Bombo&Roka wedding song

لمتابعة مزيد من القصايد دوس لايك 
www.facebook.com/morcos.naeimwords?ref=bookmarks

قولتلها معقول انا
قالتلي اه ومش معقول ليه
قولتلها انا عارفك يادوب من سنة
قالت بس عرفت انت جميل اد اية
قولتلها سلامة الشوف
و سالتها دا لونه اية قالت موف
 
طب اية بقي
سابت كل الناس
و بتقولي انا يا جميل
و انا لا عيوني الوان 
ولا بين الناس طويل
و دقني يادوب بتنابت
مش عارف اعملها دوجلاس
و لسة هابوصلها تاني
قالتلي هااااا.. اخلص
تقبل تشاركني حياتي
و تسجلني في موبيلك حياتي
 
قولت دا اكيد مقلب و صحابي بيهزروا
و زعقت كفايا هزار بجد بقي بطلوا
و اللي هيهزر تاني بامانة ربنا هخسروا
يس محدش رد 
و لمحت دمعة في عينها
و قالتلي انا معيش حد
سالتها و بصوت خايف 
يعني انتي بتحبيني بجد
سكتت و مارديتش
بس دموعها قالتلي
اية ؟؟ انت مابتفهمش
 
سالت نفسي ازاي
و انتي اي حد يتمناكي
حلوة بجد من براكي و جواكي
و يااااااااه علي جمال عنيكي
و عطرك اللي ملون الدنيا حواليكي
و الشعر اللي يعمي لو باصله حسود
من سحره وهو نازل برقة ع الخدود
قولت برضة لا مستحيل
طب علي اي اساس بتقولي جميل
 
قالت انا شوفت حلوين اشكال و الوان
بس ماشوفتش واحد زيك بالحنان ماليان
و انت بتطبطب علي قطتي
حسيت بجد انك انسان
كنت بتاكلها بايديك
و عنيك ماليانة حنان
قولت عمري ما هلاقي زيك تاني محال
و انت اكيد هاتصوني لو جمالي راح او زال
قولتلها هخبيكي بين ضلوعي
و ان بردتي ادفيكي بنور دموعي
 
رفعت راسها بثقة
و فتحت عينيا حبة
ولسة هقول بحبك
لقتني ع المحدة
افتكرت جمال عنيها
و فضلت اتوه و اشبه
و في لحظة كنت شاتم
يلعن ابو المنبه


معقول انا !! - مرقص نعيم

لمتابعة مزيد من القصايد دوس لايك 
www.facebook.com/morcos.naeimwords?ref=bookmarks

تعمل اية علشان تعجبها !!!
فكر حبة كدا هتجبها
تحلق دقنك ولا تسيبها
ترفع حواجبك او تقلبها
تشفوط بطنك و تخسلها
تعمل اية علشان تعجبها !!!

ترن كتير و تكلمها....
ولا بنظرة واحدة تجبها
تشخط فيها كدا ترعبها
وتعمل نفسك قال اية خاطبها 
تعمل اية علشان تعجبها !!!

تعزمها في حتة هادية وشيك
و هاتلنا 2 تشيكن الا اجريك
ابعد يابني الله يخليك
لا تخرب بيتك وياه بيتها
تعمل اية علشان تعجبها !!!

تهريها بوستات ع الفيس
وتشوفها عروسة وانت عريس
وتعمل من حبك لوحة .. 
وتعلقها بالدبابيس
وتحلف انك عمرك يوم ما تسيبها
تعمل اية علشان تعجبها !!!

تلف علي قلبها و تزن
ولا تحضر سحر وجن
وتقول بكرة اكيد هتحن
مانا وراها هجيبها هجيبها
تعمل اية علشان تعجبها !!!

