ولااااااااااه أمهند :'D

انت فشيخ بس :\ بتسمع الجوكر كتير


#VERSE1
كوني مش برتبط مش معناه إن أنا مُعقد
بالعكس ؛ أنا كاره صورة عرضك للموضوع مش أكتر
أنا قبل ما آخد خطوة بسأل نفسي إيه عواقبها 
أنت بعد ما خدت الخطوة قلت "يا ريت كنت حاسبها"

ليه مارتبطتش لسة؟ لأن ماعيش فلوس الدبلة
مش هربطها معايا بـ "كلمة" مش هتبني طوبة في بيتنا
مافيش (روميو) و (جولييت) ؛ كلامك مش هيفتح بيت
معاك فلوس تجيب الشبكة ولا تروح مطرح ما جيت؟

الحب مش بيأكّل عيش ، أهل ليلى رفضوا قيس
شكليات مُجتمعهم بدّلت غالي بـ رخيص
كرهت غباء عُرفكم : مهر وشقة... ده همكم!
إزاي "بتشتروا راجل" وأنتو بتتاجروا في بنتكم

طب أعمل إيه يا عمي؟؟ اللي أنت طالبه فوق قدرتي 
إيه غلطتي؟ عاوزها في الحلال ، وتقولي (مش قسمتي) ؟
ماتقولش دي "قسمة ونصيب" ؛ لأ دي قسمتك أنت
كان زماني متجوزها لو ماكنتش هي بنتك

#CHORUS
عارف إني بنده جوا صحرة مجتمعكم 
سيبوا كل عرف فاشل ، ليه على الجهل إجتمعتوا؟
مابقولش "جوّزهالي بديني وبأخلاقي" برضو
بس يبقا فيه نسبة وتناسب بيني وبين طلباتكو

#OUTRO 
بقيتوا محسسني إن جوازي منها جريمة 
طب ما أمشي معاها في الحرام ؛ ده أريح ليا وليها 
بس أنا خدتها من باب إن أنا عندي ولايا وبخاف
لا يحصل فيهم نفس اللي أنا هعمله معاها بشكل عام
=D
 https://www.facebook.com/mouhand.youseef
الاكونت بتاعى 

Comments

Mohamed Salah

mouhand yousif

hassan pts

Khaled Elbeak

fat7iii

Hazem Ahmed El-Shaعer