إيه بقى عود.  مصطفى رزق


باب اللوق 

كلمات مصطفي الجارحي
لحن مصطفي رزق
توزيع موسيقي احمد الصاوي

في باب اللوق
قعدت استني جيتها و بتمرجح بحبل الشوق 
و ناس تيجي و ناس ماتجيش
و هي ليه ماهيش جايه
و ناس علي عينها قافله الشيش
و ناس بتنط في عنيا 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق 

علي يميني شباب بيغني للثوره
و بنوته تقول الست مش عوره
علي شمالي مظاهره جايه من شبرا 
عجوز يصرخ يقول والله سنين غبره 
يضيع صوته في كومه قش كما ابره
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

وناس تسآلني عالكرسي و اقول محجوز
تكشر قبل ما تمشي و تضرب بوز
و بنت مسلوعه ترقص لواد كلبوظ
و جرسون زي فرقوعلوز يقول عايز كمان قهوه
و اقوله يعوز .. اقوله يعوز 
و ابص لساعتي و الناصيه
اقول فاكره . اكيد ناسيه
و عمري في المكان مسروق
علي قهوه في باب اللوق

Bab Ellouq .Mostafa Rizk باب اللوق مصطفى رزق

مبسوط كتير 
من ألبوم باب اللوق 
كلمات / مصطفى الجارحى 
لحن وغناء /مصطفى رزق 
توزيع موسيقى / أحمد الصاوى 
ميكساج وماستر / عصام السحرتى 

Mabsoot Kteer مبسوط كتير

ياللى ماشية ع الطريق
من ألبوب باب اللوق  
كلمات / مصطفى الجارحى 
لحن وغناء مصطفى رزق 
توزيع موسيقى/ أحمد الصاوى
ميكساج وماستر / عصام السحرتى  

Yally - Mashia - Mp3.mp3  مصطفى رزق / ياللى ماشية ع الطريق

مجنون بجد 
كلمات / مصطفى الجارحى 
لحن وغناء / مصطفى روق 
 توزيع موسيقى / أحمد الصاوى و أحمد فاروق 
ميكساج وديجينال ماستر / عصام السحرتى 

Magnoon - Begad . Mostafa Rizمصطفى رزق - مجنون بجد

كلمات مصطفي الجارحي
لحن مصطفي رزق 
توزيع موسيقي احمد الصاوي 
ميكساج و ماستر عصام السحرتي
فوتوغرافيا حسن امين
ارت ورك ادم عبد الغفار 

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
علي رجلي داست ماعتزرتش 
مديت لها الرجل التانيه 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني نقصاها بلته
دور حصاني علي كرته
و عنيا لا صبحت سته
علي سته ولا بتشوف احلام

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني بهتت م الركنه
بعد الشقاوه بقت ساكنه
نص اللسان بقي فيه لكنه
و النص مابينطقش كلام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

الواني مش لاقيه اللوحه
ريحه ريحان ولا ملوحه
مؤنث البوح مش بوحه
و لا الشجر بيفر يمام 

الاقيش معاك فكه اوجاع
قال في ورق و كمان فضه
طب هاتلي قهوه بدون نعناع
راح جابلي سحلب بالخضه

بفتح عنيه ب شفطه بن
واقفلها ع الشفطه التانيه
مين اللي عدت من ثانيه 
داست علي الرجل التانيه

Shaftet - Bon - مصطفى رزق شفطة بن

صباح الخير

كلمات   مصطفي الجارحي
لحن     مصطفي رزق
توزيع موسيقي    احمد الصاوي 
فوتوغرافيا   حسن امين
ارت وورك   ادم عبد الغفار
3D سامح الطويل

لما قالتلي صباح الخير
اتلخبط ماشفتش غير
المصيده قفلت ع الطير 

ايه مالك ماعرفتش ارد
بس عرقت ف عز البرد
طرحت بينا جناين ورد
ضحكت ف نسيت التكشير

لما قالتلي صباح الخير

مشيت و انا كان نفسي ابوح
و اشرحلها شيء مش مشروح
نص كسوفي حلاوه روح
والنص مغرقني ف بير

لما قالتلي صباح الخير

اه يا سلام لام لام يا سلام 
صاحي كاني ف عز منام
بامشي لورا و ارجع قدام
الهوي مش محتاج تفسير 

لما قالتلي صباح الخير
اتلخبط ماشفتش غير
المصيده قفلت ع الطير

Mostafa Rizk-Sabah - Elkhir - مصطفى رزق - صباح الخير

AUDIO-2025-05-30-21-40-45.mp3

وومان ومان 
من فيلم  مش رايحين فى داهية
غناء والحان: مصطفى رزق
كلمات: مصطفى الجارحي
توزيع: كريم حسام
Drums: جمال فهيم
Bass & Rythem Guitar: كريم حسام
Lead Guitar: يوسف السيوفي
Trumpet: طارق رؤوف
Saxfone: مينا نشأت
Trombone: ميشيل لويس
Song Mix: طاهر صالح
Master: طارق مدكور

Women W Man وومان ومان

اقلبها  هزار 
كلمات /  مصطفى الجارحى 
لحن / مصطفى رزق 
توزيع موسيقى وميكساج  / كريم حسام 
ماستر / شريف عبد المجيد 
فيديو جرافيك / مصطفى منير 
كلمات الأغنية 
لها ضحكة تقول للجد ياجد كفاية بقى إقلبها هزار 
لها ضحكة ترد الروح وتود تمد النور من قلب النار
لها ضحكة صباح الورد بتشبه طبق الفول بالزيت الحار 
وأنا لما بتضحك قلبي عمري بيضحك ليل ونهار 
وأسمعها أدوب 
وكأني يادوب 
ع الجنة دخلت غسلت ذنوب 
وشربت لوحدى كاسين خروب 
وسكرت وشوفت الهوى مكتوب ف عنيها وبأتهجى الأسرار
ماهى ضحكة تقول للجد ياجد كفاية بقى إقلبها هزار 
وأسمعها أميل 
وكأني نخيل 
على صوتها يميل ويقول مواويل 
وسهرت أغنى لوحدى الليل وأقول مواويل ف الهوي والميل 
لعنيها وليلى يبان له نهار 
ماهي ضحكة تقول للجد ياجد كفاية بقى إقلبها هزار

Mostafa rizk

Popular tracks