كَفْكِف دموعَكَ وانسحِبْ يا عنترَه
فعيونُ عبلةَ أصبحَتْ مُستعمَرَه
لا ترجُ بسمةَ ثغرِها يوماً، فقدْ
سقطَت من العِقدِ الثمينِ الجوهرَه
قبِّلْ سيوفَ الغاصبينَ.. ليصفَحوا
واخفِضْ جَنَاحَ "الخِزْيِ".. وارجُ المعذرَه
ولْتبتلع أبياتَ فخرِكَ صامتاً
فالشعرُ في عصرِ القنابلِ ثرثرَه
والسيفُ في وجهِ البنادقِ عاجزٌ
فقدَ الهُويّةَ والقُوى والسيطرَه
فاجمعْ مَفاخِرَكَ القديمةَ كلَّها
واجعلْ لها مِن قاعِ صدرِكَ مَقبرَه
وابعثْ لعبلةَ في العراقِ تأسُّفاً
وابعثْ لها في القدسِ قبلَ الغرغرَه
اكتبْ لها ما كنتَ تكتبُه لها
تحتَ الظلالِ، وفي الليالي المقمِرَه:
"يا دارَ عبلةَ" بالعراقِ "تكلّمي"
هل أصبحَتْ جنّاتُ بابلَ مُقفِرَه؟!
هل نَهْرُ عبلةَ تُستباحُ مِياهُهُ
وكلابُ أمريكا تُدنِّس كوثرَه؟!
يا فارسَ البيداءِ.. صِرتَ فريسةً
عبداً ذليلاً أسوداً ما أحقرَه!!
متطرِّفاً.. متخلِّفاً.. ومخالِفاً
نَسَبوا لكَ الإرهابَ.. صِرتَ مُعسكَرَه
عَبْسٌ.. تخلّت عنكَ.. هذا دأبُهم
حُمُرٌ -لَعمرُكَ- كلُّها مستنفِرَه
في الجاهليةِ.. كنتَ وحدكَ قادراً
أن تهزِمَ الجيشَ العظيمَ وتأسِرَه
لن تستطيعَ الآنَ وحدكَ قهرَهُ
فالزحفُ موجٌ.. والقنابلُ ممطرَه
وحصانُكَ العَرَبيُّ ضاعَ صهيلُهُ
بينَ الدويِّ.. وبينَ صرخةِ مُجبَرَه
"هلاّ سألتِ الخيلَ يا ابنةَ مالِكٍ"
كيفَ الصمودُ؟! وأينَ أينَ المقدِرَه؟!
هذا الحصانُ يرى المَدافعَ حولَهُ
متأهِّباتٍ.. والقذائفَ مُشهَرَه
"لو كانَ يدري ما المحاورةُ اشتكى"
ولَصاحَ في وجهِ القطيعِ وحذَّرَه
يا ويحَ عبسٍ.. أسلَمُوا أعداءَهم
مفتاحَ خيمتِهم، ومَدُّوا القنطرَه
فأتى العدوُّ مُسلَّحاً بشقاقِهم
ونفاقِهم، وأقام فيهم منبرَه
ذاقوا وَبَالَ ركوعِهم وخُنوعِهم
فالعيشُ مُرٌّ.. والهزائمُ مُنكَرَه
هذِي يدُ الأوطانِ تجزي أهلَها
مَن يقترفْ في حقّها شرّاً.. يَرَه
ضاعت عُبَيلةُ.. والنياقُ... ودارُها
لم يبقَ شيءٌ بَعدَها كي نخسرَه
فدَعوا ضميرَ العُربِ يرقد ساكناً
في قبرِهِ.. وادْعوا لهُ.. بالمغفرَه
عَجَزَ الكلامُ عن الكلامِ.. وريشتي
لم تُبقِ دمعاً أو دماً في المِحبرَه
وعيونُ عبلةَ لا تزالُ دموعُها
تترقَّبُ الجِسْرَ البعيدَ.. لِتَعبُرَه...
*********
شعر/ مصطفى الجزار
https://www.facebook.com/mostafa.algazzar.poet?ref=hl

قصيدة عيون عبلة - بصوت فيصل العتيبي - للشاعر مصطفى الجزار

يا عيون مصر الحزينة
ارمي حزنك كله فينا
كفّني بصبرِك شهيدِك
وامسحي دمع المدينة
ـــــــــــ
يا عيون مصر الحزينة
ـــــــــــ
احضني محمد وعيسى
واقتلي الفتنة الخسيسة
جُوّا جامع أو كنيسة
ربنا شاهد علينا...
ـــــــــــ
يا عيون مصر الحزينة
ـــــــــــ
قولي للدنيا الغبيَّة
مصر واحدة وإيد عَفِيَّة
م الصعيد.... لاسكندرية
كلنا ف نفس السفينة
ـــــــــــ
يا عيون مصر الحزينة
ـــــــــــ
اللي خانِك واللي خانّا
مش حسين ولا هوا حنّا
اللي خان... مش من وطنّا
عمرُه ما يكون حدّ فينا
ـــــــــــ
يا عيون مصر الحزينة
ـــــــــــ
اصرخي بحرقة... وصيحي:
اللي مات... ابني ودَبيحي
تفرق ايه... مسلم... مسيحي؟
دمّ أحمد.... دمّ مينا
ـــــــــــ
يا عيون مصر الحزينة
ـــــــــــ
الصليب فارد إيديه
والهلال مَحني عليه
حضن وِحدة... ما تلاقيه
غير في مصر العايشة فينا
ـــــــــــ
يا عيون مصر الحزينة

*********
شعر/ مصطفى الجزار
https://www.facebook.com/mostafa.algazzar.poet

يا عيون مصر الحزينة - بصوت علي الهلباوي - كلمات مصطفى الجزار

المنشدون:
عمر العوضي
مشاري العرادة
إبراهيم الغامدي
عبد القادر  الحموي
حسان أبو عمر الصعيدي
عيد الديب
أحمد سعيد العمراني
محمد رياض الجبوري
أحمد المحاربي
عبد الله المحاربي
*********

