On YouTube:
https://youtu.be/0_Vl8R-vhP8


Lyrics:

كان رد فِعلي تِجاه الحُزن
إني أبتسم
ورد فِعلي تِجاه الوِحدة
إني أتقسم

وإني أكمّل كل شيء ناقص
اللمّة دي كدّابة
صدقني دي بناقص
الغُربة هيّ الغابة
والوطن جحيم راقص

كانت الجميلة هناك
تضحكلي وتقولّي
أنا كلّي لسة معاك
صحيح أنا بنساك
لكنّي متعلّقة
الذكرى دي مشنقة
وأحلامي متشعلقة
على حافة الماضي
انت صحيح راضي؟
ولا إنت يعني نسيت؟
انا قلبي ده فاضي
ولحد الآن عمري ما حبيت
ولا إنت يعني نسيت؟

يا جميلة ده كله زمان
لكن بالوقت يبان
مين ساب التاني في حُزنه
زمان أنا كنت بجيبلك
الليل بجماله وحسنه
وكمان أنا كنت أكتبك
الشِعر اللي تحبيه
والحُزن ده عادي يابنتي
أنا بس كنت بخبيه

وبخاف على حُزنك جداً
وبخاف تنسيني كمان
بدعي والفجر بيدن
تختفي كل الأحزان
ويموت حتى النسيان
قبل ما حُبنا ده يموت
يا جميلة ده كله زمان
وطبيعي الوقت يفوت

وأهو فات الوقت يا حِلوة
قبل ما نبدأ أحلامنا
أو حتى نسمع غِنوة
بتلخّص كل كلامنا

وأهو فات الوقت خلاص
والذكرى دي زي رصاص
أو مثلاً حكم قصاص
على قلبي عشان أنساكي

وأهو فات الوقت يا حِلوة
وقصدت الشِعر لغيرك
مع إنّي كتبته معاكي
علشان لازم أنساكي

كان لازم أكدب يعني
أو أوهم نفسي بغيرك
الحب ده اصلاً باعني
من يوم ما خالفت انا سيرك
من يومها وقلبي وحيد
عشمان في الضِحك لأني
ممكن أقابلك يوم عيد
وساعتها أنا هبقى سعيد
وممكن أنسى الأحزان
لكن أنا آسف جداً
ده لأن ده كله زمان

#مؤمن_بسيوني

(علشان لازم أنساكي) - مؤمن بسيوني

كل الخلق تتغير وانا ثابت
أيادي الناس اللي مسكاني
كمان سابت
ده حتى صُحبة السوء
أهي تابت
وانا الوحيد الشيطان
أنا الغلطان
عشان مالأصل خليت للغريب
ف قلبي مكان
وبفعل الوقت صبحت كئيب
صبحت مُريب
وكل الخلق تتجاهل
مفيش ولا حد يستاهل أكون وياه
ووِحدة قلبي خلتني مكونش معاه
وبعدتني عن الطريق المستقيم 
ولازلت مستغرب 
كيف نُص الخلق دول عايشين ب عقل عقيم؟ 
والنص التاني قلبه حزين 
لأن العقل الكدّاب 
بيوهم العذاب لسنين
يفكر بالساعات ف العتاب 
ف ضاع عُمره مابين تفاهات
وبين بواقي بني آدمين 
مش كاملين 
بيتجمّلوا ، ويتجاملوا
عشان يرتاحوا من برة
لجألت لعزلتي 100 مرة 
ومارتحتش
ومافرحتش
وأديني بقولها من تاني
انا وحداني 
وديني بموت من الوِحدة ومالتفكير 
خسرت كتير 
ومكسبتش غير الحروف
ويمكن ف ظرف من الظروف
تشوفوني أعمى لكنّي بشوف
قلوبكم لما تضحكلي
لكن كل اللي فيها نفاق
عيونكم لما تحكيلي
بإنّي مُصاب بطبع غباء 
وإن الوِحدة قتلتني 
ويمكن بس ده لأنّي
وصلت لحالي ده بالكبت
وكنت زمان انا طيب
 وده السبب فإنّي إكتئبت.

#مؤمن_بسيوني

(السبب في إني إكتئبت) - مؤمن بسيوني

(وحداني في اللمّة)

من نظرتي للجاي بحدد وِحدتي
وبقابل اللمّة على إنّي مش منهم
كان كل شيء واضح وباين شِدتي
مع إنّي والله كان نِفسي أقابِلهم

كان نِفسي أعيش لمّا
كانت هِناك لمّة
ولمّا كانوا هِناك
أنا كنت واقِف هِنا
ويسألوني اللمّة: إنت ليه لوحدك؟
ولا إنت مش زيّنا؟

ملقيتش رد ساعتها يكفي إنّي أقنعهم
غير إنّي واقِف هِنا ومُحاط بشيء مـ الهَم
يمكن فيه شيء مُختلف خلاني مش بينهم
زي إختلاف الألف عن أي حرف سِواه
أو زي مثلاً مُخدّر بيجري جوّة الدَم
خلاني وَحداني وبحِس بالمُعاناة
وهي دي المأساة..

