير بالك مايشوفك حدا

دير بالك ضلك قوي 
شو ماكان كبر الوجع إحتويه 
أنا ذهبي ذهبي مش مطلي طلي بغط فمية نار وبضلني سوي 
مستوي مو ناقصني سوي - زي ناسي عنار هادية
ممكن أفور انا ممكن اغور ممكن اموت عبيل ما أنول
أنا ممكن اعيش قد اللي راح ولا يمكن يوم انوي الرواح
ممكن والممكنات بلا حدود - تجارب صوت بمكان مضغوط
انا صوت مبحوح من قد ما حكيت هذا مش رد هذا صوت العمق
الحال بالقاع مش حلو هلا قمت انتظرك هلا أتيت
شعر شارع ماوفرلي بيت - سيب قلامك بفكروا سهلة هيك
سبت احزاني انا غصبن عني عشان أضحك غصب عليك
وانا من نوع بهداش .. وهاي مشكلتي بهاي الدنيا اني من نوع بهداش.

Almukhtar - Eza Qarrart المختار - اذا قررت

الكلمات 
من تراث الريف الأردني
 
مقطع الراب كتابة وأداء عامر الطاهر

مرعيه يا البنت مرعيه، مرعيه ولا بلا راعي ... مرعيه ولا بلا راعي
قالت وحياتك ماني مرعي، ولغيرك ما أوسّد ذراعي ... ولغيرك ما وسد ذراعي

مقطع الراب
راحت يا خالي خلت في البال سؤالين
كيف هي بالله ووين هي في الحال
ولد وفقد حنان .. أسد وعرينة هان
قلتلها همسك دفا قالتلي ليش بردان
الشوق لو بحر ف انا غرقان فيه انقذيني 
الصوت لو مطر جفّيت من صوتك ترويني !
وانا بأي وقت بتطلبيني بتلقيني 
راحت يا خال شو اسولفلك عن ظنيني
شبهتها بالشمس قالتلي الشمس بتغيب
وبتشرق باليوم الثاني عأي مكان جديد
مافهمت القصد فكرته مجرد تعبير
لحد ما أجا الوقت ولحالي بالعتمة صحيت
أزعل على انها راحت ولا اعتب عالإنسان اللي فكر حاله لقى الراحة ف استراح على ذراعها
شايف المستقبل من عين والثانية خايفة تخسرها وتاليها يا خالي راحت !!

Mar3iyah Yalbenet - (Arabic Reggae Cover)مرعية يالبنت - توزيع جديد

Almukhtar & DubCaravan - Manama

Music produced Mixed and Mastered by @EQuBE Music
Dadicated to Mira Altaher.

Almukhtar & EQuBE - Metl Alshams

بفكروا كثير قبل ما يحكوا وانا لا
بضلوا يقولوا راح يسووا وانا ما
شغال على الساكت كني عامل بالمياومات
كل اللي دخل حياتي علق جوا دوامات

اسلوبي معني انتوا متنصلين
بصمموا poster
بصمم سين . أنا زعيم بالتصميم
بدكم القمة هلأ متأسفين 
احنا سنين متواصلين 
تحكيلي اليوم عن قصص مين
دوامات طقس خطير
ممكن تشيلك وترميك.

أغنية مليانة ضباع فيرسلتي بيت السبع
كل ما أقتل رابر منهم بغتسل سبع
مالي طاقة عالطاعة ولا بهوى السمع
قالوا المختار لحاله اليوم مختار وراه ربع
أحسن رابر مر عليك بالطبع
بس الجيل احيانا بيجي مندفع وغير مطلع
درجة ورا الثانية ولا ايد تنمدلها
مسرح ورا الثاني تانه الكاميرا تصورنا

بفكروا كثير قبل ما يحكوا وانا لا
بضلوا يقولوا راح يسووا وانا ما
شغال على الساكت كني عامل بالمياومات
كل اللي دخل حياتي علق جوا دوامات

دوا دوا مات دوامات دوا دوامات

نادي عكل الناس شوف مين راح يكونوا بس تشد معاك واقفين
يحكولك اللي جاييك كمين والله كبرنا على التطعيم يما
شوفهم كم واحد زيرو .. مختار لقى من الناس اللي تشله 
ربي دوم حامدينه .. واللي بتحلم فيه احنا ناسيينه
أنا ستراتيجي ما تجادلنيش 
ماتجادلنيش تجادلنيش
بس شوف لما الجمهور يقابلني.