حُروفُ النور

أَكْـرِمْ بقـومٍ أَكْرَمُـوا القُرآنـا

وَهَبُـوا لَـهُ الأرواحَ والأَبْـدَانـا

قومٌ.. قد اختـارَ الإلـهُ قلوبَهُـمْ

لِتَصِيرَ مِنْ غَرْسِ الهُـدى بُسْتَانـا

زُرِعَتْ حُروفُ النورِ.. بينَ شِفَاهِهِمْ

فَتَضَوَّعَتْ مِسْكـاً يَفِيـضُ بَيَانَـا

رَفَعُوا كِتابَ اللهِ فـوقَ رُؤوسِهِـمْ

لِيَكُونَ نُوراً في الظـلامِ... فَكَانـا

سُبحانَ مَنْ وَهَبَ الأُجورَ لأهْلِهَـا

وَهَدى القُلُوبَ وَعَلَّـمَ الإنسانـا

* * * 

يا ختمةَ القـرآنِ جئـتِ عظيمـةً

بِجُهُـودِ قَـوْمٍ ثَبَّتُـوا الأركانـا

بَدْءاً مِـنَ (الكُتَّـابِ)، أَوَّلِ نَبْتَـةٍ

غُرِسَتْ، فأَثْمَرَ عُوْدُهَـا فُرْسَانـا

حَمَلُوا على أكتافِهِـمْ أحلامَهُـمْ

يَبْنُـونَ صَرْحـاً بِالتُّقَـى مُزْدَانـا

لَبِنَاتُهُ اكتملـت بحفـظِ كتابِهـم

كَالنُّورِ حِينَ يُتِـمُّ بَـدْرَ سَمَانـا

يا ختمة القرآن أهـلاً.. مَرْحَبـاً

آنَ الأوَانُ لِتُكْمِـلـي البُنْيَـانـا

* * *

جُهْدٌ تَنُوءُ بِـهِ الجبـالُ تَصَدُّعـاً

وَتَفيـضُ مِنْـهُ قُلُوبُنَـا عِرْفَانـا

مِنْ كُلِّ صَوْبٍ جاءَ قَلْـبٌ خَافِـق

يَسْتَعْـذِبُ التَّرْتيـلَ والإتقـانـا

غُرَبَاءُ مِنْ كُلِّ البِقَـاعِ تَجَمَّعُـوا

هَجَرُوا الدِّيَارَ وَوَدَّعُـوا الأَوْطَانـا

غُرَبَاءُ لَكِنْ قَـدْ تآلَـفَ جَمْعُهُـمْ

صَـارُوا بِنِعْمَـةِ رَبِّهِـمْ إِخْوَانـا

* * *

يَا رَبِّ أَكْرِمْ مَـنْ يَعيـشُ حَيَاتَـهُ

لِكِتَابِـكَ الوَضَّـاءِ لا يَتَـوَانـى

يَا مُنْزِلَ الوَحْـيِ الْمُبِيـنِ تَفَضُّـلاً

نَدْعُوكَ فَاقْبَلْ يَـا كَرِيـمُ دُعَانـا

اجْعِلْ كِتَابَـكَ بَيْنَنَـا نُـوراً لنـا

أَصْلِحْ بِهِ مَـا سَـاءَ مِـنْ دُنْيَانـا

واحْفَظْ بِهِ الأوطانَ، واجمعْ شملَنـا

فَالشَّمْلُ مُـزِّقَ، وَالْهَـوَى أَعْيَانـا

وانصُرْ بِهِ قَوْمـاً تَسِيـلُ دِمَاؤهُـمْ

فِي القُدْسِ.. في بَغْدادَ.. في لُبْنَانـا

***
شعر/ مصطفى الجزار
https://www.facebook.com/mostafa.algazzar.poet?ref=hl

أنشودة (أكرم بقوم) - مجموعة منشدين - من قصيدة {حروف النور} - شعر مصطفى الجزار

كَفْكِف دموعَكَ وانسحِبْ يا عنترَه
فعيونُ عبلةَ أصبحَتْ مُستعمَرَه
لا ترجُ بسمةَ ثغرِها يوماً، فقدْ
سقطَت من العِقدِ الثمينِ الجوهرَه
قبِّلْ سيوفَ الغاصبينَ.. ليصفَحوا
واخفِضْ جَنَاحَ "الخِزْيِ".. وارجُ المعذرَه
ولْتبتلع أبياتَ فخرِكَ صامتاً
فالشعرُ في عصرِ القنابلِ ثرثرَه
والسيفُ في وجهِ البنادقِ عاجزٌ
فقدَ الهُويّةَ والقُوى والسيطرَه
فاجمعْ مَفاخِرَكَ القديمةَ كلَّها
واجعلْ لها مِن قاعِ صدرِكَ مَقبرَه
وابعثْ لعبلةَ في العراقِ تأسُّفاً
وابعثْ لها في القدسِ قبلَ الغرغرَه
اكتبْ لها ما كنتَ تكتبُه لها
تحتَ الظلالِ، وفي الليالي المقمِرَه:
"يا دارَ عبلةَ" بالعراقِ "تكلّمي"
هل أصبحَتْ جنّاتُ بابلَ مُقفِرَه؟!
هل نَهْرُ عبلةَ تُستباحُ مِياهُهُ
وكلابُ أمريكا تُدنِّس كوثرَه؟!
يا فارسَ البيداءِ.. صِرتَ فريسةً
عبداً ذليلاً أسوداً ما أحقرَه!!
متطرِّفاً.. متخلِّفاً.. ومخالِفاً
نَسَبوا لكَ الإرهابَ.. صِرتَ مُعسكَرَه
عَبْسٌ.. تخلّت عنكَ.. هذا دأبُهم
حُمُرٌ -لَعمرُكَ- كلُّها مستنفِرَه
في الجاهليةِ.. كنتَ وحدكَ قادراً
أن تهزِمَ الجيشَ العظيمَ وتأسِرَه
لن تستطيعَ الآنَ وحدكَ قهرَهُ
فالزحفُ موجٌ.. والقنابلُ ممطرَه
وحصانُكَ العَرَبيُّ ضاعَ صهيلُهُ
بينَ الدويِّ.. وبينَ صرخةِ مُجبَرَه
"هلاّ سألتِ الخيلَ يا ابنةَ مالِكٍ"
كيفَ الصمودُ؟! وأينَ أينَ المقدِرَه؟!
هذا الحصانُ يرى المَدافعَ حولَهُ
متأهِّباتٍ.. والقذائفَ مُشهَرَه
"لو كانَ يدري ما المحاورةُ اشتكى"
ولَصاحَ في وجهِ القطيعِ وحذَّرَه
يا ويحَ عبسٍ.. أسلَمُوا أعداءَهم
مفتاحَ خيمتِهم، ومَدُّوا القنطرَه
فأتى العدوُّ مُسلَّحاً بشقاقِهم
ونفاقِهم، وأقام فيهم منبرَه
ذاقوا وَبَالَ ركوعِهم وخُنوعِهم
فالعيشُ مُرٌّ.. والهزائمُ مُنكَرَه
هذِي يدُ الأوطانِ تجزي أهلَها
مَن يقترفْ في حقّها شرّاً.. يَرَه
ضاعت عُبَيلةُ.. والنياقُ... ودارُها
لم يبقَ شيءٌ بَعدَها كي نخسرَه
فدَعوا ضميرَ العُربِ يرقد ساكناً
في قبرِهِ.. وادْعوا لهُ.. بالمغفرَه
عَجَزَ الكلامُ عن الكلامِ.. وريشتي
لم تُبقِ دمعاً أو دماً في المِحبرَه
وعيونُ عبلةَ لا تزالُ دموعُها
تترقَّبُ الجِسْرَ البعيدَ.. لِتَعبُرَه...
*********
شعر/ مصطفى الجزار
www.facebook.com/mostafa.algazzar.poet?ref=hl