إنّك تكون وَحدك مع إن حواليك
فيه خَلق بيحبّوك
وإن إنت تِنساهم ، وهمّ فاكرينك
أو بس يفتكروك أول ما بيقابلوك

مَلعون أبوك يا حُزن خليتني
أكرَه سِنين العِز في شَبابي
مَلعون أبوك يا حُزن ذليتني
هو إنت مش لاقي مكان
غير عند بابي؟

سيب إكتئابي في حالُه مش ناقِص
والوِحدة دي خُدها مش عاوزها
الوِحدة خلتني أعيش ناقِص
واللمّة أهي بعيدة ، وأنا مش شايفها

وبمشي في إتجاه اللا إتجاه وأنا تايه
ومستني الطريق هو اللي يلقاني
وكإني بقنع نَفسِي إن أنا لمّة
مع إنّي كنت ساعِتها وحداني

والوِحدة كانت واضحة من صوتي
أو بردو ممكن تشوفها في خطوتي
والوِحدة ليها جزء في سكوتي
وهي عامِل أساسي في إنتهاك قوتي

واللمّة كانت سُكّر قهوتي
ف القهوة صَبَحِت سادة كالعادة
وأديني قاعد وَحدي بتألم
يقاطعني صوت جرسون بيتكلم
ويقولي: تشرب إيه؟
ف أنسى إن أنا لوَحدي
وأقوله: أكيد قهوة
خليها قهوة زيادة
مع إن وِحدتي بتتلخّص
في قهوتي السادة

وأديني يا سادة بكتبلكوا لأنّي
كان نِفسي أعيش وِسطكم لكنّي
عايش مابين الوِحدة وإتعوّدت
مستنيين إبداع إيه منّي؟
وأنا كل ما أكتب نَص ألاقيني فيه جوّدت
لكنّي إتعودت..
ومابقاش بيفرق شيء
ولا حتى مستني طريق
ولا حتى مستني صديق
والوِحدة عادي يعني شارياني

لكنّي تاني للأسف بكدب
ده لأن أنا حقيقي بعاني
ولهذا السبب قررت إنّي أكتب
إنّ الوِحدة قاتلاني
وإنّ الوِحدة بايعاني
وإن الوِحدة خلتني
أعيش بينكم ووحداني
وسلبت كل شيء منّي
وخلتني حزين جداً
وحتى الحُزن ده عماني

وبطلب منكوا يا لمّة
تخلوني أكون بينكم
لأن الوِحدة دي لمّا
تزيد ع الحد أنا بعاني

لأن الوِحدة دي (لمّة)
(زادت) ع الحد وأنا بعاني

#مؤمن_بسيوني

(وحداني في اللمّة) - مؤمن بسيوني

(أنا عمري ما أنساكي / إعتراف القمر) 

تقريباً القمر بيعاتب على غيابك
ويلومني على إني عايش هنا بدونك
رسملي صورتك هناك وإنتي بتحاوطيه
وبرغم أحزاني بشوفها بعيونك..

انا اهو بعيد عنّك
وانتي هناك مع مين؟
قالي القمر إنّك
سيبتيه بقالكوا سنين
طب مين يحاوطه هناك
وينوّر السماوات؟
فيه لسّة بعض حاجات
بتجيني بإبتسامات
فيه لسّة بعض حاجات
فاكراني وأنا ناسي
لكنّي كيف أنساكي
إن كنتي من ناسي

والله مش ناسي
ولا ناوي إني أنسى
يمكن ساعات بقسى
وببان ساعات صامد
وكمان أنا بعترف
تفكيري بقا غامض
لكن طريقي هنا
بلاقي فيه وامض

ف أضطر اكمّل فيه
ليه القمر يزعل؟
لما إنتي بتحاوطيه
ده أنا حتى بتمنى
إني أكون في مكانه
يمكن اشوفك هناك
أو أحسّ أحزانه
يمكن تكون أحزانه
سببها أحزانك

طب يعني لو تسمحي
ممكن اكون في مكانك؟
يمكن أحسّ الدفى
أو أحسّ أحضانك
أو حتى أشوف القمر
بيلاقي نوره منين
يمكن نعود وقتها
من غير ما نبقى إتنين
يمكن نعود قلبين
لكن في روح واحدة
يمكن ساعتها أخفّ
من زحمة الوِحدة

يمكن اشوفك تاني
وابدأ اعيد وصفك
لو جيتي في مكاني
تلاقيني أنا في صفّك
ويمكن تلاقي القمر
ضاحك ومش باكي

وهيعترف وقتها:
أنا عمري ما أنساكي..

#مؤمن_بسيوني

(أنا عمري ما أنساكي / إعتراف القمر) - مؤمن بسيوني

On YouTube:
https://youtu.be/ZiCb0JA4obo


Lyrics:

في البداية حابب اوضّح
إننا أصلاً خُرافة
وإن جيلنا ده مليء
بالبجاحة وبـ لطافة
وإن بنت هناك بتِقلَع
لا وبتقولك ثقافة
وإن فيه حبّة عيال
سمّوا ألش رخيص ظرافة

وإننا ماشيين في سِكة
تايهة بينا لـ اللاشيء
وإن صاحبك هو صاحبك
عمره مرّة ما كان صديق
وإننا قرّبنا خطوة
إيه اللي رجّعنا الطريق؟

_ قالي: يأس..

قولتله: اليأس اصلاً
عُمره مرّة ما كان جِراحنا
وإن أصل اليأس فعلاً
كان بينبع من فَرحنا

وإننا متعشمين
بالأغاني وبالمعاني
بالكلام الحِلو جداً

_ قالي: يأس..