حوطها حلقة ياسيدي في ودنك
عمرك ما بميزة هتصيبها
زي موبيل او كاميرا جديدة
لو في الاحسن ..اكيد هتجبها
مش هتلاحظك وتكون ليك
غير لو انت بجد حبيبها
وحتي ان فيك عيوب الدنيا
مش هتسيبك...
بس انت ... اياك تسيبها


تعمل ايه علشان تعجبها - مرقص نعيم

صولو : مايكل نبيه
 كورال : مارينا الفي - مارينا نشأت - هايدي رشدي - ريهام جوزيف - رسمي جوزيف - مرقص نعيم - ريمون منير - مايكل نبيه - كيرلس فيليب
كلمات : مرقص نعيم


وهنقول اية
كوكي ويسري
Cest la famille
عقبالنا يا رب

من بعد حياة العذوبية
وسهر لوش الصبحية
صعبان ياعني انت عليا
من ازمة نيش ل صنايعية
اها اياه اها اياه
لازم تحلي القصة بجواز
اها اياه اها اياه
بكرة تجيبوا لينا بنت جميلة

		4x
وهنقول اية
كوكي ويسري
Cest la famille
عقبالنا يا رب

من بعد حب سهر وكلام
الملح ناقص ياعنيا
وهتصحي قبل ماهو ينام
ودا اخرك في الرومانسية
اها اياه اها اياه
لازم تحلي القصة بجواز
اها اياه اها اياه
بكرة تجيبوا لينا بنت جميلة
		4x
وهنقول اية
كوكي ويسري
Cest la famille
عقبالنا يا رب

هذة ليلة والف ليلة
هزرنا كتير
باظت c'est la vie
هذة ليلة والف ليلة
ومش معنى بعيد
هنعيد 
Cest la la .. cest la famille


c'est la famille (koky w yousry wedding)

لمتابعة مزيد من القصايد دوس لايك 
www.facebook.com/morcos.naeimwords?ref=bookmarks

لسه برضو ناسي حاجة
لسه فاضل حاجة تاني
ادي كتاب يسلي طريقي
وادي موبيل مليان اغاني
وبعد بكرة في عيد ميلاد
ولازم اعدي اجيب هدية
وبعد المسرح عندي معاد
مع واحد هسمعه اغنية
ولسه برضو مش هي !!
لسه برضو ناسي حاجة

أودي ابويا للدكتور
واتابع من بعيد واشوف
وارجع اجيب كام حاجة للبيت
عشان بكرة هايجي ضيوف
وهاكلمها عشان مكتئبة
وأواسي وادلع بزيادة
واتنح ساعات ع الفيس
واكتب "انا تعبان" كالعادة
احساسي برضو لسه سادة
لسه برضو ناسي حاجة

ولازم اكتب شعار للخدمة
واسلمه كمان اسبوع
يبدأ ب يارب انا خاطي
ونهايته بحبك يا يسوع
وبليل سهرة صحابي
ونضحك الضحك البراني
ويدوب بس احول وشي
وكأني بقيت انسان تاني
...............
كل حاجة اهو فاكرها
ولسه حاسس ناسي حاجة
حاجة كنت لسه شايفها
حاجة كانت لسه هنا
وافتكرت يادوب بالعافية
ان حياتي ناقصها "انا" 

ناسي حاجة !! - مرقص نعيم

لمتابعة مزيد من القصايد دوس لايك 
www.facebook.com/morcos.naeimwords?ref=bookmarks

عن اول فكرة اكتبها 
عن بنت مهيش في الدنيا 
عن احساس في قصيدة 
ومن جوا فيه حاجات تانية 
عن تزوير في شعور 
عن دنيا غير الدنيا 
عن اول درس اتعلمته 
كان صعب لكني انا كملته 
مع اني بخاف اصلا منه 
حسيسته انه سهل عليا

عن اول دمعة انفجرت 
وكانت عنوانها فراق 
عن حب انا بكتب عنه 
ولا عمره في يوم اتداق 
وانا اصلا افارق مين 
امتي كنا في يوم سوا 
سنتين وانا كنت مغفل 
وبنيت احلام في الهوا 
وعايشها كدا بالروح 
لا انا عارف اعيش جارح 
ولا طايل اعيش مجروح
انا ببكي كتير مع اني 
مش عارف ايه اللي واجعني 
حبك كان فكرة مهوش فرض 
الارض بتلف في دايرة 
وانا عايش الف جوا الارض

