مجموعة من الحاجات الفشيخة

Ana II
Written by: El Joker
Music: Dansonn ( Free Beat )
Vocals: El Joker
Master and mix by: El Joker
Video: Acting Mania
© 2013 El Joker

Watch on YouTube & Download: http://youtu.be/9ju5vEqPTeM

Ana Part II - أنا ٢

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

Title: Shoubra (شبرا)
Artists: Under-Zero ft. Mazagangy and Mohab-Z
Produced by: JBeats Productions
Mixed and Mastered by: O.T.O Strange @House of Hestia (Oklahoma, United States)

Lyrics:

Verse 1: (K3)
سمعوا اللى ماشى فى السوق قالوا خلاص الراب لأ
فلما سمعت اتأكدت و قلت عندهم حق
فى ناس بتنشر جهل فى ناس بتسب الأهل
فخدت مبدأ انى افيد زى خلية النحل
بنحارب و الميديا رافضة تسيب الفكرة الهابطة
فنمشى بمدأ الاتحاد صعب تقطم رابطة
بيلموا الروبابيكيا قصدى الروباميديا
بيخدوا عينك بالفلوس فتدفع راسك فدية
فاتغدى بيهم قبل ما يتعشوا بيك
اخطف عقولهم بالمزيكا اللى ترضيك
سيبك من اللى بيعطلك و يلهيك
خلى الرسالة اللى بتعملها اللى تعليك
محدش هينتجلك دول بس بيجيبوا رجلك
اعمل بيتك دوم و تك و بدلة رأس هتسلك
دول بينا بيستخفوا بيموتوا فى اللى يسفوا
فنى من ابداعى فمفيش داعى انك تشفه

Verse 2: (Mazagangy)
من قلب شبرا البلد مصنع الرجال
الكلمة تطلع هنا و بعدين برا تتقال
حد عنده اعتراض على صوتك يا خال
عايز يمين امين عايز شمال شغال
ابو وش مكشوف ايوة انا بجح
طبيعى ولا بسكر ولا بصطبح
اوه لا لا شكلك ديلر ياه
مزاجنجى اه بس ماليش فى الكيمي كيمي كا
اصل الدماغ من المزيكا مش بتكتفى
هتفضل فيا و عمرها ما فى يوم هتختفى
اكتم هتشتم هنشتم
معادلة مزاج تقسم البيت عالساوند سيستيم
ما كله بيروح جيم و بيقول منطقتى
ايه الحلاوة دى ايه الطعامة دى
العب بعيد ولا اقولك خد لون دى
ماشى و سايب عليها بصمتى

Verse 3: (Mohab-Z)
بنخترعها مزيكا بالمجان مش بنبيعها
بنقول حاجات بتحصل مش قصص بنصتنعها
عمرنا ما قلنا اى كلام مالوش اساس من الصحة
جرب اسمع دقق ركز فى الحروف راجعها
لسان الشارع انسان بيعبر بالمكتوب
اوقات صراحته تجرح و تعور زى الطوب
و عالمكشوف هتشوف لونى واضح مش ممسوح
عشان بوضح معنى حقيقى واثق تعبى مش هيروح
فبالنسبالى الراب مش فن عادى لأ خيالى
عرضت بيه مشاكل عن امثالك و امثالى
بنرتب الكلام على الالحان ده شغل عالى
و بنختلف عن غيرنا فى اسلوبنا المثالى
بلاغيكوا انا فنى بيتقدر من غيركوا او بيكوا
بنقدم رسالة مش ميديا بتعميكوا
فلو مش عجباكوا اعتبروها مش ليكوا
هقفل ودانى و هعمل ناسيكوا