قولت: تاني؟
ليه ياعم اليأس قاصد
يقتلك وبشكل واضِح؟
يابني آخرتها إنتحار..
وإنتحارك فِعل فاضِح

فوق بقا وخلينا ننسى
كل من مرّ بـ سلام
وإن سألتك مرّة مالك؟
عادي يعني قول تمام

عدّي يابني
وخلّي كل النّاس تعدّي
ولو بتتكلّم ف حُزن
عادي يعني
ماعتقدش فيه حد عاشِر حُزن قدّي
وأديني أهو جنبك بعدّي

لكن صحيح ببص للعالم بنظرة مأساوية
وأحسب اللي خسرته من عمري اللي راح
وأحسب اللي باقيلي من أيام وجاية
مين اللي ليّا؟ ومين عليّا؟
ومين خذلني؟
مين اللي مدّ الأيد مساعدة
وأما ءآمن قام قتلني؟
مين خذلني؟

إندمجت شوية لكن
الحياة أهي لسة حِلوة
هو بس الحُزن داكِن
بيقابلني في كل غِنوة

وإنتي عاملة إيه يا حِلوة؟
والحياة إيه أخبارها بعدي؟
لسة بتعِدّي الثواني
ولا يعني نسيتي وعدي؟
لسة فاكراني يا حِلوة
ولا الزمن خلاكي تِنسي
والله بتمنى إني اشوفك
بس خايف بس تِقسي
تحرجيني زي عادتك
وتمنعيني إني أشوفك 
والله بتمنى سعادتك
لا ويوحشني كسوفك
والله بتمنى إني أشوفك

واحكي ليكي
عن اللي حاصل واللي لسّة
احكي ليكي عن بواقي الحُزن
اللي كسبتها من كل قصّة
واحكي ليكي وتحكي ليّا
ونحكي ليهم عن كلامنا
همّ لسّة مايعرفوش
أي حاجة عن آلامنا

يعني مثلاً لما حبيتك ساعتها
كنتي بتحبي ف غيري
واما قلبك مال لقلبي
كنت انا تايِه ف سيري
وقلبي كان أعمى ساعتها
مشافش قلبك
قلبي دلوقتي بيبكي
ونفسه مرّة إني أقابلك
قلبي نفسه يشوفني جنبك
بس إيه؟ .. فات الأوان
والله وحشاني ياحِلوة
وكل شيء بينا زمان

_ فجأة قالي: سرحت ليه؟

قولتله: والله آسف.. 
بس هو الحُزن يابني
جه تعبني
وسابلي إيه؟
سابلي بس بواقي
من حُب ناسف
بس آسف..

_ طاب جاوبني..
ليه عيونك دي ماليها الحُزن بس؟

صمت كامل جه عليا

_ وهو رد وقالي: يأس..

#مؤمن_بسيوني

Mix and master: Hossam Ibrahiim
Music "Broken Hearts" - by: Michael Ortega

(يأس) - مؤمن بسيوني

Lyrics, artwork: Momen Basuny
Mix and master: Hossam Ibrahiim

Lyrics:

_ حاوِل تهرب
ماقدرتش
_ شربت كاسات؟
ماسكرتش

_ مشيت ورا حد تاني؟
جريت
_ تعبت من الكلام؟
خفّيت

لعبت مع الحياة لعبة
فوجئت إن الحياة بتشوف
وانا لوحدي اللي أهو إتغمّيت

_ بتاخد مالحياة حاجة؟
باخدها ، وبنكِر إني أخدت
_ بتديلها حاجات طيب؟
بتاخد مني ، طول الوقت

_ بتزعل ليه؟
انا مبسوط
_ بتكتب ليه؟
بداري سكوت

ما دام كلنا هنموت
هنزعل ليه ونتألم؟

_ طاب إتكلم
ومين مهتم؟
_ صحابك فين؟
واخدهم همّ

_ وسايبينك حزين طبعاً
أكيد فيه حزن قساهم
_طاب إنساهم

اكيد هنسى
وهتفاجئ بناس غيرهم
واقولك ، هعمل إني نسيت
وأنا فاكرهم

_ مش إنت من الكلام خفّيت ، طاب إتكلم
مش كل الكلام نافِع
_ ومش كل الكلام بيضُر
طاب إسأل بس وانا هجاوب
شربت المُر؟

شربته ، وبإختياري كمان
_ فيه حدّ سمعت منه ألحان؟
سمعت اكيد ، ولحن عظيم
_ فيه حد شاركك الأحزان؟
فيه حد شاركني حزن قديم

_ ودلوقتي؟
فيه ناس حواليا
_ بيحبوك؟
أكيد ماعرفش

بقيت شكّاك
بحاول أنسى
عشان ماكفرش

_ طاب إهدى بس ماتفكرش
أنا هادي
_ ممكن بس تاني سؤال؟
أكيد عادي

_ فيه حد قَريب؟
صديقة ، قريبة وبعيدة
_ فيه حاجة في ذكريات قاتلاك؟
فيه ذكرى وَحيدة ، منسيّة

_ أكيد هيّ
أكيد ماعرفش
_ طاب إهدى بس ماتفكرش
ياعم هديت

وياما فيه ناس توقفني
ولكن بردو اهو عدّيت

_ ما كنت مشيت
وأديني رجعت
_ أكيد حبيت
أظن وقعت

_ وقعت إزاي؟
على الأحزان

فيه حد ف قلبه لسة مكان
يساع احزاني واوجاعي؟
بقولك إيه ، مافيش داعي

_ لا إتكلم
ومين مهتم؟
_ هقوم وأمشي
أكيد فيه حاجة تانية أهمّ

#مؤمن_بسيوني


Mix and master: Hossam Ibrahiim

(مين مهتم؟) - مؤمن بسيوني

مسرح كلية الفنون التطبيقية جامعة دمياط - نوڨمبر ٢٠١٨

Video on YouTube:
https://youtu.be/9qJAMcNLpO8

الإكتئاب الشِتوي
داخل عليّا من بدري
وأنا بجري عشان ألحق
أحضّر كل أشيائي
ألِم الباقي من تعبي
ومن خوفي ، وغبائي
واجمّع كل أشواقي
وأخلّي فيها نار قايدة
لأن البرد لو أصعب من الوِحدة
يكون للشوق هنا فايدة