الشيخ محمد العريفي يلقي قصيدة عيون عبلة - شعر مصطفى الجزار

في الأقصى.. طِفلٌ ثَوْريٌ

معهُ أحجارٌ في يَدِهِ

يَرْمِيها نحوَ يَهُوديٍّ

قد دَنَّسَ ساحةَ مسجدِهِ

حَجَرٌ.. ويُتابِعُهُ حَجَرٌ

ليذوقَ العزةَ في غَدِهِ

***

الطفلُ.. ذخيرتُهُ نَفِدَتْ

ما عادتْ أحجارٌ تُرمَى

قد سَدَّدَ كُلَّ حِجَارِتِهِ

في وجهِ الشيطانِ الأعمى

فدعا: اللَّهُمَّ.. حجارتُنا

نَفِدَتْ.. فارزُقني اللهُمَّا

***

وتَمَلَّكَ مِعْوَلَهُ فوراً

لِيَهُدَّ حجارةَ مَنزِلِهِ

ما عاد يفكَّر في عيشٍ

في مَسـكنِهِ أو مَأكلِهِ

واستأنَفَ قذفَ حجارتِهِ

لم يخشَ رصاصةَ مَقتلِهِ

***

البيتُ...

حجارتُهُ نَفِدَتْ

ما عادَ بِهِ حَجَرٌ وااااااااحِدْ

فأتاهُ الجنديُّ الأعمى

والطفلُ بمحرابٍ.. سااااااااجِدْ

فرماهُ.. فمات يُرَدِّدُها

وينادي:

أينَكَ يا خاااااااالِدْ؟؟

***

زُعَمَاءُ الأُمّةِ.. قد عَلِموا

ما يحدثُ للطفلِ المقتولْ

فتناقَشَ كُلٌّ عن سببٍ

للقتلِ..

ومَن كان المسؤولْ

ورأَوا..

مِنْ بعدِ مُباحثةٍ

سبباً..

ورأَوهُ هو المعقولْ

***

أحدُ الزعماءِ

يقولُ:

"رُبوعُ القدسِ يعيشُ بها أحرارْ

يَرْمُونَ بكُلِّ حجارتهم

في وجهِ الأعداءِ الأشرارْ

فأرى..

أنْ نُرْسِلَ طائرةً

فوراً..

وستُملأ بالـ....

أحجارْ!!

***

لِنَمُدَّ الإخوةَ في الأقصى بالعونِ

فذاكَ هوَ الأحسنْ

فحجارتُنا..

ستُحَرِّرُهم

لن يُهدَم بعدُ لهم مَسْكَنْ

أمّا الأمواتُ..

أو الجرحى

إكرامُ الميّتِ أن....

يُدفَن"!!

***

أنهى المذكورُ

قصيدتَه العصماءَ

وبارَكَهُ الإخوَةْ

والقمّةُ

تمّتْ (ناجحةً)

بسلامٍ...

ناعمةً...

رِخوة!!

والطفلُ هنالك.. مُنتظِرٌ

إمداداً...

من أهل النخوة!!!
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( الوطن الحجري ) للشاعر مصطفى الجزار

ما باكتِبش القصايد فيكي بالسّاهِل
برغم انّ القصايد فيكي تستاهل
وانا عُمْري..
ما كنت ف حِرْفتي عاجز ولا جاهل
لكن ساعة ما اقول إني هاقول فيكي..
ألاقي الحرف جوّايا ما بين مقتول.. وبين قاتل
وعارفة.. كل دا مِن إيه؟
باحِسّ انّ الكلام عنِّك.. سحابة عالية فُوق فُوقي
وانا واقف على قلبي وْعلى حُبّي وْعلى شُوقي..
وبرضه لسه مش طايل!
ولما يقولوا: "غَنِّلْها..
وقُول الشِّعر فِ عْنِيها عشان يِرضَى عليك نِيلها..
وتِعدِلْ بَخْتَك المايل"..
أَرُدّ بْكُلّ إحساسي: مَنِيش قايل..
يا مَصر الشِّعر فِ عْنِيكي ما هُوش سطرين بيتقالوا
ولا موّال بيتغنّى وانا قايلُه و"مِتْقالُه"
ولا شوية كلام شعارات بيتحطّوا.. ويتشالوا
يا مَصر الشِّعر فِ عْنِيكي جبال عالية
وحِمْل تقيل..
يشيلُه إبنِك الفارس
وانا لسّه مَنِيش فارس
لكنْ حاسِس..
بإني هابقى يوم هُوَّا
ساعتها يا امَّه تِبقى الكِلْمة مِن جُوَّا
وأبقى قَدّ قُول قلبي
وامِدّ إيديَّا لإيديكي
ساعتها بسّ أستاهِل..
أقول الشعر ف عينيكي
****
يا شايلَة كْتير على اكْتافِك
ومش هَمِّك/ ومش هامِّك/ وبتشيلي
وساقيَة الكُلّ من دَمِّك
وبتقولي: "فِدا نِيلي"
يا أيُّوبَة..
يا غالبَة وانتِ مغلوبَة..
يا نِسمَة ف عِزّ صيف باردَة
وحُضن ف عِزّ ليل طُوبَة
باحبِّك.. وانتِ مش غِيرِك
باحبِّك لما تبقِي انتي
بِطين الزرع وبْخِيرِك
ف عِشَّة صْغَيَّرَة سْكِنْتي
باحبِّك وانتِ مش "هانم"
ولا لابْسَة الكعوب عاليَة وماليَة وِشَّها أحمر
باحبِّك وانتِ فلاّحَة..
ولابْسَة الحِشْمَة والطِّيبَة وْعلى جْبِينِك.. عَرَقْ أخضر
واحبِّك لما ألقاكي بتتوضِّي بميّة نيلِك الأسمر
وبتصلِّي على التّرْعَة..
وفَارْدَة الكُوووون مِصَلِّيَّة
باحبِّك..
وانتِ مَصْرِيَّة
ما تبقيش واحدة منسوخة..
وممسوخة..
ف آخْر الصَّفّ مَرْمِيَّة
يا أُمّي إرفعي راسِك
ودُوسي كل مِن داسِك
وِحِبِّيني..
أنا شعبِك.. أنا ناسِك
أنا أرضِك.. أنا فاسِك
أنا العايش بأنفاسِك
أنا العطشان لنقطة فايضة من كاسِك
لا انا طمعان أنول دَهَبِك..
ولا مَاسِك..
دا انا مَاسِك..
بإيدي الجمر طول عُمْري
ولا خَيِّبت يوم ظنِّك ولا كدِّبت إحساسِك
ولو عايزة.. أكون تاجِك
واكون لو عايزة كَنّاسِك
واكون عَلَمِك..
واكون قَلَمِك..
واكون حِبرك وكرّاسِك
واكون كُرباج على ضَهْر اللي يوم غَشِّك
وقرّب إيدُه مِن وِشِّك
وقال لِكْ إنُّه مِن جُندك وحُرّاسِك
وع الخَدّ اليمين ضَرَبِك.. وع الخَدّ الشمال.. بَاسِك!
***
يا أُمّي.. حِسّي بوْجودي
دا انا الكِلْمة اللي فوق سَطْرِك
طب اعمل إيه عشان خاطرِك؟
عشان خاطرِك.. أكون مَدْفَعْ..
واحارب في صفوف الجيش
واكون أجدَعْ..
واحارب في طابور العيش
ولو ينفع.. أعيش زيّ الملايكة هاعيش..
ولا آكُل.. ولا أشرب.. ولا أحزن.. ولا أغضب
ولو كان اللي جاي أصعب.. ولا يهمِّك
ما انا اتعوِّدت يا "غالية".. على "الغَلَيان"
وإنّ الفاضي دلوقتي.. صَبَح بيصُبّ ف الملْيَان
وإنّ الْمَكْسِي عايز هِدْمَة م العِريان
وإنّ سعادة الشبعان..
بيطلُب لُقمة م اللي مْقَضّي طول عُمرُه نهار رمضان
أنا اتعوِّدت ع الدنيا اللي بالمقلوب
وع اللي بيتُه مَبنِي إزاز لكنْ وَاصِل..
فيِحْدِف حِلْمِنا بالطوب
أنا اتعوِّدت..
ع الجري اللي للمتاعيس
وع الزَّفَّة اللي فوق أرضي ومش لِيَّا..
وماشي فيها ألف عريس..
وبِنْت بْنُوت..
حِلِمْت ف يوم تكون لِيَّا.. واكون ليها
حِلِمْت اسكُنْ على نِيل رمشها الصافي..
واقابل بُكرة ف عْنِيها..
حِلِمت بكُلّ شيء فيها..
وفجأة ألاقي أحلامي..
سَمَا عمّالة بتمطَّر سيول كوابيس
فاقوم مِن نومي مِن فَزَعِي
ألاقي الصُّبْح بيشَقْشَقْ على وَجَعِي
يصحِّيني بُكا الأشعار..
فأغسل وشّي بالأخبار
واحضَّر مِن همومي فْطار.. يكفّي قلبي طول الشهر
وابلَّع لُقمتي.. بالقَهْر
ولما اشبع من الأحزان..
أبوس على إيدي وِشّ وضَهْر
واقول.. نِعْمَة..
هتفرق إيه نشوف الدنيا أو.. نِعْمَى؟
يا مصر القلب مش قادر يشوف.. غِيرِك
ولا قادر ينول.. خِيرِك
ولا قادر.. يكون مِن غير جناح طِيرِك
لكنْ برضُه بيستحمِل
يقول عادي.. ولا يهمِّك
أنا اتعوّدت يا غالية.. فمدُّقِّيش
ما انا هافضل كده عايش على أمل اني بُكرة هاعيش
واقضّي عُمري مش فارقة ألاقي اللقمة أو ما الاقيش
وانام برضُه جعان لكنْ..
أخاف احلَم..
بسوق العيش!
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( أول قصيدة ف مصر ) للشاعر مصطفى الجزار

