Тэр survival lifestyle нь Тараг ухаантай хүн болоход нөлөөлсөн байх, хэдий боловсрол эзэмшээгүй ч тэр үедээ сургуульд сурдаг хүүхдүүдийн мэдэхгүй маш их амьдралын хичээл үзсэн байх даа.

Мэдлэг боловсролын хүч агуу агуу...

#9 Brain Rules for Baby
Xүүхдээ хэрхэн аз жаргалтай, ухаантай, хүмүүжилтэй хүн болгож өсгөх вэ? Энэ асуултанд тархи судлаач биоинжинер Жон Медина Хүүхдийн тархиний хөгжил, сэтгэл зүйн талаарх олон арван жилийн алдартай судалгаанууд дээр үндэслэн энгийн ойлгомжтойгоор хариулах болно. 
Зөвхөн эцэг эхчүүдэд төдийгүй, хүүхэдгүй залуучууд ч гэсэн өөрийнхөө ямар хүмүүжлээр өссөнийг, тэр нь одоогийн чамайг хэрхэн бүтээснийг ойлгоход хэрэгтэй ном. 
Хүүхдийн ямар хүн болж төлөвших вэ гэдэг нь төрөлхийн эх эцгээс удамшиж авсан чанар 50%, хүмүүжлээс шалтгаалах нь 50% байдаг аж. Нэн ялангуяа 0-5 насны хүмүүжил хүүхдийн ирээдүйн ихэнх хэсгийг тодорохойлдог. Ажил, хүүхэд гэсээр ном унших завгүй гүйдэг эцэг эxчүүд маань энэхүү дугаарыг сонсож ном унших цагаа хэмнэхээс гадна, номны сайтаар ороод өөрийнхөө хүмүүжлийн арга барилыг 20 асуултаар шалгаад үзээрэй: http://www.brainrules.net/brain-rules-for-baby-parenting-quiz

Unlock mongol podcast

#9 Brain Rules for baby

Хүний биеийг үүсгэж буй 1 эс тутамд цаана нь 9 микроб эс байдаг бөгөөд, эсийнхээ тоогоор бол бид бүгд үнэндээ зөвхөн 10% Хүн гэдэгийг уг номонд тайлбарлсан. Бидний цус, булчин, арьс, эрхтэн , тархи гээд хүнийг бий болгож буй зүйлээс гадна микроб,  бактери, мөөгөнцөр зэрэг нь хувь хүн болгоны салшгүй хэсэг юм. Түүгээр ч зогсохгүй тэрхүү микробууд нь хэрхэн бидэнд нөлөөлж байдаг тухай олон маргаантай сэдвүүд дээр тайлбарлана.

#11 10% Human

2017 оны эдийн засгийн салбар дахь Нобелийн шагналыг хүртсэн Чикагогийн их сургуулийн профессор Ричард Тейлерийн Харвардын профессор Касс Санстэйнтэй хамтран 2008 онд бичсэн сэтгэл зүйн эдийн засгийг олон нийтэд ойлгомжтойгоор тайлбарласан номыг хүргэж байна.

unlock podcast

#21 Nudge

Та бүхэндээ 2017 оны хамгийн сүүлийн дугаараар Харвардын Бизнесийн Сургуулийн нэрт профессор Clay Christensen-ий James Allworth болон Karen Dillon-тай хамтран бичсэн New York Times-ийн bestseller “Та амьдралаа хэрхэн үнэлэн дүгнэх вэ?” гэсэн гайхалтай бүтээлийг 3 хөтлөгчийн зүгээс хамтдаа хүргэж байна.
Хэрхэн ажил төрлөө зөв сонгон сэтгэл дүүрэн амьдрах вэ? Яаж хувийн амьдралаа зөв зохицуулж аз жаргалтай амьдрах вэ? Хэрхэн шудрага ёс, үнэ цэнээ алдалгүй амьдрах вэ? гэсэн хүний амьдралд хамгийн чухал үндсэн асуултуудад Clay Christensen профессор маань өөрийн хувийн амьдрал болон олон жилийн судалгаа дээрээ үндэслэн энэхүү бүтээлийг олонд хүргэсэн байна.