واعوّد نفسي ع إنّي
أخلّي كل حاجة إتنين
وأقسم كل شيء بيني
وبين صاحبي ، لأنه حزين
وحزنُه حقيقي يشبهلي
ويشبه بردو للوِحدة
اللي في عيوني
ويشبهلك ياحِلوة لأنّك
لسّة تايهة ، وبدوني

بجمّع قلقي وجنوني
وخوفي تعبي وغبائي
وبكتب ليكوا ع الوِحدة
وبكتب ليّا عن دائي
وبحسب كل أعدائي
عشان أعرف أعيش بينهم
ممكن أكون بخاف منهم
وممكن خوفي هوّ الداء
بجمّع شوقي وبجيلك
ف يصبح شوقي ده ، أشواق
تدفيني إذا غيبتي في عِز البرد
ولو شوقك فِضل فيّا هيطرح ورد
وكل الورد ده ليكي
أمانة تحنّي معاليكي
وتيجي لحضني لو مرّة
صحيح الذكريات قاسية
وباينة في شكلي من برة؟
صحيح القهوة دي مُرّة؟
صحيح الوِحدة قاتلاني؟
أم إن الإكتئاب هو اللي قاتلني

بكتب كل ده لأنّي
نسيت كل اللي كان بينا
نسيت حتى تفاصيلنا
نسيت الذِكرى ونسيتك
وبسأل الإكتئاب ممكن
يقولي إنّي حبيتك
لكنّه بطبعه كان قاسي
وقالي إن أنا ناسي
وعمري في يوم ما حبيتك

وقالي الإكتئاب بردو
أحافظ ع اللي باقيلي من أصحابي
ولو قررت يوم أبعد ، أوارب جزء من بابي
وأسيب صفحة في كتابي
عشان يقروها أصحابي
ويفتكروا اللي كان بينا
صحيح الحُزن ده قاسمنا
لكن والله بينا كتير
وبينا مساحة مالتفكير
وبينا لِعب وأغاني
وبينا حكاوي ومعاني
وبينا الهَلس بيعاني
عشان الألش زاد ع الحد
أنا بشكركوا يا اصحابي
وبشكر وجودكوا جنبي بجد
عشان الإكتئاب بينكوا
بيبقى حقيقي بالساهل
وبكتشف وانا معاكوا
زمان أنا قد إيه جاهل
لأن الإكتئاب خدني بعيد عنكم
وطالب شيء وحيد منكم
لو شوفتوني بجري في يوم
واجمّع كل أشيائي
وداخل الإكتئاب بدري
أنا واشواقي وغبائي
ياريت لو تسمحوا يعني
ماتبقوش جزء من دائي.

#مؤمن_بسيوني

إكتئاب شتوي (Live)

Lyrics, vocal, artwork: Momen Basuny
Mix and master: Mahmoud El Desoky

"مشاهد خلفية - مسلسل قابيل"


Lyrics:

(مِن وَحي الكاس)

إكمنّ يعني الذكريات مماتتش
هكتب قصيدة شِعر تقتلها
قاعد لوحدي وسط كوم أشواق
وإكمنّ يعني الذكريات مماتتش
أديني أهو فاكرها..

بصبّ الكاس ، (أول كاس)
وبكره كل شيء موجود
بسبّ الناس ، لأن الناس
بتقتل بعض بإسم وعود
وتقريباً فيه نوع وسواس
وإسمه "اللي راح هيعود"
بيقتل فينا كل إحساس
ويرجع يبكي ع المفقود

بصبّ الكاس ، (تاني كاس)

بشوفك جنبي ليه دلوقت؟

تمدّي إيديكي الحِلوة على كفوفي
وتحكيلي اللي كان بينّا وبالتفصيل
بلمسة إيدي لإيديكي يموت خوفي
ويصحى مكانه جوايا شخص جميل

بقرّبلك ، وبهمسلك : وحشتيني
وبحكيلك عن اللي أنا عيشته من دونك
وأقولك قدّ إيه كانت دموع عيني
تخاف تِنزل ، لا تِنزل دمعة في عيونك

ما أنا وإنتي مكنّاش زيّهم إتنين
صحيح قلبين ، صحيح جسدين
لكن كان بينّا نفس الروح
وكان فيه بينا ياما جروح
كانت تتعاش في نفس الوقت
بنادي لنفسي : يا مجروح
ده وسواسك أهو ، صدّقت؟
بكدّب نفسي واستنى تجاوبيني

بشوفك جنبي ليه دلوقت؟

بفوق لحظة والاقيني
بكلّم نفسي وإتجننت

فـ اصبّ الكاس ، (تالت كاس)
قالي إنّي ياما حِزنت
وقالي إنّ الذكريات خاينة
"بتطفي نارنا تدريجي"
وتتلخّص في كلمة "بنت"

وبسأل نفسي ، دي هتيجي؟
أم إنّ اللي شوفته من شويّة كان خيال؟
وإيه وصلني دلوقتي لهذا الحال؟
بشوفك جاية ف أضحكلك
وأنسى كل شيء يتقال

لكن ضِحكي فيه شيء مكسور
صحيح الذكريات ضلمة
لكن بيكي بشوفها في نور
ياريت لو يعني معاليكي
تهِدّي السور وتيجي جنبي من تاني
وتحكيلي عن الماضي
وعن ألمي وأحزاني
فـ ترجع كلّ ألواني
ما أنا بدونك بكون باهِت
وأتاري الذكريات تاهِت
وشكلي بفوق

فـ اصبّ الكاس
(رابع كاس) ده كلّه هدوء
لا يمكن أفوق..

