Ойрад - тагна соёны урианхай дуу

Үдэлт

Ээхэн зариа унаад аа
Эрхэтийн хөндийг туулахдаа
Энхрий хүү минь наддаа
Энгэрээ үнэрлүүлээд мордоорой хоё
Энхрий хүү минь наддаа
Энгэрээ үнэрлүүлээд мордоорой хоё

Дааган зариа унаад аа
Дархдын хөндийг туулахдаа
Даамай хүү минь наддаа
Даахиа үнэрлүүлээд мордоорой хоё
Даамай хүү минь наддаа
Даахиа үнэрлүүлээд мордоорой хоё

Хаан зариа унаад аа
Хандгайн хөндийг туулахдаа
Хайртай хүү минь наддаа
Хацраа үнэрлүүлээд мордоорой хоё
Хайртай хүү минь наддаа
Хацраа үнэрлүүлээд мордоорой хоё

Ээхэн зариа унаад аа
Эрхэтийн хөндийг туулахдаа
Энхрий хүү минь наддаа
Энгэрээ үнэрлүүлээд мордоорой хоё
Энхрий хүү минь наддаа
Энгэрээ үнэрлүүлээд мордоорой хоё

Udeit

Буриад ардын дуу, 1930 оны үеийн хэлмэгдүүлэлтийн үеийн дуу

Хадны оройгоор

Уулын оройгоо харахад аа еэ
Униар манан соо наран байна аа хө
Учирсан ганцыгаа санахад аа еэ
Уулзахын аргагүй холол байна хө

Хатуу машиныг уяраадаг нээ
Газар хөдөлсөн шиг байна хө
Гарсан нутагаа харахад аа еэ
Галав юүлсэн юм шиг байна хө

Төмөр машинаа уяраагаад
Төв нь хөдөлсөн шинж байна аа хө
Төрсөн нутагаа харахад аа еэ
Төрөл арилжсан юм шиг байна аа хө

Хадны оройгоо харахад аа еэ
Харанхуй манан соо наран байна аа хө
Ханилсан ганцыгаа санахад аа еэ
Харилцахын аргагүй холол байна аа хө

Hadin oroigoo

Хотгойд ардын уртын дуу - Хүрэн толгойн сүүдэр 

үрэн толгойн сүүдэр

Хүрэн толгойн﻿ сүүдэр
Хөндийгөө дагаад хүүшлэнэ дээ
Хүний бага л чамтайгаа
Сэтгэл юундаа даслаа даа хө﻿

Алаг толгойн сүүдэр нь
Араан дагаад хүүшлэнэ дээ
Амраг жаахан чамтайгаа
Сэтгэл юундаа даслаа даа хө

Ангир шувууны дэгдээхий
Араан дагаад цуврана даа
Аль газрын чамтайгаа ﻿
Сэтгэл юундаа даслаа даа﻿ хөө



Lxamjav - Xuren Tolgoin Suuder

Бүсгүй хүний заяа

Хажуу газар ургана гэдэг чинь дээ хө
Хайлаас модны жам юм аа хө
Харийн газар очино гэдэг чинь дээ хө
Бүсгүй хүний заяа юм аа хө

Уруу газар ургана гэдэг чинь дээ хө
Улиас модны жам юм аа хө
Ургийн газар очино гэдэг чинь дээ хө
Бүсгүй хүний заяа юм аа хө

Өндөр газар ургана гэдэг чинь ээ хө
Өргөст модны жам юм аа хө
Өөр газар очно оо гэдэг нь ээ хө
Бүсгүй хүний заяа юм аа хө

12 Chimidtseye - Busgui Hunii Zaya

Хөөрхөн халиун

Хөөрхөн халиун долгин шүү
Хөлд нь сууж бариарай.
Хүний газар хэцүү шүү
Хүлээн байж дасаарай

Хайчинхан халиун долгин шүү
Хазаарыг нь татаж мордоорой
Харийн газар хэцүү шүү
Ханилан байж дасаарай

Sharaldaeva Hoorhon Haliun

Хүрээ дуу

Хэен хуар

Суудаг байшингий минь
Сураглаад асуувалдаа хө
Цуварсан гурван цагаан байшингийн
Дунд талын шилэн байшин даа хө
Хэен хуар аа хэзээнээс ээ мөн

Уудаг усыг минь
Сураглаад аа асуувалдаа хө
Урд талын гурван худагны
Дунд талын алтан худаг аа хө
Хэен хуар аа хэзээнээс ээ мөн

Унасан морийг минь
Сураглаад асуувалдаа хө
Урдаа зүгийн усан чиг жороо
Ухаа хонгор морь шүү дээ хө
Хэен хуар аа хэзээнээс ээ мөн



Heen Huar

Таван хасаг

Хотлоор хотлоор хонийг нь авъя
Хундан цагаан хуцыг нь өгье
Буйдар Тэгно Бологур хасаг
Бүхнийг дээрэмдсэн таван хасаг

Урдуур дүүрэн үхрийг нь авъя
Улаан халзан бухыг нь өгье
Буйдар Тэгно Бологур хасаг
Бүхнийг дээрэмдсэн таван хасаг