سَرَقْت القصيدة؟
وإيه اللي نابَك؟
بتحفر ف قبرك بِنَابَك
بتضحك عليك.. مش عليّا
بتمسك نجوم السما.. بس برضه بإيديا
بتاخد كلامي..
تقولُه لغيري..
فبيسقَّفولي
وبيوقَّفولي قلوبهم طابور
بزينة ونور
وتعظيم سلام
يحيُّوا الكلام
وصاحب الكلام
برغم اني غايب!
فشوف لاحترام!
***
يا شاعر يا فالصو يا واقف مكاني
آهات معجبينك بتوصل وِدَاني
وكل المديح اللي فاكرُه عشانَك دا يبقى.. عشاني
***
سرقت القصيدة؟
وضاعت رجولتك؟
ما عُدْتِش بتقدر تخلِّف قصايد؟
تجوِّز مراتك لغيرك وهيّا على ذمّتك؟!
تبيع حُرمتك؟!
مشاعرك تبات ويّا شاعر غريب..
وتبقى انت واقف وشايف وعارف..
ولما ابنهم يتولد تيجي سارقُه وتصرُخ: (دا إبني..
ومِن صُلب صُلبي وربي يحاسبني)..
وهوا لا إبنك ولا يشبهك
دا عار يشبهك
***
سرقت القصيدة؟
وفاكر بإنك أراري وحويط؟
مغفَّل.. عبيط..
قصايدي ولادي..
وحتى انْ لعبت ف شهادة ميلادهم
وحتى ان نفيتهم بعيد عن بلادهم
وغيّرت إسمي بإسمك
ولبّست روحي ف جسمك
ولوّنت وشّك بلون الطيابة..
فإوعاك تفكّر بإنّ القصايد ولادي..
هيتغشّوا فيك ويقولولك: يا بابا..
فبطَّل.. خَيَابَة
قصيدتي ماهيش كلمتين قلتهم لاجْل فَرْحي وهَمِّي
قصيدتي دي لحمي ودمّي
جينات الوراثة بتجمع ما بيننا
عينيها عينيا..
إيديها إيديا..
لسانها لساني..
كيانها كياني.. وْمافيش حد تاني هيقدر ياخدها
ومهما تقولها.. ومهما تعيدها
ومهما هتربط قيودك فِ إيدها
ومهما تحوَّط عليها.. فَاقِدها
فيسب الجواري اللي بتحبّ سِيدها
غزالة بتجري.. وديب.. بس أعمى..
هيقدر يصيدها؟
***
يا شاعر يا فالصو
جاوبني بصراحة
بتشعر بإيه..
لما صوتك يجلجل..
وعارف بإنه ماهوش هوّا صوتك؟
وعارف بإنك بتحفر لموتك؟
بتفرح؟.. ما اظنّش
وتشعر بإيه..
لما تلقى عيون معجبيني تبوسك
ولما يشوفوني.. بيجْرُوا عليا وجِزَمْهم تدوسك؟
بتحزن؟؟.. أكيد
وتشعر بإيه..
لما تِكْمَل فضيحتك
ولما تفوح وسط جمهوري ريحتك
وواحد ما بينهم يقول لك..
بإنّ الكلام اللي قولته.. كلامي
وإنك..
حرامي..!
بتشعر بإيه؟
***
يا شاعر يا فالصو يا صعبان عليا
مِنَح ربنا مش بإيدك ولا هي بإيديا
مش احسن تشوف وسط جمهوري كرسي..
وتقعد مُعزَّز مُكرَّم عليه..
واقوم انحنيلَك..
واقدَّر جِميلَك..
واقول القصيدة..
واسلّم عليك؟
ساعتها..
هتبقى انت فعلا.. شريكي الحقيقي ونُص المعادلة
بدل ما انتَ كائن طُفَيلي يحاوِل يعوّض ف نَقصُه
وكل اللي يسمع كلامك يقول لك..
يا شاعر.. يا فالصو
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( شاعر فالصو ) للشاعر مصطفى الجزار