بفكروا كثير قبل ما يحكوا وانا لا
بضلوا يقولوا راح يسووا وانا ما
شغال على الساكت كني عامل بالمياومات
كل اللي دخل حياتي علق جوا دوامات

Almukhtar - Dawwamat (Prod by. Arsy) المختار - دوامات

Souvenir is another Collaboration Between Almukhtar and the Palesteenain American Producer @dub-caravan

كورس

دون ماتشوفني يوم أنا صوتي سافر الك
في الأدغال اللي غامر أنا .. ملعون اللي قطعنا وباعدنا
راح عليه اللحن هاد

الفيرس الأول 

مرات بكلمة مرات بجملة مرات ب "ما الراتب" بكفيكاش توصل البيت
مرات المرة عشان الحلوة .. مرات العزوة بتيجي بالعزلة.
 مليون هليس وكل الأماكن زهق .. شجرة السعادة وانتوا اللي معكمش ورق
بتف بسابق الطرق لانه مافي شيء فرق .. ماتفكر صدري فاتح .. بانكسي هاتلي واقي للطلق .
هذا البيت هارون الرشيد وطبق فاكهة .. قولوا لمحمود فهمت اشتغلت الماكنة .. عند اختيار أماكنك اختار أماكنك ماكنة أنا في مكاني وهاي صوتي مسافر لك.

كورس
دون ماتشوفني يوم أنا صوتي سافر الك
في الأدغال اللي غامر أنا .. ملعون اللي قطعنا وباعدنا
راح عليه اللحن هاد

الفيرس الثاني

أنا ملازمك كإني بلازما لازماك
خليت ال ويندوز الهم راح آخذ اللاست ماك
جدي أغلب الوقت لإنه دارك باست لكن هزلي مع الأطفال كإنه فلاش باكس
فيرس للصغار وفيرس للكبار بحاكي أجيال أصحاب فروقات كثار
أنا هدية من "خان الخليلي" وانت من المطار
بمثل ناسي جد مابلعبش أدوار
شايفك راسك بنهز هزه لينفك تقومش بنفعش هذا بوم باب صرف لاحق عالتراب مان لكن هذا الستايل مابنعاد اذا مختار غاب .. سألت حالي مرة اذا كفاي
واجهت مراي خسرت الراوند
شبكت الكرت وصلت الساوند
خبطت المايك انا ب ١٦ قتلت الراي انا بطلعش من الحكاي انا احد ابطال هاي الرواية ..

Almukhtar - Souvenir (Prod .DubCaravan) المختار - سوفينير

الولد حاله تغير .. كلم الشيخ .. كلم الشيخ
وعجل فيّو هيّا .. هو طوّل ليش .. هو طوّل ليش

هيه سحرها فودو .. الولد عم بضيعوا دروبه 
دق دق عَ بابها بس بس ما شافها ليلتين ما نامت عيونه
إقرئوله وشربوه .. إسقوه وارقوه إسقوه وارقوه إسقوه وارقوه 
مشغول البال كل ساعة بحال .. إمسكوه من اليوم لا هو يشوف ولا هو ينشاف
عيونه مخيفه بس نوايا نظاف .. مسحور لفهم حَمَار اتلوله من الكتاب

قام ملخوم بنص الليل .. زي اللي مضيع منامه وبدور عليه
غطّا حياته بشاشه صغيره .. أمله ب مسج يجيه يقول حنّيت
حط مفاتيحه في باب الغيب .. ساب مواعيده ع باب البيت 
سلّم قلبه بدون أي عيب .. رجع قلبه مكسور جناح 
حمل حمل السما والغيم .. كله عنده عين الا هو غين 
اله في الدنيا مكانين .. مكانه هوه ومكان الاحباب
هيك .. بين صبح وليل .. بين صبح وليل .. بين صبح وليل


