الله .. موسيقى مروان انور وقصيدة ابو الوفا :* عندما تمترج الموسيقى مع الاحساس ♥

كلمات وأداء : محمد أبوالوفا

- مخنوق من ايه احكيلى
- مش عارف .. عاوز امووت
انا عمرى ما كنت كويس
ولا كنت فى يوم مبسوط
انا اكتر واحد يضحك
لكن من جوه حزين
وانا اكتر شئ يتعبنى
مش عارف اشكى لمين.!!
- احكيلى حبيبى وقولى
انا اقرب حد إليك
- صدقنى ياصاحبى ان اهمى
اكبر من اى كلاااام
معلش انا عاوز انام
مضطر استأذن حالا
وانا يمكن أحسن وقتي
لما ابقى بعيد عن ناس
وانا برضه هقوم واصلى
واقرأ سورة الإخلاص
وادعيله يارب اشتقت
انا عاوز اطلع فوووق
من كل الخلق زهقت
وكرهت اكون مخنوق
_______________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


قصيدة مخنوق ... محمد أبوالوفا

كلمات وأداء : محمد أبوالوفا

استمتع بحياتك جدا
خليك مبسوط ... قبل ما هتموت
أوعاك تنسى فــ يوم الضحكه
هتعيش حزنان ... هتموت أرفان
مخنوق مـ العيشه ومـ الوحده
صاحب أشخاص ... اكتب برصاص
اوعاك تكتب ناس بالجاف
الناس ألوان ... ملهُمش أمان
والقلب كفيف للناس لو شاف
خليك مُهتم ... جدا بحبيبتك
متحسسهاش ... بالنقص فـ غيبتك
حسسها بإنك ... مخلوق علشانها
وان انت فـ وقت .. الشده آمانها
وان أنت الأب .. الأخ .. الناس
خليك مهتم ... خليك حساس
حب بمقدار ... من غير تفريط
أوعاك تنهار ... أو تبقى عبيط
قرب بشويش ... اضحك فـ وشوش
ماتقولش دا ليه ... ولا حتى أزاى.!؟
حب اللى يقولك ... تعالى اشرب شاى
حُبك للناس ... أجمل إحساس 
راح تشعر بيه فى البشريه
والفرحه تزيد ... وده برضه أكيد
لو كانت الناس حباك هيا
استمتع جدا بحياتك
الدنيا دى أصلا شئ فانى
كم قبلك ماتوا بدون فرحه
مين فيهم راح يرجع تانى
_____________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


استمتع بحياتك ... محمد أبوالوفا

قصيدة زيارة
كلمات وإلقاء : الشاعر محمد أبوالوفا
_______________________________

مبسوط بوجودى معاكم
لو ينفع ممكن اكمل
لو أى صعوبه هتحصل
انا ممكن عادى اتحمل
قاعدتكم فعلا اريح
من ناس عايشين ع الأرض
مش فارقه معاهم حاجه
عايشين بالطول والعرض
وفى ناس عايشين بوشوش
تتلون طول الوقت
ملعون الكدب وناسه
اسف لو كنت أسأت
ميصحش فعلا اشتم
ولا اجيب فى سيرتهم حتى
- من باب تعظيم المجلس -
ولكنى انا بسأل دايما
الناس راح تنظف امتى
صدعتم منى انا عارف
أنا برضه كلامى كتير
لكن مشتاق لوجودكم
انا فعلا نفسى اطير
معلش انا لازم امشى
الظاهر وقتى ماجاش
ومسيرنا فى يوم نتلاقه
من خلّد فيها وعاش
م الحق قولولى اخباركم
الناس اخبارها ايه فوق.؟
مأظنش ممكن الاقى
مخلوق يقتل مخلوق
ولا يهتك حتى العِرض
مليون فى المية بخير
طول ما انتو بعيد ع الأرض
انا قلت ازور الأخره
كلها ايام وراح اصبح
انا واحد م المقيمين
ربنا يرحمنا وانتم
السلام عليكم...
دار قومٍ...
مؤمنين..
________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


زيارة ... محمد أبوالوفا

 بقيتى اكتر من الإدمان
ومش عاوزنى منك أخف
ياريت الجرعه لو تكتر
وعقلى بيكى بس يخف
_________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


قصيدة إدمان ... محمد أبوالوفا

....
...
..
.
مادمتى نويتى ع الفرقه
ياريت تعطينى كل حاجات عطتهالك
وهاتى كل شئ خدتيه
هاتيلى عُمر..
بدال عمرى اللى ضيعتيه
هاتيلى روح..
مكان روحى اللى خدتيها
هاتيلى قلب..
مكان قلبى اللى كسرتيه
ولو مش قادره عادى خلاص
هاتيلى حاجه تحوينى
هاتيلى قبر اسكن فيه
________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


