Name: مـــزيج الأديــان by مُلحد
Duration: 2 min 47 s
Description: .نحنوا نتبع مزيكا لا أديان -

الله عليك يافنان والله نفسنا في حاجة زاي كدا من زمان وحاجات معبرة عن الأديان ببعضها والخرافات دي  تعم

الكلمات:
٢٠ سنه؟
والله و كبرت يبو حميد
و الزعل راسم ملامحك
لكن جميل والله لو تضحك
تعرف يا واد
انا مش مسامحك ع اللي فات
٢٠ سنه فارد كفوفك للي جاي موجوع
ومدارى وجعك
٢٠ سنه تسمع حكاوي الخلق بالتفصيل
ولا حد سمعك
٢٠ سنه بتخاف تجرّح ف البشر
ف تزيد ف جرحك
***ء
زي اناهرده كنت حته لحم
بين الحياه والموت متشعلقه روحي
شاء ربنا يطمن قلوب اهلي..ويبتدي نوحي
امي اللي قعدت فيا تولد نص يوم
وكاني متشعبط جواها وكاني
 شايف وعارف ايه اللي مستني
زي اناهرده خوفي كان يمكن اقل
حزني كان يمكن اقل
وبكايا سهل
يدوب هجوع.. ف ابكي
ليه اناهرده بعانى لما اشكي؟
 زي اناهرده ابتدي المشوار
رجليا حافيه والطريق مفروش ازاز
عيل وعايش ف الحياه زاهد
مقطمش ضهره الا اما جه يوم عاز
***ء

٢٠ سنه؟
كانى كبرت..
وبقا ينفع اقول واحكى وأتذكر
من خمستااشر سنه
اول مره اشجع كوره.. امم افريقيا
ومن عشره..
ثوره.. ومئويه اعظم نادي
ومن خمسه.. كان حب اعدادي
كاني كبرت واصبح عادي
يشوفني العالم بنفخ دخاني.. وميلومنيش
كاني بواجه اول مره الشارع م الشارع
مش من ورا شيش
الذكريات بنت الحرام
سكينه تلمه ومخي اضحيه
لا منها حلتني ولا قطّعت فيا
كتفي اللي كان بيشيل همومي جبال
خدّل خلاص وهدومي حِمل عليه
زى اللي واقف يبكى ف الصحرا..
نبّت ف مطرح وقفته صبار..
ودى صوره مش افيه
صبار بيفتح حضنه للعالم
بس البشر بلالين مبيحنوش
ف يطاطى راسه ويمشي متاكد
ان الوصال زى الورق.. وسط دموع بيبوش
***ء
خايف من امبارح
بجري علي بكره
بجري وكانى.. عارف السكه
سايب ورايا ضحكه بِكر وحلم ف اللفه
عيني عليهم ، ايدي ع الاوكره
جوايا كتله اسئله ملهاش جواب
هعرف اقابل ضحكي خلف الباب؟
حلمي هيكبر ولا يتحول سراب؟
جوايا كتله اسئله مؤلمه 
سكان قدام و بيوتها متهدمه
و وشوش كتير واسامي متلخفنه
يدعولي اعمر ١٠٠ سنه
ازاي يجيلكم قلب تدعولي.. افضل هنا؟
وبأي منطق يبقا عيد
يوم بيا تحتفلو
و ٣٦٤ وحيد
وافرح معاكو بكل كدب
واحزن بعيد
يا حزن بَشري وناس فشوش
يا عُمر لسه معيشتهوش
يا دهر .. سبحانك
يا رب بستسمحك
زودلي نايب الصبر
واجعلي سيره تعيش
فوق عمري ٥٠ عُمر
واجعلي رزقي من الدموع هيّن
واجعلني كما صبار
صبار لكن ليّن
وارزقني صحبه تعيش
يستحملو شوكي
وميكرهوش حزني
وظنوني وشكوكي
وابعدني عن كل اللي م البلالين
وان كان في نيه عشان.. افضل مكمل هنا
اديني طاقه اعيش.. ٢٠ سنه تانيين

صبار🌵

مزج - التعوُيذة

(Voice Record - KitKat Moive)| ورحمه أبويا انتَ ظالمني

.نحنوا نتبع مزيكا لا أديان -

مـــزيج الأديــان

التراكس اللي ف الميكس


هيمنجواي - ريلكة (بصوت لمى)

بيشوف - مشروع ليلى

كانت هتفرق ف الوداع - مسار اجباري

يعدي الصيف - كايروكي

الأمير - هوس 

لو كنت عايش - مشروع توازن (مصطفى سالم)

هلاك - بدل فاقد 

ما في اشي تسويه - اوتوستراد 

ميكروسكوب - قرار إزالة

هيمنجواي - ريلكة (بصوت لمى)

بكرة - شيرين عبده

متحف فنون الغش - الإخفاء

تاكسي - مشروع ليلى

نقطة بيضا - كايروكي 








( ألم غير مشروط ) | Shockin' Rhythms

مزيج ما تيسر من نوستالچيا الفراق "

 كتابه والقاء: محمد النمس
كل يوم ابعد واداري
كل يوم بالموت بحس
خليني عادي مكونش عاري
كنت عاوزك انتي بس

مكنتش ناوي علي البعاد 
مكنتش حاسبها
لما حد يسألني كنت ايه كنت حاببها
يمكن ماذلت ليه العناد