Unlock podcast

#23 How will you measure your life?

АНУ-ын алдарт блогчин Марк Мэнсоны бичсэн “Тоомжиргүй амьдрах бяцхан урлаг: Сайхан амьдралд хүрэх эсрэг зам” хэмээх гайхалтай бүтээлийг энэ удаа танилцуулж байна. Энэхүү ном маань 2016 онд хэвлэгдсэнээс хойш 60 гаруй долоо хоног Нью-Йорк Таймсын шилдэг номын жагсаалтад зүй ёсоор орж байгаа бүтээл юм.

Үндэслэлтэй бодит судалгаа болон залуус хоорондох ярианы хошигнолыг хослуулан бичсэн энэхүү бүтээл нь хүмүүс бид алдаа дутаглдлаа өөртөө хүлээн зөвшөөрснөөр бидний сэтгэлийг ямагт зовоож байдаг алдахаас айх айдас, эрсдэл, эргэлзээг даван туулах нь хэрхэн илүү хялбар байдгийг танд ойлгуулах болно. Хэдий энэхүү үйл явц бидэнд хүнд бэрх байх боловч хэрхэн амьдралд тохиолдох аливаа асуудалд уурлаж бухимдалгүй, зөвхөн утга учиртай, өөрт чухал зүйлсэд анхаарах хэрэгтэйг ойлгоно. Энэ бол тоомжиргүй амьдрах урлагийн ухаан юм.

Unlock Podcast

#35 The Subtle Art of not giving a F***

#39 Educated by Tara Westover
Энэ удаагийн дугаартаа та бүхэндээ Америкийн залуухан түүхийн профессор Tara Westover-ийн бичсэн "Educated" номыг хүргэж байна. Энэ жил гарсан цагаасаа эхлүүлэн New York Times-ийн шилдэг таван бэстсэллэр номонд бичигдэж, дуулиан шуугиан тарьж буй уг номонд зохиолч 10 жилийн боловсрол ч байхгүй өөрийнхөө хүнд хэцүү бага наснаас хэрхэн Кeмбриджийн их сургийлийн доктор болтлоо өндөр боловсрол эзэмшсэн талаарх сэтгэл хөдлөм түүхийг дүрсэлжээ. Боловсрол хүнийг өөрчлөх хүчтэй, бүр гэр бүлийн буруу хүмүүжлээс ч хүчтэй байж болохыг Тара энэ номоороо баталжээ. 
Түүний ярилцлагыг дашрамд нь эндээс үзээрэй: https://www.youtube.com/watch?v=TLTMiXphDkc

#39 Educated

#42 Power of Now

Бид энэ удаагийн дугаартаа зочин Саранг урьж "Power of Now" буюу "Одоо цагийн Хүч" номыг та бүхэндээ хүргэж байна. Анх 1997 онд хэвлэгдэн гарсанаасаа хойш Дэлхийн Шилдэг номын жагсаалтанд удаа дараалан бичигдэж, нийтдээ 33 хэл дээр орчуулагдан олон сая хүний амьдралд томоохон өөрчлөлтүүдийг авчирсаар ирсэн ном юм. Энэхүү ном нь жинхэнэ би гэж хэн болох, тэрхүү би-д хэрхэн хүрэх, оюун санаа болон эго, түүнээс яагаад ангижрах хэрэгтэй гэх мэт бидний жинхэнэ мөн чанарын тухай чухал бөгөөд ярьвигтай сэдвийг хөндөн өгүүлэх болно. Мөн, зохиогч Экхарт Толл гуайн ярилцлагын доорх линкээр орж үзэх боломжтой.