إهداء إلى.. صدام حسين
صباح سقوط بغداد في أيدي الأمريكان
****

قال انا صامِدْ
قال انا جاااااااااااااامِدْ
قال مش هاسمَحْ
إنّ تْرابْ بغداد يِتْنجِّسْ... مِن رِجليهُمْ
قال مش هاقبَلْ
إنّ عينيها...
تبكي دْموع بترول ف إْيديهُمْ
قال انا قااااااااااااهِرْ
قال انا قااااااااااااادِرْ...
أمحي وجودهم
وادفِنْ جُوّا عْنادي صْمُودهم
قال انا طَلْقة..
تِحْمي حْدود البيت المِلْك
قال انا هاقطَعْ رِجْل الظلم انْ حاوِل مرة يعدّي السلْك
لما سْمِعنا كلامُه فْرِحنا
واتشوَّقنا
قُلنا اهو جالنا اللي يفوَّقنا
وامّا سْمِعنا الخبر ايَّاه
إنّ تْراب بغداد الطاهِر.. ما بَقَاش طاهِر
وانّ خلاص البيت المِلْك.. أصبَح شِرْك
وقتها بس..
اتأكدنا..
إنُّه صحيح كان طَلْقة شْديدة
بس خسارة
طَلْقة فْشِنْك!!!
*****
ليه يا مُناضِل؟؟؟
ليه سدّدت الطعنة ف صدر الأمل الفاضل؟؟؟
ليه تخلّينا نحلَم بيكْ
ونخلّيكْ
فتى أحلام الأمة بحالها
تيجي تشيلها من أوحالها
تِرفع راسها وتِعْدِل حالها
ليه تخلّينا نقول لولادنا إنّ صلاح الدين موجود
واننا لازم نلبِسْ مِيرِي ونبقى جنود؟؟؟
*****
كُنت باشوفَكْ..
لما بتصرُخْ وتقول: "لأ"
آخُدْ صوتَكْ واصرُخْ بيه للناس وأقول:
"يحيا الحقّ"
وافتَح وِدْني لْصوت الراديو
بِيغنِّي لي
بِيغنِّي لَكْ
كُلّ أغاني الوطن الحلوة:
"عاش الجيل الصاعد عاش"
"وطني حبيبي الوطن الأكبر"
"صورة للشعب الفرحان"....
لكن فجأة الدنيا "اسودّت"
لما رفعت الراية "البِيضا"
يومها فتحت الراديو عشانَكْ
لكنْ وِدْني ما كاتْش بتسْمع
غِير أغنية وحيدة وبَسْ
نَبرة حزينة وصوت موجوعْ:
"ليه تصحِّيني ف وِسْط الجنّة بْنار ودْمُوع"
كُنت ارحمني...
وسِبْني شويّة...
أعيش...
مخدوع
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( طلقة فشنك ) للشاعر مصطفى الجزار

عشان انتَ شاعر..
وحِلمَك بيرفُض سكوتَك وغالبَك
هاطاوعَك وهاخدَك على قدّ قلبَك
ويمكن.. أحبَّك
عشان انتَ شاعر..
ولحمَك ودمّك معاني ومشاعر
وقلبَك ما هوش زيّ كل القلوب
بكلمة يِدَوِّب..
وكلمة يِدُوب
ويتمنى نظرة شروق مِن عيون الغروب
ويحلم يطير.. حتى مِن غير جناح
ونِفْسُه يدُوق مَرّة طَعم البراح
ويمسح بحِلْمُه اللي جاي دمع حِلْمُه اللي راح
لأنَّك..
رقيق..
زيّ كلمة غَزَل..
بتتقال بهمس بشفايف خَجَل
لأنَّك..
حقيقي..
وليك وِشّ واحد..
ما هُوّاش ملوِّن بلون الضباب
وواضح وضوح الحروف الجريئة في عنوان كتاب
وصافي قوي..
زيّ نقطة مطر فوق خدود السحاب..
بترفض لُقا الأرض رغم انُّه مكتوب عليها..
وخايفة يعكّرها ذَنْب التراب
ودايماً بتحلم بحُضن القمر.. حتى لو كان سراب
***
عشان انتَ طيِّب..
بَاحسَّك قُريِّب
باحسّ المسافة اللي بينّا.. ما فيش
ولما تِدَوَّر..
على حاجة تجمع ما بيني وما بينَك..
غير انّ احنا توأم خيال.. ما تلاقيش!
**
عشان كل ده..
رافضة اشوفَك سجين..
زيّ عصفور ملوِّن..
وسِجْنَك ظُروفَك
وقرّرت اكسّر سلاسل مشاعرَك
واخلّيك ترفرف..
وتفرِد جناحَك..
وتتحدى خُوفَك
وتبقى ف خيالي حبيبي..
وأبقى ف خيالَك.. حبيبتَك
واطير بيك وافُكّ الشعور اللي رابطك
لكنْ إوعى تزعل..
إذا جيت ف يوم وانتَ طاير...
.. وسِبتَك..
ساعتها..
هتصعب عليا قوي لو لقيتَك..
بتنزل على جدور رقبتَك
لكن مش بإيدي..
ولا هُو بإيدَك
هتتعب شوية..
وتحزن شوية
وتكتبني فوق الورق ذكريات
وتوصفني إني الغرام الوحيد اللي عاش.. لما مات!
وتبكي عليا..
لكن مش هتندم..
لأنك في كل اللي شوفته..
..بتحلم..!
وحرفَك دا هوّا الحقيقة الوحيدة
وَادِيك عِشت قِصّة ومشاعر جديدة
ومبروك عليا وعليك القصيدة..
وفرصة سعيدة!
...
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( فرصة سعيدة ) للشاعر مصطفى الجزار

في القرآن
ربّك قال للناس: "ادعوني"
علشان هوا كريم وبيدّى
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
"يا الله
رجّع لينا صلاح الدين..
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله..
*****
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ..!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا..!!!
وسألناه: "انت اسمك إيه؟!"
قال بالفُصحى:
"أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه.. للأنجاسْ!!
لكن.. لا بأسَ.. فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا..
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*****
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف..
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع وأهِيص
لكن حرب؟!!!
سلامُو عليكم.. أنا مش فاضي"
*****
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق.. مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*****
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*****
واحد رابع..
واحد خامس..
سادس..
سابع..
عاشر..
ألف..
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين..
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين.. يا الله..
*****
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه..
علشان يفضل
زي ما هوا.. صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان ويقولوا:
"يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله..
مش عايزينُه ييجي لوحْدُه
لازم جِيشُه يكون ويّاه
لازم جِيشُه..
يكون..
ويّاه..
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( معجزة ) للشاعر مصطفى الجزار