Verse 4: (Flipeno)
اهلا بيكوا فى الحرب الكامله الكلمات فيها من تحت الأرض
من جوه جوانب الميديا الفاشلة اسمى فلبينو ممنوع مالعرض
وانا اللى اخترتك تلعب كده ببساطة تخسر 
أكيد حذرتك مع أندر زيرو متفكرش 
فاعتبروا صوتنا فى التراك ده مجرد وسيلة مساعدة 
خلت كل أطراف الميديا تلتفت للفن بتاعنا
فأنا من بين مليون أسلوب اخترت أسلوب فى لمجتمع مطلوب 
خدت أن الراب له أصول فاتبنى فى السما للهيب هوب دور 
أسرع أسرع نفسك يقطع شبح البيت من جواك يطلع 
فأنا من أندر زيرو بتجمع أساليب عملت للراب مصنع
فاجمع فشلك ويا الجهل يطلع فنك نفس الشكل
نبرة صوته بتأدى لموته فبيفقد تأثيره على العقل
داحنا فى زمن اللى بيقلع يركب موجه للمنتج موضته بتكسب 
فاكر أنكل  كلماته راح تغلب على مبتدئ فلمبدء يهرب
فأنا لو أقدم اللى غيرى فيه أفضل غير فكرك و أعكس
سيره بمزيكه بناثر فلفوق نفضل نحفر بصمة أندر زيرو

Verse 5: (Adry)
ادري نموذج صلب عقله اتخطي جهلكم 
بعمل مزيكا نضيفة لنفسي مش لكم
لو الاسفاف ده مبدأ ثابت عندكم 
ففنكم لا يعني غير امثالكم 
فاتجمعنا كلنا ضهرنا ف ضهر بعضنا 
من غير اي اسئلة احنا ابتدينا من هنا 
شبرا الحرة ومش جايين من برة  وبنقدملكوا فن راقي
خارج نطاقي تأمل افاقي والباقي اتي 
كلامي دا ليكوا لأن مجالي اهم
فأولي اقدم الواقع لو كان مليان بالهم 
فسبني احافظ عالهيب هوب لاحسن يتنسي 
فواجه الواقع منه بلاش تجري 
تحت الارض مزيكا بتحكي 
عن واقع فوق الارض مش للبيع 
اندر زيرو مزيكا بتحمي 
ثقافة مجتمع عن طريق ادري

Shoubra (شبرا) - UnderZero ft . Mohab Z & Mazagangy - Prod By J-Beats

نبدأ بالمعاتيه شوشو قوم اقف انا جيت ,, معاك اللي مخليك قاعد في البيت تتخن بعد ما خسيت

بتفكر فيا وبس خانقك خنقة اندر تيكر ,, بتحاول تقف ضدي مع مجموعة الماذافاكرز !! ـ

ده مش ديس ده إعاده تأهيل لذكر الفيل ,, ياريتوا ماجابهم جوة وكان جابهم علي المنديل

يا شوية لحم معفن اركن فكك من التشنيب ,, اسمع يوسف جوكر واعتبر انك في مركز تدريب

مبقاش غيرك انت اللي يطلع يتكلم ع الخرق ؟ ده انتوا عيال اللي يسكتلها يستاهل الشنق

نخش علي ديدي بيحكها لرابع مرة ,, هاخدك في نص الكورة الارضية همسح بيك بحورها

عارف طفح بيك الكيل , بس إنت دمك تقيل ,, إفهاتك تروح تنافس بيها الكوميدي خليل

وعد مني مهما هعلي هاخدك واعليك ,, هشهرك بإنك اللي يوسف جوكر بيشوط فيك

وقعت من ع البيت ؟ ياختي الف اسم الله عليك ,, سيبك من ابو الصحاب ابو ني*ة احسن ليك

ريحي ضهرك يا ديدي وبلاش تنكشيني ,, يأما هنزلك في ملعبك بالبكيني
ــــــــــــــــــــــــــــــــــــــــــــــــــــــــــــــ
بقيت بحس إن انا عشان اعجبكوا كا جمهور ,,, لازم اكون لايق ع الدور 
بمعني اصح اكون مشهور ,, 
lalalala

اوعوا تمشوا دماغكوا شمال , عشان الناس دي شمال في شمال
لو في السفينة اللي يستاهل إنه يكون قبطان , انا هبقي معاه
ــــــــــــــــــــــــــــــــــــــــــــــــــــــــــــــ
مابين إنتظاري , ومابين إنتصاري , اسوار كتير بتسد بيني وبين رؤية مداري 

والتافه اللي لعن الكل لما الفرصة جاتلوا ,, يشد السطر براحتوا ويخرف ويتفخدلوا

بالكيبورد مش بالراب إتريقت علي الكل ,, شكلك نسيت ان البيوت مليانة كيبوردات

انا في الديسات مش بلعب ولا بقول لخصمي فل ,, البانش مني ع البيت يطلع ياخد ميدليات

ازيدكوا من الشعر بيت , ياللي بتبنوا اله جديد , من الكفر في الاناشيد , بقيتوا عبيد عند العبيد

