كل التحية للشاعر فادي جومر... و الخزي و العار لمحتجزيه

يا شااااااااااااااااااام

يسعد صباحك يا بنت .. أكبر من الأيام .. يا معرشة ع الوقت ع المجد ع الأحلام ..

هي المرة التانية اللي بتبكيني هي الغنية :( بحبك يا شام وبعشق ارضك وسماكي <3

كلمات | فادي جومر 
ألحان |  خاطر ضوا 



يا شام شو بحب الصبح فيك
شو بحب اشرب مـ الشمس كاسات
ورندح أساميك
يسعد صباحك يا بنت
أكبر من الأيام
يا معرّشة ع الوقت.. ع المجد .. ع الأحلام..
يسعد صباحك.. يا بنت
عشاقها فاقوا.. 
وتدللِتْ.. وتغنّجِتْ.. 
وضلّ الشِعر غرقان بوراقو..
يشحد حكي من النور
حتى يحاكيكِ..
يا شام شو بحب الصبح.. فيكِ
يا شام حاراتك دهب
والروح عبّت عشقك بكاسات
وطارت لتسقيكِ
جنّ الندل.. شعل النار بتيابك
وتغرّبوا ولادك.. وتفرّقوا حبابك
عم ياكلك حقد الـ ربي ع الدم
يجرّح أغانيكي
يا شام صبحك ع الوعد
سهّر شبابيكي
لا تطوّلي السهرة
وخلي القلب عندك.. مكتوب فيه كتاب
لفيه بوراق العمر
حطيه متل حجاب
من الغدر يحميكي..
يا شام شو بحب الصبح فيكي

Comments

DiCaprioBlinders

yasmine yousri

Bassel

Aura 🍁🌰🍂

Dania Xina

Suhair

Yasser Ashour

Mrmoudrn moudrn

Ali Hassansalamah

nona98