قصيدة باللهجة الصعيدية المصرية
//////
أمريكا قالت:
"يا عرب..
العلم قال.. انّ السما من غير عمود"
احنا العرب..
قُلنا: "دى قُدرة ربّنا"
أمريكا قالت:
"يا عرب..
العلم قال.. الكون ما بتحدُّوش حدود"
احنا العرب..
قلنا: "دى حكمة.. ربّنا"
أمريكا قالت: "يا عرب، العلم قال..
القدس من حق اليهوووووووود"
احنا العرب..
قلنا: "يبارك ربنا"!!!
***
مليون قصيده يا عرب
مليت خلاص من دى القصايد والخطب
مليون قصيده عفّنت
وريحتها فاحَت م العطب
مليون قصيده يا عرب
***
مليون قصيده ع الورق متستفه وْ..
متحنتفه وْ..
لسه الإيدين..
متكتفه وْ..
متلفلفه..
بقيود ولكن مش حديد
دى قيود يا ناس من نوع جديد
طب هيّا إيه؟!!
جندى يهودى
جاب لبانته اللى في بقه
و شدها زى الخيوط
قاموا العرب مدوا إيديهم ناحيته
قام لفها حوالين إيديهم
أصبحت هيّا القيود!!!
ميته إيديكم يا عرب
تقوى على الخيط الضعيف؟!!
و تقطعه بنفخة هوا
من صدر واحد منكم
قلبه صحى..
أو مستحى..
مليون قصيده يا عرب
كان نفسها
تتقال في يوم الإنتصار
كان نفسها
تهرب من الليل.. للنهار
كان نفسها
تخرج عن السطر الضريح
و تسابق الريح اللى رايحه
تحرر الأقصى الجريح
كان نفسها وكان نفسها وكان نفسها..
لكن كسرتم نفسها..!!!
ميته تفوقوا يا عرب؟!!
و القدس اهه
محبوسه في أوضة يهودى بتغتصب
و انتم خواتها
و بكره ييجى الدور عليكم
و هتدخلوا أوضة اليهودى
اللى بناها بجبنكم من غير حيطان..
ما انتو اكتفيتم بال.. قصايد والخطب
يادى القصايد والخطب
خلتنا نهزم إسرائيل..
جوا الكتب!!
ورق القصايد والخطب
بتقطعوه
و تلفلفوه
علشان تسدوا بيه ودانكم
لاجل ما تسمعش صرخة مستغييييث..
ندل وخسييييس
كل اللى عرضه راح هدر
ما مسحش عاره
كل اللى أرضه بتنسرق
و ما خدش تاره
مليون قصيده يا عرب
قالت لكم:
"قوموا نحاااااارب.."
ما سمعتوهاش
قالت لكم:
"قوموا نجرب نبقى رجاله
و اهى الدنيا تجاااااارب.."
قلتم:"بلاش"
قالت لكم:
"القدس بتنادى ( كفاااااايه!!
دايمًا عليه
حاولوا يوم تبقوا معاااايه!! )"
ما فهمتوهاش..
*****
لفيت على كل العرب
و باقول لهم:
"قوموا يا فرسان العرب للمعركه..
قوموا يا فرسان العرب للمعركه..
قوموا يا فرسان العرب للمعركه.."
اللى يقول لى:
"لو نحارب
مسكونى سيف ( عمر )
و احنا ضرورى ننتصر"
يا سيف ( عمر )..
ما تقول لى إيه السر فيك
حدادك اللى صنعك
ركب زرار النصر فيك؟!
خلاك تحارب تنتصر
حتى ولو في إيدين جبان؟!!!
و اللى يقول لى:
"لو نحارب
ركبونى حصان ( صلاح )
و تلاقوا عصر الظلم راح"
يا حصان ( صلاح )..
ما تقول لى إيه خلاك بطل؟!!
كات وكلتك
وكلة ميتين م الاحصنه؟!
ولا تلاقيك بعشر رجول!
ولا براسين!
بتخش أرض المعركه
و بتنتصر
حتى ولو كان اللى راكبك
ماسك الخمره وحاضنها بين شفايفه!!!
*****
المعجزه مش في الحصان..
و لا عمرها كانت في سيف..
عايزين نجمع يا عرب
من كل دوله ميت جنيه
و ننقى حتة أرض (( طاهره ))
نبنى عليها مصنعين
واحد يصنع لينا جيش مابينهزمش
يركب على ضهر الحصان
و التانى يعمل لينا كام دستة إيدين
علشان تحارب بالسيوف
لو مامعاكوش..
لو مامعاكوش حق المبانى يا عرب
أنى مستعد
أتباع في سوق النخاسين
و ادفع لكم
و لما تبقو أغنيا بين الأمم
ابقوا ساعتها ردوها لى
*****
و بالمناسبه..
قبل ما اخلص كلام..
أمريكا باعته لكم سلام..
بتقول لكم:
"متشكرين
لولاكم انتو يا عرب
ما كانتش ليا منزله بين الأمم
إنتو اللى وطيتم عشان
نركب على اكتافكم سنين
و عشان كده
بنقول لكم من قلبنا
متشكريييين..
و عشان كده
راح اوصى إسرائيل عليكم
علشان تبطل ضرب فيكم
.. يا إسرائيل.. يا بنيتى
اطمنى..
مافيش سلام..
لكن بلاش الضرب في بلاد العرب يا إسرائيل
دا مش عشان انتى رحيمه وطيبه يا بنيتى
لكن عشان..
( الضرب في الميت..
.. حرام.. )
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة (مليون قصيدة يا عرب ) للشاعر مصطفى الجزار

