محمود الحااكم

Indica In Flames

Ahmed Kamel : Ya Lail || احمد كامل:  يا ليل

_ ماريونت _  Ammar Hosny_عمار حسني

Ammar hosny _fostan      عمار حسني فستان

Ammar Hosny " عازف " |  Hypodermic - برشامة منوم

Ammar Hosny " عازف " ft. Osakkaa | Script - سكربت

الكلمات :
تعالي نحلم سوا ان احنا لينا الكون بحاله
انا كل يوم بحن و اخر الليل افوق اتوجع
بياع الورد مش مجرد حد بتاع اغاني
انا كل غنوه قولت كل حرف فيها حصل

عادي .. انا ساكت .. يارب الحوجه مره انجدنا
عاهدنا بعض ان احنا نبقي لبعض بس بعدنا
دنيا شوقتنا و عذبتنا و كذبت حبنا
دورنا الكون كعووبنا دابت بردو كارهانين نفسنا

مش عارف ! تقريبا اتقتلنا و احنا بنحبي
انا بردو لحد دلوقتي نفسي الحق و اعيش طفولتي
واعيط جوه اوضتي اكتم فقلبي صوت البكا
يمكن غلطنا لما فضلنا عشمانين باللقي

انا من جوايا ميت دايما انا ببان متلصم
بضحك كتير من بره لكن من جوه انا بعيط
دنيا غاويه تخيط قلب شقق و اتجرح من تاني
لسه سامع صوتك "مش هحبك انت بتاع اغاني"

يمكن مبقاش يبان عليا ان انا اتأثرت
دورت و مش بإيدي اسيب مش قادر اشد
و اكتب نوته فيها اسم كل حد باعني عادي
وافضل تحت بيتك ماسك ورده وكل يوم بنادي 

يمكن مبقاش يبان عليا ان انا اتأثرت
دورت و مش بإيدي اسيب مش قادر اشد
و اكتب نوته فيها اسم كل حد باعني عادي
وافضل تحت بيتك ماسك ورده وكل يوم بنادي 

عجزت .. و ماسك ورد ابيع الفرح و اضحك 
انا مش شبهكم عاوز اقول باب النجار مخلع
عقلي خوخ .. راجع فـ عز الليل مدروخ
شوفتك ماشيه مع حبيبك روحت ابيعلك اخر ورده

بياع الورد اخر وردة عنده لبنت عوجه
مختلفه عنهم كلهم بحسك ورده سوده
مش مبسوطه .. وقار كئابتك باين فوق جبينك
ما بين جموع العاشقين اختارت اكون حبيبك

Awney Adel  بياع الورد  - black flower  وردة سوده

Hell | جحيم.

الكلمات : 
#سيف_ليو
غرقان ف بحر العشق و انا غلبان مادراش العوم 
كوابيس خلتني بقالي فتره مدوقتش طعم النوم
اخر مره سمعت صوتها كانت سكاكين بتقطع لحمي 
قالتلي صعب نكمل .. انا جالي عريس و اتقدم 

و بصت للي معايا مخدتش بالها من الي معاها للاسف
كان معاها راجل لو بأيده يتاقلها ماس مش دهب
ضحكت و قولت ماشي امشي و مش هنادي
مقصدش اقولك امشي بس لو هتمشي عادي 

و من بعديها بقيت مريض بالحزن و التفاصيل 
زي اول مسكت ايد و اول مكان شوفتك فيه 
و اول مره قولتي بحبك و اول ليل قعدنا في و سهرنا
و اول مره غيرت عليكي و اتخانقنا 

و اول حضن كان ف الشتاء و خطوت رجلك هنا و هنا
كنتي اول كل حاجه زكريات كتير متعبه
ملقتش وصف لو شطانه قلبك كان زمانه حن
انا اتأذيت ف نفسي و ان اكرهك عمره ما كان الحل
---------------------------------
مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك

مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك
---------------------------------
#عمار_حسني
كل الزعل اذاني و سابني قالولي معاك ولسه لوحدي
هزاري مش مكفي يخبي دموع ندت عنيا و فلتت
و ميغركش ضحكه حلوه وارثها من امي
سحر صوتي جابلي وجع القلب مش اكتر نفسي ابطل اغني

معلش انا اسف لو مافهاش قلة ادب و مؤاخدة 
احنا كان ما بينا حب باين ولا كات بتهزر
هو انا لوحدي عبيط و فاكرك و لا بتمثلي 
يعني بتفتكريني لما تروحي معاه فـ مكاننا و بتتعبي

انا لوحدي .. سواء شئت او ابيت 
الله يرحم حب سنين اتباع بدبله و محبسين
و ان كان تمامك مال فـ بكره تلاقي الاغني
و ان كان حبه عشان جمالك بكره تكرمشي و يستغني

انا محدش حبك قدي .. كل الفكره اني معييش
انتي تقل جمالك دهب ماشي خاطري اغلي اكيد
و عشان كل ما حيلتي حب مظنش انه هيكفيكي
انتي ناقصه اكيد مافيش غير التراب هيملي عنيكي
---------------------------------
مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك

مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك
---------------------------------
#ال12

Ammar Hosny ' عازف ' - Details  تفاصيل Ft - Seif leo

عمار حسني - تفاصيل

الكلمات :
مكنتش بعرف احكي كنت بشتكي للورق فترات
مكنش بينا طريق مقابله كنت بسهرلك فـ شات
و فرق بين جوابات و بين كلام ع لوح ازاز
محدش عارف انا عيطت كام مره ومكتوب تمام

مكنش فـ ضهري عيله فـ اتسندت فـ صحاب فلصو
اول ما اتحطيت فـ اول عركه سابوني لوحدي و جريو
فـ انا اتعودت اكون لوحدي و متسندش بحد
و اتعلمت انها كلها جدعان بتسيبني وقت الجد

حبيت ملاك كانت جميله و الايام بتغير
عشنا جوه دماغي و بره العالم كان لسه بيترندر
هي تعبت و انا يتزهق مني ان جيت للحق
اظن كده خالصين يا بنت الناس بكفايه كسر فـ بعض

و انا ابن اصول محيلتيش اللضا وكده بس جدع
ممكن اديلك عنيا بس هتسندني اما هقع ؟
مش هتجمعنا صدفه الطيبون للطيبات
و انا كان قلبي طيب جدا وانتو اوسخ خلق الله

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
----------------------------------

في صوت كمان مسكتش صوت عازف مسابش السوق
انا حالي كل يوم بيسوء و شكلي مش هفوق مش كده ؟
متفوقنيش عشان لو فوقت هكره نفسي
كانت الناس بتحب الناس و كنت لوحدي بحب ازايز ويسكي 


كتبت ان انا مضايق ع الحيطه اتصوروا معاها
كان كل الي هاممهم ياخدو بوست مش يسمعو غنايا
حاربوني عشان نجحت فـ حاجه مش حاببها
لو هكون كويس بكره اشبعوا بالشهره وربك مش عايزها

متفرحيش ان انا تعبان انا هبقي كويس بكره
هطلع المس نجم السما بس انتي هتفضلي لسه وسخه
و الي اتباع  بمال قارون هيفضل اسمه اتباع
و الناقص لو خد كنوز الدنيا هيفضل بردو جعان

كل الناس سميعه مش كل الي سمعك صاحبك
بكره الهيلمان ده هيخلص و هتتفض و تبقي لوحدك
بلاش عشم و و متسبنيش عشان هوحشك
بكره كل الناس هتحبك لما تموت فصله نقطه انتهي

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
---------------------------------

عمار حسني - ويسكي

الكلمات :

#Awney_adel 
ماتوفقتش مع طفولتي فا شكلي عجز بدري حبه 
كنت بشوفهم مبسوطين لكن لوحدي كنت بشقا 

