انا فخور اني انا اللي عامل المزيكا دي ♥️♥️♥️♥️🥺🥰

لو كتبت روايات بجد هكون اول واحده اشتريها وادعمك حقيقي يجي منك سيناريوهات وروايات بجد مفكر شيفاك مفكر اكتر من شاعر 🙏🏻

بسم الله ماشالله عليك ابهرتني ❤️❤️

أول مرة أحس انى قاعد مع نفسي بكلمها من ١٠ سنين. ١٠ سنين بحالهم يا مصطفى

Music by : Samer Ashraf

-----------------

مين اللي كان موجود
قبل أول دقة في الساعة
قبل أول نور بأول لون
ما يقطع سكتة ف الكون؟
قبل أول بذرة
وقبل أول دود
وأول واحد ينتهي ويعود
وقبل والد المولود اللي خلى الدنيا في جماعة
مين اللي كان موجود
قبل أول دقة ف الساعة؟
كان الزمان واقف ما فتحش حنفيته؟
ما جرتش حواديته؟
زي مجرى النهر..
اللي اتفتح فجأة ع الفضاء البور
لا سور ولا سقف
يبني الثواني فوق بعض زي الطوب
يبني السنين فوق بعض يبقم تاريخ
الأرض اللي كانت تحبي جوَّه الكهف
النهارده دراعها واصل المريخ
والزمان
ماشي لوحده ف ضلمة الأكوان
ماشي يقول سبحاني
كلها أكواني
يا كل شيء تاني
بأي شيء غير الثواني نشأت
إديني وقت..
وكل شيء ف الدنيا يتحقق
وكل شيء مش مصدَّق
آخرته يصدَّق
ف الجاذبية والزمن والنور
وكل حتة صخر مرمية
ف الفضا الخالي
بيعدي فيها الزمن زينا وبتدور
مرمية فيه زي السمك ف البحر
مرمية زي السمك في حوض كريستالي
الدنيا باينة واسعة من جوَّاه
الدنيا واسعة صحيح.. لاكن نظر مش لمس
زيك بتسأل هيَّ ليه جت هنا
ودي شهادتنا عن الحياة
ولا شهادتها عننا
زيك بتسأل ع الحقيقة
والسراب
والذاكرة
والانفجار الضخم
في السنين الغابرة..
قبل الوجود
مين اللي كان موجود
قبل أول دقة ف الساعة
وقبل أول نور يتولد للشمس؟
------------


Comments

Mohammed Fathy 58

فاطمة

فاطمة

الدرويش الصغير

azwaany

ali g3fary

user365628631

samer ashraf🎺

fatma∆

Ahmed Mefrh