عبد المأمور على مر العصور
    عيش ندل تموت مستور
     أشهد بشهادة زور
     أركب موجة اللي يثور  
  هزق أم اللي يغور  
  أقف ثابت ف طابور  
  مستني يجيلك دور  
  علشان تركع و تبوس  
  ايد الباشا الدبور    
وتطبل ع القنوات .. وتغرد كالعصفور
 يحيا الباشا الدبور .. يحيا الباشا الدبور
  ولا عمرك كنت ثائر .. ولا ف يوم هتثور  
  انتا شغلك و وظيفتك انك عبد المأمور 
 
 
 
 
                           ***********************************   
 
 
 
 
 
    عبد المأمور ده لقطة  
  ف بجاحته مفيش اتنين  
  مع ان كلامه اونطة 
    تحكي عليه الملايين 
    عبد المأمور محبوب
 عبد المأمور مرغوب   
عبد المأمور اسلوب  
  شوفت القاهرة 30   
فاكر استاذ محجوب 
 
 
           
 
          ********************************
 
 
    محجوب افندي لو تفتكروه  
  باع دهب امه و حمارة ابوه  
  وقام نازل على مصر    
وهناك اتعلم و اتهندم  
  واتعين و قالوله يا افندم  
  اتعين ايه .. عند الباشا عرص  
    وده عبد المأمور و ده أصله 
    علشان يترقا يعرصله  
  وشرفه الغالي يرخصله  
  ومراته تصب و ترقصله  
    قرني و منافق و مرتشي 
    لكن أيامها كان يختشي  
  عبد المأمور كان عنده ذوق 
    كان بيشغالها لكن بهدوء  
  كان يندم و يعاتب نفسه  
  كان عارف عيبه و كان حاسه  
  كان يمشي و عنيه مكسورة  
  لما يجيب سيده للسنيورة
     وده كان زمااان عبد المأمور 
        ********************************
         وتعالى ألفين و أربعتاشر  
  واتفرج على عبده مباشر 
  هتلاقي التعريص عيني عينك  
  وقبيح و يسبلك دينك 
     وسخ قوي عبد المأمور 
  أهبل و عبيط و بريالة  
  وبجاحة و نطاعة و سفالة  
  مبيختشيش عبد المأمور  
  يفخر بنفسه و يتباهى  
  و تفضحه يقوم يتمادى
     فجر خلاص عبد المأمور
      بقا له محطة و له قنوات .. بايع لمن يجي يشتري 
    دراع نظام و له عضلات .. وعلى خلق الله بيفتري   
  ملعون ابو عبد المأمور 
 
 
                                                                                                                 **************************************************
 
 
 
 
 
    والأيام ديه الشغلانة لمت  
  كتر قوي عبد المأمور     
والناس يا عيني مهما اتخمت  
  ماشيين ورا عبد المأمور  
  تمالي يطلع متنكر    
ف مرة يلبس شيخ ازهر  
  ومرة قسيس متنصر  
  ومرة شاعر متعنتر  
  ومرة ميري و متعسكر  
  وكلهم عبد المأمور  
  وكل عبده و له طريقة  
  وكل عبده و له جمهور  
  يثبت الناس ف دقيقة  
  والناس متعرفش المستور
 
 
 
 انه ظاهر دين جديد  
اللي داعي له العبيد
 
 
والرب فيه هو المأمور
 لا تسأل عن الأمر
 
 
فسؤالكم محظور 
و سائل السؤال كافر
 
 
اما الحلال اقتل انهب  أسرق
اما الحرام انك يكون عند مبداء 
 
 
اما الكتاب حسب الظروف بيتؤل
اما العذاب انك تشوف حقيقة وضحة بتتحول 
 
 
اما الملايكة بيسجلولك كل فعل
 مستنين انك تمل   
اما الأبلسه امنوا بالدين الأضل
خروا ركع ساجدين قالوا هذا الدين حل 
 
 
فيه الميزان رمز الجنان
فيه الشرف ملهوش مكان
 
 
فيه الأيمان فن الممكن
فيه الخسيس أجدع مؤمن
 اما  معجزة  الأله  انه رغم الهبل لساه اله 
وان العبيد رغم  الفشل مستنيين طوق النجاه 
 
 
 
 


mr-jupiter