كنت بتعب.. كانت حياتي مجرد اقتراحات في مشقه الدنيا فاجره معكش حق الشبكه فارمي الورده و انسا

ولا كانلي كبير ولا كانلي في حد خير ولا كانلي حتي في نفسي سنده ابقا اتسندها زاملت الحيط فا مال

انا حظي تاه و تعبت بين حكايات انا كل من بكاني كنت ف يوم واكل في طبق معاه 

فا قالولنا ان احنا.. صغيرين علي فكره.. 
المرض مش بيفرق بين كبير و صغير مرضي بأكتأبنا.. 

كل الحكايات دي هتخلص و الاغاني هتولع عيب انك تكون كبير و شحط و بنت تشتم امك يا اهبل 

اظن الحق اصبح باين.. اظن انك مكنتش سالك فاتغفلت و اتاخد مكانك 

كل اللي قالك ان الدنيا بخير دا كذب 
كنت اوسخ خلق الله عاشرت ابلسه و بالنسبالهم دهب

-------------------------------------------

بلاش تكتر.. لمتهم جمبك منظر 
جوا دماغي ناس بتعيط ميغركش ان انا بهزر واضحك 

وشوش بتبان عليها الهده  
كان في كلام مابينا..! 
اتقال فوسط هزار في قعده قهوه 🙂

-------------------------------------------
#Ali_AGnabe

شادد رحالي و دوق مرار في وسط جو الشتا 
انا كنت  صغير فاكر أن كل الناس طيبه 
كان صقر في و سط بحر وعلي الرصيف كلاب السكك 
كنت ضهرك و اما بحنا و حتجلك ملقكش هنا

اياك تكون فكرني مسلم 
اياك تكون فكرني هفضل في الوجع مكمل 
لو الموت دخل عليا فجأه هيلقيني مقبل 
انا حبيت الدنيا جدا بس معايا كانت بتندل 

يخسارتك يا قلب يا ابيض 
كنت عايز تحمي الملك ونسيت ان معكش طابيه 
كلو عارف فين يوجعك وبرضو كلو داس
في ناس طلعا با نجاسه وناس طلعت بحب الناس 

يارب اوعدنا بالصاحب اللي يسندنا 
يارب أبعدنا علي اللي كلاب لمصلحتها 
ياما سهرنا في الحواري بزرع و نبيع في ورد 
انا اتكتب علي سور مملكتي اخر عازف علي الأرض 

-------------------------------------------

و بنتمني الضحكه ليله 
ضحكه تهون يوم يعدي 
ليله وحده بس جميله 
واسرح في الملكوت و أتأمل 
واكتب وانا ديما بتعلم 
أن الدنيا كاس مش اكتر 
وانت بتشرب كل ليله 

و لسه يامااا
متستغربش كلو منظر 
اناس دي مش شيفنك ولا عرفين انك مضمر 
مريض نفسيا اهم سعدوك عشان حلتك تدهور 
عشان تحب فيهم.... قلبك يطفي و يتكسر

-------------------------------------------
#Ahmed_Heso

مرمي تحت رجلي كنز بس انا بصيت لفوق 
مكنتش بتمنا الحياه ع قد ماتمنيت افوق 
مكنتش راضي عالاحوال وظروف بتجبرني اني اهاجر 
كنت ببعد نفسي غصب كنت للاشخاص بتاجر 
مبصتش لقدام كان قوت اليوم ع قد اليوم 
كنت بقوم وانا بقول انا هرجع امتي ومش بقوم 
انا معوزتش القي نفسي .. 
 شقيت علشان اتكون 
كل حيطة سودا في وشي بس انا حبيت الون 
.. 
اتحمل .. سمعتها كتير لو تعرف عنها 
فانا بقيت رمز لاشخاص تتكلم الكلام ده منها 
.. الدنيا غالبة بس لو فكرت لثانية .. 
تلاقي نفسك جوة دايرة ومش هتخرج غصب عنها 
انت اللي خدت المبادرة سيرتك عاللسان كلام 
الناس مبقاش وراها غيرك انت اية انا تمام 
رجعت تاني   هشرب علشان انام .. 
هنزل  بدري علشان اتهان .. هشرب سم  كان كلام .. ... 