ببص للأشياء من زاوية اللاشيء
فـ بشوف هِناك فيه صديق
وأشوف هِنا فيه طريق
وإكمن كلّه يضيق
بشوفني من غيرهم
وبكل لا مبالاة بضحك لأحزاني
وبقول أنا فاكِرهم

وبتأملهم ولكن من بعيد لبعيد
وأضحك عشان فيه شخص جاي سعيد
وأبكي عشان فيه شخص زيّي وحيد
واحزن لأن الحزن ، زوّدلي التجاعيد
ونسيت بإن الحزن ، عمّال أهو بيزيد

_ ما تقولي ليه يابعيد كل الحاجات كارهاك؟
بقا كل دول حواليك ، ومافيش فيه حدّ معاك؟
للدرجة دي يعني الذكريات قاتلاك!
للدرجة دي مابقيتش بتحسّ بوجودهم؟
للدرجة دي يعني ناكِر لمجهودهم؟

_ دول يابني ياما واسوك
وقالولك إطمنّ
مين منهم قتلوك؟ 
استنى أنا هخمّن

_ مش هم دول نفسهم
اللي إتجمعوا حواليك؟
عملوا عليك دايرة
وكتفوا ف إيديك

_ قتلوك صحيح لكن
هنقول بدون قصد
الحزن ده ساكن
فـ عينيك بتبدأ رصد
كل شيء داكن
إيه يعني لو قتلوك
لو كان قتلهم عمدماً
او حتى كان دون قصد؟

_ ما تجاوب على سؤالي
ولا إنت يعني سِكرت؟
اقولك .. انا مالي
إنت اللي ياما خسرت
إخسر كمان إخسر
وإلجأ لكاس خامس
انا يابني بتحسّر
على وجعك اللامِس
للذكريات بهدوء
والمستحيل دلوقت
إنك حقيقي تفوق

بشوف غريبة جاية
وبتبتسم ليّا

ظهرتي ليه تاني؟
ولا إنتي مش هيّ

ايوة إفتكرتك خلاص
إفتكرتك..
إنتي البكا بإخلاص
إنتي الغريبة الجميلة
الطيّبة الخايفة

شوفتيني وأنا بنسى؟
ولا إنتي مش شايفة؟

شوفتي الوجع فيّا
خلاني بابكي وأميل
طاب بُصّي في عينيّا
هتشوفي التفاصيل
هتلاقي شخص جميل
يتحمّل أوجاعك
سيبتيه فـ بالتدريج
سابِك وراح باعك

ما أنا سيبتلِك فُرصة
سيبتيها ، سيبتيني
فـ مُستحيل يعني
آجي هنا وأقولك إنّك وحشتيني
وأنسى اللي كان حاصِل
آدي الوجع علّم
وأديني بتعلّم
إن الوجع موصول
طول ما الفراق واصِل
طول ما البُكا فاصِل
بيني وبين نَفسِي
فـ أنا هدفِنك في قصيدة
تُدعى "سلام نَفسِي"
وهتتحوّلي تدريجي لبعيدة منسيّة

ظهرتي ليه تاني؟
لأ ، إنتي مش هيّ

بصبّ الكاس
وصوت وسواسي بيقولّي
ده (سادس كاس)
واتاري الذِكرى بتولّي
كما الإحساس

_ كرهت الناس؟

نسيت الناس..
ونِسياني ده مش وَقتي
ده شيء هيدوم
وفينِك يعني دلوقتي؟
بقيتي هموم
وقادر أشيلك زي ما شيلت أحزاني على كتافي
صحيح لو يعني بتخافي من الأحزان
هسيبلك كتفي الأيمن يكفيكي
واسيبلك ذكرى وياكي تدفيكي
وكتفي التاني هيكفّي باقي الأحزان
مصيرك إنتي وأحزاني على النِسيان
مصيري أفوق..

وهتفاجئ بإن ده كلّه كان خيالات
وإن الكاس ده صوّرلي بعض حاجات
وإن الذكريات ماتت ، وأنا ناسيها
فـ بلجأ للكحوّل يمكن أشوف فيها
حاجات هتدل على إني بكون عايش
لكن عقلي بقا بايش من المفعول

وبردو بقول:
وجودك جنبي خلاني بكون مبسوط
برغم إن إنتي في خيالي بحسّ وجود
ومن دونك طريقي ياخدني من لاوعي للاشيء
سِكرت الذكرى على أمل إني الاقي طريق
وكاسي أهو مرمي قدّامي كإنّه صديق
لكن فاضي..

فـ أصبّ الكاس (سابع كاس)
مليء ماضي ، وكلّه سكوت

بشوف الموت.


#مؤمن_بسيوني

(من وحي الكاس) - مؤمن بسيوني

on YouTube:
https://youtu.be/ceW5yEM8Bj4

Lyrics:

