ياللي جيت من شط تاني
حبتين ورجعت تاني
جيت منين .. ورحت فين ..
حاجة يابا محيراني
رحت فين يابا وفين راحوا اللي قبلك
بدي أقول لك كلمتين أنا بدي أقابلك
واسألك عن سر يابا.. سر حير ناس كتير
الصغير والكبير.. والغني قبل الفقير
انت يوم ما جدي جابك من هناك جيت منين؟
واما سبت الناس ودنيا الناس وراك رحت فين؟
واحنا جينا ازاي وليه؟
حكمة المشوار ده ايه؟
عم عباس الغفير
وسليمان ساعي المدير
والمحافظ والوزير
كلنا ماشيين طابور والقدر داير يدور
بالكاسات بين المواكب ع اللي ماشي واللي راكب
واللي يجي الدور عليه يلقى كاسه بين إيديه
واللي يشرب كاسه يطلع م الطابور
واللي يطلع بيتاويه جوف القبور
والقبور سعرانه لم قالت كفاية
والقدر .. والقدر يسقي القلم دم الدواية
والقلم .. والقلم يكتب ويشطب
واللي يشطب اسمه يشرب .. سخن بارد كله وارد
مستحيل .. مخلوق حيهرب
رحت فين يا با وفين راحوا اللي قبلك
بعد مشوار العذاب إيه إنكتبلك
اللي راح قبلك ماجاش من يوم ما راح
واللي جه بعدك بينده ع اللي راح
بس فين هوه اللي راح ياريته يسمع
اللي راح مجبش سيره
واللي جاي غرقان في حيرة
والطابور ماشي وجاهل ايه حكايته
القدر هو اللي شايف ايه بدايته
والقدر هو اللي عارف فين نهايته
وإحنا ماشيين في المواكب
زي قلعان المراكب
قد ما يميل الهوا بنميل معاه
لا قلنا لأه يا هوا ولا قلنا أه
واللي يقدر بالعمل يترك أثر في الطابور
يبقى اسمه في الخلود رغم القدر والقدور
هي دي من غير كلام
حكمة المشوار تمام
واسأل الناس الكتير
الصغير والكبير والغني زي الفقير

ياللى جيت من شط تانى ـ الشيخ إمام

كلمات : احمد فؤاد نجم
فى هجاء السادات

أوأه المجنون ابو برقوقه
وزبيبة غش وملزوقه
نصاب ومنافق وحرامى
ودماغه مناطق موبوءه

والنكته كمان انه حلنجى
وعاملى فكاكه و حندوقه
على ان الجحش أفهم منه
والعالم فاهمه و مفلوقه

بسلامته بيسرح قال بينا
يعنى احنا مواشى يا زقزوقه !
دا احنا الحريفه العريفه
غيرشى الايام المدعوقه

Mostafa Ahmed Ahmed

Popular tracks