هي دعوةُ اللهِ التي أَوْحَاها

للمصطفى، فأقامها وحَمَاها

يا شِعْرُ يا مَن قَدْ شَرُفْتَ بأحمدٍ

قُلْ للدُّعاةِ تَعَلَّمُوا مِن طَه

كانت قريشٌ قَبْلَهُ مغموسةً

في لُجّةِ الكُفْرِ الذي غَشَّاها

لما دعاها -مُشْفِقاً- لِنجاتِها

وَلَّتْ، وضاقَتْ أرضُها وسَمَاها

وبكُلّ لُطْفٍ قال: إني مُرْسَلٌ

لا أدّعي هذا ولا أَتبَاهى

قالوا: فإنكَ كاذبٌ ومُضللٌ=

أصنامُنا لا نرتضي إلاّها

***

وبأرضِ مكةَ أَجْمَعَ الأعداءُ

أنْ يقتلوهُ، ولم يكُنْ ما شَاؤوا

هَجَرَ الديارَ، ولم يُرِدْ هِجرانَها

وأتى المدينةَ، فاهتدى النُّصَرَاءُ

حتى أتى فَتْحٌ لمكةَ، فانحنتْ

أعناقُ كُلِّ المُشرِكينَ، وباؤوا

يومُ التشفي جاءَ طَوْعَ محمّدٍ

أعداؤُهُ في سِجْنِهِ أُسَرَاءُ

نَادَاهُمُ: ماذا تظنُّ عقولُكُمْ؟

قالوا: كريمٌ، أهلُهُ كُرَمَاءُ

فأجابهم: قُوموا.. لقد سامحتُكُمْ

ولْتذهَبُوا، فلأنتمُ الطُّلَقَاءُ

***

وتَرَى العجوزَ بِحِمْلِهَا.. ومُحَمَّدَا

في السوقِ، قد بَلَغَ العَنَاءُ بها المَدَى

لما رآها قالَ: "خَلِّي عَنْكِ ذَا"

قالت له: "احْمِلْ، قد جُعِلْتُ لَكَ الفِدَا..

ولَكَ النصيحةُ.. إنَّ قولَ محمدٍ

كَذِبٌ، فلا تَسْمَعْ -بُنَيَّ- لِذَا النِّدَا"

فأجابها بسماحةٍ وبرحمةٍ:

"يا خَالَتِي.. أوَتَعرِفينَ مُحَمَّدا؟"

قالت له: "ما لي بِهِ؟!"، فأجابها:

"إني رسولُ اللهِ أَدعُو للهُدَى"

قالت له: "صَدَّقْتُ أنكَ مُرْسَلٌ

حَقٌّ علَيَّ بأنْ أُقِرَّ وأَشْهَدَا

***

هذا.. محمدُ.. يا دُعَاةَ المسلمينْ

فَتَعَلَّمُوا مِنْ هَدْيِ رُبّانِ السفينْ

يَدْعُوا إلى الدينِ العظيمِ برحمةٍ،

وسماحةٍ، وفصاحةٍ عُليا.. ولِينْ

مَن قال إنّ الحقَّ سادَ بسيفِهِ؟!

هل في سماحةِ دينِنا حِقْدٌ دَفِينْ؟!