كل الخلق تتغير وانا ثابت
أيادي الناس اللي مسكاني
كمان سابت
ده حتى صُحبة السوء
أهي تابت
وانا الوحيد الشيطان
أنا الغلطان
عشان مالأصل خليت للغريب
ف قلبي مكان
وبفعل الوقت صبحت كئيب
صبحت مُريب
وكل الخلق تتجاهل
مفيش ولا حد يستاهل أكون وياه
ووِحدة قلبي خلتني مكونش معاه
وبعدتني عن الطريق المستقيم 
ولازلت مستغرب 
كيف نُص الخلق دول عايشين ب عقل عقيم؟ 
والنص التاني قلبه حزين 
لأن العقل الكدّاب 
بيوهم العذاب لسنين
يفكر بالساعات ف العتاب 
ف ضاع عُمره مابين تفاهات
وبين بواقي بني آدمين 
مش كاملين 
بيتجمّلوا ، ويتجاملوا
عشان يرتاحوا من برة
لجألت لعزلتي 100 مرة 
ومارتحتش
ومافرحتش
وأديني بقولها من تاني
انا وحداني 
وديني بموت من الوِحدة ومالتفكير 
خسرت كتير 
ومكسبتش غير الحروف
ويمكن ف ظرف من الظروف
تشوفوني أعمى لكنّي بشوف
قلوبكم لما تضحكلي
لكن كل اللي فيها نفاق
عيونكم لما تحكيلي
بإنّي مُصاب بطبع غباء 
وإن الوِحدة قتلتني 
ويمكن بس ده لأنّي
وصلت لحالي ده بالكبت
وكنت زمان انا طيب
 وده السبب في إنّي إكتئبت.

#مؤمن_بسيوني #momenbasuny

Lyrics, Vocal, Artwork, Mix and Master: Momen Basuny
Music:
'Lonesome Journey' by Keys of Moon Music is under a Creative Commons license (CC BY 3.0)
Music promoted by BreakingCopyright: https://youtu.be/p5cWMxzzMdA

السبب في إني إكتئبت - مؤمن بسيوني | Momen Basuny - Elsbb Fe Eny Ektaa'bt

On YouTube:
https://youtu.be/0kBvQl-yu3k


Lyrics, Vocal, Artwork, Video, Mix and Master: Momen Basuny


Lyrics:

في البداية حابب اوضّح
إننا أصلاً خُرافة
وإن جيلنا ده مليء
بالبجاحة وبـ لطافة
وإن بنت هناك بتِقلَع
لا وبتقولك ثقافة
وإن فيه حبّة عيال
سمّوا ألش رخيص ظرافة

وإننا ماشيين في سِكة
تايهة بينا لـ اللاشيء
وإن صاحبك هو صاحبك
عمره مرّة ما كان صديق
وإننا قرّبنا خطوة
إيه اللي رجّعنا الطريق؟

_ قالي: يأس..

قولتله: اليأس اصلاً
عُمره مرّة ما كان جِراحنا
وإن أصل اليأس فعلاً
كان بينبع من فَرحنا

وإننا متعشمين
بالأغاني وبالمعاني
بالكلام الحِلو جداً

_ قالي: يأس..

قولت: تاني؟
ليه ياعم اليأس قاصد
يقتلك وبشكل واضِح؟
يابني آخرتها إنتحار..
وإنتحارك فِعل فاضِح

فوق بقا وخلينا ننسى
كل من مرّ بـ سلام
وإن سألتك مرّة مالك؟
عادي يعني قول تمام

عدّي يابني
وخلّي كل النّاس تعدّي
ولو بتتكلّم ف حُزن
عادي يعني
ماعتقدش فيه حد عاشِر حُزن قدّي
وأديني أهو جنبك بعدّي

لكن صحيح ببص للعالم بنظرة مأساوية
وأحسب اللي خسرته من عمري اللي راح
وأحسب اللي باقيلي من أيام وجاية
مين اللي ليّا؟ ومين عليّا؟
ومين خذلني؟
مين اللي مدّ الأيد مساعدة
وأما ءآمن قام قتلني؟
مين خذلني؟

إندمجت شوية لكن
الحياة أهي لسة حِلوة
هو بس الحُزن داكِن
بيقابلني في كل غِنوة

وإنتي عاملة إيه يا حِلوة؟
والحياة إيه أخبارها بعدي؟
لسة بتعِدّي الثواني
ولا يعني نسيتي وعدي؟
لسة فاكراني يا حِلوة
ولا الزمن خلاكي تِنسي
والله بتمنى إني اشوفك
بس خايف بس تِقسي
تحرجيني زي عادتك
وتمنعيني إني أشوفك 
والله بتمنى سعادتك
لا ويوحشني كسوفك
والله بتمنى إني أشوفك

واحكي ليكي
عن اللي حاصل واللي لسّة
احكي ليكي عن بواقي الحُزن
اللي كسبتها من كل قصّة
واحكي ليكي وتحكي ليّا
ونحكي ليهم عن كلامنا
همّ لسّة مايعرفوش
أي حاجة عن آلامنا

يعني مثلاً لما حبيتك ساعتها
كنتي بتحبي ف غيري
واما قلبك مال لقلبي
كنت انا تايِه ف سيري
وقلبي كان أعمى ساعتها
مشافش قلبك
قلبي دلوقتي بيبكي
ونفسه مرّة إني أقابلك
قلبي نفسه يشوفني جنبك
بس إيه؟ .. فات الأوان
والله وحشاني ياحِلوة
وكل شيء بينا زمان

_ فجأة قالي: سرحت ليه؟

قولتله: والله آسف.. 
بس هو الحُزن يابني
جه تعبني
وسابلي إيه؟
سابلي بس بواقي
من حُب ناسف
بس آسف..

_ طاب جاوبني..
ليه عيونك دي ماليها الحُزن بس؟

صمت كامل جه عليا

_ وهو رد وقالي: يأس..

