.نوهب ليه الحياه ، ف الازمة نكون معاه ، الاهلى اعظم كيان ، ع الحرية اتبنى ، ياما علمنا الوفاء ، مبنعرفش النفاق ، فينا اجدع فقير و انقى الاغنياء .... اهلى اتعلمنا الحياه وياك يا اهلى دايما هنكون معاك نحمى الكيان لو مهما كان > اهلى ٦٠ مليون وراك و معاك يا اهلى دايما هنكون معاك نحمى الكيان لو مهما كان  ، لاااا لاه لالالالاااا لاه لالالالالااااا لاه لا ، لا لا لاه لاه

اولتراس وينرز - 1907

في حب كياني

عاشق كيان اسمه الأهلى

هو بعينه النادى الأهلى

نوهب ليه الحياه

Moshage3 Koora I مشجع كورة

فيديو الاغنية ع اليوتيوب
https://www.youtube.com/watch?v=crsw3MdXkbM&feature=youtu.be 

الكلمــــات

مولود بيحب نادى وارث حبه م الجدود
كل ما كان بيكبر حبه بيعدى الحدود
رغم هموم حياته ورغم حتى سوء ظروفه 
قلبه كان بيرفف يوم ما يجى ماتش يشوفه

بيته شبه معرض عنده صورة لكل بطولة
يد سلة طايرة كان مهووس بحب الكورة 
قابله صاحبه قاله انت تشجع مش تتفرج 
عقلية زى عقليتك دى مكانها ف المدرّج 

راح من غير تفكير  اى شئ عشانه يهون
فجأة روحه اتشدت  واقف بيشجع بجنون
اتجنن بالفكرة  حتى مسابش استاد مراحوش
 بيحس بنفس المتعة  بيقابل نفس الوشوش 

اسعد لحظات حياته وسط الغنوة يجى الجول
يفرح يزيد حماسه بصوت يسمع كل الكون 
و ف يوم وسط الهتاف اول مرة دمه يفور
عشان غنوة حرية الأمن بيضرب ف الجمهور

شاف شباب واقف بدمه بيقاوم ف عز النور 
اتعلم مايسبش حقه اتعلم يغضب و يثور
بعد ما روّح  بيته قال يفتح قناه ويشوف
 شاف اعلامى بيحكى كل حاجة بالمقلوب

استغرب مش دى الحقيقة  كل الكلام دة مزوّر 
 فهِم ساعتها ليه  هما مانعين الميديا تصوّر 
اتعلَّم كل حاجة  جوة مدرسة الاستاد
على إد مشاف سعادة  شاف فساد مالى البلاد

المدرج للجمهور مش مكان لدرع وشومة
مكان مشجعين مش معسكر للحكومة 
شاف نظام مرعوب وخايف شايف الحقيقة بعينه
الشوم مكسَّر ضهره ولسة صاحبه معتقلينه

الحكاية مش تأمين علشان شكل كاس ودوري 
كل دة كمين للقضاء ع  الفكر الثورى
سنين ف نفس الدايرة مدخلش قلبه الخوف 
اول م الثورة قامت كان ف اول الصفوف

بالصدفة كل أصحابه جنبه وزيه غضبانين
أشرس فصيل معامل الأشكال دى 4 سنين
 فوّقوه من الغاز  على خبر استشهاد صديقه
كان ايوة اكبر دافع انه يكمل نفس طريقه

بعد مقاومة شعب و بعد هروب كلاب الشرطة
كان مجلس العساكر هوة الى استلم السلطة 
كدابين وبلطجية  نفس السياسة ظاهرة 
بعد دخول المدرج قتلوا أخوهم ف المظاهرة


م المدرج للميدان كان مليون هتاف متزاع
يسقط حكم العساكر قتلوا الوأد الشجاع
اه يا شرطة عسكرية انتو كلاب زى الداخلية
احنا ملناش ف السياسة  بس احنا اصحاب القضية


نزل الصبح بدرى تجمع ماتش برة البلد
رايح يسند فريقه فين ما راح ورآه للأبد 
الضحك ع الوشوش زى فرحة كل سفرية
كل الجمهور بيغنى ف الطريق نفس الاغنية

اليوم دة ما خوّنوش مدّين كل الامان
بعد ال 90 دقيقة ساد الغدر المكان 
مؤامرة ، منفعش فيها هروب ولا المقاومة
باب الخروج ملحوم والاستاد بقى كله ضلمه

الداخلية بتتفرج وكلاب البلد بتقرّب
ف اقل من دقيقة الدم مغرّق المدرج
جرى ع الممر كآخر فرصة للنجاه
بس الامّر كان ممر خروج من الحياه

مأساه راجع واعز أصحابه مش معاه
راجع ودين ف رقبته حقهم عمره ما ينساه
مش بس شاف الموت لا دة عاش كمان تفاصيله
والباشا لسة بيبعد المدرج عن جماهيره

Written by: Ayman Mano
Vocals: Ayman Mano
Music: Free Beat

AYMAN MANO - Moshage3 kora I ايمن مانو - مشجع كورة

متحاولش تقاوم ... حاول تستمتع اكتر 
انت بتلاعب الأهلي مش فرقه بخطين أحمر .
اسمك ولا أسم أمك ... وداد دى تبقي أية

‫متحاولش تقاوم‬

لسه ذكراه فى بالنا .. عمرو فهمي

Sallam Hassan - ( عمرو فهمي ) اغنية

من كل مكان جايين للأهلى 
دا الاهلى كيان غالي علينا
لو كنت فين والقاة بيندهلى
من كل مكان هتلاقينا
من كل حوارى بلدنا بنجمع
فاليوم دا بنلغى اى معاد
صوت الجمهور وياك بيشجع
اسم الاهلى يهز الاستاد
ومن زمان فالدم حب الاهلى 
وفي تالتة شمال بيتي واصحابي واهلى
من كل شكل ولون احنا معاك
وشعب كلة بيستناك
٧٠ مليون عشقك وبيعشقو كورة
وانت ف عينيهم الاهلى الاسطورة
فرحتنا معاك والنصر بنتمناة
وشعب كلة بيستناة
كل العالم عارفين مين احنا 
عارفة الاصرار والاستموات
مهما كان المشوار فية محنة
واقفة وراك التالتة شمال
ولأخر عمرى الاهلى هشجع 
ولأخر عمرى انا هبقي معاك
وهروح لأخر الدنيا وهرجع
لأجل ابقي وراك ضهرك وفداك
ومن زمان فالدم حب الاهلى 
وفي تالتة شمال بيتي وصحابي واهلى
من كل شكل ولون احنا معاك
وشعب كلة بيستناك
٧٠ مليون عشقك وبيعشقو كورة
وانت ف عنيهم الاهلى الاسطورة
فرحتنا معاك والنصر بنتمناة 
وشعب كلة بيستناة




نوهب ليه الحياه

Mostafa Sherif 6

Recent comments

Refat Gamal

User 996821409

Orkeed Mohamed

Ahmed Tonsy ..

Related tracks