الله جميل

فرقة المصريين - أحزان

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

يا حبيبي / Ya Habibi - Malouma Bint Al-Midah

Im trying to get back into the swing of things ...the sound needs  work. I apoligise.. its about being in the momenent,  wondering?  what is going to happen next.

Much Love and Grace G

Impromptu

Download : 
http://www.mediafire.com/download/pre2sbb018q7s9a/%D8%B1%D9%8A%D9%85%D8%A7+%D8%AE%D8%B4%D9%8A%D8%B4+-+%D9%81%D8%AA%D9%86+%D8%A7%D9%84%D8%B0%D9%8A.mp3

فـُـتن الذي فَــتن القلوب بحسنه ،
 فأذا الجميل بليله يشكو صبابة حبه ،
 ظبي رمى عن قوسه ،
 دق الدفوف بخطوه ،
 فأذا به سهم الهوى قاد استدار لقلبه

__________________
الكلمات لـ نور ثابت ، الالحان لـ فؤاد عبدالمجيد

ريما خشيش - فتن الذي

جت جت .. ماجتش إن شا الله ما جت
مطرح ما ترسي هدقّ لها
أنا بعتلها الدعوة
جت جت .. ماجتش مليش دعوة
ما جتش هيّ الخسرانة
أنا كنت قصدي أريّحها
أبقى هوا لو حرّانة
في البرد أنا البالطو بتاعها
و في الدموع أنا منديلها
جت جت .. ماجتش إن شا الله ما جت
مطرح ما ترسي هدقّ لها
لو جت هغني و هلاغيها
مجتش دغري راح ألغيها
لو جت هجيب البلادوسة
عشان تنوّر ليالينا
عشرة الاف مليون بوسة
مبوسناهمش لبعضينا
ما جتش برضه يحقّ لها
جت جت .. ماجتش إن شا الله ما جت
مطرح ما ترسي هدقّ لها
أنا هنا ساكن أوضتي
بسمع طلب و الهلالية
لو جت جسّت على أورتي
و حققت جوا عينيّ
راح أخدها ويايا بشويش
ناكل بطاطا
و نخبز عيش
نقطف جوافة في أوائلها
جت جت .. ماجتش إن شا الله ما جت
مطرح ما ترسي هدقّ لها
هدقّ خيمتي قدامها
و هدقّ ع العود أنغامها
و أدقّ وشمها على صدري
و مش هدقّ على كلامها
و الدقّة هفرشها ف حجري
و سميطة و جنينة و نجري
و أقعد في حجرها و أحكيلها
جت جت .. ماجتش إن شا الله ما جت
مطرح ما ترسي هدقّ لها
و يوم ما جت .. جت ملقتنيش
لقت دموع الناس بتجيش
صوت همهمة و رادّين الشيش
لسّه النهاردة يا ولداه
فتحنا شبابيكنا و لقيناه
في الجو طاير من غير ريش
سافر و خد غنوته ويّاه
كان نفسه تيجي و هوّ يعيش
______________________
قصيدة : الدقة
شعر : أمين حداد
غناء وتلحين : حازم شاهين

جت جت مجتش حازم شاهين-اسكندريلا

Ensemble Ibn Arabi | Je t'aime de deux amours
Paroles : Rabi'a al-'Adawiyya

https://www.facebook.com/AlMaghribi1
https://twitter.com/AlMaghribi1

أُحِبُّڪَّ حُبَّيْنِ | فِرْقَةُ اِبْن عَرَبِي

فرقة أبن عربي المغربية للإنشاد الصوفي 

هو الحُبّ فاسلم بالحشا ما الهَوى سهلَ
فـما اخـتارَهُ مُـضْنى بـه وله عقْلُ
وعِـشْ خـالياً فـالحُبّ راحتُهُ عَناً
وأَوّلُــهُ سُـقْـمٌ وآخـرُهُ قَـتْلُ
ولـكنْ لـديّ الـموتُ فـيه صَبابةً
حـياةٌ لـمَن أهـوى عليّ بها الفضل
نـصحْتُك عِـلماً بالهَوَى والذي أرى
مـخالَفَتي فـاختر لـنفسكَ مـا يحلو
فـإن شـئتَ أن تحيا سعيداً فمُتْ بِهِ
شـهـيداً وإلاّ فـالغرامُ لـهُ أهْـل
فـمن لـم يـمُتْ فـي حُبّه لم يَعِشْ به
ودون اجـتناءِ النّحل ما جنتِ النّحل
وقُـلْ لـقتيلِ الـحبّ وَفّـيتَ حقّه
ولـلمدعي هيهاتِ ما الكَحَلُ الكَحْل

شعر: ابن الفارض
Diwan ibn alfared ديوان إبن الفارض Hardcover – 2011
https://amzn.to/2T9lWcA

For original quilty للجوده الأصليه

Chants soufis arabo-andalous (Arabo-Andalusian Sufi Songs) https://amzn.to/2Mk2TJS
	
Ibn Arabí, Morada de la Luz -Varios Artistas
 https://amzn.to/2FQQo78

هو الحب فأسلم بالحشا - فرقة ابن عربي

لو تروح - وجيه عزيز

من فيلم اليوم السادس 
عن مسرحية لاندرية شديد 
سيناريو واخراج يوسف شاهين
موسيقى عمر خيرت
اغانى صلاح جاهين و يوسف شاهين

حدوتة حتتنا " اغنية فيلم اليوم السادس "

أحمد التوني - فلامنكو صوفي

نصر الدين طوبار - حِين يُهدي الصبحُ إشراقَ سناهْ

Song for the Prophet

صوفيات أخرى 
https://soundcloud.com/morshedi/4ijwpqrzil3m
https://soundcloud.com/morshedi/song-for-the-prophet-tanb
https://soundcloud.com/morshedi/a-drop-from-your-clammy
https://soundcloud.com/morshedi/juqnbprqd2wy

تَجَلَيتَ في الأشياء - زين محمود

متي يشتفي منك الفؤاد؟؟  - زين محمود

سقاني الغرام كأسا من الحب صافيا..

تَجَلَيتَ في الأشياء - زين محمود

Morshed!

Recent comments

✨✨

قاسِم

Moatz Abo Basha

Moh Elkady

Related tracks