#مؤمن_بسيوني #momenbasuny


"Naoya Sakamata - Dissociation" is under a Creative Commos license (CC BY 3.0).
Music promoted by BreakingCopyright: http://bit.ly/2PjvKm7

يأس ٢ - مؤمن بسيوني | Momen Basuny - Yaa's II

(قررت أعيش) - مؤمن بسيوني

فار تجارب - Far Tgareeb

Video on YouTube:
https://youtu.be/qhhmuGK0QaQ

Written, Performed, Artwork and Video: Momen Basuny
Music Production: JEZZE
 
Lyrics:

مافيش ولا شيء بقرّبله وينفعني
وكل الحُزن حواليّا بيدفعني
لشيء سخيف إسمه الهروب
وأنا بردو مش حِمل الحروب
ولا الهزيمة ، ولا الثبات
ولا حِمل حاجة من الحاجات
ومازلت بتمنى الممات
بس الحروب فارضة الدراما
وأديني مستنّي العلامة
عشان أنفّذ خِطتي
نزّلتوا ليه وضع البلاك
قبل أما تبدأ فَقرتي
سيبتوني مستنّي الهلاك
ومشيتوا جنبي تسقّفوا
سوكسيه غلط ، توقيت غلط
العرض ده مين وقّفه؟

الناس دي ليه صابها المَرض؟
الكُل مُجبَر! مين فَرض؟
الكل ساكِت والغَرض
إنّ السكوت هيجيب أمان
إهرب كمان

إمحي اللي كان
وإكتب قصايد تِبسِطك
فيه بنت حلوة في قِصِّتك؟
ولا البنات
مابيظهروش غير في الثبات
وأمّا الحروب بِتحبِطك
بيختفوا

هو إنتوا ليه بتسقّفوا؟
تسقيفكوا زوّد في الدراما
وأنا لسّة مستنّي العلامة
عشان أحارِب

وكإنّي بينكوا فار تجارِب
وبتقنعوا إن القفص
أحسن كتير من الإكتئاب
نفّذتوا فيه كل التجارِب
وبَعد آخر تجربة الكل غاب

الكل نافق ، وإدّعوا
إن الصحاب بينفعوا
واصحابي لمّا إحتاجتهم
سابوني وَحدي
مع إنّهم أول ما تبدأ تجربة
يتجمّعوا.

#مؤمن_بسيوني #momenbasuny

(فار تجارب) - مؤمن بسيوني

Written, Performed, Artwork and Video: Momen Basuny
Music Production: Jahelix

Follow Momen on:
Instagram: https://www.instagram.com/momenbasuny
Twitter: https://twitter.com/momenbasuny
YouTube: https://youtu.be/UEmsRK2kB3Q

Lyrics:
بمشي
لكنّي صعب أكمّل
بقاوِح
لكنّي صعب اتحمّل
بكتب قصيدة 
ف إيدي بتنمّل
علشان مافيش حاجة
هتكمل في المكان ده
فرض السذاجة
من المعاندة
فرض المعاندة
من السذاجة
فرض السكوت
خلاني أموت 
مع إنّ أنفاسي
لسّة في الرئتين
فيه سؤال يقولّي
قولّي : وصلت لفين؟

وأنا بقول :
ماوصلتش ، مع إنّي
ماملكش غير المَشي عمداً
مش بمشي يعني وانا مُضطر
ومش شايف لمشيي خطر
غير إحتمال اللاوصول
كل الفصول بقت تعيسة
مش بس الشتا
كل الأماكن دي حزينة
حتى المدينة مُعتمة
هو إنتي ليه مطمّنة؟
ومصدقة إنّي هسيبك بس هرجع
ما إنتي عارفة
إنّي لو سيبت الحاجات
عمري ما ابصّلها
ولو حتى ب غيرة
وبردو عارفة
إنّي بقيس القُرب بالمسافات
وإنّ المسافة اللي ما بينّا
بقت كبيرة. 


#مؤمن_بسيوني #اللاشيء 
#momenbasuny

Aaber - Momen Basuny | عابر - مؤمن بسيوني (Prod by. Jahelix)

(صراع) - علي حسن مع مؤمن بسيوني.

On YouTube:
https://youtu.be/S2AOdRgK_HE

Lyrics, Vocals, Artwork: Momen Basuny
Mix and Master: Momen Basuny
Prod.UNLUCKY

Follow Momen on:
Instagram: https://www.instagram.com/momenbasuny
Facebook: https://www.facebook.com/illashee2
Twitter: https://twitter.com/momenbasuny
SoundCloud: https://soundcloud.com/momenbasuny

Lyrics:

مش عارف عاوز إيه بالظبط
ولا عارف ليه؟
ولو إني هكمّل ده لوحدي
هيفيدني بإيه؟

كل المجهود اللي بذلته
واللي انا لسة هبذله بكرا
ملهوش قيمة
كل المجهود آخره هزيمة
حتى نجاحي لو جه لوحدي
اسمه هزيمة
كل الموجود زي السيما
فيه سيناريو ومُخرج وممثل
وانا قادر اتحكّم ومكسل
تسويف تسويف علوقية

_ احكيلنا شوية عن هيّ

مابقاش فيه زِفت
سلّمِت الشيفت لناس غيرها
ناس مش ظاهرين

_ هتروح على فين؟

مش قادر اقرر ، مش عارف
لكنّي يعني على مشارِف 
شيء مش مفهوم

_ جرّبت تقوم!

جربت الكلّ

_ طاب إيه مالك؟

مالي يا عمّنا!
ما انا زيّ الفُل
بضحك وبمثل
وبشارِك
بتعالج جايز
وبعارِك
وفي الآخر يعني
مانيش والج
شيء مش موجود
هدخل في القلب ازاي يعني
لو كان ليه شروط؟
مش قادر اشوط
مع إن أمّي بتقول هدّاف
أنا شكلي بخاف! 

