مصطفي ابراهيم

خلاف نسبى

لهذا نحِب دَاوُد باشا المصري / الرجل الذى عاش غريبا و مات غريبا .

حوار بين جميل راتب و يحيى الفخراني 

يجسد بكل المعاني سيكلوجية الشعب المصري ف التفكير و الحكم على كثير من الامور عبر التاريخ عامة ... و في العقود الاخيرة خاصة .

سهل التلاعب به و اقناعه بالوهم .. و بالتالي : انكار الحقائق

فيلم الكيف - حوار جميل راتب و يحيى الفخراني

المواد المستخدمة حقيقية ، مجمعة من مصادر مختلفة على اليوتيوب

تنحي مبارك

أهل الفن

بعد طرحك مالحساب والعساكر والكلاب ....والارانب والفيران
والاجانب والغيلان ... والارايل والقرون
والمرايل والدقون
اللي فاضل يا افاضل ... هو ده تعداد وحصر 
للعيال اللي جابتهم فالحلال ... الست مصر

قصيدة حصر مصر - مصطفى إبراهيم

الكوتشي اللي باش 
م اللف ف شوارعك
يحرم عليه
يبوس ارض غيرك

والقلب القماش 
اللي مكوي بعمايلك
لساه معبق
بريحة عبيرك

والواد اللي عاش
طول عمره يحايلك
ونفسه اسمه
ييجي في رسايلك

وتبعتيله تطمنيه
ان انتي عارفة
ان انتي ليه
وان انتي قايمة ونايمة بيه

وقت الشتا يتدفي بيكي
ووقت الخطر تتحامي فيه
وساعة اما بيقسي عليكي
وساعة اما بتدعي عليه
محدش فيكوا بيهنالوا بال

واول ما تصفي تفكي الريال
وتروحي تجيبيلوا كوتشي بدال
الكوتشي اللي باش”

قصيدة اللف في شوارعك - مصطفى إبراهيم

في حاجات لازم... علشان نعرف....درجة قوتها...بنكسرها
وحاجات ف ادينا... عشان نعرف.... اننا عايزينها ....بنخسرها
كدّبت ف عمرك كام صاحب
علشان كان نفسك تتطمن ؟
وخسرت اصحابك واتطمنت
طب كام بالون فرقعوا منك
وإنتا بتنفخهم ع الاخر؟
وعرفت اخرهم بس ندمت
دلوقتي فهمت
أنا عاوز إيه
ونا كنت بفرقع بلالين ليه
أنا عاوز حاجه بدون آخر
أو حتى بآخر ما اوصلّوش
كام حيطه ف ضهري
اضرب واهري
ف بدنهم بس ما يتهدوش
شيء مش مغشوش
مضمون دايما
من غير ما احتاج إني اتأكد
أو حتي اخاف إني اتنكد
لا يكون ف الاخر برضه فاشوش
يا بشر عرفاني وعارفه أنا مين
بلغوا اسفي لكل البلالين
كلنا كنا ف يوم بالونه
فقعتنا تجارب بني أدمين
بلالين عايشين نفسها تلقي
حد يصدق ويقدرها
متأكد من إنه عاوزها
من غير مايجرب يخسرها

قصيدة الإنسان اصله بالونة - مصطفى إبراهيم

فلان الفلاني اللي كان يومها جنبي
ساعة لما بدأوا في ضرب الرصاص
فلان الفلاني اللي معرفش اسمه
ف دايما بقول يابن عمي وخلاص
فلان اللي سابلي بقيت سندوتشه
ليلة لما شافني بغنّي و جعان
فلان اللي مش فاكرَه غير شكل وشه
فلان اللي عداكي جوه الميدان
فلان اللي فتشني بالإبتسامه
فلان اللي قال هو فعلا حيمشي ؟
فلان اللي قاللي طريق السلامة
ساعة لما قولنا زهقنا وحنمشي
فلان اللي مرضيش ياخد مني أجره
ساعة لما قلت إني رايح مظاهره
فلان اللي قاللي حيتنحى بكره
وحنفرح و نرقص و راح تبقى سهره
فلان اللي بالفيسبا طالع و داخل 
يجيب اللي يتصاب من الضرب جوه 
فلان اللي ف الضرب عند المداخل 
يرجّع صحابه.. و يستنى هوّه 
فلان اللي كان بيناولني القزايز
ويقفلها بعد أما اعبيها جاز
فلان اللي يشرب ويسألني عايز ؟
فلان اللي كان وشه مليان قزاز
فلان اللي وزع عليك بطانية 
ويسأل “فيه جنبك مكان ع الرصيف ؟"
فلان اللي نازل عشان القضية 
فلان اللي نازل عشان الرغيف
فلان اللي مطلعش جوه البرامج
وكان بس صوته في قلب الهتاف
فلان اللي روح أكل واستحمى
فلان اللي ضايع في وسط ال الاف
فلان اللي غرقّلي خل الكوفيه
و شالني ساعة لما جت طلقه فيا
فلان اللي مات يومها تلزمله ديه
من ابن الفلاني اللي كل لحمه حاف
فلان الفلاني اللي معرفش اسمه
ف دايما بقول يابن عمي وخلاص

فلان الفلاني - مصطفي إبراهيم

-------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر

--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان




--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد

--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه

--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا

--------------(س)--------------

سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة

--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم

--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب
لو سابوا خليك انتا آخر حد ساب
واحد بيفرق ف العدد جدا
و عشان كده....
أول ما تلقى إن الصفوف ناقصاك ...
وسع مكانك... للى جاى وراك