#42 Power Of Now

#44 Blink by Malcolm Gladwell

Энэ удаагийн дугаартаа The New Yorker сонины сэтгүүлч, The Tipping Point, Blink, Outliers гэх мэт олон шилдэг номоороо алдаршсан Malcolm Gladwell-н Blink номыг та бүхэндээ танилцуулж байна.

Blink ном нь хувь хүн хэрхэн "бодохгүйгээр бодож" шийдвэр гаргадаг, тэрхүү шийдвэр гаргах процесс нь ердөө л нүд эрмэхийн зуурт хэдхэн секундэд болж өнгөрдөг бөгөөд энэхүү процессийн эерэг ба сөрөг талуудыг маш олон сонирхолтой жишээг ашиглан ойлгомжтойгоор тайлбарласан заавал унших ёстой сонгодог номнуудын нэг юм.

#44 Blink

53 дахь дугаартаа зочин Дэнар(Дэлгэрнаран) -тай хамтдаа Тэгээс Нэг рүү тэмүүлэх нь (Zero to One) номыг хүргэж байна. Paypal-н үүсгэн байгуулагчдын нэг, хөрөнгө оруулагч (Facebook-н хамгийн эхний хөрөнгө оруулагчдын нэг гэдгээрээ мөн алдартай) Peter Thiel-н бичсэн энэхүү ном нь гарааны бизнесийн тухай "сонгодог ном" билээ. 2012 онд Станфордийн их сургууль дээрх лекц нь хураангуйлагдан энэхүү алдарт ном болж 2014 онд хэвлэгдэн гарсан юм. 
Подкастын төгсгөлд Дэнарын ном хурдан унших арга барил, мөн түүнтэй хэрхэн холбогдох тухай сонсох болно.

#53 Zero to One

#54 Intelligent Investor by Benjamin Graham

Ээлжит дугаараараа бид хэвлэгдсэн цагаасаа хойш 60 гаруй жилийн турш хувьцааны хөрөнгө оруулалтын библь хэмээн нэрлэгдэж ирсэн "Ухаалаг хөрөнгө оруулагч" номыг танилцуулж байна.

Хувьцааны хөрөнгө оруулалтын эцэг хэмээн нэрлэгддэг Бенжамин Граэмийн бичсэн уг номноос та Варен Бафет зэрэг өнөө цагийн алдарт хөрөнгө оруулагчид ямар зарчмыг баримталж тогтвортой ашигтай ажиллаж ирснийг ойлгох болно. 
Уг номыг эх хэл дээрээ авч уншихыг хүссэн Unlock сонсогчдод www.internom.mn сайтаас 10% хямдралыг бэлэглэсэн тул энэ дугаараас нууц үгийг олж сонсоорой.

#54 Intelligent Investor

# 55 дах дугаартаа When Breath Becomes Air буюу "Амьсгал агаар болох мөчид" номыг хүргэж байна. Идэр залуухан 36-хан насандаа уушигны хорт хавдарын улмаас өөд болсон мэдрэлийн мэс засалч, эмч, зохиолч Paul Kalanithi-ийн бичсэн энэхүү ном нь 2016 онд өөрийг нь таалал төгссөнөөс хойш хэвлэгдэн гарж, 39 хэл дээр орчуулагдан гаржээ. Түүний амьдралынхаа сүүлийн мөчүүдэд бичсэн энэхүү ном нь үхэлтэй нүүр тулгарсан үе дэх амьдралын утга учир, амьдрах өдөр нь тоотой цөөхөн болоход яагаад, юуны төлөө амьдрах вэ гэх зэрэг философийн гүнзгий асуултанд эмч болон өвчтөн хүний өнцөгөөс хариулж дэлхий даяар олон сая уншигчидын сэтгэлийн утсыг хөнджээ.

#55 When Breath Becomes Air

UNLOCK Podcast : мэдлэг мэдээлэлийг анлок хийж хуваалцацгаая!

#39 Educated

UNLOCK Podcast

Recent comments

Ganbat Dolgorsuren

Erhembayr Baatar

Anudarifa

Anudarifa

Related tracks