يا مسلمونَ تَنبَّهُوا.. لا تُخْدَعُوا

لا تَجْرَعُوا يوماً سُمُومَ الماكِرِينْ

فَمُحَمَّدٌ.. نَشَرَ السلامَ بِحِلْمِهِ

أخلاقُهُ دَلَّتْ على رِفْقٍ مَكِينْ

ما كانَ يوماً داعياً بفظاظةٍ

ما جاءَ إلا رحمةً... للعالمينْ

**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة ( هذا محمد ) للشاعر مصطفى الجزار

قَلْبي .. تَناثَرَ عِشْقُهُ .. في كُلِّ رَابِيَةٍ وَوَادْ
حَمَلَتْهُ رِيحُ العِشْقِ فَوْقَ سَحَائِبِ الأَشْوَاقِ
فَاخْضَرَّتْ بِوَابِلِهِ بِلادْ
حتى إذا ..
مَا طَارَ فَوْقَ مَدَائِنِ التَّارِيخِ
أَسْقَطَ دَمْعَةً شَرْقِيَّةً
وَأَنَاخَ رَاحِلَةَ المِدَادْ
وَأَشَارَ نَحْوَ تُرَابِهَا المَعشُوقِ..يَهْتِفُ بِاسْمِهَا
وَيقُولُ: قِفْ يَا شِعرُ ..
واسْجُدْ هَا هُنَا ..
قَبِّلْ تُرَابَ حَبِيبتي ... بَغدادْ
* * * * *
بَغدادُ .. إني ..
رَغْمَ بُعْدِي - يَا قَرِيبةُ - عَنْ رِحَابِكْ
وَبِرَغْمِ أَني لَسْتُ نَبْتاً..قد تَهَدْهَدَ في تُرابِكْ
وَبِرَغْمِ أنّ هُوِيَّتي حَمَلَتْ هَوَى الأهرامِ .. .. مِصْرَ ..
ولم أَطَأْ يوماً ثَرَاكِ .. ولم أَصِلْ يوماً لِبابِكْ
وَبِرَغْمِ .. .. كُلِّ الرَّغْمِ .. إلاَّ أَنني ..
قَدْ عِشْتُ حُزنَكِ كُلَّهُ ..
وَقَضَيْتُ عُمْرِي في مُصَابِكْ
جُرْحِي وَجُرْحُكِ وَاحِدٌ ..
مَطَرِي ..
يُسَافِرُ في سَحَابِكْ
* * * * *
بَغدادُ يَا نَزْفَ العُرُوبَةِ ..
يَا فُرَاتَ الحُزْنِ ..
يَا جُرْحَ السَّمَاءْ
يَا دَمْعَةً قَدْ أَغْرَقَتْ جَفْنَ الوُجُودِ ..
وَأَبْحَرَتْ في مَوْجِهَا .. سُفُنُ البُكَاءْ
يَا صَرْخَةً شَقَّتْ عَبَاءَاتِ الرَّجَاءْ
يَا طِفْلةً رَسَمَتْ بَرَاءَتَهَا ..
عَلَى جُدْرَانِ وَاقِعِنَا ..
بِأَلْوَانِ الدِّمَاءْ
أَنتِ التي ..
حَمَلَتْ عَلَى أَهْدَابِ عَينَيها ..
حَدَائِقَ بَابِلٍ
وَاسْتَوْدَعَتْ مَا بَيْنَ جَفْنَيهَا ..
مَآسِيَ كَرْبِلاءْ
مَا زِلْتِ يَا بَغدادُ ..
قَافِيَتي التي تَغْفُو عَلَى صَدْرِي
وَتَمْسَحُ غُرْبَتي
وَتُذِيبُ لَيْلِي في نَهَارِ عُيُونِهَا
فَتَسِيلُ مِنْ حَرْفِي نُبُوءَاتُ الضِّياءْ
مَا زِلْتِ يا بغدادُ .. جَيْشَ مَشَاعِري
مَا زِلْتِ بَيْنَ كَتَائِبِ الإِحْسَاسِ ..
حَامِلَةَ اللِّوَاءْ
مَا زِلْتِ عَاصِمَةَ الخِلافَةِ في دَمِي
حتى وإنْ هَجَمَ التَّتَارُ ..
وَأَحْرَقُوا ثَوْبَ السَّلامِ ..
وَأَغْرَقُوا شَرْعَ الكُتُبْ
وَأَتَاكِ "هُولاكُو" ..
لِيَحْفُرَ في تُرَابِكِ .. بَاحِثاً ..
عَنْ كَنْزِكِ المخبُوءِ .. في بِئْرِ الذَّهَبْ
وَتَجَمَّعَ الكُهَّانُ حَوْلَ البِئْرِ حتى يُغْرِقُوكِ ..
وَيَأْخُذُوا مِنْكِ القَمِيصَ ..
وَيَرْجِعُوا لِشُعُوبِهِمْ بِدَمٍ كَذِبْ
وَاسْتَيقَظَ التاريخُ يَهْذِي .. مِثْلَ مَحْمُومٍ ..
وَيَسْألُ: مَا السَّبَبْ ؟!
هَلْ مَزَّقُوا مِنْ صَفْحَةِ التاريخِ أيَّامَ العَرَبْ؟!
هَلْ نَامَ جَيْشُ "ابْنِ الوَلِيدِ" عَلَى الثُّغُورِ ..
لِيَحْلُمُوا بالنَّصْر ِ ..
حتى قامَ يَجْنِي الحُلْمَ جَيْشُ "أبي لَهَبْ"؟!
* * * * *
يَا لَيْتَ شِعْرِي في يَدَيَّ ..
رَصَاصَةٌ عَرَبِيَّةٌ
أَرْمِي بِهَا .. مِنْ فُُوهَةِ القَلْبِ المُصَوَّبِ..
نَحْوَ هذا المُغْتَصِبْ
لَكِنَّني ..
مَا كُنْتُ إلا .. شَاعِراً
مَا في يَدِي إلا ذَخِيرَةُ أَحْرُفي المَلأَى ..
بِأَلْغَامِ "الأَدَبْ" ..!
قَلَمِي .. أُعَبِّئُهُ بِحِبْرِ عُرُوبَتِي
فَيَرَاكِ بَاكِيةَ العُيُونِ عَلَى قُبُورِ الأُمْنِيَاتِ
فَيَرْجُفُ القَلَمُ الغَيُورُ بِرَاحَتِي
وَيَظَلُّ يَقْذِفُ بِالقَوَافي الحارقاتِ
يَقُولُ: لا تَسْتَسْلِمِي يَا حُرَّةَ العَيْنَينِ
يَا مَنْ عَلَّمَتْ أَشْجَارَها ..
وتُرَابَها .. وبُيُوتَها .. وفُراتَها ..
.. لُغةَ الغَضَبْ ..
لا تَيْأَسِي إنْ جَفَّتْ الأغصانُ وَقْتَ خَريفِها
فالجِذْرُ في الأَعمِاقِ يَحمِلُ بَيْنَ كَفَّيْهِ الرَّبِيعَ
.. هديةً لَكِ ..
وَالسَّوَاقِي .. لا تَزالُ مَليئةً بالحُلْمِ
وَالشَّمْسُ العَنِيدَةُ لم تَغِبْ
فاسْتَبْشِرِي يَا زَهْرَةَ التَّارِيخِ
وَلْتَتَزَيَّنِي .. بِقَلائِدِ النُّورِ المُزَغْرِدِ
وَالْبَسِي الثَّوبَ المُطرَّزَ بِابتِسَامَاتِ الشُّمُوسْ
فالنَّصْرُ ..
فَارِسُكِ الوَسِيمُ
أَتَاكِ فَوْقَ حِصَانهِ ..
وَعَلَى يَدَيْهِ الفَرْحَةُ البَيْضَاءُ ..
صُبَّتْ في كُؤوسْ
فَلْتَشْرَبِي نَخْبَ السَّعَادَةِ مِنْ يَدَيْهِ ..
وَأَعْلِنِي الأفْرَاحَ في عَيْنَيْكِ ..
أَيَّتُهَا العَرُوسْ
وَلْتَبْسُطِي كَفَّيْكِ نَحوَ الحُلْمِ ..
فَالأحْلامُ تَحتَاجُ العِنَاقْ
وَدَعِي فُرَاتَكِ ..
كَي يُقَبِّلَ كُلِّ حَبَّاتِ التُّرَابِ
فَتَرْتَوِي رَحِمُ الحُقُولِ ..
وَتُنْجِبُ الأيامُ .. أزهارَ التَّوَحُّدِ وَالوِفَاقْ
وَغَداً..
سَيَسْبَحُ في حُروفِ النُّورِ صَوتُكِ..
شَادِياً:
يَا لَيلُ.. قَدْ جَاءَ النَّهَارُ
وَفَازَ خَيلِي بِالسَّبَاقْ
يَا شَعْبُ..
قُمْ واهْتِفْ
وَجَدِّدْ بَيْعَةَ العِشْقِ القَدِيمةَ
ثُمَّ رَدِّدْ نَصَّ مِيثَاقِ المحَبَّةِ
قُلْ مَعِي:
(( الحُلْمُ بَاقْ ..
والنَّبْعُ فَاضَ بِالاِشْتِيَاقْ ..
وَدَمُ العُرُوبَةِ واحدٌ ..
واللهُ أكبرُ يَا عِرَاقْ
اللهُ أكبرُ ........
......... يَا عِرَاقْ ))
**************************
شعر/ مصطفى الجزار
https://www.facebook.com/mostafa.algazzar.poet
http://www.youtube.com/user/mybox4

قصيدة (مطري يسافر في سحابك) للشاعر مصطفى الجزار- ورأي لجنة تحكيم أمير الشعراء 2007

النص الكامل
https://www.facebook.com/mostafa.algazzar.poet/photos/a.696041800408900.1073741828.354490191230731/698657103480703/?type=3&theater

عيون عبلة - كلمات مصطفى الجزار - ألحان وغناء رشيد غلام

نموذج أداء صوتي- مصطفى الجزار

سِرّ القبول
********
مش عايز الرزق الكتير لو فيه حرام
طعم الحلال كُلُّه رِضا.. ودا مش كلام
لا باذِلّ نفسي للبَشَر.. ولا بانحِني
أنا مش فقير.. علشان انا.. عبد {الغني}
*****
رِضا ربنا.. ازّاي تنولُه بالذنوب؟!
لازم.. تتوب
الطاعة سِرّ الرزق والخير والمَدَد.. سِرّ القبول
والمعصيَة.. حُفرة ف طريق الرزق مانعاه مِ الوصول
سِدّ الحُفَر بالتوبة... وارجَع للكريم
قُولها بقلبَك واعتذِر: {أستغفِرُ اللهَ العظيم}
*****
أغنية "سر القبول" تتر نهاية مسلسل "طاقة نور" كلمات مصطفى الجزار / غناء علي الهلباوي
https://www.facebook.com/mostafalgazzar.poet/

أغنية سر القبول تتر نهاية مسلسل طاقة نور كلمات مصطفى الجزار / غناء علي الهلباوي

صفحة الأعمال الصوتية للشاعر المصري مصطفى الجزار

mostafalgazzar

Popular tracks