المانيفستو - مصطفى إبراهيم

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا

البنكنوت - مصطفى إبراهيم

أرتقُ باسمك ، هذا الشهي كحبات خوخٍ ، ما نقص من اسمي فاعتن بي وضمد الطريق الذي يسيل من قدمي ، لقد جئتك كاملًا ، ما تركت مني شيئًا لأحد ، أحمل كل آلأاتِ الغناءِ معي لأغني تحت جذع بيتك ، فتكتب الطالبات 
العابرات ما أقول ، يرددنه نشيد إنشاد جديد ، يقرأنه قبل القبلة الأولى ، وتقرأه النساءُ في اسبوع الخصب ليتم حملهُن ، وتدهن به الفلاحات باب البيت ليجلب الحظ ويرد كيد الخالات ، لكني كتبته لك وحسب ، بغرض أن لا يظلَ شيء يقوله لك غيري ، وهنا ، بحدَ منزلك ، ستنهضُ إن ذهبتُ شجرتان من أثر العناق وسيقول الذين لم يسمعوا سوي الغناء أنهما من اثر الغناء ،
تعال بسرعةِ إن استطعت ، وتعال حتى إن لم تستطع .
تعال بشجاعة كما يقفز ماءٌ سخي من فوقِ جبل ، وتعال طائشًا مثله .
وادخل في عتمتي التي نسجها لي خياطون مَهرة ، تعال برعونهٍ تكفي لكي تصدق ألاعيبي ، وتكفي لكي تحبها .
تعال حاملًا أكياسًا ضخمة ، وجاهزة لتأخذ كل شيء هنا .
بمقص عريض ودون أن تقص كتفي ، اقطع هذه الغرفه السوداء ثم اجمع جدرانها كقشر فاكهة سامه .
تعال بسرعة إن استطعت ، وتعال حتي إن لم تستطع .
ليس لدي كلام كثير على العشاء بعض البكاء ولعابٌ حار ، لكني لا انام مطمئناً وأنت هناك .
أظل بقلبٍ يقظٍ وعينٍ تجوس في الهواء تفحص رائحه الذين يمرون وترفع الحصي عن طريق كل رجل وأمرأه ، عيني التي ارسلتها لكل هذا العناء لا تري غير غيم أزرق بسيط حين لا تراك ، ولا تري غير غيم ازرق بسيط حين تراك .
إضحك لي إذا ، اضحك لي يا حبيبي ليصلح شأن بيتي ، وليصلح زجاج النافذه المكسور ، ولتشفي طفلتي المريضة ، اضحك لي ولا تضحك لغيري فيجوبهم ملاي بالنقود  ، أنا الذي كلما مر بك غريبٌ والتفت نقصت نقودي .
وعُد ، إن تذكر بيتًنا ـ أو عد إلي أي بيت ، الهمُّ يا حبيبي أن تظل ماشيًا بعد غروب الشمس ، والهم انني في الليل لا اسمع نفسك ، لكنني بيدي العمياء عن كل أحد أرسم كل ليلةٍ طريقًا على باب بيتي لا تسعُ غيرك ، فعُد ، أو عد إلي أي بيت فيه أرملةٌ أو عروس ، لأن كل عروس هي أنا ، وكل أرملةٍ هي أنا .


أنفاس متقطعة - إبراهيم جابر إبراهيم

مريم تغنى للشيخ امام
--
رجعوا التلامذة
يا عم حمزة للجد تانى
يا مصر إنتي اللي باقية
و انتي
قطف الأماني
لا كورة نفعت
و لا أونطة
و لا المناقشة و جدل بيزنطة
و لا الصحافة و الصحفجية
شاغلت شبابنا
عن القضية
قيمولنا صهبة يا صهبجية
و دوقونا طعم الأغاني
رجعوا التلامذة
للجد تاني
طلعوا التلامذة ورد الجناين
اسمع يا ميلص و شوف و عاين
ملعون أبوك ابن كلب خاين 
يا صوت أميركا
يا أمريكاني
رجعوا التلامذة يا عم حمزة
للجد تاني
يا مصر إنتي اللي باقية و انتي
قطف الأماني

رجعوا التلامذه_مريم صالح

مارش عباس
موشح: رشيق القد
غناء: طارق بشير و يارا صلاح الدين
كمان: أحمد الصالحي
قانون: مارتن ستوكس
كنترباص: مالاكي أونيل
رق: فيليبوس ديميتريو
إسطنبول 
25.02.2016

موشح: رشيق القد - أداء فرقة أوكسفورد مقام - إسطنبول 25.02.2016

8 - Magnoon

عبد الله المنصور - فرقة ابن عربي

Abdellah Elmansour - سلبت  ليلى مني العقل

•	شاعر عامية مصري شاب من مواليد محافظة الجيزة 1986 

•	أنهي دراسته الجامعيه بـكلية الهندسة جامعة القاهرة تخصص هندسة الطيران و الفضاء عام 2008 

•	صدر له ديوانه الأول بعنوان " ويسترن يونيون فرع الهرم " عن دار ميريت للنشر في يناير 2011 

• صدر له ديوانه الثانى بعنوان " المانيفستو " عن دار بلومزبيرى للنشر فى يناير 2013 (ثلاث طبعات) ثم عن دار الشروق 

الجوائز
جائزة أحمد فؤاد نجم لشعر العامية 2014 عن ديوان "المانيفستو"

قصيدة حصر مصر - مصطفى إبراهيم

Mostafa Ibrahim

Related tracks