-------------------------------------------

الصورة مختلفتش ياما .. 
الناس عايزالك حفرة .. انزل مع السلامة .. 
الغلب ع قدك تماما .. 
اكتب علشان تتلاقي .. احلم مع الغلابة .. 
الدنيا مبتفتحش ايديها .. 
فتح عنيك هتعما .. 
افتح رجليك هتجيلك .. 
الرزق للي فوق الناس .. 
اجري صح هتتهان .. بيع مخدرات تمام .. 

-------------------------------------------
#Ammar_Hosny

الدنيا مكتش جدعه معانا .. مافيش حلول حلانا
لو هتدور هتدور شمال و لو هتكون هتكون لحالك
كل زمايلك مش باقيالك كله جلي تعبك قصد
احنا شلنا طوب الارض محدش شالنا كله اتشل يابا

تعابين و بدنا نعيش معييش حتي اني اتعايش 
غرقان جوا الهم و بايش كنت فوسط احلامهم سايس
كنت بعدي عشان انا طيب مش عشان مش قادر ائذيك
انا بستفسر بس ع عشرتنا ازاي هانت عليك يا جدع !

العيش و الملح كله اتطفح 
بعد اذنك عايز اعيد حياتي عشان عديت نصها مصطبح
و انا لحم كتافي اتقطع و اتوزع ع غيري 
عايزك تحفظ شكلي عشان هغفلوك و بكره تجيلي يا اهيل

سقفوله عشان مغفل 
مين يتوه توهه اقوم بيكم لوحدي لو انتو بشكل
و الي دوست زمان طلع دخان عماك و سابك
خد بالك يتاخد مكانك 🙂

-------------------------------------------

انا كنت فاكره حبة تعب .. هنام و هفوق
منحوس كان عندي حلم بس مكنش معايا فلوس
وعشان طيب يا قلبي اذوك و بهدلوك
خد بالك عشان مش جمبك حد مهما زادو وشوش

منحوس كان عندي حلم بس مكنش معايا فلوس
وعشان طيب يا قلبي اذوك و بهدلوك
خد بالك عشان مش جمبك حد مهما زادو وشوش

-------------------------------------------

عمار حسني – وشوش

الكلمات :

متشغليش مزيكا حزينه انا هبكي لوحدي 
مش محتاج بشر علي قد ما انا محتاج حاجه تموتني
متبصليش النظرة دي متخافش مش هموت
كل شئ قسمه و نصيب و انا قسمتي مبقاش مبسوط

و ان كان ع الود اتنسي انا وردي اتداس بوساخه
الف مية مليون سلامه مش هعوز من وشك تاني حاجه
خليكي فاكرة انتي الي بعتي كلامك كدب
بكره تندهيلي كتير و مسمعكيش من دوشة الاستيدج

جواباتي الي اتقطعت مش مهم انسيها
سبحان الي يخلي الحاجه فبوقك و بيقسمها  لحد لغيرك
انا مطمعتش فـ كنوز قارون رضيت بيوميه
قبلت الغلب بكل غلب ليه مرضيش الغلب بيا


و طموحي معدانيش لكن كوابيسي محلتنيش
مشاكلي محلهاش تطنيش ولا طيرها دخان الحشيش 
الفتره دي هلكتني و علمتني الوحده
عموما افتكريها يا دنيا خالصه انا ليا عندك واحده

--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا اكتئابي طول جدا .. الحال مبقاش يسر
مهما اقدف بلقي الموج محدف مش سايبني ارتاح ف بر
علمني ازاي مزعلش عشان بزعل كتير
و قولي ازاي احكيلهم زعلي و كل تعبي بيبقي حروف مفيش