هاتوا هيروديت جديد ,, وعاملوه بنفس المعاملة , لو عاش معاكوا سنة كاملة التانية هيبرشم اكيد

لو هتاخدوا بالمفيد ,, ماشي نديكوا المفيد ,, لو كلامكم بيطلع بترول فا انا كلامي كبريت

لو الارض هتايدك هلف عكس الارض , مش هسيبك الا و زاوية ميلك نايمة لتحت
ــــــــــــــــــــــــــــــــــــــــــــــــــــــــــــــ
بقيت بحس إن انا عشان اعجبكوا كا جمهور ,,, لازم اكون لايق ع الدور 
بمعني اصح اكون مشهور ,, 
lalalala

اوعوا تمشوا دماغكوا شمال , عشان الناس دي شمال في شمال
لو في السفينة اللي يستاهل إنه يكون قبطان , انا هبقي معاه
ــــــــــــــــــــــــــــــــــــــــــــــــــــــــــــــ

الاغلبية تكسب مش معايا!!, اديني لوحدي وداخل اخلص فيكم واحد واحد ورا التاني 

انتوا اللي بداتوا , وانا عاجباني الحكاية ,, حتي لو هموت الجواكرة واقفين مكاني

بيرموا الناس بإزاز الكاس بعد ما شربوا الشيفاز , ولما ارميهم انا بنفس الحاجة بيفتحوا الترباس 

مش عشان يواجهوني , عشان يشتموني , رافعين قضية عليا عشان الناس مش بيحبوني 

إعرب ياللا , خد! ’مش انت برضوا فان استاذ النحو ؟؟ اللي ملبسك قرطاس عشان متحسش بالجو !!ـ

الجو بارد جدا لدرجة إنك متجمد ,, مش عارف تتحرك غير عشان بس تقول جامد ياححححمد

متغفل مش فاهم , حتي الفاهم كاتم ,, حتي اللي مش كاتم ساكت ,, والساكت بيساهم إن الجهل عامم

انا مش برفع ايدي غير عشان حاجتين اتنين , عشان ادعي الله وعشان اجيبوا من فوق تحت الرجلين

لما قالوا إنك شاعر مالهوش زي , كل حروف الابجديه اتحولت للنفي

ده اخرك بتهرب ؟ ولا خايف تضرب ؟ لو التحدي في سم روحي هتخرج جسمي هيشرب

كل روح تموت الموته اللي تناسبها ,, اي حاجة انت بتكسبها اعرف ان انا اللي سايبها

زي جمهورك اللي بتكرهوا من جواك ومش مبين ,, ولو حبوا هتبقي بنفس طبعوا عضمك لين

عارفك هتمشي تقول إن انا عدو نجاحك , لكن يكفي ان انت بسببي ماشي وبتجرجر في جراحك

في الساقية لما نزلت ومعاك بالعربي ريكورد ,, الكل كان بيرتجل وانت حبيت تنط

لقيتني واقف , حسيتك خايف , تيجي تحت الدرس ,, دخلت اه وغنيت لكن كلامك طلع فيرس

ببقي اوسخ من ابليس في العند لو الموضوع يخص الراب ,, لو انت ذئب فا انا الراقص مع الذئاب

مش هتلاقي احسن مني ولا هتلاقي اسوء ,, عندك الخريطة في جوجل فيها كل البلاد

البار الاولاني مش بتاعي لكن دخل دماغي ,,  لما سمعته لإيمنيم في تراك سو باد

يا ابو شنب من فضلك عرف الامورة , إن عمق البحر بالنسبالي ملعب كورة

يعملوا رجالة وفي الواقع يهربوا من سيركلاتي ,  بيخافوا يجازفوا يتلوسعوا من كرابيج ديساتي 

هات هيدفونك وخش وإسمع كل الميتين ,, هتلاقي الميتين في الساحة ماتوا من كلاشاتي

انا عندي شر يكفي الساحة سنين , عندك شوشو وديدي وجيجي وعندك كرسي فاضي باقي 


YouseF JoKer - E3adet Ta2hel / يوسف جوكر - إعادة تأهيل

غريبي الاطوار هيحبوا الاغنية. حبتها؟

مجموعة من الحاجات الفشيخة

Mostafa Hassan Mahmod