ارجع بقا يخي و اكتب و أملي الدنيا كتابة

ولا هقدر أسكت صوتى فى دماغى وأقوله خلاص ماعدتش مستاهله، الدنيا صعبه ألعب السهله

الدنيا صعبة إلعب السهلة

لازم هتفضل حاجة ف الدنيا نقطفها.

ميصحش أجي للدنيا كأني مجتش..

انا مش هبيع الأمل للناس
ولا هقدر أبيع اليأس
ولا هقدر أبيع فكرة 
ممكن تتقلب بكره و تبقى العكس
ولا هقدر
أسكّت صوتي في دماغي و أقول له خلاص
ما عادتش مستاهلة
الدنيا صعبة ..إلعب السهلة
انت اللي بس مكبر الموضوع
بلاش تكرر خيبتي و غبائي
بطّل تصدّق و انت هتلاقي
عينيك الغرقانين من بكره قاطعين الدموع
بطّل كتابة
و بطّل كآبة
و بطّل تقول عالعبط إخلاص
مش كل صاحب حلم يبقى صاحب حق
....
بس تفضل حتة فيا تقول لي لأ
قلت مش زي ما قلتش
مش كل طرح الدنيا كلام
ولا كلنا ولاد النسيان
لازم هتفضل
ف الدنيا حاجة نقطفها 
بحاول اوصفها
كأني بوصف لواحد أعمى ايه الألوان 
نهنهات الامهات من آخر الطرقة في المستشفيات بالليل
ريحة الطبيخ على السلّم  و ريحة اللب جوه الفصل
عرض جوي لخمسمية حمامة في السما من غير ما يتفقوا
 صوت اليمام في المناور ويّا اول خيط نهار
ريحة كولونيات الغلابة في المواصلة الصبح
صرفيات الاكسوجين لمعلبات المترو مع كل فتحة باب
اول ظهور للملح في طريق المصيف
فرحتك بالنفق و انتا عيّل صغير
و فرحتك بالنوم و انت عيّل كبير
مش كل حاجة بنعرف نحط كلمة مطرحها
الدنيا لسه فيها حاجات ما بنعرفش نشرحها
طول ما موجودة.. الدنيا ما اتهدتش
ما يصحّش آجي للدنيا كأني ماجتش
فيه شفرة جوانا لسه ما اتفكتش
و قدامها لسه كتير

Comments

سا لمان

ســارَّة'🇵🇸

Nour

آية سليم

Israa hossam🍃

Mostafa Napil

Hossam Hemdan

Khamis Abdallah