عن اسمي اللي ماخترتوش 
ولا حتي هو اللي اختارني 
انا عمري ما بكمل حاجة 
ودا لو حسيت حد جبرني 
وانا مجبر اصلا ع العيشة 
معملتش شئ يذكر ليا 
جيت ومشيت وهموت طيشة

عن حلم اتعلق بيا 
وكاني ابوه او امه 
"يابني خليك في دراستك 
الشعر مش بيجيب همه"
ودي كلمة امي تملي 
مع انها دايما بتصلي
يارب احميه و خليه 
زي ما عايز بالظبط 
وانا بسمع همس استغرب 
ويدوبك بس اقرب 
الحقها في اخر كلمة 
وهي بتقوله يارب

عن خيبة املي فيا 
في ورقة في اخر اثبات 
عن اخر عشر دقايق 
وهنلم ورق الاجابات 
من طبعي مش بعرف انقل 
كلام محفوظ متكرر 
اثبات واهو اصلا مثبت 
لكن عليك في مقرر 
تقديرك وسط الناس 
ارقام وخانات في شهادة 
ويروح معني الانسان 
مش عقل وروح وكيان 
ومعرفتش بردو اجمع 
باقي الاثبات كالعادة

عن اول خشبة مسرح 
مثلت وكنت انا عارف 
دلوقتي بمثل عادي 
وانا مش حاسس او شايف 
وبعيش الدور 
والدور عايش 
علي كل الجمهور حواليا 
متاثر بادائي وحايش 
احساس وشعور بايديا
افتكره بس اما اجي انام 
بتحول فجاة لانسان 
بضعف وابكي وكاني 
عمري ما حزنت زمان

عن كل شعور متخبي 
عن حد اتخلي وسابني 
ومقالش حتي وداع
عن كله بكام محسوب 
ومعايا في جيبي يدوب 
باقي انسان متباع
عن كل لحظة جمدت 
وثبت وقولت انا قوه 
شيلت كتير وسكت 
عيطت اكتر من جوا 
عن كل شعور خداع

شعور خداع - مرقص نعيم

لمتابعة مزيد من القصايد دوس لايك 
www.facebook.com/morcos.naeimwords?ref=bookmarks

علاج للروح - مرقص نعيم

لمتابعة المذيد من القصايد من هنا 
www.facebook.com/morcos.naeimwords?ref=bookmarks

ايوة تخين (عذرا هشام الجخ)

الاسطورة بتقول - مرقص نعيم

شعر: مرقص نعيم
عود : ماريو سعيد

حد تالت - مرقص نعيم

بطل مغمور - مرقص نعيم

كله تمام - مرقص نعيم

الوقت بس - مرقص نعيم

عود :ماريو سعيد
شعر: مرقص نعيم

ايها الرب العزيز(2) - مرقص نعيم

بيني وبينك - مرقص نعيم

غناء والحان : ابانوب ظريف
شعر والقاء : مرقص نعيم
عود : ماريو سعيد

البنت بتضحك

عود : ماريو سعيد
غناء : ابانوب ظريف و اندرو رمزي
القاء : مرقص نعيم

ماما زمانها جاية

غناء : ماركو ابراهيم
كلمات : مرقص نعيم

marco & mirna engagement

غناء : 
ابانوب القس حنانيا
جورج ماجد
مرقص نعيم
رامز سامح
مايكل نبيه

كلمات:
مرقص نعيم

kero & marina wedding

غناء :
ابانوب ظريف
سيلفانا كمال
جورج ماجد
كيرلس فيليب
مارينا عياد
مرقص نعيم
مريم يوسف
سوزان نجيب

كلمات :
مرقص نعيم

maikel & marina wedding song

الاسم: مرقص نعيم
الجلم: شاعر 

Morcos Naeim

Popular tracks