Араар дүүрэн адуугий нь авъя
Армаг тарган азаргыг нь өгье
Буйдар Тэгно Бологур хасаг
Бүхнийг дээрэмдсэн таван хасаг

Тээлээр дүүрэн тэмээгий нь авъя
Тэшилгэн дуутай буурыг нь өгье
Буйдар Тэгно Бологур хасаг
Бүхнийг дээрэмдсэн таван хасаг

Хадаар дүүрэн ямаагий нь авъя
Хар халтар тэхийг нь өгье
Буйдар Тэгно Бологур хасаг
Бүхнийг дээрэмдсэн таван хасаг

Талаар дүүрэн малыг нь авъя
Таван эрдэнэ ... өгье
Буйдар Тэгно Бологур хасаг
Бүхнийг дээрэмдсэн таван хасаг

Алт шиг болсон авыг нь авъя
Эрдэнэ болсон ээжий нь өгье
Буйдар Тэгно Бологур хасаг
Бүхнийг дээрэмдсэн таван хасаг

Tavan hasag (Five Kazakhs)

Конгурей

Алдан четкен чылгымны?
Алазы кайдал, Ко?гурей
Алды кожуун чонумну?
Аалы кайдал, Ко?гурей

Чеден четкен чылгымны?
Челези кайдал, Ко?гурей
Чеди кожуун чонумну?
Чери кайдал, Ко?гурей

Сезен четкен чылгымны?
Сези кайдал, Ко?гурей
Сес-ле кожуун чонумну?
Сези кайдал, Ко?гурей

Тозан четкен чылгымны?
Тозу кайдал, Ко?гурей
Тос-ла кожуун чонумну?
Тозу кайдал, Ко?гурей

Kongurei

Дайралцаа

Зээ хүү минь, тийм үү дээ

Хэлэлцэе гэвэл хэлэлцэе ээ
Хэрэлдэхээс чинь айна би
Хэрмийн сүүдэр дагаад чи
Дутаахаас чинь айна би

Зээ хүү минь, тийм үү дээ

Галбарагчи зандан мод газрын хаана ургаваа
Гайхамшигт дөрвөн үндэс нь ямар оронд тулав даа
Гол сайхан салаанд нь ямар шувуу үүрлэв дээ
Гилбийж хэвтсэн биеийг нь ямар мэргэн харвав даа

Галбарагчи зандан мод нь газрын хүйсэнд ургаж шүү
Гайхамшигт дөрвөн үндэс нь лусын орон тулж шүү
Гол сайхан салаанд нь гарди галбингаа үүрлэж шүү
Гилбийж хэвтсэн биеийг нь Гэсэр мэргэн харваж шүү

Анхдугаар галавыг ямар бурхан эзэлвээ
Арчи зандан мод нь ямар газар урагаваа
Хоёрдугаар галавыг ямар бурхан эзэлваа
Ховор нандин наяа хул аль газар ургаваа

Анхдугаар галавыг Хорванчиг эзэлжээ
Арчи зандан мод нь асар хурмаст ургажээ
Хоёрдугаар галавыг Сэртэв бурхан эзэлнээ
Ховор нандин наяа хул тэнгэрийн ордонд ургажээ

Гуравдугаар галавыг ямар бурхан эзэлвээ
Галав дэлхий дахиныг ямар хаан үндэслэв ээ
Дөрөвдүгээр галавыг ямар бурхан эзэлвээ
Дэлхий дахины түүхийг нь ямар хаад тэгшилвээ

Гуравдугаар галавыг Одсүрэн эзэлнээ
Галав дэлхий дахиныг Чингис хаан үндэслэжээ
Дөрөвдүгээр галавыг Шагжамүни эзэлжээ
Далхий дахины түүхийг нь бүгдийн эзэн тэгшилнээ

Зэ хүү минь, тийм үү дээ

Одоо үеийн галавыг ямар бурхан эзэлвээ
Ум ма ни бадмэ хум ямар бурханы тарни вэ

Одоо үеийн галавыг Шагжамүни эзэлнээ
Ум ма ни бадмэ хум Аръяабал бурханы тарни шүү

Тэнгэр дээрхи нарыг төвдөөр хэлвэл юув тэр
Тэрэгний дөрвөн хүрдийг хятадаар хэлвэл юув тэр
Малгай дээрхи залаагий нь манжаар хэлвэл юув тэр
Манай эндэхи муурыг горлосоор хэлбэл юув тэр

Тэнгэр доорхи нарыг төвдөөр хэлвэл няма шүү
Тэрэгний дөрвөн хүрдийг нь хятадаар хэлвэл цуанлун шүү
Малгай дээрхи залаагий нь манжаар хэлбэл отго шүү
Манай эндэхи муурыг горлосоор хэлвэл хэшиг шүү

Дайралцаа холбоо урлагаа
Даяар олондоо таниуляа
Давшсан Монгол үндэстнийхээ
Түүх соёлоо мандууляа
Дан давхар холбоогоо
Даян дэлхийд дуулгая аа
Дуулалт урлаг холбоогоо
Дэлхий дахинд танилцууляа



Mongolian songs

Popular tracks