ع البولك قبله ياما أتى عالم
شوف الفردي لما يآتي ع اللم
وخد ست اشهر يتعلم
متولي
يا جرجاوي يا جرجاوي
يا متولي يا جرجاوي
******************
يا بوزين عندك فضار بالنار
وشبابيكك في الدار بنُار
ده خد شريطة في ضرب النار
متولي
يا جرجاوي يا جرجاوي
يا متولي يا جرجاوي
*********************
ناسه على رجوليته شارطين
وكان في بلده شاري طين
واترقى وأخد شريطين

أصل الراجل الخالي ما بيتشويش
وفيه طوارق بتشوش
غايته بلغ باش شاويش
متولي
يا جرجاوي يا جرجاوي
يا متولي يا جرجاوي
********************
متولي بلغ باش شاويش وجاته أورطة من منقبات ...تيع أسيوط

الأورطة فيها عسكري ماشي بكيفه
بالمال أهله بيكفوه
قوم متولي ضربه بكفه

قاله ازاي بتضربني يا جبان
روح ادفن نفسك جوة جبانة
آدي صورة اختك جوة جيبي آنا
يا متولي
يا جرجاوي يا جرجاوي
يا متولي يا جرجاوي
************************
متولي لما شاف الصورة بقى زليل ونفسه مكسورة وقام سريع راح للكومندان.

يقول انا مش باخد العُشر والجازة
أنا إن عملت غلط أتجازى
أمانة يابيه اديني أجازة

دنيا غرورة لما تولي
لو كان على قطب وميت ولي
قاله مالك بيها يا متولي

قاله يا بيه أبويا في خطر

متولي كان وجيه والصورة حلو
على اللي بيوصي راح له
باسبوع مضى له وصرح له

طلع تايه يقول جرحي يسيع ايدي
ومليان أفكار الساعة دي
ركب في القطر الصعيدي
متولي
يا جرجاوي يا جرجاوي
يا متولي يا جرجاوي
**************************
ركب في القطر الصعيدي و الساعة أربعة وصل بلده,

له عائلة كريمة يقدموا علبتهم
ما ربتلهم علًة بتهُم
روًح وخبط على بيتهم

يقول انا جسمي استوى و اتبرى
كمان تهموني وغيري اتبرا
أبوه قال ع الباب مين أتى برة

قال له افتح يابا دانا متولي.

فتح له الباب يقول له سلامات
عضامي على بعض سلمت
ليه تاركني وتنسى اللمات
يا متولي
يا جرجاوي يا جرجاوي
يا متولي يا جرجاوي
********************
قاله يابا مش عايز سلامات عايز اعرف فين اختي شفيقة.

قاله من بعدك تاني ليلة
يابني اختك صبحت عليلة
وماتت والدوام لله
يا متولي
يا جرجاوي يا جرجاوي
يا متولي يا جرجاوي
********************
قاله يابا بنتك لو انت ربتها
ما طرفتشي وتاخد الطر بيتها
طب قوم وريني تربتها

قاله اختك من يومك مشت
وسابتني ولا اختشت
وابوك عجز وعقله شت
يا متولي
يا جرجاوي يا جرجاوي
يا متولي يا جرجاوي
**********************
طلع متولي من البيت زعلان

طلع تايه من المنزل
يقول العقل مني زل
قطع ورقة لاسيوط ونزل
متولي
يا جرجاوي يا جرجاوي
يا متولي يا جرجاوي
.....
للريس حسن

شفيقة ومتولي.. الاصلية

كف 1

عبد العال البنجاوى - زعل القرايب

نوح الحمام _ السمسمية السويسي

العربى  فرحات البلبيسى
من مواليد محافظة الشرقية 
قدم الأناشيد الدينية فى فترة السبيعينات و الثمانينات 
قدم عديد من قصائد المديح فى حب النبى و أنشد عدد من الإبتهالات
أشهر أعماله على الإطلاق هو ألبوم قصدت بابك
و له قصائد أخري عديدة مثل مواكب الرحمة و أول ما كتب القلم و زفة الحجاج 

قصدت بابك
...............
قصدت بابك و غير بابك ماقصدتوش
قايل بابي مفتوح و عمري ماقفلتوش
يا ساتر الستر استرها ماتفضحهاش
ولغيرك انت ابداً ماتـحوجــناش
و الحق يعلي و احنا ع الحق مانعلاش
زي اللي قبلنا ما قالوا .. العين ع الحاجب ماتعلاش
و اذا كنت بتحب ..حِب ..
بس لازم تكون حساس
و فتش ع روحك قبل ما تفتش يا واد ع الناس
و انظر لبيتك ولا تنظرش لبيوت الناس
و اللي ماترضهوش ع روحك .. ماترضهوش يا واد للناس
ياما كان ع الدنيا فتوات .. قبلنا يقولوا احنا احسن ناس
صبحُم رمايم يا خويا و دوسوا عليهم الناس
اسمع كلام ربنا العزيز اللي قاله لجميع الناس
و جنة الخلد هايدخلها .. الكاظمين الغيظ والعافيين عن الناس
أول ما كتب القلم كتب القلم الله وكمل السطر بمحمد رسول الله
قال هو حبيبى اللى محبوبى هو خير خلق الله
و اللى يصلى ع الحبيب النبى يا فرحته يا هناه
واللى هتعمله النهاردة بكرة أمام الكريم تلقاه
يا آل بيت النبى أنا هناديكم طمعانفى نظرة رضا ليا العشم فيكم
طمعان فى نظرة رضا ليا العشم فيكم، أنا ليا أربعة فى وقت الضيق بناديهم
سيدنا الحسن و الحسين و السيدة والإمام على أبيهم
وازاى انا ارضى يا سيدنا الحسن و انا روحى مولانا 
مولانا سيدنا الحسين ولى النعم، شباب الجنة، أبا العالمين
شيخ العرب يا بدوى، أبو السباع يا آل البيت يا أهل البيت
يا آل بيت النبى.. يا آل بيت النبى 
أمانة متفوتونيش عايز أنول مطلبى بس فى حماكم أعيش
الناس شافونى ببكى يا سيدى عبد الرحيم يا قناوى قالوا لى متبكيش
انا قلت ببكى على حالى يا خلق متلومونيش 
ضعيت مالى على جرحى وعايز أعيش 
وبدل ما ألبس حرير يعجبنى لبس الخيش
وبدل ما أكل طيور متنضفة من الريش أكل بملحى حصى وأغمسه بالعيش
يا عينى يا عينى يا عين
نزلت بحر الحبيب النبى ولا خوفت من الطراطيش
نادى عليتا المراكبى وقالى متعديش
أنا قلت ليه يا حبيبى عدينى وخد بقشيش
عايز لجرحى دوا يا احمد يا بدوى لكن مابلاقيش
قومت اشتكيت الطبيت اللى معالجنيش 
القاضى شاف شكوتى زعلنى ومنصفنيش 
قالى يا جريح الهوى لو كنت ناوى تعيش 
سافر إلى مصر واشكى لمولانا سيدنا الحسين حالك
هتنول آمالك يا حبيبى وتتهنى مع الدراويش
أنا اللى أهل بيت النبى من أهلى خدونى
 وعلى باب مولانا سيدنا الحسين ع الباب وسابونى


 


موال البنت قالت لابوها

Moo Ka

Related tracks