#مؤمن_بسيوني

انا شكلي بخاف - مؤمن بسيوني

On YouTube:
https://youtu.be/BtjV1ICpxTA

Lyrics, Vocals, Artwork: Momen Basuny
Mix and Master: Momen Basuny

Follow Momen on:
Instagram: www.instagram.com/momenbasuny
Facebook: www.facebook.com/illashee2
Twitter: twitter.com/momenbasuny
SoundCloud: @momenbasuny

إكتئاب شتوي - مؤمن بسيوني

On YouTube:
https://youtu.be/wylcdezguPU

Track number One from The EP - Seven
القصيدة الأولى من الألبوم المُصغّر - سبعة

Lyrics, Vocals, Artwork By: Momen Basuny

Follow Momen on:
Instagram: https://www.instagram.com/momenbasuny​​
Facebook: https://www.facebook.com/illashee2​​
Twitter: https://twitter.com/momenbasuny​​

إشترك في القناة:
http://bit.ly/3arA5LT

تقريباً القمر بيعاتب على غيابك
ويلومني على إني عايش هنا بدونك
رسملي صورتك هناك وإنتي بتحاوطيه
وبرغم أحزاني بشوفها بعيونك..

انا اهو بعيد عنّك
وانتي هناك مع مين؟
قالي القمر إنّك
سيبتيه بقالكوا سنين
طب مين يحاوطه هناك
وينوّر السماوات؟
فيه لسّة بعض حاجات
بتجيني بإبتسامات
فيه لسّة بعض حاجات
فاكراني وأنا ناسي
لكنّي كيف أنساكي
إن كنتي من ناسي

والله مش ناسي
ولا ناوي إني أنسى
يمكن ساعات بقسى
وببان ساعات صامد
وكمان أنا بعترف
تفكيري بقا غامض
لكن طريقي هنا
بلاقي فيه وامض

ف أضطر اكمّل فيه
ليه القمر يزعل؟
لما إنتي بتحاوطيه
ده أنا حتى بتمنى
إني أكون في مكانه
يمكن اشوفك هناك
أو أحسّ أحزانه
يمكن تكون أحزانه
سببها أحزانك

طب يعني لو تسمحي
ممكن اكون في مكانك؟
يمكن أحسّ الدفى
أو أحسّ أحضانك
أو حتى أشوف القمر
بيلاقي نوره منين
يمكن نعود وقتها
من غير ما نبقى إتنين
يمكن نعود قلبين
لكن في روح واحدة
يمكن ساعتها أخفّ
من زحمة الوِحدة

يمكن اشوفك تاني
وابدأ اعيد وصفك
لو جيتي في مكاني
تلاقيني أنا في صفّك
ويمكن تلاقي القمر
ضاحك ومش باكي

وهيعترف وقتها:
أنا عمري ما أنساكي..

#مؤمن_بسيوني

عمري ما أنساكي - مؤمن بسيوني

On YouTube:
https://youtu.be/onBLvYdQ8gM

(Defeated Version) of Tagreba
The First Collaboration with Ibrozzak 
التعاون الأول مع إبراهيم العزاق - التجربة


Lyrics, Vocals: Momen Basuny

Music Production: Ibrozzak
Artwork: Belal Abosamra & Momen Basuny


Follow Momen on:
Instagram: https://www.instagram.com/momenbasuny​​​
Facebook: https://www.facebook.com/illashee2​​​
Twitter: https://twitter.com/momenbasuny​​​
SoundCloud: https://soundcloud.com/momenbasuny​​​


Follow Ibrozzak:
https://www.instagram.com/ibrahimalaz...​
https://soundcloud.com/brozzakusic/de...​


أنا مؤمن بسيوني
بحاول أترجم تجاربي لأعمال فنّية مختلفة
وأشاركها معاكم


تقدر تشترك في القناة من هنا:
https://bit.ly/momenbasunychannel

 تابعني على إنستجرام :
https://www.instagram.com/momenbasuny

الكلمات :

وقت أما كانت تجربة بتموت
أنا كنت بحيي تجربة تانية
كان نفسي إن الوقت كلّه يفوت
والوقت كان للأسف
بيعدّ ساعة في كل ثانية

كان وقت صعب
أكيد كان وقت صعب 
والحزن كان أصعب
وطول ما فيه تجربة ف أنا هجرّب
ف بدأت حتى ساعِتها أتقرّب
من كل حاجة كانت تقرّبلي
كل الحاجات السيئة جداً
كانت بتهربلي..

صاحبي هناك بيخاف من العقرب
مش عقرب الساعة ، لأ عقرب الأبراج
وأنا كل خوفي وقتها جايز
لا عقارب الساعة تلسعني بالإدراك

بطّل تبص وراك
هتعيش حزين بردو
وتلاقي سوء إدراك
كان الحنين فارضه
الماضي كلّه أحزان
ف الجاي أكيد أحزن
وإذا يعني بالإمكان
بطّل تعيش أحسن
وكمان بطّل تموت
إثبت في وضع سكوت
أو حتى هِد بيوت
بنيتها في خيالك

ومتسأليش مالك
مالكيش في نَفسِي حق
لا أنا روحي دي ملكك
ولا قلبي ليكي دق
ف بلاش تقولي لأ
سيبتيني والله
ومشيتي تتباهي
ببواقي قِصتنا
الدنيا دي تلاهي
وبتقفل المَشهد
من غير ولا سوكسيه
على شكل رقصتنا
سيبتيني طيب ليه؟

وأنا كل حلمي إني أتأملك بهدوء
سيبتيني بتألم ومشيتي بإرادتك
لكن هقول شكراً ، ده لأني ببدأ أفوق

#مؤمن_بسيوني

Momen Basuny - مؤمن بسيوني

Popular tracks