هتيلى قبر ... الشاعر محمد أبوالوفا

كلمات وإلقاء : محمد أبوالوفا

موسيقى : مروان أنور
________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


قصيدة  وحشتينى ... لـمحمد أبوالوفا

كلمات وإلقاء : الشاعر محمد أبوالوفا
_______________________________

لما تبقى الدنيا أديق 
زى فتحة الخياط
لما تبقى الخنقه خنقه
كل شئ فيه إنبساط
لما يبقى الموت أمل
لما تحيى العمر كله 
بس عمرك فيه ملل
لما بتعيش فى إنضغاط
لما بتفضفض لليلك
بس فضفضتك ياعينى 
كلها بتكون عياط

لما تبقى الدنيا عندك
بس تلقى كل شئ
بيجى قصادك انت يقوم معاندك
لما تبقى فـ سكه زحمه
بس بالنسبالك أنت 
صحرا فايضه
كل خلق الله سابوك
لما تلقى أعز ناس
بالرخيص فعلا بعوك

يبقى لازم وفـ ساعتها
تجرى للى مش ناسيك
تترمى بين إيد حبيبك
اللى عمره ماراح يسيبك
لما تبقى الدنيا صدى
بعد ما تتوضى ... صلى
قوله ربى انت عالم ايه حصلّى
حتى لو من غير ما هحكى
حتى لو من غير ما أقوله
بس هحكى لأنى عارف
إن ربى يحب يسمع
لما عبده يشتكيله

________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa

قصيدة " خرم إبره "  ...  لـ محمد أبوالوفا


فى ديسمبر .. (1994)
بالظبط فـ يوم السبت .. (24)
تحديداً .. بعد أدان الفجر
أمى بتحكيلى بإن اللحظه دى كات فارقه
فى حياة العيلة ... وبفارغ الصبر
الكل استنى .. ليا معاد
وخصوصاً إن أنا اول واد
الفرحه اضاعفت بنزولى على وجه الأرض
وفــ عز البرد
والدنيا بتشتى وبتجمد
وبدون ترتيب 
قام أبويا قال اسمه "محمد"
واشتالنى وأذن فى ودانى
واتمنى أكون إبنه الصالح
وفضلت لمدة "ست" سنين
أنا أكتر عيل يدلع
انا أكتر واحد لما بيزعل .. يتصالح

بعد العشرين...
مفهوم الناس ليا اتغير
الحب أكيد قل شويه
عما انا كنت ساعتها صغير
وساعات انا بشعر بالوحده
ومحدش عاد مهتم أكيد
مش فارقه معاهم ايه حاصل
مش فارقه معاهم أى جديد
حتى على ميلادى يقولوا 
إيه خلى ميلادك أصلا عيد
إنسان مولود ... إيه يعنى.!!
ودى اكتر حاجه بتوجعنى
ان أشعر إنى بجد وحيد
مش عاوز حد يهنينى
باليوم من بعدها ينسانى
انا عاوز حد فاكرنى بجد
عاوز ارجع عيل تانى

________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa


قصيدة عيد ميلادى لــ محمد أبوالوفا

قصيدة .. أخر صورة مع صاحبى

كلمات وإلقاء .. محمد أبوالوفا

________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa

قصيدة .. اخر صورة مع صاحبى .. لــ محمد أبو الوفا

قصيدة .. سين و وواو 
كلمات وإلقاء .. محمد أبوالوفا

اوعاك تصارحها في يوم وتقول
على كل اللى مخبيه جواك
مين قالك يعنى انها حباك
علشان تتجنن وتقولها
..
...
....
بنت عمه .. من صغرها بتحب "سين"
مكنتش تعرف ان هو انسان حزين
كاره  حياته ودنيته 
ممكن يحب الكون بحاله
الا الوحيده اللى برضاها حبته

الا الوحيدة اللى رفضت اى حد يحبها 
علشان تحب فــ حد بيحب فــ فلان تانى
الانسان بطبيعته انانى
..
...
....
الحب قرار
مش بس مجرد احساس


________________________________

الأكونت الشخصى : www.facebook.com/Ms.AboElwafa

البيدج على الفيس : www.facebook.com/Page.Ms.AboElwafa

قصيدة وحشتينى ... لـمحمد أبوالوفا

Mohamed Abo El Wafa

Recent comments

Amany mony

Hamdy Ahmed Rizk

Related tracks