و انا من كتير بشيل مع ان الحمل تقيل
ازاي متصدقنيش تلت سنين بحكيلك اني مش بخير
الناس فترات بتأذي .. سيبني و امشي
انا مش شايل من حد و ربك بس انا مش مسامح نفسي

دخان الجوب طار بصحابي و سابلي هوا
رمو طباق العيش و الملح و حطو مكانها طباق الفركه دهب
ياالي انت غايب طمني عشان طال غيابك
كل واحد خد نصيبه زيادة طمعو ليه فمنابك !

مختارتش كده و بكرهني و حياة ربنا 
عشت سنين بلوم الناس و كل حد اذاني كان انا
كان كله عايز مني شهره محبتهاش
كنت بكتب علشان اهدي دلوقتي انا مبهداش


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------
 
انا مش طبيعي لو مش عاجبك ممكن تمشي
عندي نوبات زعل بتفضل بالشهور و مش بتسيبني
و عندي خط تحت عيني من قلة نعساني
ب بتهته ف الكلام كتير وبرجع اسكت تاني

مبشوفش حاجه حلوه بس ساعات بشوفك
بارد جدا قلبي متلج بس بعرف احس بخوفك
عيل صغير بتراضي بكلام و حضن
و رغم اني بسيط بشده شافوني حد غريب و صعب


بحب الي بيسمعني حتي لو سكت
هاتلي حد بس حبني و مغيرهوش الوقت
و اديني صبر ايوب يارب انا خايف اكفر
لو الدنيا بالشكل ده فـ حلوه كده مش عايز اكبر

و انا ممكن انسي الناس لكن مش هنسي تعبي
و مش هنسي اني كنت بتكتك ع الرصيف و كله كان متغطي
12 شخص 12 شهر 12 مشهد
جوزائي متخلف اخر عازف فاضل فـ الكوكب
--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا صاحبك .. مزيكتي وقت ما تقسي الدنيا جمبك 
وقت زعلك هتلاقيني فـ هاند فري بحكيك واصالحك
و انا مش مثالي بس طيب انا هسمعك
هفضل اقولك ان الدنيا وحشه مش هكدب و اخدعك

سامحني انا مقصدتش لو زعلتك مره
هتصدقني لو قولتلك انك صاحبي الوحيد ياسطي
ع فكره انا زيك زعلوني و قولت عادي
30 اغنيه حكيتلك فيهم عن بلاوي حياتي

بس انا تعبان و المرادي الموضوع مختلف
مش من طبعي اشتكي بس وربك الايام عليا افترت
مش كله ضرب انا عشت حرب و حقي اني اتعب
انا فمشاكل جايز متهمكش متدخلش احسنلك

و انا يمكن اكون لوحدي بس عندي اوتاري
عازف بقي ادمان لـ الناس اظن انا نجحت المرادي
ميهزنيش .. جابو سيرتي و قولت سهله
اوعو تنسو مين الي عملكو يا مدعين يا كلاب الشهره


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

Ammar Hosny " عازف " - portrait | بورتريه

Ammar hosny ' اربع سنين ' عمار حسني ' Mostafa fawzy

مهرجان مشدوده اجزائي ( حربونى بحكومه ) مصطفى الجن و احمد موزه و هادى الصغير - توزيع دولسي

.. Rapper. .
24
متنساش تعملي سبسكراايب على قناة اليوتيوب ♥♥ 
لينك اليوتيوب تحت
انا مصطفى فوزي مش عمار حسني ❤️

Ammar hosny ' اربع سنين ' عمار حسني ' Mostafa fawzy

MOSTAFA FAWZY ★

Recent comments

Bgam Srorr

Wafaa-abdalla Abdalla

Ahmed Elkelany

Omaressam Saber

Related tracks