Hegazy

A music project by Amr Ezz and Tuqa McAwi

Aqsa Alwasat - Enti أقصى الوسط - إنتي

▶ ‫مشروع ليلى - ونعيد‬

منير الف الشوارع - من فيلم دنيا

Lena Chamamyan - Yama Lala | لينا شماميان - ياما لالا

ناي البرغوثي - عن إنسان

بلاك تيما-زحمة المترو

حاجات بسيطة - سلمى صباحي

وعدتكـ !

من فيلم قص ولصق

كأننا واحشينه, مع إننا عايشينه ! 

خوف

إليسا - مع سبق الإصرار

أنغام - تتر مقدمة مسلسل حديث الصباح والمساء

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

عاشق سارح في الملكوت - ريهام عبد الحكيم

    عجيب حبك ضياه ساكن
ف روحي ف كل تكويني
وبشتاقلك صحيح لكن
ولا عمرك وحشتيني
وتقولي حتوحشيني إزاي
وصورتك نني ف عيوني

ناديني أشق قلب الليل
وأكون فارس لأحلامك
ولو تاهت في ليلي الخيل
حجيلك برضه ف منامك
وتقولي حتوحشيني إزاي
وصورتك نني ف عيوني

ده موج البحر واخد وعد
يعود للبحر من تاني
وقلبي لو يتوه ف البعد
يلاقي عينيكي عنواني
وتقولي حتوحشيني إزاي
وصورتك نني ف عيوني

قالولي إزاي أنا حبيت
وحبك أصلي وكياني؟؟
وليه ف الغربة ما حسيت
بإنك لحظة واحشاني
وتقولي حتوحشيني إزاي
وصورتك نني ف عيوني


Eman Elbahr Darwish - A'agib Hobek - ايمان البحر درويش -عجيب حبك

كلمات : عبدالرحيم منصور
الحان : هاني الدقاق
توزيع : مسار اجباري

Hegazy

Mostafa Hegazy 2