الولد حاله تغير .. كلم الشيخ .. كلم الشيخ
وعجل فيّو هيّا .. هو طوّل ليش .. هو طوّل ليش

ALMUKHTAR X EQuBE - VOODOO (المختار و إيكيوب - فودو)

Nos Ala Nos - Almukhtar & EQuBE - نص على نص - المختار و اي كيوب

أنا مو كل حسيبك
يوم صديقك ويوم حسيبك
يوم سعادة على يوم مصيبة
كلهم نفس الشيخ قاريهم
قلمي ببريزة وبباريهم
لمسوا بريزي فقام فيهم
لا صغير لا كبير أنا محصيهم
ان كان صوتهم عالي انا خاصيهم
فيهم كان في بوتسنشال انشل
مر في نيوز فيدهم وانزل
ام سيز لاسنزا لا تنسى
يا بتحترم هون يا بتنذل
اللي كنت حاسبه ولد طلع انفنت
لو مش بالعمر عالأقل بالفن
انا عامل واجبي لهيك بطلع
انت حالل واجبك لهيك بتنزل
جهازنا مو اندرويد ولا آي أو إس
حسس عراسك شوف اذا هاي دس
الأول اطلاقاً مور أور ليس
الحكي هون جانرا انت بلاي ليست
بكتبوا برتوفوليو بغلبوا حالهم
كلكم ع سيفيتي فزبطوا حالكم
بس احكوا للميديا كيف عرفتوا المختار ومن وين الهامكم
خلطتوا الدرس مختار باغتكو
بطخوا بعرس مختار باغتكو
مو من بغداد جاي أباغدكو
جمعاً بنحسبش واحدكو

سيبك منهم كلهم كلهم
كلهم كلهم باكلهم كلهم

عرفت الزفت من بيس كورسه
عرف الأصلي من بيس وكورسه
جمهوري بقاوم العدو للموت أنا ماغنيت للبيس وكورسه
حملت على عاتقي حمل التلاقي
مرضت وانا عم بشافي بحلم التعافي
طبت من الكتابة حكتب كتابي راح احكي فيه انكو التضاد لي
انا الاكتئاب وأنا المضاد لي
مثل ناسي يومي كله شغل عشان أقول وصلت هون بإرادتي
عيني عالهدف ايدي عالقلم
بضاجع بنغم بسامر الحلم
بطبع عجباههم نجم
عراس جبل بس بنزل حمم
خلطتوا الدرس مختار باغتكو
بطخوا بعرس مختار باغتكو
مو من بغداد جاي أباغدكو
جمعاً بنحسبش واحدكو

سيبك منهم كلهم كلهم
كلهم كلهم باكلهم كلهم

Almukhtar - Infant

المختار هو مشروع موسيقي حر، عربي يخلط أنواع من الموسيقى لاستحداث أصوات بديله للحرية، بدأ في عام 2013، مبني على فكرة التعاون  في العاصمه عمان، من كتابة وأداء  عامر الطاهر، ينتج هذا المشروع في الأردن، يتطلع لأرجاء الوطن العربي كمساحات تعبيرية خصبة، يدمج المحتوى الإقليمي والشخصي ومؤثرات هذا المكان على إيقاع يعكس تسارع الأحداث وتباطؤ النتائج، لا تنحصر رسالة "المختار" في الحي كما عرف هذا اللقب، اختير هذا الاسم كناية عن مهام "المختار" المتعارف عليها في بلاد الشام، وهو المعني بشؤون الناس من حوله، المختار منهم لهم ليكون ملجأ للجدليات .
يعود إلهام هذا المشروع للحاجة لأنماط تفكير معتدلة تدعو للتجميع والوعي التام عن أبعاد التفرق .

Almukhtar المختار

Popular tracks