مكنتش عاوز اخش حرب
كنت عاوز بس حب
مكنش في بالي ابدا 
أنه يبقي كله كدب 

مكنتش ناوي نبعد وننسي كل الحكاوي
ملكيش بديل
اختارتي ليه اسوء طريقه للرحيل

قربت منك لانك وحيده
وعملت كل حاجه تقربك
لقيتك بعيده
مكنتش متخيل يوم تبقي مجرد وحي لقصيده

مش هنساكي حقيقة لأني
مشوفتيش غير الحنيه مني
فليه بعدتي وسبتيني 
يارب قويني

انا عارف اني كنت بعيد
وحياتي بالطول والعرض
يارب ياللي ساكن السما
عبدك حزين في الأرض
بعيد عنك وحيد
بس انت اقرب من الوريد


أما انتي حلوه حلاوة الفنون
في المظهر بس مش في المضمون
لو رجعتي هيبقي بشروطي
حتي لو علي موتي
حتي لو هكون ملعون
رجوع مجانا مش هيكون

نص سنه
انتي روحتي شوفتي حياه
سبتيني ابقي حد تاه
بوظتي طعم الغنا
حبيتي كل الناس إلا انا

كنت بدادي
مع أن يمكن النهايه كانت باينه
اللي اتلسع من الشوربه بينفخ في الزبادي
ومحسوبك كان جهينه

بعد فتره كله هيشوفك ويضرب كف علي كف
هتبقي زي جيتار مقطوع الاوتار
هيقولو بعدي عمر ما جرحك خف
مش النمس اللي يكون عالرف

عد معايا كام محاوله
عد.معايا كام جوله 
حاربت فيها نفسي عشانك
ونفسي كانت أولي

سايب زكري علي شفايفك من فضلك امسحيها
سايب ريقي علي رقبتك شيليه قبل ما تقطعيها
اللي زيك ميستاهلش غير أنه يعيش 
في الحياه اللي احنا فيها 

مفيش حواديت مفيش مغني
مفيش غير حب عمره ما ساعنا
هي كانت متستاهلش
زياده مدحها لعنه
حاجات كتير جايز موجوده بس عشان توجعنا

يا بشر انجاس 
بيخونو الناس
بطلت خمرا لكن
منك سكرت وشربت مر الكاس

زكرياتنا الحلوه مكنتش متخيل أنها توجعني
كل حيطه كل حضن كل كلمه كانت بتعلم
بس مكنتش عاوز اني اتالم
او احكي واقول انك سبتيني
تسأليني عاوز ايه كنت عاوزك بس تسمعيني

حدوته هتتحكي يمكن ليها عبره ومعني
قصه فيها عنوان حالنا
شيطان وشيطانه
منطقي مش هتنتهي في الجنه

زعلان منك او زعلان مننا
نص سنه او ١٠٠ سنه 
انا لسه هنا 
ومنايا ارضيكي
افتكرلي كام حاجه عملتها ليكي
واسال عليا لما اوحشك
مش هصدك ولا هعاتب فيكي
وهحاول مبكيش 
انا مش زي زمان 
امانه عليكي متنسانيش
مكنتش خايف منك قد مانا خايف عليكي
ولو حسيت بامان يمكن نحاول مره كمان















Half a year -نص سنه

(1)

-قالت الدنيا للولد ف الفصل..
يا تعيش بتكتب ورايا ف الحصة..
يا تعيشها..
إنسي إن فيه في الفصل سبورة..
- قال المصور للي جاب الكاميرا..
يا تعيش بتاخد صور للقصة.. 
يا تعيشها..
الكادر دايماً أغلي م الصورة..
يا دنيا أنا بكتب للجاي بَعْديا..
و انا جاي بعدي ألوف..
و ان كنت بَاخُد صور للقصه مش ليّا..
ف انا نفسي غيري يشوف ..

(2)

قال الولد لرِفاقته ف المعتقل...
بوسوا  المسدس و احضنوه وناموا...
العار لمن داموا ..
و المجد للّى إتقتل...

(3)

قال الكلام ده ثم حَط الكاس...
(الغياب هو الغياب)
و الذكرى ف قلوب الصحاب.. أبقى 
أبقى النهارده معاكم بُكرة مش هَبقى 
و الدنيا سابقة.. بخطوة كل الناس
حتى أنا... 
قفشت نفسى من يومين بَضْحك...
و انتا ما كمّلتش يا صاحبى ف التراب .. أول سَنة 
و حِلمت بعديها بساعة الصالون..
و بإن عقاربها أبتدت تاكلك ..
و إنى براجع م الصور شكلك..
حتى هدومك نِسيت الريحة ..
ما اعرفش خايف أصدق .. إن أنا نسيتك
و لَّا إنى بُكرة مسيرى هتنسى .. زَيَّك؟
 
#ديالوج
#مصطفى_إبراهيم

دينا و مريم × مصطفي إبراهيم

متسألنيش ده إيه عشان معرفش.. 
كُل العشوائيات دي هنا بدون أي سبب منطقي.. 
قعدة هَلس مع صاحبي "أيمن كرم" 
صاحب المزيكا واحد صاحبنا بردو عادي " محمد مسعد " عازفها هو :"D 


نصوص تحت تأثير المخدر.

من حفلة الرصيف مع على طالباب

عبدالله المنياوي | فاذكروا تذكروا سبحوا تسبحوا

مزيج عن كل شيء

**الحياة بداخل هاند فري افضل من هنا**

مـــزيج الأديــان

مُلحد

Recent comments

Shehab Mo7amed

Related tracks